mymi's Profile

同朋友見網上評論勁好而嚟，更為鴨血而嚟。果然無令人失望，我哋三個女仔，叫酸菜魚湯底，材料十足。魚大塊而幼滑，鍋內有薯粉可先食，風味十分。鍋物必叫鴨血，令人覺得滿足。再來丸及牛肉拼盤，鮮味十足，丸每種味道兩粒，樣樣可以試到。肉鮮嫩有肉味。再來茹及菜拼盤，蔬菜新鮮好味。不得不提服務好👍🏼👍🏼👍🏼同朋友一致會嚟再幫襯。…Read More

今日帶仔老公去食午餐！首先，入去原本已冇咩位。但老細細心為我地安排坐位，因帶住小B，職員見有卡位即刻幫我地轉，細心安排令人窩心。叫咗一日花膠燉雞飯午餐，先係個雞好幼嫩而滑。湯好夠鮮味，好有花膠同雞鮮味的湯。小B只係未夠兩歲小B，完全愛上呢個飯餐。仲要大大啖食食食，仲要追湯飲。餐飲茶味十足！老公叫左個蒸魚午餐，魚🐟新鮮嫩好味。重重重點：食完唔口渴，所以好放心俾小B食食食呀！PS：食店不幸被爆竊，無哂散錢。所以今日要收齊頭數的紙幣，明明花膠燉雞餐起碼要$68，但老細竟然收齊頭變$60😖😖 已經有損失，但仲咁收費。真係要大大支持！…Read More

聽蘇媽大名好耐，知道點都要排隊先有得食。係要去湊下熱鬧，最後等左一小時先有得食。雖然人多，但都係值得既，好好味既馬來西亞菜，我地一定會再去。去到必定要夾枱，上菜亦都好快。馬來西亞既肉骨茶會分開一小碗的上，湯頭藥材味不太重容易入口，還可以免費加湯。佢地教我地首先飲左碗湯先再食肉骨，之後可以再來一碗湯。今天一碗有三條一字骨，肉質不韌但仍有咬口，沾點蒜蓉辣椒黑醬油一齊食既話，真的感到濃厚馬來西亞吃到的風味。第二叫左招牌老鼠粉，呢到同吉隆坡食過同是用瓦煲上，上檯時新鮮熱辣又可加生雞蛋，香口。老鼠粉是銀針粉，加入肉燥淋上黑醬油吃前攪拌一下，味道甜甜鹹鹹的也惹味。再叫一份咖央多，顏色金黃色，好吸引。質感很多漿，椰香夾起偏甜的口味，多士夠脆，算好吃。與馬來西亞的風味相近，椰香也夠。恐龍下蛋：是雪糕配咖啡，雪糕溶了更令咖啡質感滑身。有別其他店恐龍下蛋用阿華田，我更喜歡咖啡做底的恐龍下蛋。拉茶：飲落有茶香，馬來西亞款式以多奶為主。味道好但我會較喜歡港式茶香奶茶。串燒：串燒大讚，有別就於泰國串燒，肉質爽口。醬汁加上香口好味，串燒必定會食完再食。炸香蕉雪糕：個個都話要試，反而我地覺得同普通炸香蕉唔大分別，可以用個胃食其他。價格方面，主食價錢也便宜，飲品與茶餐廳差不多，以特色菜馬來西亞菜來說已抵食。這次我地只是兩個人食，為左試盡多樣食物，樣樣都試，好飽但無一不吃完。…Read More

假日入到南丫島，就係想揾下啲好味又relax既地方食下lunch，休息下。今次我又推架BB車，佢地更特意為我地選擇一個空間較大既位置俾我地。而且最為窩心係，佢地喺門外介紹左餐牌，入到嚟竟將擺喺門口既食物主食牌攞喺你面前。讓你能選餐。叫左兩個主食Portabello Mushroom Burger同肉醬千層麵，兩個看似好肉既主菜，其實當中全素材料。對於素食者一定更吸引，而我地對兩個主食都好滿意。千層麵用了菜、菜肉瓜、茄子、洋蔥、芝士做主打，有咬感亦味道十分，同外面既肉醬千層麵感覺差不多， 醬汁令人好開胃。全素大茹主食，好香大菇香味，個包表層用三色椒、洋蔥加茄汁，食落感覺似pizza。好好食。咖啡☕️香滑咖啡香，我地著重打面頭上的奶泡都夠滑，水準不錯👍🏼不得不讚呢個餐湯：粟米南瓜雜菌湯，材料圢到好滑身但又不失口感。就係呢個窩心餐牌，值得一讚！店內員工友善細心服務，用心經營的小店，支持！…Read More

