tangjack的個人專頁

韓式雞相信各位都食得多啦，但依間Dodam 都算係我食過既款式最多既韓式雞店佢有烤雞亦有炸雞先睇環境同餐牌時間尚早，所以靜啲啲，晚少少就人多啦除左雞類款式多外，餐廳仲供應其他韓國菜式、Pizza 同沙律等，以上只是部份菜單黎飲品方面，我叫左Apple Cider Rita，好大杯，我自問飲水多既結果都飲唔晒啊烤芝士豬肋骨係依度既推介菜之一賣相都好好的放舊骨用芝士係上面卷下卷下，做到拉芝效果味道十分唔錯，豬肋骨既肉質鮮嫩，燒準惹味，而芝士亦唔算好穌，好食我地叫左香甜脆辣雞配韓式甜豉油脆雞雙併賣相唔錯，睇落份量都算唔少，約八至十件兩個人食岩岩好雞既肉質鮮嫩，香脆可口，醬汁甜甜地有少少酸好惹味，整體都算好好食整體來說，餐廳坐得舒服，食物質素頗高，好適合聚餐…查看更多

泰菜我一向都幾鐘意食，即使唔係成日食見依間新泰評價都幾唔錯，朋友話想食泰菜就於是黎試一試一出升降機有個好寬敞既大堂再行入去好多特色陳設，以木為主，感覺泰式得黎又好warm地方算幾大，又有足夠大枱，適合大夥兒聚餐。一坐低睇餐牌就發現都好多嘢食餐牌太厚既關係，俾幾頁重點俾大家睇下泰菜其中一大特色係燒物，我地揀左蜜糖燒肋骨即係泰式ribs，食落豬肉既油脂味配埋蜜糖既甜味好夾整體香口入味，好食泰國既海鮮類都必食我地揀左條魚黎食，依味鹽焗烏頭（佢可揀要就盲曹魚），都幾大條，兩個人食實夠飽雖然話叫鹽焗，但條魚皮係脆同硬既，感覺好似係炸既咁，但魚肉又滑嫩，點埋泰式辣醬更加好味泰菜必叫就係炒金邊粉用個蛋包網住黎上枱，幾靚金邊粉即叫即炒熱辣辣而且有鍋氣，淋上青檸汁食起上黎味道層次更好臨走既時候，見餐廳都幾旺場，但其實係閒日黎整體而言，坐得幾舒服，食物質素好，難怪評價好…查看更多

宏已經由日本進軍香港有好一段時間，尖咀果間成日見都幾多人，我知黃埔開左間分店，應該易啲搵位，所以專登約埋朋友黎食一黎到果然係較少人，所以即刻入座坐低之後，店員都好有禮地簡單介紹下有咩推介食品，不錯餐廳既menu 真係好大本，所以唔影俾大家睇啦，真係好多食物選擇揀左好耐先落到單我就揀左純日本白燒鰻魚定食第一眼望到整個餐好整齊咁送上，已經覺得真係好日本風，其實知道宏的確由日本黎既，感覺佢即使黎到香港，管理都做得不錯條白鰻魚比一般大鰻細小，但肉質較大鰻爽脆及鮮嫩配以鰻魚醬汁、䄂子豉油、海鹽、七味粉等配料，味道更多完化不得不提既係，宏採用既米飯同埋烏冬係好特別既先講米飯宏採用既係新潟米，更重要係，飯米連殼由日本運到黎香港先打磨認真新鮮至於烏冬係採用純日本國內出產既小麥粉，加以高纖維質既海藻製作而成食落爽滑及軟韌適中，而佢用料天然，極為健康，難怪係日本仲攞獎啦叫依個定食論飯、烏冬以至白鰻魚都係推介食品，仲包埋餐廳皇牌卷蛋200蚊多啲可以試到晒全部，算係抵食另外仲包餐飲，指定係斯里蘭卡紅茶聽聞話英國皇室都有飲依隻茶唔理真定假都好，佢飲落茶味的確濃，添左兩次熱水後都仲好有茶味聽店員講，話佢地新番左部烘焙咖啡機，用黎製作自家烘焙加啡依杯咖啡係新產品，連餐牌入面都未見有架好奇心起令我要試佢一試烘焙咖啡佢一上枱就已經咖啡味既香氣撲鼻最重要係佢咖啡味香濃而淳厚，無焦味，飲落幼滑，係好飲至於友人，就叫左個天婦羅冷海藻烏冬套餐野菜天婦羅新鮮炸好，脆卜卜之餘又唔會太油膩，配埋冷海藻烏冬食一冷一熱個感覺很不錯雖然我有話過唔影餐牌，但依頁餐牌真係要俾大家睇下，睇下個套餐性價比幾高99蚊就包晒主菜、斯里蘭卡紅茶同埋蛋卷，既有質素既食物而價錢實惠之後就上餐廳既皇牌蛋卷啦友人揀左日本草莓小蛋卷忌廉份量適中，蛋卷軟熟，配埋草莓既輕微酸甜味，好食而我就揀左餐廳既主打抹茶蛋卷抹茶忌廉散發出陣陣抹茶香味，食落唔會感覺飽溜，必食我地見餐廳既甜品款式好多，賣相極吸引，所以最後再叫多個抹茶芭菲一齊食抹茶軟雪糕真係無得彈帶有少少烘焙茶香，配埋白玉丸子、紅豆、厥餅等配料一齊食，論味道及口感都好豐富好味得黎又夠大杯，好食餐廳門口亦擺放大量外帶用既蛋糕同雪糕整體而言，餐廳各種食物都做得幾出色，賣相靚、款式多，而用料健康，係滿有誠意之作值得試…查看更多

