llylokyan's Profile

牧羊少年終於都開埋入嚟屯門啦🤤 個時一知道佢開都期待咗好耐佢幾時開張 終於等到啦😂 平日嘅晚餐嚟咗試下 都要等幾張枱先到我地啦～～ 🍝明太子鳳尾蝦意粉 $98 除咗明太子撈埋咗意粉同埋煎香嘅鳳尾蝦之外 仲有魚子同櫻花蝦 寫得幾香一啲都唔咸🦐金沙鹹蛋黃鳳尾蝦 $98 無錯 我地又叫咗蝦😅好似好鍾意食蝦咁 但呢個又真係好想試 好香啲咸黃味 撈埋隻蝦到成件事都幾夾👍🏼🧆照燒汁煎乾蒜牛柳粒 $78 一上枱聞到勁香乾蒜加埋牛柳既味 勁香勁惹味 而且唔係話好咸咁 味道適中👍🏼🧇京都春日 $108即係草莓窩夫配雲尼拿雪糕🍦雖然等呢個上碟都真係等咗一段時間 但個窩夫熱辣辣再配襯個雪糕真係幾好食 😋係值得等耐啲既～…Read More

老媽拌麪終於有分店開入黎屯門啦 👍🏼 見佢終於開張咗就係下午茶時段去咗試下😋 佢開係屯門市中心三樓open area個到 地方都幾寛敞開揚架！🍜金華火腿干貝花雕雞湯麪 $88聞落同食落花雕味唔係太重既 金華火腿味都幾香 麪揀咗幼麪 佢仲有刀削麵揀架～ 雞件出奇地唔鞋 幾嫩 好味👍🏼🍴滷牛筋 $42牛筋好入味 同埋煮到好膠質 骨膠原好多咁🤤好正 最鍾意食啲牛筋係好煙韌架啦 🤤🥤老媽黑糖珍珠鮮奶 $33黑糖味幾重 再加埋鮮奶中和返 仲有又係啲煙韌珍珠⚫️🥤蘋果梳打 $18好香既蘋果味🍎再加上梳打 可以做呢一餐既完結真係幾滿足🥰…Read More

宜家去到長洲 都知道多咗個新打卡點～ 間店都幾易去到 我地呢日平日嚟到 都坐滿咗人！店舖入面有一幅模擬長洲地鐵站嘅牆俾你打卡😍仲有啲文宣寄賣紀念品 💛叫咗個角酪卷蛋 ($38)卷蛋係好靚嘅藍色 再加咗粒士多啤梨係面 成件事已經好打卡-able😍 食落都幾好味 中間仲夾住士多啤梨乳酪 一啲都唔膩口～柚露梳打($40)係秋季既主題飲品 橙橙黃黃仲有塊楓葉係杯身🍁杯底有柚子肉再加埋梳打 呢啲更氣飲真係好消暑解渴☀️甘露角酪($42)同樣都係有塊楓葉🍁嘅主題 呢個個底就有西柚肉同芒果🥭再加咗乳酪奶 酸酸甜甜咁 都幾開胃！…Read More

Day off啦！想搵下啲cafe坐下🤤長沙灣新開咗呢間幾特別 又打卡-able既小店！佢呢店面都幾特別 contrast 店舖招牌真係幾有contrast既效果😎呢一日平日既下午3 4點黎到 都坐滿人 要等一兩張枱先到我地~~我地叫咗個雞蛋布丁配House Espresso($58) 賣相好可愛 😍食落都幾好味👍🏼雞蛋布丁甜甜地 再配上espresso既苦澀味 好平衡！係咁想一啖一啖咁食🤤另外都叫咗杯Matcha latte ($42) 鍾意飲綠茶味濃既人一定好鍾意 因為佢真係好濃 🍵我就麻麻啦😂…Read More

本身今日係去深水埗一間coffee shop 點知臨時無營業 😪不過呢條街沿途都有文青餐廳同咖啡店☕️就揀咗呢間小店 個日黎到都幾多人幫襯架～叫咗杯iced white latte ($45)店員一下單就會係你面前即沖咖啡 由機器將咖啡豆磨成粉 再磅重咖啡粉份量 再壓搾同放到咖啡機沖泡 都一一呈現係眼前 🤭睇住成個沖咖啡既過程 之後就有有一杯整得好靚 層次分明既咖啡就係眼前～🤤好享受！咖啡唔會落糖漿 因為要品嚐咖啡本身既味道～店舖細細 層架都係擺放住來自日本既綠茶粉 🍵咖啡豆☕️同埋隨行杯🥤舖位係街角 陽光經常照射入店內 係窗邊影相一流👍🏼😛…Read More

