joyjoywuwu's Profile

完全唔明點解咁多人係門口等。每次經過呢間餐廳，都見到長長人龍，似乎有啲神秘吸引力。不過我叫左一個常餐，係一碟蕃茄豬排意，普通到無得再普通，真係唔明點解咁多人會喜歡。屋企如果自己煮，都好食過佢，根本無比較。最慘係埋單要百幾蚊，心裡面感覺好唔值。食完之後，都唔知自己食左乜野，真係完全冇印象。比門口啲人厄左入嚟食，可能佢哋都係被人潮影響，覺得要試下，結果就失望而歸。唔會有下次，我決定以後唔會再嚟呢間。紅磡有好多選擇，其實大家去第二間都好過試呢間，起碼可以食到啲好味嘅野。希望下次可以找到一間真正好食嘅餐廳，唔好再被人潮迷惑。完。…Read More

呢排少左出post, 是關多左位家庭成員👶🏻 very very busy 拿，如果兩公婆想休息一下，可以試吓啟動托顧模式，二人世界去 chatterbox 食個晚餐，快得黎又舒服又好食😋 性價高之選今次去新開嘅 THE WAIIIIII 個間 chatterbox! 都唔少人，要排一排先入到去。THE圍呢間嘅裝修同其他分店都差不多，都係闊落舒服嘅。今次叫左佢個二人套餐另加沙嗲串燒First of all 緊係食佢個必食文華海南雞飯啦，樣子平平但係絕對好食😋雞，滑，唔肥，無骨；飯，香而不油，十分出息。然後係招牌大蝦喇沙，喇沙湯極度濃郁鹹蛋雞中翼絕對係每次必叫，鹹蛋醬充滿係雞翼嘅皮上面，仲有少少辣味，極邪惡，totally crazy but I like itttttt沙嗲串燒出乎意料地好食，燒得唔乾，10分Juicy!! 個沙嗲汁都係超讚甜品叫左個椰子雪糕，有成三球！！！好香好好味😆…Read More

成日聽啲沙田友話麗豪啲野食好伏🤭 其實應該都係N年前嘅都市傳說，今晚揀左去沙田麗豪酒店食自助餐～ 仲咁岩遇正澳葡美食theme 😍 正！星期一至四黎，成人298/ 小童208，性價比極高，而且唔算好多人，食得好舒服！澳葡美食晚重點黎啦：：：：：：- 🥙冷盤🥗：煙三文魚沙律雜菜- 🐟海鮮🦞：有長腳蟹及蟹鉗、田螺、凍蝦、凍青口、蜆肉- 🍣刺身🐙：種類不算很多，但基本的都有齊，三文魚吞拿魚希靈魚鯛魚，重點是新鮮好味- 🍖燒烤🍆：燒茄子、燒雞翼、燒味- 🍛熱盤🥦：炒飯炒麵當然唔少得，仲有炒菜，葡汁雞肉茄子都係另一誠意推介- 🍰甜品🧁：很多選擇，賞心悅目。大約八點的時候，還有火焰雪山，千萬不要錯過！- 🍲火鍋🥘：自助餐同時有埋火鍋真心正！因為可以瘋狂錄菜食，特別推介土雞藥膳湯底，同埋肥牛，仲有比較少見嘅玉子豆腐- 🫕🍫大約九點，店員會另外為每一台送上朱古力火鍋， 十分貼心…Read More

