Kav.kz's Profile

同姊妹想談心絕對推介呢度！坐得舒服同埋啲嘢食好足料好食！環境好靚，洗手間有兩個又好乾淨。叫咗一個炸蠔定食同一個海鮮意粉，加多兩杯嘢飲，飲品叫咗一杯白桃烏龍茶同一杯氣泡飲品（朋友叫嘅冇飲到不置評），叫午餐可以半價叫飲品，呢個唔錯！白桃烏龍桃味偏淡，烏龍味還好，不過不失。食物表現十分理想，炸蠔大隻冇腥味，醬汁十分match，海鮮意粉明太子勁多，有青口有蝦有魷魚，醬汁好濃好惹味，但係食到最後會有少少膩口，兩份嘅份量都唔細，一個普通食量嘅女仔未必食得晒，整體好評，下次再聚依然會搵呢間！…Read More

同中學同學食飯，佢話想食扒咪去試下，初頭見裝修都幾靚，諗住應該都冇伏，結果上餐個水杯有明顯嘅塵埃，叫佢換過啲服務員嘅態度係話冇問題，就咁攞走換杯就算，服務態度有待加強。晚餐叫咗一份羊架，兩份肉眼扒，羊架好香唔錯，整體上評分係高嘅，問題出於兩份肉眼扒，一份七成熟，一份五成熟，七成熟嗰份都還可以，未夠熟但係都有五成左右，五成熟嗰份係得個面係熟，連三成都冇，好難切之餘仲太生，成個口感好難咬。成個餐係食得飽嘅，塊扒係大件嘅，$128加一要食個粗飽都可以接受，只係建議對牛扒熟成度控制可以再加油，如果上鐵板唔直接煎到個熟度我可以理解，但係上木板/竹板嘅話可以再煎熟啲先上碟…Read More