係銅鑼灣耀華街 我叫佢做酒吧街 搵到呢間擺設同店面設計都幾特別 又係黃既酒吧店🍻間店細細 入面有好多玩味燈箱同擺設 老闆好黃 間店只會播住屬於香港人既廣東歌🎧仲會打下鼓伴奏下 當然仲有香港出產手工啤酒 🍺我地叫咗made in Hong Kong 🇭🇰 門神牌子既孫悟空琥珀 係有桃香同焦糖味 Alc.7%飲落 都有少少桃同焦糖 但唔算好濃 無蓋過啤酒既小麥味🤙🏽鐘意飲啤酒既小麥味既唔好錯過啦！Happy hour 係每日3-8點 ～…Read More

呢間coffee shop放咗係想去waiting list好耐啦 終於去到啦🤤隱啡 真係店如其名～地點都幾隱蔽 如果搭輕鐵 係何福堂站落車 係對面馬路既 但店面唔算好明顯 都幾容易miss 咗🤭叫咗杯呢到都算好多人推介既咖啡☕️青瓜冰搖咖啡🥒☕️佢係一杯無添加牛奶既凍咖啡 不過我完全接受到 入口唔算好苦澀 仲有少少清新既青瓜味～👍🏼幾好飲真心！伯爵茶鬆餅～仲配咗果醬！個鬆餅本身幾好食 烘到個面脆卜卜～仲有陣陣我最愛既伯爵茶味😍個果醬酸酸甜甜 好好味丫～🤩…Read More

今日朋友生日去咗學整蛋糕🎂 去咗荃新天地呢間新分店～地方好大開揚 工具都好齊全！揀咗宜家期間限定嘅芒果系列😍🥭叫盛夏光芒🎂個蛋糕制作話需時2hrs~都好準時 真係2hrs內做完👍🏼好簡單 佢一開始就會俾部I-pad俾你 已經係你揀咗要整個個蛋糕既食譜 一開始先睇片 大約了解自己一陣嘅工序！之後就開始跟住執工具同食材啦～當然有困難既時候 店員都好熱心會幫你～我地揀咗兩個人一齊整同一個蛋糕🎂+$80就可以啦～即係total $500 都可以啦 有得玩又有得食🤤建議去之前上佢地網站book位 因為我地去到wall-in佢話無位 🤷🏻‍♀️…Read More

今日要去元朗做野 搵咗附近餐廳食午飯🥣呢間餐廳店面裝修光猛舒服 仲幾乾淨 都坐得幾舒服架～叫咗兩份午餐🍽食神叉燒飯🍛 ($56)都幾黯然銷魂飯既feel~~ 賣相好靚好吸引！食落啲叉燒肥瘦適中 唔會話一咬落去全部肥膏咁 叉燒都燒得好正 蜜味好均勻～秘汁鹵家鴨🍛($54)一貫排得好整齊賣相吸引既作風🤤 鴨肉都鹵得入味 同唔韌啊👍🏼仲叫咗兩款小食～薑汁松花(+$15)薑切成碎粒舖滿松花皮蛋上面 一啖食落去 其實我唔食薑既人都覺得唔辣 同啲薑粒都同皮蛋幾夾 呢款小食有啲特別～😍.鮑汁雞腳(+$18)鮑汁浸過既雞腳好入味 仲甜甜地 👍🏼飲品就要是日老火湯-老黃瓜赤小豆扁豆豬骨湯🥣佢地主打係無味精既住家老火湯 真係煲得幾好飲 好入味 係媽媽既味道😍原來呢間餐廳既老闆係前五星級酒店大廚 每日新鮮製作既叉燒飯同無味精老火湯係呢間店既招牌菜 …Read More

來自新加坡用上頂級黑松露手工薯片 Aroma truffle !呢隻薯片仲係有坑紋個隻 呈 波浪紋 咁啲黑松露就好均勻咁係每塊薯片上面 食落會更入味嫁～ 同埋薯片既厚度適中 口感唔係好硬個隻薯片👍🏼今次就試咗原味同巴馬臣芝士味🧀 一打開個袋啲黑松露味已經好濃好香 而且芝士味又唔會好搶味 岩岩好～另外 包裝設計都唔錯 包裝袋有條拉鏈 食唔哂拉返埋 下次又再食 又唔會漏氣 好方便🤤講到咁好味 又唔使去到新加坡先食到既 佢宜家登陸咗銅鑼灣希慎廣場啦！得閒去買包試下啦！🛒…Read More

星期六晚食完晚飯 甜品胃又想滿足下 旺角廣華街附近既甜品店其實都好多選擇 今次想試新野😂去咗呢間食甜品😌🍮冰火燉蛋($48)最頂有一層蛋白加砂糖打成泡沫狀既 cream 再用火槍燒一燒個面🔥啡啡地色賣相吸引 再加咗兩款生果 有至愛既藍莓同芒果🤤下面個底係足料燉蛋 好正🤤🤤🥭芒果窩夫($60)好香芒果味🥭有芒果雪糕再加忌廉係面 再加埋啲曲奇餅碎 口感豐富🤤最值得讚係窩夫都仲好熱 最怕窩夫凍咗 口感真係會麻麻🤔…Read More

