waiting96's Profile

情人節不想俾人斬到一頸血, 想起呢間餐廳, 一直都想返兜第二次黎, 好想快D再來食第3次~呢晚廚師做到踢晒腳. 問點解sushi 反而遲過熱食來, 侍應忙到噴煙, 都keep 到禮貌話因為今晚得一個壽司師傅. 明白了, 無問題啦~樣似, 第一啖食落味道也似羅漢齋炒麵麵底炸到卜卜脆, 芡汁好味, 又多餸, 一起吃好好味呀 侍應推薦的泡菜牛肉石頭鍋飯本來有點保留, 第一啖食落就無後悔了! 飯焦脆卜卜, 有些出名的煲仔飯都冇咁多飯焦食呀, 火喉調較得極之好!個汁既味道好特別, 有少少泡菜的酸辣味, 但唔重, 素牛肉不錯, 配上很多菜, 整體令人回味, 好想返去再食過! 糖醋松子魚還可以~ 食過三德素食館那碟, 其他的都比不上了~~ 環境預左係逼狹的了, 一大缺點 :(不過, 都會繼續捧場, 要來試其他食家推介的菜式 :)…Read More

服務超好, 專業為我地介紹每樣食品好impress 既係見到侍應就算冇野做, 都會行來行去睇下每枱有冇野需要. 真係要俾個大讚 侍應介紹說這是餐廳自己即場做即場發酵的麵包食落真係新鮮D, 好味呀 奶油忌簾湯好creamy 好好味~~~ 是日精選啤酒煮藍貝 $8x味道不錯, 用啤酒蠻特別的. 可惜藍貝唔夠肥~~ 煙三文魚caesar saladok ar, 不過不失煎羊扒bf said 唔膻, 好好味跟餐可以加錢換其他甜品, e.g. 疏乎厘今晚飽了, 就試下跟餐的朱古力mousse吧不錯~~~服務的殷勤補償了食品的少許不完美, 100分la!食完極之滿足的一餐, 每人都只係百零蚊咋, 因為用citibank 有折, 真係超抵 絕對會再返來食過~~!…Read More

星期日的中午找飯吃~ 最近男友喜歡吃拉麵, 看見這裏不用排隊, 盛八雖然出名燒肉, 而家踩過界做拉麵, 應該可以啩...門面都ok, 所以試下~地方雖然小, 好像只坐到二十人吧, 不過環境不錯, 牆上有味吉陽一漫畫, 很有特色. 餐牌做得精巧, 日本感重.滿懷期待的點了個味噌湯叉燒拉麵, 辣味味噌湯拉麵, 橙醬味炸雞味噌湯叉燒拉麵賣相不錯, 喝一口湯, 失望了... 一味的死鹹...味噌味是有, 但不香, 不算好味. 麵質和叉燒則不過不失. 湯底再熱一點會更好.辣味味噌湯拉麵 (忘記是甚麼肉, 有肉碎)味道跟我的味噌湯一樣...@@" 只是加了一pat辣醬在旁... 失望!his comment: after tasting the ramen, i understand why ramen shop next street has long queues but not this one, the soup base doesnt taste good here... 服務認真麻麻, 沒有主動加茶 (不是忙著的), 桌上沒有放牙簽的, 要侍應在袋中拿出來俾我地, dun un ?_?最激氣是漏左單, 食晒麵才來炸雞, 本來想邊吃麵有小食配著的...場內人不多, 我們只是叫三樣東西, 都可以漏了一樣.....真係不禁心內問左句, 點做野架...好在炸雞熱騰騰的上碟, 味道很好, 雞很juicy, 脆漿夠薄... 不過挽回不了壞印象了~~怪不得星期日午飯時間都不用排隊~ 我們兩人都認為吃味千更好.... @@"…Read More