搬左黎沙田咁耐! 終於都的起心肝仔去食The Salted PIG啦! 😆一入去我見到好多檯都係4人以上，坐底一望餐牌，就明白了。。因為份量真係幾多！同埋多肉肉！餐廳裝修環境都唔錯，真係應該帶多幾個朋友黎CHILL CHILL。我地兩個人食量有點廢 LOL 所以揀左好耐，為求食到豬門最正的💯。🤤豬豬主菜🐷本來想叫熱門斧頭扒，但上網睇，見到有網有推介Pork Belly，個樣又好正咁，但無奈係個MENU度搵極都搵唔到，咁我地問waiter啦，點知佢問廚房，又真係有WR!! 咁就叫呢個 Crispy Pork Belly🐖 啦!!一上碟已經聞到好香！佢個樣似中式燒豬Nam仔，size係平時東坡肉咁，切落去... oh my! can u see the combination of fat & meat!!!? 個口感係似慢煮出黎既，個皮比我想象中無咁脆，但係係好正既，個感覺無咁hot air，同埋你會玟focus起果個肉肉既口感，真係好正。不過提提大家，４個人食會好D，都幾飽 😋LOL另外仲叫左小食分享拼盤🍔🥑，唔好睇佢乜都細，份量都唔小嫁，有蕃茄芝士肉丸，豬皮脆脆 (勁好食!)，脆豬肋骨，mini beef burger，魷魚圈 (我認為呢個係必食)，薯條同埋　sourdough + 牛油果醬。呢個小食分享拼盤真係超滿足！仲加左個香蒜炒時菜🥒，不過其實叫豬豬主菜都有既，如果太飽可skip。滿足的初次豬門體驗！🥳…Read More

成日聽啲沙田友話麗豪啲野食好伏🤭 其實應該都係N年前嘅都市傳說今晚行完城門河，就想去搵間望到河景嘅餐廳食野，所以揀左河夢vi!i!i!i!呢間餐廳環境其實好好，成個場好有空間感，檯同檯之間好闊落，坐得舒服，最緊要係大部分檯都可以望到河景，如果兩個人黎靜靜坐下食下野，感覺係好好嘅。食物方面呢，越泰菜黎講算係有好多選擇！ 樣樣都勁想試，不過望一望格隔檯，份量都唔細，所以兩個人食嘅話就叫幾樣先，之後再慢慢加食越泰野無奶油唔食串燒呀？呢個串燒一定係即燒，拎緊過嚟已經聞到香味，食落去勁熱。牛豬雞各兩串，個汁係重點，辣辣地好有泰國風味。海南雞飯，唔使講必試。雞同油飯都係有酒店嘅水準嘅，特別一提就係佢個湯，完全唔係一般海南雞飯嘅鹹雞湯味，佢加咗好多薑汁，但又唔會好辣口，作為薑嘅愛好者，呢個湯令成個晚餐加咗唔少分。泰式椰汁雞湯🤣 又係另一道雞，因為真係好耐冇飲椰汁湯，好想試，一啲都唔辣，份量啱啱好最後仲加咗個炒雜菜，乜都有齊，一望落去就覺得好多維他命啊🤣🤣 正…Read More

Chatterbox cafe 聽個名你以為係啲咩港女西餐廳，點知原來佢係出名食海南雞飯星洲菜，好日都唔會去K11 Musea，但今次食完Chatterbox，就多咗一個好好嘅原因成日嚟裝修環境就唔使講啦，係得K11，實有返咁上下，成間野整體感覺時尚、亦都好舒服，座位都係鬆動，唔會同隔離太貼。餐牌唔算好大本，選擇貴精不貴多，佢哋係掃QR code落單嘅，所以都非常方便。🐣文華海南雞飯唔使諗必叫啦，如果想食雞髀加$10就有啦。賣相唔算驚天動地，都係好平實嘅海南雞飯，但每樣嘢食落口，就真係明白點解會係王牌。雞，滑，去骨，唔肥，佢應該放咗啲特別嘅醬油落去，就算唔點醬，都好夠味，仲要係好好味個隻，份量一啲都唔細，有兩層嘅雞髀肉㗎。油飯都係十分出色，有油香但係食落唔肥膩，加埋佢個湯，真係令人好滿足。🦐星洲海鮮炒貴刁呢個貴刁我會話係一個黐線嘅炒貴刁，係你望落去係好油，食落去其實都有啲油膩感，但其實真係好好食，好夠鑊氣，每一條貴刁上面嘅醬油都係平均，啲海鮮都係好有醬油鑊氣嘅味。最黐線嘅位係（我唔知自己有冇食錯啦），佢入面有少少脆脆口感嘅東西，開頭我見到係一啲魚乾仔嚟嘅，後尾食食吓就覺得係有啲炸豬油渣，嗰一刻我就覺得，係咪黐線，唔怪得知得炒得咁好食。雖然充滿邪惡感，但我覺得都值得一食。🐥特色鹹蛋雞翼全餐最邪惡！鹹蛋黃炸雞翼！佢啲雞翼係有埋雞翼尖㗎，好正！一上枱，就聞到鹹蛋黃嘅香，師傅真係一啲都唔吝嗇，每隻雞翼都係佈滿住鹹蛋黃！新鮮炸出嚟，香脆感100%！！其實佢仲有啲甜品都好想試吓，但係三碟已經夠晒飽，唯有下次先再嚟試啦…Read More

