fung0306's Profile

請咗同事去吃生日快，M88 7/F 魚治，中環店好多美女幫襯，12：00walk in好彩仲有位，限時1小時交枱，就咁決定坐低，我必定要試鰻魚飯set+蘋果汁，杯蘋果汁大家真係要加錢買嚟飲，不是死甜，無渣，好滑口。主菜鰻魚飯好肥味囉...厚肉！唔會太油膩，飯吸收鰻魚汁味道，堅喺正到想吃多碗！…Read More

今日中午搵食，來到馬可孛羅酒店連卡佛旁的餐廳sensory ZERO，時間尚早不用排隊，掃QR code落單非常方便，餐單食物選擇不算多，但有質素，另+$10可以選擇餐湯及沙律，咖啡/可樂免費，可以加錢要特色餐飲。是日餐湯 忌廉蘑菇湯慢煮雞胸肉野菌羅勒醬扁意粉我係豆腐飯。唐揚炸雞配黑醋汁 炸豆腐慢煮雞胸肉沙律老婆都話好味，而且非常健康，價錢亦唔算太貴！如果行街太攰可以坐低飲咖啡及食小吃，是一個不錯的選擇，所以路過不要錯過！如果餐廳願意免收加一就會更佳。…Read More

城中泰疫情前確實較少人幫襯，我曾經幫襯過，真係好好味，但感覺有點貴。及後因為商場裝修的原因搬走了，上年終於在嘉湖重新營業，地點更為有利，眼見食客多咗好多。當晚坐低食飯前，見到職員清潔得好乾淨，仲有幫你消毒坐位，吃得安心其泰菜食物確實保持新鮮好味，炭燒牛肉沙律是必點的食物，因為牛肉味突出，配以沙律菜一切吃，非常fresh呀，切一條條不會太大塊，容易放入口，讚呀，菠蘿海鮮炒飯，都是個人推介！😋😋顏色吸引，菠蘿是烤熱過，我鍾意佢加了腰果，連埋炒飯一齊吃，特別香！放心，餐牌款式好多，建議多d人一齊嚟開飯，可以試到唔同的食物😊…Read More

行完濕地公園，經過一間吃點心的餐廳，其實每次經過，都算多人等候，今次不用排隊就可以入座了。和酒樓不一樣，店的裝修簡單，坐位亦有限，放心設搭枱🤣，唔喜歡都要接受。洗杯碗的流程仍是需要的，始終飲茶嗎。點心都係正常的酒樓系列，欠特色點心。比起酒樓的味道確實差少少，淡味少少（健康d掛）。印象最深：奶皇飽是傷心的樣子，吃完都唔會開心d。最難吃：牛栢葉，漂得太入味。份量最少：一般腸粉是3條，我第一次見到收正常價而比兩條你囉...（沒有問是否比少咗）鳯抓排骨飯如果用盅頭飯就會讚啦，現在大蒸籠又淺，兩口子吃幾啖完了，沒有加辣，味道唔夠香，建議叫碟飯算了。飲茶都係茶樓比較好🤭…Read More

區內吃壽司的選擇是有的，不過整體質素確實元氣是保持穩定，且掃QR code落單，方便快捷，確保不會漏單。新店地方確實可以再大d，等大家可以坐得舒服d。耐不耐吃下，餐牌不斷推新食物，確保食客有新鮮感，包保唔會次次食同樣的款式。…Read More

今日下午於海港城揾食，對台灣的風味有點懷念，故前往這間餐廳試試。餐廳裝修其實簡單，只有坐卡位的吃客會有點去旅行的感覺，因為牆身的電視會不停轉換畫面，影相還可以，坐中間席的就無咩特別啦，食物選擇不算多，主力還是台灣牛肉麵和魯肉飯，仲有台式小食，餐牌上有蛋餅，是其特色，卻沒有蠔仔產物。台灣牛肉可配粉絲或刀削麵，要讚是它的湯底，是鴨肉湯底嗎？但可惜的是主角牛肉真係一般啦...魯肉飯都係細細碗，價錢唔算平呀，可以改套餐就好了。最後試下骯髒咸蛋黃芋泥蛋餅，因為主打都唔太好吃，蛋餅都不要有寄望啦。整體第一次吃，感覺一般般。…Read More

NENE CHICKEN都喺第一次幫襯，跑完步當然好肚餓，見到這間吃我最愛的Korean food，貼地價錢，選擇多多，真係超鍾意！同太太吃中午，2個人竟然叫了3個餐，石頭窩飯吃完暖在心啦，海鮮鍋湯底少辣，冬天適合。個chicken burger就真係差啦，因為舊雞肉太細唔知吃咗d咩...建議老闆改用雞扒會好d. 飲品都多選擇，無試特飲，等大家試完話我知啦。吃唔晒可以打包，當然要加收$1...埋單2xx，真心抵吃！大家行完街可以去試下。平日lunch set仲要買3送1...應該無得輸！…Read More

今晚試下HSBC DINNER SET OFFER，1個套餐內都有多款小食及主吃及甜品選擇，海皇湯水海鮮豆腐配合，味道唔錯，鍋貼不厚皮及多肉汁，紅繞牛肉麵原來好大碗，已經開始飽飽地，太太至愛吃酸菜魚（但味道一般)，酒釀丸子非常堅韌。服務員會主動加茶，服務態度非常好整體2人餐其實可以3人分享都足夠，多謝收看。…Read More

