yeungma86's Profile

牛大人一向都質素都不錯，這次推出「炎夏椰樂祭」，以椰子為主題，帶來沉浸式清涼夏日體驗。在炎熱天氣中，透過椰子元素享受到涼爽的火鍋樂趣。我最近前去一試，果然不負所望。120分鐘日本A4黑毛和牛火鍋放題，肉質鮮嫩多汁，油花分佈均勻，涮煮後入口即化。放題更附送澳洲M9和牛牛丸2粒，彈牙鮮美；海鮮拼盤新鮮多樣，包括蝦、貝類等；任食鮑魚則是亮點，軟糯入味，無限添加讓人吃個痛快。鍋底可免費選鴛鴦鍋- 「喇沙椰爺仲夏鍋」辣中帶椰香，濃郁而不膩；另一邊「木瓜椰皇嫩雞鍋」，清甜滋潤，完美平衡。椰子主題貫穿全程，小食如椰酥跳跳豬，外脆內嫩，椰香撲鼻；黃金椰絲蝦丸彈牙多汁；椰林火山脆薯條則香脆可口。特色醬料有香椰火焰醬，微辣帶椰味，配肉一流；椰汁美奶滋則清新解膩。甜品香芋椰漿脆脆，芋頭綿密配椰漿，甜而不膩。飲品方面，特調如粉桃椰香 清新果味；冰檸伴椰 酸甜醒神；藍調微風 藍色調配椰子風情。整體熱鬧舒適，服務員細心介紹活動，適合朋友聚餐，值得一試…Read More

係1樓嘅日式居酒屋，座位寬敞，啱晒放工同三五知己嚟吹水、聚會一番今日點咗：本鮪三味丼魚生新鮮美味，每塊都大大塊，滿足到魚生控嘅要求西京平目魚魚質嫩滑，即燒嘅平目魚上枱時魚皮仲有焦香味道生薑燒安格斯牛肉丼定食燒安格斯牛肉軟淋、有牛味，將肉汁鎖住係每一塊牛肉入面，每一啖都食到牛肉嘅滋味配上嘅茶蒸蛋，嫩滑香濃蛋味，連同冬菇一齊蒸，吸收咗冬菇嘅清新鮮味，味蕾進一步升華自選畫碟心太軟Chiikawa 今期咁紅，當然係我嘅至愛，落咗order 要餐廳幫手畫師傅會跟據顧客要求人手畫碟，好有心思心太軟甜而不膩，甜度適中。切開中間，朱古力會流出嚟，大滿足～加埋日本麒麟啤酒，大滿足～叫咗咁多嘢，都係幾百蚊，真係性價比好高～…Read More

難得約咗朋友食飯傾偈，於是去咗牛大人牛大人座位舒適，同三五知己去打邊爐、吹水，適合不過除咗放題嘅火鍋配料，設有自助區，可以選擇啱心水嘅火鍋配料；飲品區有唔同類型嘅飲品，仲有自家製飲料，啱晒我120分鐘日本A4黑毛和牛火鍋放題，送澳洲M9和牛牛丸2粒及海鮮拼盤及任食鮑魚澳洲M9和牛牛丸2粒- 彈牙爽口，牛味100分，真係好正海鮮拼盤- 有龍蝦仔、鮑魚、生蠔、扇貝，感覺好豪華任食鮑魚- 賣點之一，除了新鮮鮑魚用嚟打邊爐，仲有3款熱食鮑魚（古法醉鮑魚、炭燒鹽蔥鮑魚、柚子燒汁鮑魚），每款各有特色，夠晒滋味伊比利亞黑毛豬梅肉- 烚熟後非常軟腍腍，既有油香豚肉味之餘，又唔覺肥膩澎湖花枝漿- 彈牙有感，花枝鮮味算濃郁，有咬口魚香皮蛋豆腐- 必食前菜，皮蛋香濃，豆腐幼滑花生/ 芝麻麻吉燒- 咬開後，流內餡流出，麻吉燒皮煙韌，好喜歡食同場加映情人節限定dreyers心形雪糕又有Mr and Mrs moon主題裝飾，夠晒浪漫除咗雪糕，仲有多款雪條、雪糕，又有台灣特色甜品台中仙草凍，好滿足～服務不得不讚，點菜後等一陣已經上枱，沒有漏單情況，店員亦都會推介特色食物，服務非常滿意…Read More

