yummyfan's Profile

今日dayoff，一早諗好要食個靚早餐同埋唔少得靚咖啡一直想試Blossom ，之前去到唔係已經收舖就係太多人無位…..今次平日早餐時間去到都已經有3、4枱客，好彩唔使等位佢係用QR code 自助落單，咖啡先到～我叫左Flat white 入口已經覺得好香即刻醒晒同加分(唔怪之得成日都full house)，之後早餐都到埋～Sourdough toast得啱啱好，配埋香蕉花生醬，正!個set 仲有d奇亞籽同哈密瓜，好完滿嘅早餐一定會encore ，想試埋Tiramisu 同再試其他coffee☕️希望下次都唔使等位…Read More

已經食過幾次，今次星期六下午去食，唔使等位揀左自選丼，套餐有埋蒸蛋，湯同漬物～大滿足另外加左個枝豆，熱辣辣而且份量都幾多，唔會因為唔係主食就求其刺身新鮮肥美，服務員態度好好而且有效率，值得讚賞⭐️～食飯除咗要食物有質素，服務都好緊要，呢間餐廳係間唔中想食好啲就會去…Read More

復活節假第一日，滿心歡喜約咗朋友一齊brunch，明知好大機會要排隊都想試吓呢間…見都有好多人話正，d相又好靚咁，無諗到落差咁大(除左環境)，先講食物：我地叫左蟹肉意粉，佢最初上錯左帶子意粉，好在我地未開始食，到換番個啱嘅但碟意粉只係微溫，平時餐廳d意粉都係熱嘅未試過呢個微溫style 🤔唔知係咪我地要求高不過話晒都跨區特登黎食；之後杯咖啡明明兩杯都係latte應該同一個師傅冲，第一杯個拉花好靚…..但第二杯(第三張相)🤨唔知發生咩事，不過味道係正常嘅；到上雞翼同招牌牛油果龍蝦湯烏冬，因為張二人枱真係比較細，放晒d野食係有d難度但第一次體驗到侍應s但求放低之後就一齊走開左，其實係未放平d野食嘅我哋唯有自己郁下d位自己搞掂啦，我地都有責任，無諗到張枱咁細仲叫三樣食物加兩杯咖啡；仲有個小插曲，到食完我地至醒起個招牌牛油果龍蝦烏冬無左牛油果(好在有影相)，佢哋都有補番但食落味道係雪左好耐，只係一人試一片後就放棄剩低個片🙏🏻.…總括係～試一次ok嘅環境係好嘅，我地就未食完已經要諗定點都要搵番間cafe飲番杯靚咖啡平衡返～完。…Read More

辛苦左成個禮拜，想食個靚扒慰勞下自己😉近近地去大圍，見呢間環境唔錯食扒幾出名就試一試～雖然唔係太餓不過又好想試吓d小食就叫埋個蝦多士🦐....無諗到隻蝦咁大隻👍🏻多士夠脆，個蒜蓉醬加左蔥油，好香，應該佐酒一流😄🍻後尾至睇到佢哋原來有happy hour,下次gathering可以黎呢度，仲可以試多幾款小食😋主菜當然係牛扒啦，叫左~肉眼扒配焦糖菠蘿，七成熟....剛剛好入面仲係有啲粉紅色，配菜都好吸引，脆薯夠多而且面好脆👍🏻上菜時已配埋茄汁，好貼心個焦糖菠蘿一上菜已經聞到好香，好juicy 而且令到成個主菜感覺好balance⋯⋯有肉又有配菜又有生果呢餐真係大滿足，連埋杯凍檸茶三百幾蚊，物有所值…Read More

星期六下午做gym前食少少野打底，想食壽司又唔想食元氣.....醒起之前有朋友推介過，自己又未試過就今次順便試吓😋好彩中午時間無咩人，拎飛等左一陣就有位，安排左吧枱位但好貼心有個籃俾你放袋👍🏻野食方面都無失望，高質⭐️新鮮🍣地方整潔，吧枱位都好乾浄，職員好有禮貌，雖然價錢算貴貴地不過物有所值嘅而且野食黎得快，見佢哋密密出一盤盤壽司，尤其是吞拿魚，勁大件而且色澤好靚好新鮮(可惜我唔好吞拿魚😛不過見好多人叫)，一定會再encore😁平時工作辛苦，梗係要食下好西😆👍🏻旺角區有質素嘅壽司👍🏻Encore之選👍🏻服務好、食得舒服👍🏻d薑都好好味，唔好漏咗佢😋…Read More

