wnata's Profile

琴晚帶屋企人黎試下呢間新店，主打新派粵菜，環境都幾好幾闊落，坐得舒服嗌左個金菇肥牛沙嗲煲，一上枱就香到暈！沙嗲汁濃得嚟又唔會鹹，肥牛份量足又唔韌，金菇索晒汁，撈飯食真係無得頂。跟住個酥脆炸珍寶蠔真心有驚喜，脆漿薄薄一層，入面隻蠔脹卜卜，咬落去爆鮮甜黃金鹹蛋黃魷魚炸得乾身唔油膩，鹹蛋黃啲金沙黐滿晒每件魷魚，鹹香惹味到停唔到口，送酒一流！飲品叫咗百香多多同龍眼冰，百香果酸甜清新，龍眼冰清甜，解晒啲膩服務幾貼心，添茶都好快手，我同阿媽食到捧住個肚走，下次會再嚟試個招牌叉燒…Read More

我同朋友都好喜歡食蛋包飯同日式咖喱，呢間正中我哋下懷，嚟到果然無令我哋失望，大滿足！我哋叫左豬軟骨溏心蛋飯同日本咖喱漢堡扒蛋包飯。豬軟骨整得夠時間，d肉質及軟骨位都好入味，軟腍腍嘅口感好正呀！溏心蛋浸得入味，d飯粒，分量都係超多又粒粒分明。溏心嘅蛋黃、充滿醬汁嘅豬軟骨再配上白飯，非常滋味！ 漢堡嘅肉質鬆化，食落又唔膩，咖喱都係同樣嘅惹味，蛋包飯的雞蛋嫩滑，一齊食好滿足，層次十分豐富，好jeng好好味呀！整體黎講，抵食又飽肚！…Read More

牛気終於係銅鑼灣開左第一間港島店。之前已經係旺角同尖沙咀食過，估唔到銅鑼灣店都一樣咁好食！原來呢間分店係新開，唔怪得唔洗好似旺角分店咁要排隊裝修靚過mk個間，又大啲，坐得舒服啲一入到去staff就好熱情招咐我地，比左menu同介紹下set既分別。最平＄188已經食到美國牛啦staff推薦我地食個和牛set。湯底有7款，我地叫左壽喜燒湯底。好jeng好好食！大力推薦呢款。湯底甜甜地，同任何丸，肉同菜都好夾！staff好快手就set好爐同送埋肉！又推介我地邊款飲品好飲！服務態度好好，好抵䜠！估唔到午市都好多選擇，擺得好整齊，又好乾淨。菜都有成5-6款，丸既選擇又多。墨魚丸，芝士丸同龍蝦丸都好正。當然唔少得烏冬，公仔麵可以拎而醬汁都有唔少選擇，日式醬油同麻醬都好味道架！飲品方面就有果汁茶同咖啡。我同朋友就推薦蘆薈果汁主角牛肉到啦 ，望到都流口水。壽喜燒湯底都會跟隻生蛋！水準好高！韓國年糕都好正。出面仲有炒飯可以攞，打完邊爐仲食得落既不妨試下食完仲有甜品，有yogurt食，又有唔少toppings可以配搭！真係好抵食。而棉花糖機就好似仲未有得用住，不過下次再黎就應該有架啦港島又多個邊爐好去處啦。下次一定會再黎呢度！…Read More