節日停不了～ 同朋友聚會緊係食好啲，今次我就去咗食放題殿 大喜屋日本料理環境比一般放題寬敞，食物自助區亦比較大，同埋有更多食物選擇。價錢方面雖然比一般放題貴少少，但係喺高性價比。個人推介：海膽托羅黑松露帶子放題任食日本海膽、帶子已值回票價！瘋狂任食日本海膽黑松露帶子，味道都鮮甜，食得過癮，必食海膽托羅鱈魚干手卷用上日本海膽，加上鮮味嘅托羅，和香脆嘅鱈魚干，層層口味，真係好正，好少放題見到鱘魚子醬（盒）好少見放題可以一盒盒魚子任食，格調高端，一盒盒咁上枱，非常豪華～川燒珍寶鮮蠔燒大大隻生蠔配上香蒜醬油去燒，夠晒惹味牛油果蟹肉最中餅用上新鮮牛油果，加上蟹肉、魚子，加上精心脆脆餅底，好有心思極尚椰皇燕窩燉蛋白必食食品，食咗3個！唔算好甜，用完隻椰皇燉蛋白，配上燕窩，夠晒滋潤刺身都有好多選擇，三文魚、拖羅、松葉蟹腳、油甘魚、池魚王、鮮帶子，都好多種類自助區都好多特色食物，一個樣係烤榴槤，榴槤啱晒三百幾蚊食到咁多款式嘅高質食物，cp值就真係不容置疑…Read More

炑八內佈置得好有氣氛，一踏入嚟就感受陣陣溫馨聖誕暖意。餐廳裏面設置咗一個兒童遊戲專區，有波波池、滑梯，仲擺放咗唔同嘅玩具，小朋友可以盡情咁去玩個飽～仲佈置得滿有聖誕氣氛～大人可以一邊食燒肉，一邊放心比小朋友安全咁玩，真係好爽～ 平時玩波波池，一個小時都過百，依家只要嚟點餐（當然有最低消費），就可以任玩波波池同遊戲區。除咗玩，炑八仲推出咗多款聖誕菜式兒童聖誕餐賣相好吸引，每款兒童餐都包含多種類食材，極有聖餐色彩，食得好開心～ 兒童餐- 雪花滿天飛全日早餐雞髀、粟米筍、火腿、熱香餅、蘿蔔、迷你蕃茄仔、西蘭花、士多啤梨雪人兒童餐- 聖誕禮物小跑車韓式豬排骨、火腿、芝士、紫菜飯、粟米、西蘭花、蛋捲配上夢幻聖誕特飲（聖誕老人朱古力特飲/歡樂聖誕樹士多啤梨鮮奶），有個聖誕小裝放係特飲上面，真係好可愛食埋聖誕甜品（聖誕花環雪糕窩夫/ 極度可愛士多啤梨小雪人配芝士蛋糕），儀式感十足，賣相吸睛之餘，窩夫外脆內軟，食完覺得滿滿幸福～ 除咗聖誕食品，炑八嘅烤肉都好有質素：炑八厚切五花肉有由人幫手烤製，將厚切五花肉烤成香口美味，外層扑扑脆，內層香軟，肉質軟腍腍，咬落口有陣陣香烤油香，肥而不膩外裙肉脂肪分布均勻，配上秘製醬汁，好味道…Read More