之前來過這裏飲茶, 家人喜歡這地方新淨, 光猛, 裝修華麗, 所以專程來試下晚市. 結果是....很差的經驗 唔會再來食晚飯, 連飲茶都要考慮下! 星期六的晚市, BOOK枱要分兩個時段: 6-8點, 8-10點. 估唔到連酒樓都分時段入座...可能太好生意, 明白嘅, 所以都冇乜問題, 就BOOK 8點啦, 唔使趕住走.我地8點15分到, 遲到係我地衰嘅~ 不過酒樓冇留枱俾我地, 亦冇打來問我地幾時到. 最後要等多15分鐘才有枱. 真係好好生意.:( 上菜時間甚長, 又漏單:( 等候上菜途中, 有位侍應 (阿嬋來的) 為左省腳骨力, 竟然叫我地其中一位起身借條路俾佢行捷徑...勞煩到我地 + 隔離枱的一位食客. 但其實唔係冇路行的, 佢只係唔願兜而已. 這種服務態度真的很要不得. 要不是我地果下反應不及, 估佢唔到咁, 以為冇路行, 應該已經話左佢.我地叫左以下小菜:扁皮鴨: OK!菠蘿生炒骨: OK!海蝦芝士伊麵: 唔夠味瑤柱蛋白炒飯: 蛋白唔夠味, 飯不夠乾身最有問題的小菜 - 上素竹笙羅漢齋 竹笙好大陣漂白水味!!! 點解!! 乜竹笙要用漂白水漂白的嗎......呢碟嘢會食壞人個肚, 不能接受, 立即向部長投訴. 部長當然係講唔好意思, 即刻再炒過碟俾我地, 走竹笙. 我地冇再深究再炒出來的係咪只係剛才那碟食物, 大家都只係想快快趣食完走人. :( 最後埋單, 又入錯 - 計多左渣飲品, 但係賣完, 冇上到的... 激氣:( 俾信用咭, 等左好耐都俾返張咭我地, 要我地催, 先見到部長喺櫃面拎我地張單過來... 即係張單已經搞掂左, 擺喺櫃面好耐都冇人理... 明明見到好多侍應企喺附近唔知做乜, 都唔做下嘢呢間嘢, 應該再冇下次.…Read More

為慶祝老細康復出院, 大家相約午餐來進膳. 一看餐牌, 價錢好像比上年同年期貴左好多.如果冇記錯, 上年差不多時間, 一個lunch set $140-160; 現在至少要 $168, range from $168-200頭. 以一個lunch 來講, 好貴呀, 仲要唔包甜品......見咁貴, 期待食物質素, 結果有點失望......3-course lunch set- 湯或沙律- 主菜, 有risotto/ pasta/ roasted chicken/ salmone/ steak, etc- tea or coffee including expresso/ macchiato/ cappuncino, etcsoup of the day 係粟米湯, 用一個好高的碗裝著, 賣相好靚味道不錯, 有好多粟米蓉, 甜甜的可惜, 麵包唔掂......我只係食左一個, 估係黑麥包啩...凍冰冰, 很硬....仲有, 我落沙律, 俾左個湯我... 我唔expect 呢個價錢的餐廳service 上會有呢種情況發生...好似完全唔為意錯左.到主菜, 燒雞....賣相十分討好, 特別欣賞那些菜釀入青瓜內, 好似朵花咁, 好靚呀.雞肉嫰滑, 隻脾同個身已經切開左. 不過, 我估唔到個味冇乜特別, 仲有啲似媽咪整既電飯煲薑炆雞 可能太嫰滑, 某啲位好難切, 把刀成日撞到隻碟搞到發出好大聲, 真失禮...:(伴碟有舊不知名的東東, 問侍應, 原來係由corn 整出來的, 食落非常冇乜特別, 冇乜味, 質感似蕃薯蓉溝飯的混合體另外, 我地叫左個炸魷魚圈, 呢個係全餐最好味的. 魷魚新鮮, 炸粉不厚, 熱辣辣上碟, 唧少少lemon juice, 加埋 tar tar 醬 (?), 真係味蕾一大享受~~ 餐飲冇乜特別~整體來講, 環境係好, 開揚, 食物擺位靚. 不過lunch set 價錢太貴, 我唔會再來lunch , 一定有alternatives 可揀. 反而晚餐會願意試下, 睇下面食評, 晚餐好似都唔算太貴喎, 唔知係咪呢.…Read More