漢堡包癮起🍔但宜家又無得去個間m字快餐店食 唯有搵啲小店啦～黎到大角咀 行過見到呢間小店 勁多漢堡包款式🤤🐂和牛漢堡 ($78)除咗有塊厚厚既和牛 仲有啲炸洋蔥絲 加埋塊芝士同啲日式芝麻醬 個味好夾🤤 可能又加上本身都好鍾意日式芝麻醬 所以佢配咩都勁好味😂同埋塊和牛果然和牛 好厚好juicy💦🍔特式燒大菇漢堡 ($58)呢個特地仲+$8加塊菠蘿🍍都係勁juicy🤤除咗舊主角既大啡菇中間仲有炒香既洋蔥絲同磨菇粒😎啲漢堡仲可以加$20轉餐 包汽水同薯條/薯格/沙津我地就一份薯條🍟一份沙津🥗啦～估唔到個薯條係好好味！佢係個隻有皮薯條 我食完個包先開始食啲薯條 雖然已經凍咗啲 但完全無淋到 仲係好脆 🤤有驚喜！…Read More

放大假既日子終於到啦 想外出食一餐獎勵自己～～揀咗呢間食牛角包🥐 🐂屯門牛($45)餡料非常豐富🤤有蛋 磨菇 芝士 煙肉 蕃茄 個牛角包都幾鬆轉軟 好好味👍🏼🌌醉藍星空($33)藍色既糖漿撈起soda 好清涼 解渴都唔錯～🍶黑糖珍珠鮮奶($35)我自己似黑糖珍珠鮮奶 會著重黑糖夠唔夠 呢杯都ok啦～珍珠份量都岩岩好 不錯～叫牛角包+飲品就會送一份薯條/薯角啦 但咗岩我地今日去就無薯角 食住薯條先啦 都幾好 熱辣辣 唔會話拎到出黎凍咗咁！🍗單骨雞翼($28)呢個小食都幾好 最鐘意食單骨雞翼 貪佢好快食到隻雞翼咁😂佢仲配上明太子沙津醬 呢個配搭又幾好味 驚喜～👏🏻…Read More

之前食過ocio既pancake 都覺得ok 原來葵芳都開咗分店！今日黎試下晚市～精選全日早餐($118)呢個all day breakfast都幾多料 有煙三文魚 雞胸肉 炒蛋 蕃茄同窩夫etc.🤭不過略嫌雞胸肉煎得有啲老 其他都可以👍🏼刺身帶子海膽明太子意大利粉($158)明太子醬好足夠 撈勻食岩岩好🤤帶子煎香咗底面 唔算好熟咁 好味～～蜜糖蒜香雞翼($38)呢個好好食🤤 雞翼皮燒得香脆 再淋上充足既蜜糖同埋炸蒜 好惹味!蜂蜜雪山梳乎厘班戟($78)蜜糖好夠再加上最頂個舊蜂巢同雪糕再加埋班戟暖暖地 好飽丫 呢餐完滿🤓最後仲叫埋野飲～只要加飲品既1/3價錢就可以飲到啦～叫咗杯焦糖鮮奶(+$12)都還好啦～有淡淡既焦糖味同鮮奶配搭 味道不錯！菠蘿士多啤梨沙冰(+$16)將菠蘿同士多啤梨打成雪糕狀口感 酸酸地幫助消化👍🏼由宜家至4月15日惠顧晚市套餐仲有全單85折優惠添🤭早早地食過early dinner 快啲返屋企休息啦☝🏽…Read More

呢日因為要出城買野一次過list咗我想去食既野 一次過去埋嘛 不過呢間係我再三再去既餐廳🤤尖沙咀分店開咗無耐 地方大啲 舒服啲 餐廳擺設好多好特別好正架！坐係到隻眼睛好忙 掛住望佢啲擺設添～講返野食先！叫咗兩個main 同一款小食～～黑到爆炸魷魚圈墨魚滑墨汁燉飯 ($126)真係黑到爆炸😂食到個咀黑哂 一秒變女巫🧙‍♀️啲飯撈勻咗啲汁 口感有啲似意大利飯 仲有啲炸蒜 好惹味！炸咗既墨魚圈 入面唔乾 好味👍🏼唔好抱咁大期望蒲燒鰻魚蛋包飯($124)佢可以+$28升級原條鰻魚添 不過我地要半條夠啦☝🏽鰻魚下面放咗滑滑地既蛋同大量木魚 我呢個蛋控好滿意 因為佢啲蛋量好足 起碼都每啖飯都食到蛋 呢到加分🤤明太子薯條(小)($45)基本上差唔多 次次黎到都叫呢款小食 因為佢啲明太子多到好滿足 除咗跟薯條都已經有明太子之外 另外仲有一小碗明太子 好有誠意🤤黃金阿婆塊皮($48)其實係杯青蘋果加蜜糖沙冰 好清新 fresh~~佢地個餐牌勁得意 除咗啲餐食名又長有特色 仲有啲插圖有時都幾耐人尋味🤓仲有次次去到佢地啲餐紙圖案都唔同 今次係”佛系減肥” 你懂的😏…Read More