趕時間只有大概半個鐘食個飯，記得以前lunch經過呢間成日都好多人，趁今日竟然無咩人就揀左係到食....一坐低就serve 碗青紅蘿白湯，睇番餐牌原來跟飯麵都奉送無味精靚湯😀揀左食咖哩海南雞飯(即係咖哩雞飯)，可惜唔可以等到下午茶時間，如果唔係就慳成廿蚊啦😆不過佢個飯都唔錯，咖哩好香有d辣啱晒我呢d鐘意有d辣但又食唔到太辣嘅😛雞嫩滑，份量ok，個凍檸茶都pass，好彩佢地上野食算快，我30分鐘左右可以食完埋單走人，唔錯唔錯～趕時間又食到有質素嘅野食同凍0茶～…Read More

見到好多人推介去開灣仔就去試試....除左coffee同french toast，仲食埋佢signature 嘅蛋治，不過d蛋原來mix左wasabi，我唔太好wasabi所以就唔太ok(無影到相添)😬咖啡好正好香😋拉花都好靚，雖然成$50杯都值得encore～法式多士，香甜好味，有syrup同忌廉仲有香蕉伴住，唔會過甜，其實就咁加埋杯咖啡已經好滿足去幫襯時記得咖啡要放低飛去coffee corner，之後要留意嗌飛去拎😉bar枱位好特別，要拉張凳出黎，初初未見到人整都唔知😛～一試無妨，唔食wasabi唔好叫蛋治～…Read More

灣仔新開靚靚西餐廳，係街市附近嘅清泉🙂黑白漫畫風裝修，睇得出有心思☺️lunch原來好多人book左枱，我地無book枱只可以坐高枱(搭枱)，有少少逼，放意粉個碟都要就住就住....先黎湯同沙律，湯一飮就feel到係粉開個種(應該係日式忌廉湯)，沙律ok，個雲石紋枱好適合拍照🤪個蕃茄肉丸意粉有驚喜，味道酸甜適中，意粉軟硬適中，汁夠多，不過如果意粉份量多番d更好😋野飲方面，中規中矩😉不過加埋個環境都係一個愉快嘅午餐～encore的話要book枱，預備定相機～…Read More

同朋友發現左呢間甜品店已經好耐，應該係佢地開在無耐，就令我地眼前一亮一試成主顧今次再試埋新出嘅黑胡麻(即芝麻糊)，黎緊秋冬就多個選擇😋佢哋裝修簡潔光猛，open kitchen可以”裝”到師傅整甜品而且空間感更好無論四季，我地諗起想食甜品丶窩夫就會去幫襯😙仲有特式嘅＂樽裝＂甜品，有時想清淡d就食桂花樽，yummy 😋窩夫係比利時窩夫，同一般雞蛋仔味嘅窩夫唔同，口感更香同有口感，配佢地自製嘅雪糕更加加分，而且唔會太甜，每次食完都大滿足可惜座位有限，同朋友經常一行五丶六人有時要等一陣，不過肯坐bar枱通常快d有位，佢有掛勾係枱面底方便掛袋所以我地都會照坐😅除左馬鞍山區，相信佢都可能係沙田區最正嘅甜品店....希望黎緊秋冬有多d中式熱糖水…Read More

大坑一向多野食，今次lunch hour 特登黎食果然有驚喜😋價錢平民化，質素好👍🏻個脆邊蛋肉餅飯超正，一上枱見咁多蔥花已經覺得好＂靚＂😚，個蛋邊勁脆但又唔會老，係食過嘅蛋中無no.1 都no.2😃飯嘅份量適中，而且d豉油帶少少甜好夾成個肉餅飯，非常滿足口痕叫埋個咖央多士，都唔錯，唔太甜....仲試左佢嘅薏米水，少甜，好refreshOMG....希望佢可以開多d分店，開到黎沙田就好啦😀～欣賞食物有質素，價錢平民化，推介肉餅飯～…Read More

身為Starbucks會員，唔可以話特別like佢d咖啡，不過有時係佢到hea下時間睇下書係唔錯嘅☺️而且有d野食，咖啡都可以，尤其鐘意佢特有嘅Ristretto Bianco通常港島區仲要有Reserve star嘅分店質素比較好，例如中環丶銅鑼灣，我第一次飲RB就係Jardine house 嘅staff介紹，一試愛上....不過飲過呢間足以改變我嘅睇法....飲一啖已經為之一振😬，打開睇下個＂花＂更加失望，心諗係太古城竟然如此質素 😨📍RB其中一個signature 就係一個白色圓點，佢無🙅🏻‍♀️📍飲落去勁奶又稀🤦🏾‍♀️錯晒.....RB特色就係口感濃郁，佢呢杯仲奶過latte雖然見沖咖啡嘅好忙無停手，但質素keep唔到令人好失望.....只好以後唔再去呢間分店🤷🏿‍♀️～一個大品牌真心希望會keep番款款咖啡，間間分店都有質素～…Read More

