Crystal Siu831's Profile

星期日行行下商場見周圍都咁多人 唯獨依間日本野有位 諗住試下新野 點知原來冇人等係有原因 真係未食過咁難食既日本野前後叫左兩個餐：沾烏冬跟壽司 同埋 北海道飯（吞拿魚帶子魚生飯）首先講下個沾烏冬，個醬汁勁多油 沾落同點辣油食冇咩分別（附上相可以參考下）。個汁難食都算，d伴菜都相當難頂。碗面既中間有隻蛋，心諗蛋應該係依個世界上最安全 唔會難食得去邊既野 點知 哇！係實心既「sap」蛋 咩味都冇。果3片豬肉就更加唔洗講，鞋到食左一塊就想死。仲有另外個幾件壽司，魚生好唔鮮新又唔靚，有筋，又冇鮮味，爭鮮$3舊都可能好味過佢。再講下個魚生飯，呢碗先係經典！！有冇人食過熱既魚生飯？係 熱 既 魚生飯！好驚。d飯仲要唔係醋米，係普通係屋企煲既白飯，熱辣辣既。我地真係o曬咀，唔好同我講係日式fusion中式白飯總結係 唔好幫襯 我都唔會再幫襯！…Read More

第一次寫食評，因為依間餐廳令我「大開眼界」！！！！！！一入黎叫左個蒸海鮮餐 落完單我地就自然去左自助吧度拎下打邊爐嘅材料 點知 原來食蒸海鮮餐係唔洗拎野食住 咁但係唔拎都拎左啦咁咪放係枱上面囉 洗死咩？？？？？無啦啦有個金髮男部長行過黎惡言相向 鬧我地做咩要出去拎野食，拎野食會阻住枱。下？咁你一開始唔講？ 咁唔拎都拎左啦？係咪掉左佢？重點！跟本張枱就夠位擺 又冇阻住你地上海鮮 做mud9啫？咩服務態度？都算啦，入左黎都要食，以為依間野得一個員工咁差啦！點知... 到埋單啦，我地就打算拎張優惠劵出黎用。另一個灰色衫女經理又西口西面，話優惠券要一入坐就拎出黎，態度勁差咁同我地講：「下次唔比你咖啦！」我地心諗，你一開始又唔講清楚，鬼知呀？我地係你餐廳做呀？仲有!!!!!! 自助吧有曱甴，點睇？一句講曬，冇下次。態度勁垃圾，食物質素都普通。…Read More