liuchungyin18的個人專頁

平時去開奧海城嗰間吉野家食飯，今日見咁啱經開就嚟咗Vwalk。個位置都幾偏僻下，唔喺個商場一樓入面，要特登行出去先搵到，仲要對住停車場。不過作為VWalk少數嘅平民食肆，依然都係好多人嚟食，亦都可能因為呢間分店比較細，就顯得人多。咁我就叫咗一個牛肉飯並盛，然後加咗隻溫泉蛋，要多汁多飯。雖然係一個細飯，但份量比我意想中多，啲牛肉汁亦冇其他分店咁油，而作為配嘅洋蔥亦都炆得比較入味，唔會過生，值得一讚。但吉野家為人垢病嘅都係佢一直會用啲即棄餐具，都幾唔環保下。環境方面，佢算係比較差，衛生係尚可接受，但大部份位都係對住門口，啲人一開一閂門就會扯晒風入嚟，由佢本身係喺停車場，都好容易食塵。所以同食基本上得返好少位置可以揀。…查看更多

先唔講食物，呢間所謂茶記式泰國野的服務態度真係我近期去過最差既一間，特別係男員工果種“古惑式態度”🤏 ，如果你唔係名人的就自求多福啦。半價菜單，半價態度？👎話說前幾日去食，職員不斷同我地強調半價係抵，好似想講明我地就係食半價既質素。坐低咗三十分鐘，只係來咗一杯野飲，果杯野飲仲要好酸，冇梳打味。多你一個唔多，鐘意走咪走！👏其他客人叫的食物已經來曬，我地叫既野仲未來，我地追咗一次單，員工都冇比到任何野我地。到最尾，我地想cancel張單，員工依然沒有表示任何歉意，就咁叫我地走，個樣就係做少你地三個張單都唔會傷到我的態度。我要既唔係賠償，但起碼你都比返少少抱歉的態度我，而唔係因為半價時段就咁樣hea 我地。比你坐邊就坐邊啦！🤚同時，我地本身個坐位係比較細，所以我地想換位（明明有其他空位），但果個男員工立即拒絕我地三個坐低喺另一個位度，叫我地坐其他兩人位（但我地三個人）而我地望到之後有另外三個人坐到喺同一個位。坦白講，雖然價錢係平，但如果你要我比錢來受你氣，望住你果個“半價口臉”，我寧願比多啲錢去正宗的泰國餐廳食。呢種港式態度的港式泰國野，你比咩優惠我都唔會再去。…查看更多

今晚本身喺度叫咗份外賣，其中兩個係菠蘿海鮮炒飯同埋蟹肉炒飯。然而，我一拎到返屋企之後發現果2個飯貨不對版。我打返比呢間野同佢講佢話其中一個係來錯咗雞肉炒飯，就咁退返少少差價比我算數。咁我見佢肯比返錢，唸住算數，點知佢原來兩個飯都係錯既，一個係冇肉既炒飯，一個係臘腸炒飯，打返比佢講佢就同我講話下次再叫外賣先會比返個甜品我。我唸唔明點解你唔係會今日即刻退返個甜品比我。呢餐真係食得好激氣，食到中途先記得影相，都唔知果2個飯係咩來，話難食唔係難食，係個味道好怪。如果唔係見佢有個蒜蓉包，我真係行多兩步去返Orange Elephant 食好過。其實呢間小店都唔係多人幫襯，原本唸住支持下，希望你地唔好連少少單都搞錯，你地真係令到客人好失望。我已經喺foodpanda 落單，要食啲咩白纸黑字講到明，唔係普通打電話落單，點解你地可以唔check 清楚，就咁敷衍了事。經過今次外賣一事，暫時唔會考慮再回頭，亦會同之前推薦過你地的人講返呢件事。用餐體驗： 🤢…查看更多

利申番先，我係叫外賣既。自己叫咗個麻醬雞絲冷麵，完全唔夠冷，雞肉切得好大塊，完全唔係雞絲來，食既時候感覺到個醬汁唔係好夠，可能佢唔係主打冷面啦，佢個冷面我會比 3/10，唔會再叫。而我呀媽就叫咗個熱湯麵，佢個酸辣湯好奇怪，唔係正常你會喺譚仔飲到的湯水，而係一碗比較漿，好似八方雲集果啲麵線的口感。而我呀媽就比咗 5/10 呢個酸辣湯麵度。而湯餃，坦白講，個韮菜餃皮實在太厚，我比3/10。唯一可以讚既就係佢個煎墨魚餃，個味道係唔錯，會令你食完之後想再食既，但都係果句，皮較厚，只不過冇水餃果個皮咁過分，我會比6/10。成餐total 食咗$158 蚊， 唔會再買呢間既外賣，等咗30分鐘，應該因為黃店所以多同路人支持.想食酸辣湯我寧願去返譚仔算.…查看更多