星期日約一眾好友來場雀戰, 大戰前當然要食飽飽!相約海防道街市華香園, 幾年前黎過, 但已經唔記得左點行, 外面D檔口完全唔關事的, 令人好懷疑到底街市內是否真係有野食只要你相信, 凡事可成真! - 問人問出個方向來, 經過左一個小門口, 入左大排檔範圍, 簡直是柳暗花明又一村! 勁多大佬響度食超Man 的碟頭飯, 我的出現好像有點格格不入... 不過, 大排檔就係有度好, 咩野人都歡迎, 大家都好down to earth, 冇話特別招呼邊個唔招呼邊個既入正題, 叫左個豬扒一丁, 凍奶茶都幾貴架, 埋單 $40不過豬扒好足秤, 即場生炸, 熱騰騰上碟吃落味道不錯, 不算太鬆軟, 代表冇落鬆肉粉吧~一丁軟硬適中, 十分彈牙! 凍奶茶中規中矩, 友人叫左"新野"都好味欣賞小店的彈性, 友人要一丁走麻油煮得唔好咁熟, 老闆娘 (估係) 笑笑口話冇問題友人係常客, 同個個侍應都吹幾句水老闆娘都有同我吹水, 話做食檔好困身, 又話自己已經一把年紀, etc, 哈哈哈香港的人情味、地道情懷就係咁啦不過, 價錢真的係貴左D 呀. 我自己就覺得係尖咀呢個繁忙地段搵到個non 大商場位置歇下腳飲返杯茶就算喇, 不過請大家去嗰陣要預左呢~ …Read More

唔知係咪因為肚餓, 我覺得個burger 真係好好味!!首先是店內環境悠閒小店, 有些免費雜誌讀 (甚至可拿), target 都是expats 吧地點其實有點難找, 不是在正式的士丹頓街上, 入口是在一個小巷裏, 近行人扶手電梯的當日好熱, 中午時份來到, 冇食早餐, 餓到開始炆憎了 好耐冇食過coleslaw, 叫個來試下做前菜. 出乎意料地好味! 個汁啱啱好味道, 又雪得夠凍,一啖啖食落肚真係透心涼, 好快俾我地清晒.等左十五分鐘到, 主角出場了~~ 這個是店中經典款式atomic burger 超好味呀...勁juicy, 醬汁調較得好好... 令我想起triple Os...但有少少感覺好似更加好味!薯條冇乜特別, 冇triple Os果d 咁正.一個餐連加一60幾蚊, 價錢合理…Read More

室內光猛, 開揚, 樓底高, 座位甚多, 感覺不焗促, 一入餐廳感覺良好 :)有趣的3D懷舊掛畫除了冰室該有的常餐、三文治、多士等, 特別之處是還有甜品例如涼粉、楊枝金露、西米露常餐$29, 在銅鑼灣這個位置來說價錢算不錯也有晚餐小炒, $45 一個餸連飲品, 也算相宜留意到侍應數目充足, 每個都看起來甚有經驗, 每次一揚手便有兩至三個看到, 做野也乾手淨腳快手(雖然如此, 也被漏單) 常餐 $29叉燒湯意粉: 份量適中, 意粉彈牙, 湯底清淡, 叉燒望落應沒有太多色素, 軟稔入味, 不錯. 仲有三數塊生菜, 有誠意 :)火腿煎蛋: 不過不失牛油多士: 厚多士, 好味 :)熱奶茶: 麻麻地, 好像沒甚茶味, 失望 :( 快餐 芝士火腿雞絲湯通粉 價錢十分抵, 只是$23 連飲品. 在銅鑼灣如果想坐低飲杯野食少少野, 是不錯的選擇 份量沒有因價錢而減少, 適中吧. 加了芝士味, 湯底有點像忌廉湯總括來說, 地點方便, 價錢適中, 食物質素不錯, 可再來.…Read More