今次黎左依間冰室，同友人兩個人黎食，其實都好抵食！點解？先講我自己叫左一個卡邦尼意粉，有野飲有湯有沙律，但係都只係70蚊有找，真係好抵食！加8蚊又有埋木槺布丁，甜品都解決埋。等我逐一介紹下食物既樣貌其實都平凡既，畢竟要乎合冰室既風格，所以我覺得個樣正正常常就好好，個餐湯係紅湯，入面啲餸都幾多野飲方面，我貪得意加多啲錢叫左日式青檸綠茶，飲落好清新，飲完感覺好似會清到腸胃咁卡邦尼意粉佢個隻蛋就咁打左上意粉面，一黎到要即刻撈下佢，一開始我對依個形式上有啲卻步因為我唔太鐘意啲粉好多汁（啲蛋撈完實有汁），但味道唔錯，雖然最後都係好多蛋汁係底，但係個卡邦尼唔會太漏！木槺布丁唔會好cream，我自己好憎cream所以好怕佢好漏，不過依個唔會，如果木槺再多啲就好啦因為同人地去食，仲叫左啲小食，叫左蜜糖雞翼同芝士肉醬焗薯條，兩個對起黎我鐘意雞翼多啲，真係好好食好juicy!個薯條同出面整開既有啲唔同，味道都ok不過我唔太好薯條所以推雞翼多啲！朋友就叫左扒餐，同樣都係包湯、餐飲同沙律，我就冇試但係睇落好正聞落都好香，佢都話好食！而且對起其他餐廳平，又係一樣抵食既item!最後想講既係職員態度不錯，不時過黎推介下又講下點叫會抵啲，雖然我地坐最落角，都會特登行入黎問下啲野o唔ok，加上其實將枱有啲細，佢地都好主動睇下有冇野要佢地收走，唔似一般茶記叫趁都唔黎！抵讚！…查看更多

依間餐廳主打日本拉麵，我以前都食過尖咀分店架啦印象係唔錯，所以今次見係中環都有分店就再食店舖賣點係濃厚豚骨湯、羽根餃子🥟當然要試下啦！<濃厚豚骨湯系列之炙燒豚肉海苔味玉拉麵🍜>個湯底認真唔野少，質地係濃厚既，但未至於傑同笠住個口，油份唔算好多，拉麵可選軟硬度。隆重介紹係炙燒豚肉，以慢煮方法炮製，每塊都好厚，肥瘦相隔<羽根餃子系列之照燒餃子🥟>名不虛傳！皮薄，煎過既面係薄脆，完全無硬既位，皮既口感係微煙韌，餡料多汁！配照燒汁，好味！最後以<芝麻雪糕>作結芝麻雪糕唔係度度有得食，黑芝麻味濃，唔會好甜，質地似gelato，賣相一流仲配以大大粒紅豆添必食…查看更多

香港連鎖茶餐有好多，如何可以突圍而出呢？離不開平靚正乾淨好食。有圖有真相，樓面乾淨整潔，每枱一瓶水，方便！<無骨海南雞飯>雞肉嫩滑無雪味，肥瘦適中，加上鋪面既香脆蒜片，增加口感！油飯就不必多講啦，海南雞既好夥伴綠色個汁超惹味又醒胃，混合左青檸汁，有啲似生蝦個汁，好中意！中湯係豬骨湯，仲有得送餐茶飲添每餐點都想有啲啲菜落肚既時候，就揀番樣沙律食下先On diet 既朋友都照著周到，主因係佢啲沙律唔係放好多沙律醬既，我揀左依樣青蘋果海蝦雜菜沙律配芝麻醬，十級fresh餐廳其實有晚市套餐menu ，不過我無叫到，其實價錢都幾大眾化，下次試試佢先…查看更多

