MarkNg5341's Profile

食過好多拉麵終於揾到一間拉麵店係合我口味，就係別府的拉麵，我叫左個黑蒜油腩肉拉面，無論係湯，腩肉定拉面的面質都做得好出色，湯的黑蒜味唔會太甜，反而剛剛好，肉質嫩滑，一咬即碎，入口即溶，拉面好彈牙，入湯口更入味，每淡都好出色。…Read More

今日陪朋友來到旺角的一間樓上餐廳MINI Friday。如果唔係朋友帶路應該唔會揾到呢間餐廳，我地大概6點去到，呢個時段無咩人，唔需要等位，但到7, 8點的時段就開始好多人。呢間餐廳遍西式，有肉，有意粉，薄餅等等，但價錢偏貴，每樣菜都100以上，所以我地都無叫好多。首先，上台的人墨西哥脆片，免費任添，脆卜卜，開胃好適合。之後上的係炸芝士同鹹蛋炸薯角，炸芝士好脆，一咬落去熱辣辣，好正。之後終於上左期待左好耐的燒春雞，切開入面就見到嫩的雞肉，令人流曬口水，點左黑椒汁更加入味，推薦！…Read More

響中環返工lunch周圍都排長龍，而且好多都係貴價野食，今日我就來到好出名的筷子記叫左個車仔面外賣，落單的好熱情，比張點餐紙我地填完比佢就搞點，呢度比較細間，好難可以有位座，所以我都係建議買外賣，外賣都準備得好快，唔洗企等好耐。我叫左三送的車仔面，有香腸，菜，牛肉。拿到返office仲係熱，一打開已經閒到好重的辣味，面條分明，香腸同牛肉吸左d湯之後辣味無窮，十分正，由其係菜的吸汁豐富，真係辣盡我口。…Read More

今日去左一間好有日本風味的餐廳叫漁場台風，一入到店就感受到濃厚的日本感覺，音樂播住日本歌，店員都是以日本溝通，好似去左日本當地的餐廳一樣。一入到餐廳，店員便比左張小小的點餐紙我，我點左魚介豚骨拉麵，醬汁叫咗普通，另外加咗配菜增量叉燒。拉面的賣相好好，湯底十分濃香，能感受到豚骨湯煮，湯底應該熬咗好，溏心蛋的流心做得好出色， 麵條分明，入湯後味更出，叉燒肥瘦均衡，好有咬口， 好入味， 十分支推薦中意拉麵的你。…Read More

晚上經過葵芳看到好多餐廳都要排隊，於是我們就選了平時都不會去的PARKVIEW吃飯，為什麼我們一直都不會去，這是因為這裡的價錢有點貴，平均都要$120一個菜。這一次就來試試吧，但沒想到是，這裡的食物很普通，服務態度普通。首先上的是一個前菜，是餐包，甜甜地，幾開胃。我們叫的是晚市一人套餐，分別叫了蜆肉蒜香橄欖油意大利粉，還有蟹肉龍葵菇意大利飯。我的意大利粉味道很淡，橄欖油的味道很少，而且量也得少，汁不太濃滑。。我朋友的意大利飯味道也很淡，蟹肉無味，飯的味也有點勉強。…Read More

好久沒有行過深水涉的西九龍中心，同以前一樣都無咩點變，依然都好多平價野食，好多野玩，我地行過韓日燒見午時放題只需89! 於是我地想都唔洗想就入左餐廳，呢餐放題唔單只好平，而且仲有得坐2小時，食物種類十分豐富，有韓燒，邊爐，壽司等等。 食物選擇十分豐富， 蔬菜，肉類，腸類都放滿一個櫃，全部都已經醃好曬，令燒完之後好入味，多汁。除左燒的食物， 每張枱嘅側邊仲有迴轉壽司，咩種類的壽司都有，一次過滿足曬所有願望。燒的每一種肉肉汁豐富， 本來我以為89蚊 嘅韓燒質素應該不太好但竟然出乎意料地好。 燒爐下面放著一張牛油紙，唔怕黐底，如果牛油紙已經好多焦，可以自己好方便地更換油紙。 飲品方面，果汁汽水任斟，仲有咖啡奶茶。…Read More

聽講最近旺角開左間韓燒加火鍋的餐廳，於是便同朋友來試試，呢幾日天氣轉冷，最適合打邊爐同韓燒。呢間餐廳分左三個時段，價錢分別不同，最好就訂位，因為好多人排。$317任飲任食，可能你會覺得有d貴，但係放心，d野食係值呢個價錢。首先餐廳環境好大，員工的服務態度都好好。我地首先就去左拿野飲，呢度的野飲除左有汽水韓式飲品外，竟然仲有自家製的茶，呢d樽裝的茶都係由獨立的茶包泡製，我試的烏龍茶味道解渴又清新，值得推薦。我地叫左頂級韓牛餐，一來就上左一大碟好吸引的午肉，牛肉切得好薄，睇得出係高級的貨色，放上爐上很快就熟，燒的時候牛肉味已經出曬來，已經忍唔住要放入口中。牛肉果然好正，肉質嫩滑，香味徘徊口中，好juicy，一試難忘。我地都加點左其他牛的部位，每一碟都好正，食到牛不同的感覺。之後上的係牛肋骨煲，跟餐有蘿蔔、栗子和紅棗等配料。牛肋條炆得很軟，一咬就斷，加上配料的香味，十分入味。…Read More