平日比較少外出食飯，呢排大熱食窯雞，朋友推介落單預訂咗豐味窯雞 ，位於觀塘工業中心一期7樓G室 B室，聽講唔少人都幫襯呢間工廠大廈嘅外賣店，但一定要預訂，否則就要花時間等～用上保溫袋包裝，好有有心思，返到屋企仲係熱辣辣～一開即刻食得，唔使再翻熱窯雞都好大隻，切開時仲有好多肉汁，夠晒juicy。外皮香脆，內𥚃肉質嫩滑，無乜肥膏，獨家炮製，每啖都夠晒滋味。隨餐仲配送香辣味粉和食用工具（服手套、勞工手套），認真方便。…Read More

一入門口就見到落地大玻璃180度對住無敵維港，可以一邊食飯一邊chill，心曠神怡～裝修設計以西式輕奢自然風為主，望住靚絕維港食飯，將煩惱鎖事暫且放埋一邊，認真寫意3道高級西餐套餐$268，勝價比好高餐包係無限量添加，餐包上枱時仲有溫度，香脆可口～柑橘醃三文魚配辣根酸奶油肥美嫩滑三文魚，用上甜甜酸酸嘅柑橘醃製，清新美味，辣根酸奶油喺幼滑口感中帶嚟微辣嘅刺激煎雞腿肉沙律 配烤粟米粒、牛油果及車厘茄新鮮沙律菜，香嫩煎雞腿肉，清新牛油果及車厘茄，再配上香濃牛油烤製嘅粟米粒，清新醒胃鱸魚配薯蓉及龍蝦湯鱸魚肉質細緻，魚味濃郁，煎香嘅外皮包裹幼嫩嘅鱸魚。薯蓉與鱸魚配搭得好夾龍蝦湯鮮香美味，香濃幼滑，散發海鮮濃香美國頂級西冷扒250克 配紅蔥泥及香辣牛油外層燒香，內裏軟淋，肉汁被鎖住喺裏面，食落有濃濃牛味，香辣牛油，將牛嘅香味增強，配上幼滑嘅紅蔥泥，好好食精選雪糕及雪葩最愛杏仁雪糕，裏面有杏仁碎粒，好有口感反烤蘋果撻 配酸奶油及焦糖醬酥皮外層，香脆可口，酸酸甜甜嘅香烤蘋果，配上香甜焦糖醬，大滿足由落單、全菜當埋單，侍應都好helpful，感受到貼心嘅服務…Read More

今日去咗九龍坎麻辣火鍋，真係啱晒打咭一開𨋢門，已見到華麗特色中國宮廷風設計，仲放有古代特色宮廷衫供顧客穿着打咭之用，夠晒貼心，最啱約埋朋友嚟食飯打咭經典鴛鴦鍋底招牌牛油紅鍋底 + 老壇酸菜金鍋紅鍋底看似好辣，但其實辣度係適中，加上陣陣麻香，夠香夠麻，夠晒過癮老壇酸菜金鍋 用上足料酸菜泡製，酸菜味十足，加上辣椒、花椒、其他香料，十分開胃十分滿意湯底，做到四川香麻特色，而且食完都唔覺口渴，抵讚手打墨魚滑墨魚味濃，仲有粒粒墨魚，認真有口感；人手打製而成，夠晒彈牙西班牙黑毛豬腩片豬味香濃，肉質嫩滑，吸收湯底精華，夠晒滋味雪花肥牛舌牛舌口感煙韌，富有牛肉味，喜歡食牛舌嘅朋友一定要試吓黑魚片新鮮嫰滑魚片，爽滑彈牙，必點食物仲有配菜，筍片王、冬瓜、娃娃菜和海白菜，吸收麻辣湯底精華，食落口刺激味蕾，真係好正九龍坎麻辣火鍋地址: 油麻地彌敦道469號新光商業大廈3樓…Read More

