SWY0901's Profile

深水埗窯雞王開業差不多一年，冇乜人排隊我先買嚟試下，發現冇得堂食，餐牌真係以窯雞為主。食物種類真係好少選擇，咁有信心主推窯雞。落完Oder 5min左右就岀到餐，當時係18:30買，拎返屋企成個鐘就後依然係溫熱嘅，岀品都好有保證👍🏻包裝配備餐墊紙、吃雞指南、防燙棉手套、膠手套及濕紙巾等👍🏻👍🏻提示話可以沾湯吃，但係湯有好多油，沾上食會好快膩。雞皮的油脂特別多，但係唔係烤，所以都會比較容易膩。嗌嘅係全雞，整體食嘅感覺雞翼雞髀同浸住湯汁嘅位比較入味，其他都冇好入味。⚜️整體嚟講•偏油、唔柴、湯汁濃味 成隻食好過癮😋可以一試🌀不過不失啦🔅女士半隻雞就夠食🔅🈸個人唔太中意太油膩，亦唔係肉控，俾大家做個參考💮…Read More

鋪頭門面->睇落幾乾淨樓面->簡潔但有冷氣滴水嘅問題員工態度->不緊不慢但唔算差基本唔洗等位，人流都唔多泡椒湯底自選米線 🥫泡椒雖然係餐牌最辣嘅湯底，但對住食開辣野嘅人嚟講冇乜料到，味道偏淡口🍜米線硬度中規中矩，煮淋身啲配撘個湯會更好🥦食材新鮮，配菜肉碎都好捨得俾…Read More

估唔到喺咁多維修鋪頭附近有呢間米線，留意過一段時間，今次見冇乜人就入去食坐低落完單之後，職員嘅態度都唔差，仲同我介紹下佢哋鋪頭有咩好食，我聽咗建議試下個雲吞，係出乎意料有驚喜！雲吞嘅肉唔散，有肉香味，仲好薄皮添！但老實講我嗌咗中辣都冇譚仔小辣嘅辣度，可能我下次要食特辣，個湯同見到隻色一樣淡淡地，我最後係加咗枱面嘅胡椒粉調味，食落先更加野味，米線同配菜嘅份量好足夠。我特登走去食第二次，麻辣湯(特辣)。老實講真係好淡，湯底冇乜味，非常清淡。配菜同埋餸都算岀色嘅，不過因為湯頭唔得，我冇勇氣試佢個蕃茄湯？！…Read More

首先鋪頭位置都容易搵👍🏻旺角地鐵站E2岀口最近🚇我揀咗150min刺身海鮮火鍋餐（C1）入座之後會上3樣頭盤：刺身 新鮮海鮮 豬肉牛肉煮熟之後見到貝類好新鮮，飽滿有肉😋炸物上枱仲係暖嘅，唔會炸到乾曬👍🏻一開頭上枱有少少驚喜以為係新鮮花甲，但原來都係冰鮮死晒嘅。蠔都係中規中矩唔會好腥。我揀咗個壽喜燒湯底，個湯唔會好淡仲越食越有味，剩係得湯冇其他配料，所以就整個生雞蛋🥚配肉真係一流🫣冇影低啲肉類，但係全部都係薄切，識落有少少肥膏唔會好嚡👍🏻👍🏻最後整個面收尾，好滿足☺️一路食嘢嘅時候店員都會一路幫手收枱，唔至於成枱都係吉碟…Read More

我係9點後入座嘅，坐底之後揀湯底，雖然魚煲多人食啲，但我俾個椰子湯底吸引咗。嗌咗湯底之後，職員過嚟簡單同我講吓醬料區喺邊度，嘢飲嘢食喺邊度攞。跟住同我哋講水滾之後就可以到啲新鮮雞件落去，然之後用漏斗計時，夠鐘就可以閂火食得。 醬料區都算整潔，但食物就快沽清。甜品就剩係得呢啲雪糕，但係雪糕匙羹有啲污糟。自助區內容一眼睇曬，野飲種類唔多，但食物種類都唔差。牛肉唔建議攞，非常老，其他都冇乜問題。呢杯果汁係有個職員推車仔問我哋要唔要嘅，不錯，飲落去冇藥水味，清新橙味，仲有少少百香果味。好奇怪有一下，我想搵職員，但行咗一圈之後竟然一個職員都唔見🤣…Read More