行完金魚街朋友要搵米線食，見呢間有粉麵就入啦，雖然成日行旺角不過都未食過呢間，如果唔係朋友堅持食米線都未必會入😛點知非常impressed😃, 店員服務好好👍🏻今時今日已經好少遇到，而且店員都係有d年紀點知快手又有耐性....見我地多野主動拎多張凳俾我地擺野，我地見唔到餐牌有米線問佢，原來晚飯時間收起左d點粉麵嘅紙不過佢都即刻拎俾我地....我唔太餓但口痕就叫左個蠔餅同凍檸茶，蠔餅好香而且好足料多蠔仔😋個米線都唔錯架我地share食要碗仔又要叉，佢拎杯茶幫我地浸定隻叉😃，好耐都未遇過d咁貼心嘅茶餐廳伙計，雖然係茶餐廳不過佢d地方都好乾淨，細心d睇餐牌原來佢嘅炒出前一丁攞過奬，而且有好多人叫煲仔飯，聞到隔離枱好香....睇黎下次去旺角多左個選擇😄～服務好又好味嘅地道茶餐廳，伙計值得讚賞～…Read More

特別日子同朋友食好西，見呢間任食雖然價錢貴(食8:15時段，未加一每人已經over$500)，不過見到有生蠔丶蟹腳又有和牛任食，仲有任飲清酒丶梅酒丶紅酒丶白酒....汽水丶茶水任飲就一定啦，佢仲有Movenpick、Dreyers雪糕～～入座先送一盤海鮮+一盤和牛同豚肉+刺身併盤+生蠔，和牛同豚肉都嫩滑好味(平時一田買都要百零蚊幾片)，其他都唔錯可惜生蠔隻隻都有蠔殼碎，d蠔其實味道好鮮而且有肉不過成口碎就有d無癮😕叫多一round 都係咁就同店員講請佢地再洗一洗....可惜拎返黎嘅都仲有殼碎，因為見d蠔味道真係唔錯而且要回本嘛....再叫多轉俾多次機會，可惜😬....咁唯有拎支水自己再沖一沖🤪除左和牛有質素，海鮮盤條魚燒完好好味嫩滑鮮甜有驚喜，仲有隻雪糕係未見過嘅牌子....竟然係Made in Hong Kong 🇭🇰😃 ,朋友試左芝麻丶芒果丶曲奇味話全部都好味，值得一試！～如果飲得之人更抵，希望佢洗生蠔有改善～…Read More

平時極少到北角開餐(一年都未必去一次😛)，今次屋企人揀左呢間，非常有驚喜😃入餐廳時已經見到有個蛋糕櫃，放左好多精緻切件蛋糕🍰，入到去坐滿晒人已經覺得質素應該唔錯😏因為唔太餓，3個人只叫左兩個主菜一個小食....先黎每人一碗蘑菇湯(非常濃郁)同外脆內軟嘅香草包，個包好好味沾湯食更正👍🏻👍🏻肉醬千層麵～芝士夠，d肉同麵份量剛好，好鐘意個蕃茄sauce好好味仲有d細嘅蕃茄粒🍅雜菌意粉～好香而且d菇好多🍄鵝肝多士～鵝肝好厚又煎得香脆，多士厚度剛好，個醋正😋仲有乳酸飲品，fancy得黎好味👍🏻👍🏻可惜已經食唔落甜品，下次要再黎試多d🍴～Encore之選～…Read More

之前食過佢嘅lunch set, tea set都唔錯, 今次晚餐想舒舒服服食意粉就諗到佢🙂，價錢經濟得黎食物有質素環境又舒服.....dinner set 都有意粉、飯同牛扒，可惜無我地想食嘅黑松露意粉咁我地就散嗌，其實散嗌可以加錢有埋湯、飲品、沙律(自製set)，都幾抵😉意粉份量足又多料，好多蜆肉仲有三粒帶子(只係帶子咸左少少)，大滿足～不過一個意粉當然唔夠食啦，我地仲叫左個煙三文魚benedict蛋配英式麵包，個包有烘脆個汁又好味，仲有烤蕃茄伴碟👍🏻碟野一上枱已經顧住食唔記得影相添😛～食意粉同benedict好選擇～…Read More