突然Lunch同朋友想打邊爐，於是就揀左一間聽講平靚正的牛涮鍋，竟然唔洗等位就有位，我地想食平d，於是午餐我地揀左最平$118的美國進口牛肉放題，湯底則叫左番茄同未試過的黑蒜油湯底，我地總共有90分鐘的用餐 時間 。我地幾個坐響一個好大的圓桌卡位，好寬敞，台下面有部平板電腦，只要拉出就可以追加肉，加湯等等，十分貼心，唔洗次次都要叫人幫忙。我地唔係叫一人一鍋果d, 而共用一個大鍋，左邊係蕃茄湯，有超濃既蕃茄味，而右邊係黑蒜油湯底，有d似公仔面的湯底，味比較淡，唔推薦。我地叫的美國進口牛肉望落顏色鮮紅頗新鮮，紋理均勻，脂肪比例略為多少少，同埋比較薄切，食落雖未至於入口即溶，但係牛質算嫩滑，肉汁同湯底的配搭都做到滲透口腔的角落。除左肉當然唔少得各式的火鍋配料，餐廳入面提供的丸，蔬菜選擇都好多，以一個咁抵的放題來說好唔錯。我地除左牛亦有追加豬同雞肉，呢d都係免費，肉亦非常出色。最後當然唔少得甜品，首先拿左朱古力雪糕，呢度可以自己加 topping ，有朱古碎，m&m之類，除左雪糕之外，甜品櫃仲有CHEESE CAKE,馬卡龍,泡芙等等， 呢d全部都係細細件，唔會話食到太飽。飲品方面除左汽水外，仲有不同果汁如百香果茉莉茶。總體來說，作為一個150價錢內的放題，我係十分滿意。…Read More

今日受朋友邀約來到太子呢間慢煮工業食西餐，雖然聽人講太子呢邊好多好野食，但自己真係一間都未試過，今次來到慢煮工業真係明白呢種講法。大家去之前要注意啊，雖然呢間餐廳叫慢煮工業，但係佢個招牌係寫Under Vacuum，望到個招牌唔好以為去錯。呢間餐廳的風格主要以霓虹燈為主題，個氣氛好好，好適合情侶或者一班人來打卡。望到餐牌覺得樣樣野都好正，於是打算叫幾個菜同朋友們分享。第一個上的菜係蜜糖芥末烤豬仔脾，其實一直未食過豬仔脾，無想過第一次食會有咁大的驚喜，豬仔脾多肉香甜，配埋蜜糖芥末汁將成個肉的甜帶出來，用手拿住來食真係正。之後上的係我的叫的Snack - 脆辣一字雞翼，佢係入面有成10隻，夠曬多。雖然佢的外表有d似kfc果d雞，但係食落就知差天共地，用脆辣去形容呢個雞翼係完美，雞翼煮得熱騰騰，脆皮又面包住厚肉多汁的雞肉，再加埋獨有的汁，絕對係perfect match。呢開餐廳叫慢煮工業，我地當然唔可以唔試下呢度慢煮的扒，於是我地叫左個安格斯西冷牛扒，呢個牛扒真係物超所價，牛扒口感一流，肉汁鮮甜，外脆肉軟，絕對推薦呢個菜。…Read More

好耐無食過越南野，於是Lunch就同朋友來到就近的BEP Vietnamese Kitchen 同試下呢度的越南野。我地見個2-Course Set Lunch的價錢同散叫的價錢差唔多但仲有得送一個starter，於是唔洗想我地就每人叫左一個set。我叫的係2-Course Set Lunch入面的starter脆皮雲吞蝦，同mains的鑊仔牛柳粒飯。首先最令我驚喜係脆皮雲吞蝦，第一淡咬落去就feel到脆皮好爽脆，加埋鮮甜厚肉的雲吞蝦，真係一試難忘，我的friend試左淡都忍唔住想同我交換來食。到個main，第一樣要試的緊係d牛柳粒，本身我係無咩期待，但無想過d牛柳粒可以咁juicy咁fresh。就可以將一塊高級牛肉切成好多粒粒咁，所以食每一粒都係享受，但係飯同果d菜就真係無咩特別，呢個菜只可以算係有高級的牛柳粒配普通的飯。我的friend叫的set lunch入面starter係牛肉丸湯, main係雞絲粉，首先牛肉丸湯無咩特別，牛肉丸無話特別有口感，雞絲粉係比其他餐廳的都要好，配料同汁都做到越南的風味。…Read More