冇意中經過雞地小巴站😗行過條巷仔見到鋪面好單調，但係入面好多人😏咁啫係隱藏高質小店？🤩 大約中午13:00入面係坐滿曬人嘅，我仲喺門口等咗一陣，不過10min都冇，好快就有位啦👍🏻嚟到呢到梗係食招牌餐啦-豉油汁到識食雞脾煎蛋飯-估佢唔到，真係好大塊雞脾‼️成個手掌咁大，雞脾外脆內軟😋雞脾炸過，雞皮非常酥脆🤩出乎意料吖，雞肉煮得啱啱好，一個字，絕。當食雞脾太溜，仲有幾片青瓜可以解膩👍🏻都可以見到雞脾有半隻碟咁大😍仲有個一樣嘅雞脾餐，但係就轉咗做撈丁，都係豉油汁，其實食落唔似豉油，有啲似鹵水汁，但又冇香料味嘅。嗌咗兩杯檸茶，一杯正常，一杯少甜少冰，但嚟到兩杯都係少甜少冰。 👇🏻👇🏻皮脆肉滑✨最後仲嗌咗個-鹵水雞翅- 但唔記得影相😅雞翅好嫩，鹵水香料好足，唔會咸，我完全覺得啱啱好，‼️重點係唔會見到有毛‼️冇論係睇落食落感覺都好好😋🐽食咗兩個餐+一份雞翅 總數$140有找侍應💁🏻‍♀️樓面人手唔多，感受到佢哋係專業嘅…Read More

其實我已經食過N咁多次🤭主要係佢餐廳嘅營業時間、食物份量同埋價錢吸引🤓 基本我都係好晏先去食，所以近截單時間，好多野都會賣曬🥹不過我都可以理解，都feel到佢哋啲野食係新鮮嘅👍🏻 👉🏻今次嗌咗個-肉丁麵- (常餐)哇 一岀到嚟見到咁多肉丁，真係好開胃🤩🤩 啲肉汁先係精髓吖🤤 食落去一啖麵一啖掛滿肉汁嘅岀前一丁🥹真係好爽😄個比例真係好重要‼️啲湯啱啱好冚過啲麵，湯嘅濃度加埋啲紅油同肉丁，認真覺得佢好岀色。👉🏻仲有-雪菜肉絲米-(常餐)呢個米粉就不過不失啦😕米粉唔會太淋🧐不過可以讚一讚個雪菜👍🏻，佢同其他餐廳比較，個雪菜唔係霉嘅😏真係新鮮有咬口，好明顯見到菜葉同菜莖🫶🏻仲有份量都唔少👆🏻呢兩個常餐我都嗌咗火腿奄列，蛋睇落唔係嫩嘅，不過都有啲蛋汁喺入面，我就覺得火腿有啲咸，而蛋就冇乜味😕冇錯一次過食三個餐-豆腐火腩飯-（晚餐）呢個餐正常水準啦🫵🏻飯係多嘅，餸都好多🥰食嘅時間唔洗就住就住，唔洗怕食曬啲餸仲有好多飯剩低😳啲汁撈飯又啱啱好。肉係偏肥嘅，如果食野有啲肉太溜🥺🐽今日食咗三個餐，食落一啲都！唔中伏！三個餐加埋都係$155，呢個價錢，呢個鐘數，邊到仲搵到呢啲質數😋侍應💁🏻‍♀️服務態度真係好好，好有人情味🫶🏻感覺到佢哋享受工作，唔係打份頹工。⚠️細食人士注意⚠️份量唔算細…Read More

話就話花膠麵，但其實就係魚唇😒。攞住花膠嘅噱頭，但賣嘅係魚唇真係唔好。我知邊有咁平嘅花膠吖，但攞得岀嚟賣，就要講明吖嘛！雖然餸唔少，但辣汁冇講明係麻辣😅。整體都唔差得去邊，但唔會有下次。服務態度一般般。如果唔知咩係魚唇係咩樣咩味，去食一次雲貴軒就知道口感一樣，魚唇本身冇味，就係靠個湯。好失望😞…Read More