jjjjoy's Profile

Lunch time點咗一個牛肝菌意粉完全係豉油撈意粉，超級無敵勁鹹完全食唔到侍應哥哥態度好好，入去廚房反映番但就無任何補救措施結果我都係食唔到一半有多後來一個疑似老闆娘嘅人態度超級差到付款埋單，佢部卡機壞咗，試咗好多次都唔得插又唔得，嘟又唔得，試咗幾張卡都唔得跟住八達通又話唔收呢個老闆娘仲要喺度唔客氣地串返客人唔俾現金總結係食物加態度都令人失望價錢又唔平午膳時間都空晒無人幫襯也反映了狀況吧😕無心做的一間餐廳可以不用再試…Read More

見新開張都幾企理就試下我叫咗芋泥西米露都唔平但係一啲芋泥都無問女店員確認，佢話係有落一球係入面係佢面前撩底都係無見到但佢堅持落咗咁好囉….我成碗食晒結果都係一丁點芋泥都無埋單時再同男店員反映咗聲個情況淨係講咗句唔好意思…..咁即係我就食咗一碗好貴嘅椰汁西米露勒味道就係普普通通椰漿開水變做椰汁嘅味入面嘅芋頭粒亦未煮熟硬硬地同埋好細粒其實仲有叫左個朱古力三重奏有球雪糕同窩夫都係普普通通個窩夫係入面好硬果種同埋都少少貴整體來講不會再去…Read More

開店以來都有幫襯開，仲食到去荃灣嗰間，最鍾意佢有酸齋可以揀，本來今日諗住去食多次，多人啲等位都冇所謂但店面阿姨級員工次次都呼呼喝喝，越做越冇禮貌越做越囂張。自己嗌位唔清楚，完全冇叫號碼，就咁叫人入去入去，我就禮貌地等候，竟然鬧翻我轉頭話我嗌極都唔聽。冇錯係當住全店人不停咁鬧我。其實之前入去食嘢都係呼呼喝喝，都俾過幾次機會，次次要受氣，今次決定永不返轉頭了食物未至於好食到要我咁樣去受氣，希望店家可以自己反省同改善下。係咁先啦，畢竟大埔大把有人情味嘅食店可以選擇…Read More

盡量精簡地講下pros and cons:😐😐😐1. 派飛入座混亂：Lunch time去，當然超多打工仔等位。派飛嘅哥哥好亂，皆因張飛根本唔係飛，係紙碎，手撕一小塊俾大家。佢自己果張mark嘅又係廢紙咁。大家喺門口等極都未攞到飛，佢自己又唔記得咗叫咗咩人入去。其實預咗午市多人，可唔可以正正經經印定啲號碼紙派？organised 少少？2. 人手不足，主次不分坐滿全場應該都有30個食客，但侍應得兩人，其中一人仲要派飛、安排入座同收錢。另一個係幾枱人叫佢落單嘅時候，竟然仲可以一絲不苟咁執野、抹枱、放靚餐牌。轉頭又走咗去出菜，大家等左勁耐先可以落單。落單又係搞笑，拎部ipad出來，又要等。間野又唔係多選擇，快快脆脆寫張紙有幾難？3. 人手不足，仲要浪費人力等左十五分鐘麵食終於到，但係竟然冇筷子。又要等。不如你放一桶筷子喺枱我哋自己搞掂啦，唔使你去逐枱派筷子。4. 野飲又要等食完晒野都未嚟，再等。5. 份量奇少，女仔都食唔飽我叫咗招牌船面，非常意外個黃麵真係四啖食完。豬潤切到平時喺街食嗰種嘅三份一咁薄，冇誇張到，同薄切肥牛嗰啲嘅厚度一樣。豬肉片都係。最飽肚嘅竟然係兩粒丸。其實可唔可以唔好咁孤寒？6. 俾錢買單又係亂大佬你又iPad落單咁，唔係有晒記錄咩？又問我食乜，又要再三確認我有冇嗌小食，講完你又唔信又要望我坐張枱🙂🙂🙂1. 湯底特別湯底係特別，出面未試過。係咪話好好味呢， 又未至於，似牛肉湯加咗辣椒同埋糖去煮嘅味道囉。食完成個下晝好口渴。2. 飲品算特別好辛苦再諗，檸水檸茶係用青檸，又係少少特別咁囉。🤔🤔🤔總括以上，弊多於利。加上我返office工，晏晝得嗰一個鐘食飯，要咁樣等法，又唔係話好好食同合理份量，真係冇可能再去。希望店主有心做嘅話，改善一下以上方面，第一步請多個夥計先啦。…Read More