上次來左葵涌廣場的鄧媽媽，咁今日就去一間同樣好食同樣經典的麵店-唯一麵家。葵芳呢間唯一麵家位於葵涌廣場最底層，有D唔起眼，第一次去可能要揾一陣，店的坐法有d似大排當，都係預左要同人答台啦。呢度除左麵出名，菜飯都好出名，仲有係多有中國特色的野食你都會揾到，而且做得都好有中國的風味。我之前每次來係試擔擔面，今次就轉下新意思，叫左梅菜扣肉菜飯。菜飯並唔係菜加飯咁簡單，飯本身已經好好食，可能係混左菜汁，加埋d菜成個飯就變得好香菜味，淨係食個飯都會滿足，梅菜扣肉好厚好多汁，有少少肥，但係用來送飯真係無得彈。…Read More

來到葵涌廣場一定唔會無聽過鄧媽媽，我算係由細食到大，最經典的一定係食鄧媽媽的水餃泡飯，因為呢度的水餃真係好正宗。響呢度食野唔會有Waitress走過來幫你叫野食，一般都要行出去自己叫，最神奇係d姐姐永遠都知道你坐邊，明明叫野食過陣無提過自己坐邊，食物的種類好多，主要係泡飯，米線等，全部都好足料。因為平是泡飯果d都食得多，今次就想試試呢底的招牌擔擔面，睇下同其他面店有咩差別。首先值得一讚係呢度花生醬好足料， 撈勻咗啲料之後每一條面都佈滿咗花生醬，加上個湯低，真係十級滿足！ 唯一可惜嘅係佢啲湯底嘅辣味唔夠，無左我想要的辣的感覺，如果唔係就完美。除此之外我都嗌咗等媽媽嘅水餃，呢果水餃我係十級推薦，真係得呢度先食到， 我叫嘅係煮嘅水餃，當然好多人都選擇煎嘅水餃，水餃的料好足，肉味同菜味都好足，餃皮好有口感，加埋醬料真係無得彈！…Read More

平時返工放Lunch都會揀樓下就腳的翠華，主要因為唔洗等位而且食物選擇多樣，餐廳用餐都好舒適，雖然價錢有d偏貴左。今次我叫左沙嗲牛肉炒河，賣相都幾吸引，牛肉好大塊，好多汁，因為加左好多椒，所以內汁人面都好濃辣香味，好適合我呢d中意辣的人，沙河方面我覺得中規中舉，食左幾淡就已經無咩想繼續食，主要都係牛肉同汁最吸引。著白色西裝的朋友要注意小心d肉汁彈到件衫上面。我的朋友叫左豬軟骨米線，因為比較平，咁我都試食左下，豬軟骨的味道比較淡口，米線係幾易入口，但係都係有d淡口，無咩特別的驚喜，唔推薦大家叫。…Read More

今日放工來到葵芳新都會廣場揾野食，無想過平日都係間間餐廳都要等位，最後我揀左算唔洗等咁耐的和民（雖然都要等30分鐘…）一入到餐廳感覺餐廳好闊落，位與位之間有好多空間，講野大聲d都唔怕有人聽到，我同朋友被安排到一個卡位，唔洗同人逼，好滿意。呢度提供到各式各樣的日本食物，望到餐牌已經流曬口水，但係價錢就有d偏貴，平均要100蚊一個菜，最後我地分別叫左牛肉鍋燒烏冬同埋豪快原隻雞腿男前䐁骨拉面，因為賣相真係好吸引。首先講下個拉面，拉面的質感好特別，而且每一條拉面都吸收左湯，食落口好香好豐富，真係淨食拉面都好滿足，之後當然少不了重頭戲雞腿，呢隻雞腿多肉多汁，無偷工喊料，同湯的配合都好好，可惜湯有點咸，將雞腿原有的雞香覆蓋左，至於其他配料例如蛋同菜都中規中舉。整體來說我係好滿意呢個拉面，豐富的香味同多肉的雞腿都令我好滿足，只係湯有點咸。至於牛肉鍋，我個人覺得性價比唔太高，味道同連鎖牛肉店的火鍋差別不太大，但係溏心蛋好食，牛肉都唔差，拉面的質感幾好，但如圖份量唔多，料都唔多，所以我並唔推薦來呢度食呢個火鍋。…Read More

食完晚飯去左呢度食香芋紫米露做甜品，叫左熱，但係我食落就覺得好凍，成個甜品味道唔吸引，D紫米露無口感無味，入口無我想像中咁滑質，香芋淡口無味，成個甜品做得強差人意，唔推薦。…Read More