今晚兩個人去左銅鑼灣呢間西班牙餐廳，地理位置非常方便，地鐵站一出行大約5分鐘就到一出lift門就見到浪漫嘅燈光，完全係露man剔 vibe!！感覺好好坐低左就有水（中女需要嘅熱水）同蒜茸焗麵包。個包又香又脆好好食！如果想 encore +$28，就會有一大碟，不過就最好留肚食其他野🤣聽閒佢地每晚嘅 special 都好出色，偷偷地望隔離檯叫左 🦑 squid🦑 ，個樣咁 presentable 緊係跟啦。真係好食，個熟嘅程度岩岩好，每一舊唔會韌，keep得住新鮮 squid 嘅Q彈感，上面個 sauce 有好多味，有基礎嘅鹽同黑椒，上一個層次有少少果汁香，十分出色。仲有其他….！前菜: 🦐辣味香蒜虎蝦🦐話明係前菜，當然係小而精！呢碟小蝦勁香牛油味，香口又有滿滿嘅邪惡感🙈🙈Main1: 🐷傳統西班牙烤乳豬🐷呢個必食！！ 佢個樣有少少似平時擺酒嘅乳豬，BUT! 個乳豬皮係薄好多脆好多，極考廚師功力，皮香脆，肉嘅肉汁同鮮嫩感亦keep到，我會為左呢個main再上黎食。Main2: 🐟🦐🐙🦞🦑西班牙海鮮炒飯🥘傳統做法～米係半生熟型式咁上，上面好多唔同類型海鮮，汁亦係正宗西班牙味道, nice! 誠意推介比你！…Read More

說實話我真係無expect過係咁嘅質素，真心係Crazy地抵食！地點有啲啲難搵，建議大家入商場然後問人，會快好多。店員話係新開張，所以都有唔少優惠，如買一送一咖啡（仲有埋7折），同埋叫套餐送烏冬泡菜。門面其實就得兩位侍應，但基本上都係電話落單，佢仲有個小機械人送餐，所以都無乜問題。啲set名好鬼過癮，我兩條友叫左一個「勤勤力力」同「正正經經」（湯底可以任轉）我同係講，個「勤勤力力」係意想不到嘅高質。A4黑毛和牛好出色，紅肉同脂肪比例一睇就知會係好好食，安格斯牛牛亦非常好食，牛隔膜極重牛味！正！「正正經經」feat 四川麻辣湯底表現亦不錯，個人覺得叫呢個多海鮮嘅餐應該配麻辣湯底，魚片&魷魚同蝦同個湯味好 match，魚片頭就正常發揮嘅，響玲食個時要小心啲花椒 lol 啲野食嘅 presentation 係好 ig-able，六格盒盒，仲有個牛牛橋，一上檯就想瘋狂 story lol 出面仲有熱飯米線任食，唔驚唔夠飽。另一半講笑話，其實叫一個湯（約$30-40）然後狂碌米線都幾開心，我內心表示認同 LOL 不過啲牛牛真係好應該要試！！真心推！！仲有甜品又係 crazy，牛角飽 waffle 加一大球雪糕，邪惡又好食之選！最後想讚一讚個兩杯咖啡，我以為買一送一應該係頹貨，點知原來都係咁有誠意，有 cream cream 有唂古粉，絕對係有心絲之作！…Read More