聽咗呢間鋪都一段時間，今日收工約咗朋友嚟試吓，不過記得book 位，見門口少人無booking 要等位呢度環境同一般放題有少少唔同，地方較寬敞，同埋自助區比較大同多食物種類。除咗有一般放題嘅食品，仲有好多放題少見嘢食個人推介：日本北海道海膽軍艦好少放題可以有任食海膽軍艦，呢度就可以瘋狂咁食，日本海膽新鮮有海水味，鮮甜好味，食得過癮，回本必食避風塘炒蟹惹味嘅避風塘炒蟹，炒蟹本身多肉，加上避風塘，香辣惹味，值得一試金菇瑤柱燴節瓜鮮甜嘅節瓜，用上金菇瑤柱燴成。瑤柱都好大咩，鮮甜好味，平時好少食得到川燒珍寶鮮蠔燒大大隻生蠔夠晒厚肉，配上香蒜醬油去燒，夠晒入味，十分惹味極尚椰皇燕窩燉蛋白必食食品，唔算好甜，用完隻椰皇燉蛋白，蛋白幼滑加上燕窩，夠晒滋潤刺身方面都有好多選擇，三文魚、拖羅、松葉蟹腳、油甘魚、池魚王、鮮帶子，好多種類，同酒店可以媲美食品區都有好多熟食可以自取，各式前菜、新鮮魚皮、仲有不同熱盤。另外生果區，可以任食榴槤蓉，甚為少見，榴槤控真係要試吓以呢個價錢嚟講，食到咁多款式、同高質嘅食物，可以再次幫襯…Read More

The salted pig雖然以豬肉作為賣點，但同時有好多其他菜式可選擇。裝修用上酒吧風格，感覺好chill好舒服，座位寬敞，啱晒一班人嚟傾偈食嘢～今日食咗：金龍報喜五重奏- 醬燒豬肋骨- 歐式脆皮乳豬- 慢煮脆皮豬腩肉- 煙燻豬肉芝士腸- 招牌德國鹹豬手乳豬同豬手上枱仲熱辣辣，外皮脆卜卜，內層脂肪同瘦質均勻，食落好軟綿。豬肋骨用上秘製醬汁，肉質鮮嫩軟腍，啖啖肉，幾滋味。豬腩肉用上慢煮方式，外皮香脆，內裏軟淋，口感豐富，好香油脂香味。煙燻豬肉芝士腸，賣相吸引，食落香噴噴，豬味濃郁。配菜同樣出色，有烤番薯、薯仔，加上現時芥末籽忌廉汁，將焗嘅配菜，顯得更加出色，出乎意料好食安格斯牛肉芝士漢堡配薯條安格斯牛肉牛味頗濃，軟淋淋，肉内仲保留到唔少肉汁，加上新鮮蕃茄、生菜、芝士、酸瓜等，口感豐富，啖啖滋味。兒童餐- 漢堡包配薯條/ 肉醬意粉配薯條兩款兒童餐都好足料，漢堡包係Mini版嘅牛肉芝士漢堡。肉醬意粉口感唔錯，肉醬煮得好入味，配上巴馬臣芝士，都好惹味兒童餐仲配有果汁，同雲呢拿雪糕，性價比好高好想同大家分享一下～The salted pig雖然以豬肉作為賣點，但同時有好多其他菜式可選擇。…Read More

觀塘極尚大瀛喜日本料理位置方便，餐廳乾整企埋，食物擺放係中間位置，種類分明，感覺唔錯。除罐裝飲品，有自助飲料，咖啡奶茶，仲有清酒、梅酒任飲。設有前菜小食、甜品生果專區，幾多元化。採用QR code自助落單， 我鍾意用QR code落單嘅放題，漏單情況比較少，而且全自助，比較方便。刺身- 種類幾多，有北海道帶子、三文魚、螺片、甜蝦、海蜇等，仲有放題較少見唧法式紅酒藍莓鵝肝。魚生整體食落幾新鮮，刺身偏向厚切，口感唔錯海膽蟹肉拿破崙批- 採用破崙批餅皮，中間餡料配上海膽同蟹肉，夠晒premium，食落有拿破崙嘅酥脆，加同海膽蟹肉嘅鮮味，少數放題食到吞拿魚沙律鮑魚撻- 大大隻鮑魚配上魚子放頂，賣相討好；中間放咗吞拿魚，採用咗紫菜做成撻皮，有心思彰紅魚薄切- 放題比較少單項刺身，彰紅魚刺身加上魚子菊花伴碟，加上秘製醬汁，不是一般放題質數鹽燒牛舌- 煙靭得來好爽口，用燃燒方法炮製，有居酒屋風味燒金枕頭榴槤王- 絕對要食！甚少放題中見到，金枕頭係貴價食材，仲用上燒烤方法炮製，夠晒心思，榴槤控不得了蟹黃蟹肉鮑魚粥- 蟹黃鮑魚味道頗濃，粥身較杰，讓海鮮味道仲喺口腔留得更長甜品有好多選擇除咗Häagen-Dazs雪糕，自家甜品，仲有雪糕機。今日有哈蜜瓜味，意外地香濃，大滿足。…Read More