鋪名主打Pizza，一心以為係西式食店。見到門牌先知係韓國餐廳，環境舒適。座位都夠哂闊，有埋BB椅，加埋韓文歌有小朋友都唔覺好嘈。環境好滿意，估唔到食物好驚喜，叫左幾樣，樣樣都好岀色。值得大家一試，Pizza更食完再叫。1.芝加哥芝士批呢個pizza真係好味道不得了，面層蕃茄，下面茹同肉，個批邊又帶有甜甜地。最重要係呢個批批邊係芝心既（大家留意，並唔係個個批都係有芝心架）啲芝士軟香，㘩面脆，食完一件係會想再食架，所以我地5個人但最後都食左兩個Pizza。2.忌廉蜜糖薯條初時以為只係普通薯條，點知點個醬啖啖甜香，因為個醬以cream為主，又帶點滑身，同個薯條又岀奇地夾窩，大家點都要叫啦！3.韓式芝士蛋卷平時食炸雞最鍾意食呢個蛋卷，呢到有別其他店，呢個蛋卷細細，但好香濃既芝士香，又帶有點微辣感覺，感覺都好得意。4.蜜糖牛油炸雞🍗炸雞一向都唔驚會失望，呢個甜香既炸雞完全無失望，香口而又無好油既感覺。一流！5.帶子泡菜卡邦尼新潮得嚟又好夾到個味，好得。食落好似西餐野，點知當中既泡菜帶有微辣但又帶點cream滑，感覺好得意😎帶動新既味覺。…Read More

本來想去上面合記，但太多人。呢間小明珠之前食咗一次印象都好好。今次見有位即入，同屋企人食五個大人一個小朋友。一張圓枱剛剛好，叫咗個馬拉盞通菜，香口、好食，夠晒鑊氣。第二道菜炸生蠔，比想像更出色，炸粉好薄而且夠鮮味。第三道菜秋葵意外收獲，分量少少但好爽脆清甜。食完想再食。第四道菜辣雞煲我哋要咗微辣，雞肉分量充足，用嚟送飯一流。第五道菜糖醋魚，呢個夠特別。平時食開嘅係凍魚今次食嘅係熱辣辣既糖醋魚，酸甜味道適中同涷嘅冇分別。只不過今次係熱熱地。…Read More

一心嚟利東街影中秋兔，充滿節日氣氛！因為帶住小朋友，要揾間坐得舒服又平既餐廳少之有少。上Openrice見到沙律受歡迎，價錢又合理，即刻要一試。初初入到鋪頭已買已好多麵包甜品為主，你下次見到有座位，原來樓上面有好多位，環境清靜舒適地半自助形式為主。我哋先買個沙律400克70幾蚊，可以揀四款，四款都非常好食。好似喺澳洲食嘅沙律咁。再叫一個蘑菇飯跟餐送、一個粟米湯、一杯飲品。粟米湯好甜好好飲，但唔好預蘑菇飯份量好多，兩個人一個餐、一個沙律🥗再叫個pizza剛剛好。原本好想試佢嘅甜品但係真係太飽留返下次。忍唔住要影低啲甜品相同大家分享一下！呢個大家嚟到要必試！…Read More

呢間既麵包真係好好食用料靚，不過都預左有一定貴既價錢但都無阻我買既心每次路經我一定買夠4-5個大包擺落雪櫃（其實佢教擺落冰箱最保鮮）之後焗返同即食同樣好食。佢無多加防腐劑所以必定要買左一、兩日後食。提提大家，佢通常6點後就會有折扣優惠，咁買都抵買呀！我最鍾意抹茶甜心吐司🍞佢既抹茶做得好香口，個人覺得又不太甜。再試左個香芋包，啖啖香芋香味，好味之選👍🏼仲試多左個伯爵茶蘋果乳酪包，個人覺得感覺麻麻，係有香既伯爵茶味，但個內涵我就不太喜歡。香芋包伯爵茶蘋果乳酪包…Read More

成日聽屋企人推介阿太早餐好食。入到去環境充滿台灣風，非一般的茶餐廳。但成日撞正返工時間未開，適逢off去食，價錢實惠，份量亦足夠。相對車仔麵，早餐化算很多。早餐多款可選擇，選雪菜米加松露蛋多士。近日常食早餐多士，呢間多士多脆內軟。但蛋好有黑松露味，證明用料十足。我老公對咖啡好有要求，試左好多間唔係間間得，呢間佢都欣賞。起碼話用料唔係差，都值返。…Read More

呢間成日想食，但都見好多人等而卻步。今日終於忍唔住要等一等。4個人都等左1小時，都幾耐下但可能假日啦！我地叫左3個餐，個香蕉🍌焦糖多士最岀色，個多士真係好好食，不過可以兩個人share一個人食會覺得太飽。餐湯蘑菇湯好好味，好香好有蘑菇味粒粒蘑菇。但餐包同樣岀色，我最鍾意食硬法包！唔好睇個蘑菇火腿芝士奄列好少咁，但食落又好飽肚架。而且個蕃茄好鮮味有汁。真心推薦假日午餐好去處，可以同朋友傾下講下。好似甜品咁，但味道非常好。個多士做得最岀色。…Read More