熱玫瑰苿莉花啫喱茶$30低温慢煮雞肉沙律$78鰻魚滑蛋丼$98Tamago-EN原味梳乎厘班戟$68簡單的晚餐，幸好晚上不用排隊，可以慢慢享用，我喜歡吃沙律，好清新，雞肉是我的至愛，減肥必吃！…Read More

早上10點安排去香港故宮博物館參觀，中午順便在附近揾吃，金玡居就在博物館展館的背面，對出是維港海景，可選擇坐室內及室外，留意可以用GULU攞飛，排隊更加快捷方便。餐廳簡約裝修，餐廳員工人手充足，食物放心好快送上，今日安排坐BAR枱，見到水吧得一個哥哥仔，不停出Order，忙個不停🤣。兩口子第一次幫襯，order安格斯牛肉麻醬拌麵$98+花雕雞湯麵（配香葱雞肉）$128+溏心蛋$15+鹽酥雞$58+黑糖珍珠奶茶$38。兩款麵都超好吃，麻醬及花雕香味突出，香蔥雞肉切片上，屬必吃推介，其他都屬正常。忘記影餐牌😅，最重要享用了一餐豐富的午飯，真係感謝煮！連加一埋單是$370.70，挑剔是沒有提供客人一杯水...…Read More

晚上到了元朗形點揾吃，見7點walk-in仍有位，見佢平時賣雪糕好吸引，唔諗太多入去坐底，Menu選擇不算多，但款式吸引，價錢大眾化，目測較多年輕人幫襯。我和太太order二份Dinner Set, 基本有是日餐湯，羽衣甘藍雜菜沙律，水果，主菜是浦燒鰻魚醬油漬蛋飯及黑松露蛋黃醬親子雞扒配蕎麥麵，賣相確實吸引，食物味道唔錯，因為吃飽咗，已無法吃雪糕/點品了，有點可惜。另外，建議餐廳改善一下，當坐滿時，其實沒有足夠通道行過，要食客起身讓路，是急需要改善的地方，其次食飯觀感問題，坐了死角位，見到店內放了些常用物資，應該收到內部攞放，其實對住堆雜物食飯真係難頂，第三是小昆蟲（指蚊子）都幾多下，常在食物上亂飛，都幾可怕，最後食完未到45分立即離開了。…Read More

端午節同家人在六公館飲茶，第一次去吃，所以枱是一早訂了，12點入坐，原來walk in都仲有位嘅。進入餐廳，裝修都好靚，仲有不同顏色的杯碗，非常吸睛，我們叫了玫瑰花荔枝茶，茶味是與別不同，餐牌點心選擇算多，價錢方面預咗貴，租金問題，仲有地點與無敵落地靚景，六角形蒸籠裝住點心，是獨有設計，大部份點心味道同酒樓相約啦，唔講太多，等大家去試啦，叉燒大大件，入口感覺嫩口，流心飽點口感好正，一啖咬落去，汁是慢慢流出香味，楊枝甘露及雪梨更是值得推介！餐廳對出還有地方影相打卡及小朋友可以在草地上走動，放電一流！…Read More

星期六的晚上安排睇戲，當然要揾地方先食飯啦，剛好6年前幫襯其他分店，太太提議屯門都有分店，所以就咁決定了。時間可能尚早，6：15已入座，未爆滿，可以在GULU系統攞飛，方便好多。環境好正，我們坐窗邊位置，仲有陽光照入，加上音樂播放，超Relax。餐廳採用掃QR code落單，有幾款Special Menu，不過飲品另計，上菜速度都快。今餐吃意粉+Pizza+雞翼+甜品+芝麻Coffee. 意粉d雞肉好味，Pizza加了牛油果都係第一次吃，幾特別，咸蛋味的雞翼怪怪的，Tiramisu甜品，獲獎的芝麻Coffee，初飲都唔錯喎👍👍👍，想舒服吃餐飯，會推介這間比大家。…Read More

星期六的下午，去濕地公園前揾吃，行經Wetland Season Park對出路邊的餐廳，見到這間餐廳，內部裝修帶點Cafe feel, 有中有西式食物任君選擇，叫咗叉燒煎蛋飯同德腸熱狗沙律，另加$8蚊香煎魚餅(三片)，首先下午茶價錢吃中午/晚餐的份量，煎蛋飯有兩隻蛋呀！,另外叉燒都有六七塊，仲要大大塊㗎。味道ok...如果喺豉油落啲功夫就仲正😅。特長熱狗真係長到嚇親你，比起刀叉還要長，真係好少食過咁長嘅熱狗呀！算喺抵吃！環境都算寫意，有太陽照入餐廳，坐喺窗邊幾舒服。…Read More

6位準時入座，2小時準時交枱，1.5小時截單，無問題，因為Order完全無漏👍👍，密密叫，密密吃，仲要食物好快送到，慢慢吃個飽呀。最估你唔到，竟然有酸菜魚食！真係冇諗到日本餐廳任食放題都可以有得嗌，仲要係好好食！醉鮑魚甜甜地有驚喜！仲有扇貝，壽喜燒牛肉鍋，都好正！仲有最愛嘅燒鰻魚同雞翼，日本魚生新鮮，砌得靚靚地打卡，海膽手捲，實在太好選擇，不停Encore，吃埋雪糕作結，仍回味中，好想再去幫襯呀！…Read More