啱啱考完試，媽媽想休息，小朋友想去玩，於是乎就去咗炑八韓烤親子餐廳炑八裏面設置咗一個兒童遊戲專區，有波波池，仲擺放咗唔同嘅玩具。大人可以一面食燒肉，小朋友可以去玩，真係好爽。遊戲區擺放嘅玩具都係小朋友平時鍾意玩嘅類型，當然波波池就最受歡迎。除咗玩具區，餐廳仲提供小朋友韓國服裝，小朋友玩得開心、投入食物種類方面可以都幾多，滿足大人同小朋友嘅口味，依家臨近新年仲有精選龍年menu長牛舌：份量都幾大份，肉質煙煙韌韌，牛味濃鬱，啱晒鍾意食牛舌嘅我王者牛肋骨：秘製醬料醃製，牛肋骨好有牛味，用上燒烤方法炮製，肉汁保留喺牛肋骨裏面，真係好正雪花厚切五花肉：店員驚我哋唔識燒，幫我哋燒埋，夠晒貼心。脂肪分佈得好靚，燒完之後有脆皮嘅感覺，脂肪嘅香味撲鼻，肉質軟腍腍，大滿足花團錦簇造型飯團：七彩繽紛嘅飯團，配上雞鎚，啱晒小朋友韓國公主賀歲蛋包意粉：蛋包意粉配上鮮蕃茄製成嘅茄醬，配上甜甜酸酸嘅鮮茄醬，大人細路都鍾意龍年行運小跑車：香脆炸雞配飯加上生果拼盤，男仔至愛熱情洋溢的柑橘窩夫伴雪糕：即叫即制，製作時間大概15分鐘，上枱仲熱辣辣，配上凍冰冰嘅雪糕，雙重感受試咗3杯飲品，都幾好味，值得介紹- 暖意洋洋朱古力1杯(熱) -大橘大利柑橘奶昔1杯 -Kitkat 朱古力忌廉沙冰1杯搵晚餐廳又有得食，又比到小朋友玩，炑八真心係個唔錯嘅地方…Read More

同朋友喺觀塘搵食，嚟咗位於工廠大廈內嘅神木日本料理工廈邊鄰近地鐵站，都算方便今日我哋就食咗神之特上刺身（ 6點盛）師傅會揀選時令嘅刺身比客人，今次我哋就係三文魚、油甘魚、帶子、大蝦、赤貝、左口魚。每款刺身都好新鮮，食落好有鮮味。刺身都係厚切處理，食落啖啖肉，令人回味蟹籽沙律份量都好大，仲上沙律菜在配上脆卜卜嘅蟹籽，每一啖都好有口感，好開胃雜錦燒物燒雞肝、燒雞軟骨、燒雞肉，每一串都各具特色，外脆內軟，入面仲保留到肉汁，好味道燒翠玉瓜、燒蕃茄仔，微焦嘅香脆外皮，入面係鮮嫩蔬果，好refresh~ 鍋燒烏冬原鍋即製，烏冬棉質爽口彈牙，配上即炸海老，熱辣辣燒飯團好少機會食得到燒飯團，脆卜卜，仲有飯焦，心機炮製，不能錯過…Read More