在北角/ 鰂魚涌交界返工的我 (和同事) 經常頭痛lunch 唔知食乜好 (呢頭實在冇乜好野食...)今日同事帶我來此店, 算是有點新意思.點了午餐中最便宜的選擇, 蕃茄雜菌意粉 (純粹因為想吃蕃茄)$44 + 2 凍飲先上湯, 都是紅/ 白之選粟米湯第一下用湯匙攪拌時, 有點驚訝湯身是這麼稠, 可能習慣了這附近喝的西湯都是比較低水準, 稀稀的 所以有點surprised味道和預期差不多, 起初OK. 欣賞落了很多粟米, 足料. 可惜越飲越鹹......喝不完成碗.幸好蒜容包攞返不少分... 新鮮熱辣, 牛油蒜香味濃. 湯和這片包令我覺得這間店應該不是hea 做的. 蕃茄雜菌意粉意粉彈牙爽口, 烹調時間拿捏不錯. 雜箘份量不少, 新鮮, 唯茄汁好像有點太酸, 現在想起都在吞口水.同事叫的芝士海鮮(?)焗天使麵賣相、味道皆中上, 不過一個女仔吃一整份有點太滯. 早知share 交換吃更好啦. 環境甚為焗促, 尤其是4人卡位兩pair 對坐, 枱面好像比普通茶餐廳更細... 不過午市我也不要求太多. 整體來說, 絕對會再來吃.…Read More

和成班同事去飲, 老細吹雞早少少happy hour 飲杯野先.好彩星期六下午都有位容納我地差唔多十個人, 唔使四圍騰. 仲係outdoor 位tim inn side out 在利園附近, 旺中帶靜, 行街行得倦和朋友過來飲返兩杯, 剝下花生, 叫D小食, 傾下計, 幾爽. 甫坐下看見鄰枱叫左杯Hoegaarden, 當日天氣悶熱, 飲杯冰凍啤酒實在過癮, 毫不猶豫就order 了.飲住啤哂, 剝鹹花生食, 花生殼任扔在地下, 感到相當痛快!鹹花生好香好送酒啊...食完一粒又一粒, 食左勁多!! Hoegaarden我想是standard size 吧, 好大杯, 超凍, 正! 大家都有點肚餓, 就試試呢度的小食:Buffalo Wings, Cheese Friesbuffalo 夠惹味; cheese fries雖然芝士黏住一舊, 但味道佳, 芝士味夠, 薯味濃, 香口但不油膩. 兩款小食均佐酒一流!nachos雖然冇cheese fries 咁有驚喜, nachos 都唔錯. chips 夠脆, 舖上芝士, 紅綠椒切粒, 配上sour cream 沾來吃, 頗滋味.看見這可愛的肥矮版亨氏蕃茄醬, 忍不住拍下來侍應服務態度不錯, 一叫即來, 有禮貌, 可能時間尚早未最繁忙, 所以沒有下面其他食家遇上的不友善情況出現.不知價錢如何因為是老細請客 不過應該會再幫襯…Read More

和家人去完老人院探望嫲嫲過後, 經過這間甜品店, 會坐下食點東西解渴.食品質素平均是中上, 沒有一樣不好吃欣賞心太軟的畫花, 很有心機!!這個芒果甚麼名字不記得了, 家人說好味我吃這個榴槤甚麼, 也不記得名字 (sorry x_x), 不錯.我認為最值得讚賞的是它標榜做低糖甜品, 食物真的明顯比出面淡很多, 很適合我這個一年四季都是在減肥作戰狀態中的人. 也適合對身體健康很concern 的人, 例如有輕微糖尿的, 久不久可以淺嚐一下甜品而不太令人擔心~…Read More