呢次同朋友兩人去咗尖沙咀嘅云手工火鍋店打邊邊，呢間唔係任食，係食質素同服務嘅，想狂食食到嘔嘅朋友未必岩（話雖如此，我哋唔係叫左好多，但都食到飽飽derrrr 😙)首先提提大家，個基本湯底&湯料是十分足料！叫野食份量時可留意，一開始唔洗叫咁多住，慢慢加。我哋揀咗松茸雞翅冬瓜魚湯鍋底。個鍋一到嘅時候，是緊係相機食先lol， 然後店員幫我哋將舊大冬瓜切開，同埋將啲雞放落湯，等佢滾左嘅時候就試左湯先，湯好香濃，入面啲姫松茸都好多！火鍋配料，叫左新鮮炸紫菜響鈴，手工芝心牛丸，米國安格斯牛，黑松露餃，皇帝菜。聽我講，芝屎牛丸必叫，個芝士勁濃。黑松露餃同個姫松茸絕對係 perfect match。安格斯牛肉，脂肪同埋肉好平均，每slice只碌5-10秒，正。皇帝菜都新鮮，同鍋底嘅湯汁好配。食到差唔多後尾，食埋個冬瓜，好林好好味😆😆呢間火鍋店環境都係好舒服，好適合同朋友一齊去食。…Read More

😆😆😆SUNDAY LUNCH!!! 想食burger, 就去美麗華😆😆😆啱啱去咗尖沙咀美麗華嘅 Burgeroom，未入去已經俾佢嘅裝修吸引咗，輕工業風，成間嘢都好有特色好chill，啲位好闊，坐得舒服。好耐都冇試過去一間專門食漢堡嘅店，睇到佢張list，就已經覺得好professional。佢所有漢堡都可以加$35變成套餐 I.e. 有薯條同飲品。我哋揀咗特量芝士牛肉漢堡（加牛油果醬）同大烤菇芝士牛肉漢堡套餐，再加埋啲小食：鱈魚手指配好味他他醬，同埋蜜味辣雞翼。溫馨提示：套餐嘅薯條，佢係新鮮炸出嚟，而且冇落鹽，佢會比茄醬你嘅，但更加值得一試嘅係黑松露芝士醬，真係超級好食，同熱辣辣嘅薯條加埋一齊係Perfect match！😙店員服務態度都好好，好親切，好有禮貌，令人好舒服。唔好以為食快餐就會好快吹你走，我哋差唔多食足個幾兩個鐘，一路食一路傾偈完全冇問題。我見佢都有酒飲嘅，夜晚happy hour或者同朋友嚟吹吹水，都係一個好嘅選擇，最緊要係啲嘢食都好好味。總括而言，Burgeroom係一間真係好正嘅restaurant，不止係食物好食，服務好好，仲有特色嘅裝修同環境好舒服。如果你鍾意食burger，又唔想食平時食開嗰間頹嘢，一定要嚟到尖沙咀嘅Burgeroom啦！🍔🍟🌭😋👍（價錢請睇餐牌，性價比都唔低㗎😆）…Read More

唔知你有冇一啲朋友，想一齊dinner嘅時候，又唔知食乜，就會揀去打邊爐 （因為乜都有唔使諗😂），我諗牛之鍋應該係一個幾好嘅選擇。其實佢個地理位置係近銅鑼灣站Times Square，係Tiffany嗰邊個出口出，一過鵝頸橋就係。喺地下嗰度左邊係樓梯右邊玻璃門一推入去，其實係lift嚟嘅(我以為係住宅入口，所以行樓梯），大家可以留意返。晚市兩小時任飲任食放題，有ABC三個選擇。因為係星期一夜晚，有啲Monday Blues又唔算太肚餓，所以揀咗保守的B餐，但其實都係極多嘢食好豐富。湯底有10款，我地揀咗麻而不辣嘅香檸滕椒金湯，同中女最愛蟲草花松茸湯（可揀一人一鍋或兩人一大鍋）任食嘅肉類用手機，丸丸同埋菜個啲，可以喺出邊凍櫃任揀，啲嘢多到我都唔知點講，大家可睇圖🤣 任食嘅牛肉肉，我強烈推介牛肩胛肉眼同埋封門柳，質素高，有牛味，肉質唔會韌。 凍櫃有好多唔同種類嘅菜，值得一讚嘅係佢有豆苗同蟲草花！！！好少打邊爐嘅地方，會有豆苗俾人揀，夾咗勁多嚟食，好滿足。 除咗火鍋配料，佢都有魚生串燒，仲有佢嘅甜品，一定要嗌佢個鮮奶燉蛋白！唔好睇佢好似唔打卡able，但其實超好味！…Read More