佐賀燒肉谷位於銅鑼灣希慎廣場， 地點方便，環境都幾舒服，座位寬敞，啱晒同朋友一齊嚟食燒肉放題我哋order咗最豐富嘅套餐 日本九洲產黑毛和牛鮮放題 ，食得開心又滿足佐賀燒肉谷會為客人提供咗一份壽喜燒材料，仲有專人即場為客人烹調，當然客人都可選擇DIY。呢種貼心服務，係少數香港餐廳可以做到，值得大讚。和牛紋理分佈平均，加上壽喜燒汁，入口軟綿綿，有入口即溶化嘅柔軟口感佐賀燒肉谷供應咗甚少係放題中可以食到嘅高質牛肉，包括：佐賀和牛三角嫩肌、佐賀 A4和牛薄炙牛肋肉、佐賀 A4和牛角切、佐賀 A4和牛肩胛、佐賀 A4和牛小排、佐賀牛肋條，每一款牛肉脂肪分佈唔同，味道各俱特色，但燒完都有香噴噴嘅油脂味，肉質唔錯。唔同部位嘅牛都有獨特口感、味道，用齒頰留香嚟形容確實無誇張。放題可以食到呢種質素嘅牛肉，真係性價比極高，真係感得自己好似去咗日本旅行～自助bar 仲有牛角包，可以夾住燒肉嚟食，自製Guu．燒肉可頌Guusant，製作啱自己口味嘅爆汁燒肉包，食得好chill~ 海鮮方面都有好多選擇，我哋點咗原條魷魚筒，份量十足，大大條。日本原隻生蠔係不能錯過嘅item，蠔肉厚身又大隻，燒完仲有生蠔嘅鮮味，食落啖啖肉，我食咗4隻～ 另外，青口和帆立貝都好推介，燒完仲係好鮮味，又夠厚肉，口感十足。除咗牛肉、海鮮，仲有多款前菜、蔬菜、豬肉、豚肉、羊架可以㨂，款式好多～飲品除咗即飲罐裝汽水，仲有即磨咖啡可以㨂除咗燒烤，仲設有熟食、甜品及飲品自助區，有爆谷機、軟雪糕機（有我最愛嘅抹茶軟雪糕）可以任玩任食，仲會每位客人送上movenpick ，真係超級滿足～…Read More

今日約咗朋友就去極尚大瀛喜日本料理 聚餐極尚大瀛喜座位寬敞，坐得舒適，可以坐低慢慢食，感覺幾好。用QR code自助落單， 十分方便。設有自助飲料、小食、甜品專區，餐前小食、前菜、湯，幾多元化。飲品方面除咗凍櫃，仲有咖啡奶茶熱飲專區，清酒、梅酒任飲，都好多選擇。必食推介：刺身-刺身都幾新鮮，種類煮幾多：帶子、三文魚、螺片、甜蝦、海蜇等。每片刺身都係厚切，口感唔錯魚籽柚子醋鰺魚刺身- 好有驚喜，除咗刺身新鮮，用上柚子汁搭襯，好有心思，唔係一般放題食到海膽手卷 - 海膽味濃，好少放題食到海膽，必食極尚磯煮涷鮑魚- 好有咬口，用上秘製醬汁醃製，好入味川燒珍寶鮮燒蠔- 真係不能錯過，jumbo 生蠔，好厚肉，鮮完仲保留到蠔嘅juicy，奶好味，食咗5隻芝士黃金醬燒虎蝦- 用秘製醬汁燒成嘅大虎蝦，醬汁美味，好香好有質感，啖啖肉椰皇3.6 牛乳燕窩燉蛋白- 蛋白香滑有香濃奶味，又有陣陣椰香味，唔太甜，好鍾意食甜品方面都有唔少選擇，仲有間款雪糕甜筒可以㨂，絕對係飽足非常，大滿足…Read More