環境、氣氛不錯. 特別喜歡它播著懷舊的超人電影, 喜歡超人的大朋友看到會很喜歡. :)由小到大都喜歡吃的茄汁燴意粉. 一直在尋找有沒有邊間整得啱心水. (奇香冰室是表表者)這裏的, 麻麻地...可能我不喜歡太重鼓油味, 喜歡比較茄味的.看到隔離枱叫了個菠蘿油, 個包脹卜卜的, 很吸引, 於是也跟著叫一個. 後悔了, 唔熱的, 烘不熱舊凍牛油, 結果包還包, 牛油還牛油, 一點也不好吃. 如果真的打正旗號做冰室, 可否做好菠蘿油這個經典地道食品呀...... 一個滿懷期待食菠蘿油但最後失望了的人上…Read More

搵左好耐路都搵唔到, 原來是在地庫中 -_-" 如果指示清晰一點就好. 入到舖頭明明係一間bar...有晒睇波既TV、飛鏢機等等. 同我想像中既burger shop好唔同, 所以要問下店員確認一下.團購優惠$28 一個餐, 我地買左兩個, 可以選擇雞或魚burger, 如果要牛或羊, 加$15.我地最後乜都冇加, 就咁要雞和魚, 跟配可樂. 熱飲加$3BF 要雞, 問佢好唔好食, 佢話幾好. 我份魚都好味, 魚煎得很滑、很香.薯條份量很小, 味道十分普通.$28這個價錢抵, 如若原價$50多, 倒不如食triple Os 好味好多.買兩個餐送一個炸菇, 反而這個好味. 唔乾, 有菇汁, 和淋在上面的磨菇汁很配合.問外店舖的指示和一間stone grill 放在一起, 指著同一個地方; burger 又8點零就last order, BF猜想呢個地方係咪做兩轉生意, 8點前burger, 8點後做另一個餐廳呢, 定係直接做bar 呢... anyway...~侍應的服務態度麻麻地, 我覺得浪費了團購作為推廣公司的大好機會... 我覺得做團購就是以優惠價換來知名度, 讓更多消費者體驗你的服務/ 食品/ 產品. serve 我們的侍應沒有介紹任何東西就算啦, 下單又趕時間, 收野又趕, 問我地last order仲有冇野叫的語氣也差...總之不friendly啦...白白浪費為消費者留下良好印象的機會, 加上食物沒有留下甚麼深刻印象, 下次在附近想搵野食都未必會返兜了~…Read More

呢晚去到將軍澳中心既cheese pizza "旗艦店" 食pizza, 第2次來食了~~~ 水準同上次差唔多呀, 樣樣都好滿意! BF乃pizza 狂人, 食pizza 既能力超乎想像, 來到cheese pizza 食到咁抵食既pizza, 真係食得我倆好開心架 (去之前果幾晚我地even 係滿懷期待的, hahaha )我地兩個都對味道唔算話好講究, 普通好味, 用料新鮮, 熱辣辣出爐, 就已經好滿足, 而今次去食都冇令我地失望呀~~個底夠厚, 煙靱, 係油左D, 不過pizza xut 仲油啦......另外仲叫左個檸蜜雞翼拎走, 第2日帶飯食都好好味呀…Read More

在店外睇到個menu已經好開心, 因為有好多地道上海美食, 有D未必間間上海餐廳都有的, 例如皮蛋豆腐、酒釀丸子...(哈, 係本人特別喜愛此甜品, 所以加左分)店主應該係上海人, 聽到佢地用上海話交談 :)食品抵食夾大件...我地一家五口食lunch, 狂叫野食, 真係食勁多, 都係埋單每人40幾-50... 地方就唔好預係好靚喇咁既價錢, 一般小館子囉, 不過味道唔錯加埋咁既價錢, 食得我地好爽, 唔使睇價錢即管叫, 呢個感覺先正嘛影低餐牌俾大家參考, 呢D家庭式小館子希望大家多D 幫襯小本經營既生意啦~~ …Read More