我最近到澳門旅遊,在倫敦人的翡翠拉麵小籠包餐廳享用午餐。其實餐廳有很多吉位，但仍需等候，因為餐廳人手明顯不足。但服務 staff 十分友善。在等候大約十五分鐘後，我點了一碗四川式擔擔麵。麵條有彈牙口感,在微辣的口味中搭配了花生醬、肉碎、及芫荽蔥。麵汁濃郁及辣味足夠,但花生醬的分量稍嫌不足。整體而言,擔擔麵的味道十分不錯,但還是巴黎人的才令回味無窮。總括而言,翡翠拉麵小籠包餐廳雖人手略顯不足導致較長的等候時間,但菜式味美,價錢也實惠。若人手能稍為增加,這家餐廳將是澳門旅客享用地道中國菜的不二之選。我會向其他想嘗試正宗中國菜的朋友推薦這家位於半島中心的翡翠拉麵小籠包餐廳。…Read More

最近到大圍區走走,發現呢間 decades-old 的腸粉店「坤記腸粉」，於是就入去食個下午茶。點了腸粉、燒賣、碗仔翅和凍豆漿,總花費約港幣七十五元。腸粉真係滑嘟嘟，啲醬都好正。燒賣就正常發揮啦。碗仔翅是經典的味道，夠熱，喺枱上邊有紅醋同胡椒自己落但凍豆漿稍有些遜色,冇乜味,或許店內生意太快導致豆漿新鮮度欠缺,若能放慢步伐或許口感會更好。整體而言,坤記腸粉的傳統小食令人驚喜,腸粉和燒賣尤其值得一試,下次還會回來。…Read More

最近到澳門玩,到肥仔文品嚐澳門小菜。店內裝修以傳統澳門茶樓為主題,擺設亦頗有年代感。點了多款小菜二人分享,包括蝦子雲吞麵、竹升籽粉、水蟹粥、椒鹽粟米、炸墨魚丸及炸鯪魚球。蝦子雲吞鮮嫩爽口,麵條也能吸收餡汁。竹升籽粉煮得剛剛好,籽粒有微微咬口,很夾口。椒鹽粟米外皮酥脆,與椒鹽味道很搭。炸墨魚丸球內墨魚餅Q彈,皮酥香脆。水蟹粥味濃郁, 原隻水蟹鮮味十足。雖然食物質素不錯,但用膳時間卻等了將近一小時才入座, 有點不足。總體來說,肥仔文的小菜確實有特色,即使等候時間較長,也值得一試。…Read More

我最近同屋企人到大圍小館飲早茶,品嚐他們的傳統點心,覺得十分美味。店內裝修簡單舒適,很適合聚會食桌餐廳。陳皮鯪魚肉腸粉是我的必備點心,魚肉餡餅皮有微微的咬口感,搭配特製辣椒醬,味道非常夾口。沙翁也很不錯，極巨型，而且有好多糖，佢哋真係做到懷舊嘅風味。還有他們的馬拉糕,馬鈴薯蓉及白糖糯米做成,表層有些微硬脆,中間則軟落爽口。整體來說,大圍小館的點心做得很有傳統,選料考究又新鮮。再加上服務員態度友善,性價比也不錯,是一間值得再訪的飲茶點心好店。大家留意，如果想飲10:30第一輪，大約9:30前要到達排隊…Read More