好耐無黎過荃灣愉景新城，印象中係無咩特別嘢食，差不多全部都係連鎖餐廳黎，今次黎探朋友，就介紹左間嘢餐廳格局有啲啲似酒吧咁，但佢係商場入面採用開放式間格，都算幾好坐我地下午三點幾黎黎，但餐廳係提供Brunch menu ，都好多選擇，樣樣都好似幾好食咁佢提供既飲品都睇落好好咁仲有甜品食結果，雖然係下午茶既時間，但一場黎到，我都照叫塊肉眼扒食一上枱已經香氣四溢好香既炭燒味同肉香而薯條係厚砌仲係新鮮炸好，香脆可口沙律淋上既沙律醋十分之醒胃牛扒叫左七成熟，係燒得岩岩好牛味香濃，有咬口，滿口燒肉同牛油脂味，就咁食都已經係好好食我加左錢叫依杯鴛鴦，因為係西餐廳出現依種傳統港式飲品真係第一次見就如佢餐牌所講，真係好有特式，賣相亦好吸引。味道方面，起初飲係似奶茶多少少，飲飲下啲咖啡冰磚溶左之後，就會變成鴛鴦我揀既係原味，如果想有多層味道既可選擇焦糖或榛子味聽朋友講話依度個Tiramisu 好食，我就另外叫左個黎試，一上枱已經覺得好靚，仲散發出少少淡淡既酒香個Tiramisu 並無落太多cream ，唔會覺得好脆，食落好柔軟又不失一層蛋糕既質感，係好好食強烈推介…查看更多

依間叫自己做火鍋專家既菜館，如果唔係朋友帶黎都真係唔知原來佢午市係飲茶食點心既食過後覺得佢點心都做得不錯即刻俾大家睇我地食左咩1. XO醬鴨舌 : 賣相都已經很不錯鴨舌香辣(少辣)爽脆，伴以海蜇清脆可口2. 鮮蝦菜苗餃 : 點心必食之選皮薄晶瑩，餡料味鮮3. 蝦餃 : 大件餡足，蝦味濃郁，都係必點推介4. 脆脆炸兩腸 : 腸粉爽滑，炸物鬆脆。爽脆可口。質素咁好，可惜得六件5. 叉燒包同埋馬拉糕：點心既重點之一，叉燒包做得好好，叉燒多而汁味濃，包好軟熟馬拉糕鬆軟又夠熱6.福建炒飯 : 幾個人飲茶點都炒番碟嘢一齊食依碟飯大碟料足，有蝦，雞肉粒，帶子，香菇，紅蘿蔔，菜芯粒等配料。味道香濃可口7.安蝦咸水角 : 皮脆餡香，不錯8.原隻蝦燒賣：係點心中既經典，夠大粒，又多汁味濃，好食9.黑椒粉絲蟹煲 : 入面有蝦，蟹，粉絲。蝦蟹味鮮，粉絲爽韌彈牙，配以黑椒，味道濃郁鮮美。最後想講係佢既辣椒油點食物好算係幾正宗既潮州辣椒油…查看更多

旺角人多車多，午餐時間唔想等位，又唔想同拉gip黨迫，又唔想食太hea，又得一個鐘，就試試阿來啦！地方尚算寬敞，待應招呼有禮。招牌海南雞(例)，還有半隻同一隻選擇。無骨既雞，食都食得爽啲！肉質鮮嫩，叫例都有雞亦雞脾，真幸運！泰式醬汁少辣惹味！打工必食lunch set香茅豬扒飯配飲品，經濟之選！豬扒啖啖肉，夠大份，有汁撈飯。平靚正炸魚餅即炸，走油，唔脆唔油，跟泰式酸辣醬，食到咀lam lam重點係咩？唔洗得，泰式快餐✌️PS你點其他野都需要製作時間，留意番…查看更多

成日聽人講食台式手工火鍋，今次終於都試左次感覺真係同平時既港式打邊爐有唔同首先睇餐牌，我地食6:30pm至8:30pm時段，點左極上「吃到飽」套餐，入面已經定左前菜、湯底、肉類、海鮮（要加30蚊）、手工火焗小食拼盤、任飲無酒精飲品及甜品，相當豐富另有一張無限追加火鍋配料既點餐紙，其實我都只係點左菜、魚皮餃同埋稻庭烏冬，因為本身個「吃到飽」套餐都真係幾飽依張點餐紙既食物就要另加錢既，所以我地無叫。火鍋醬料有成九隻俾人任意配搭依個係前菜手工麻辣麻醬手撕雞同埋秘製麻辣木耳，幾特別，微辣得黎又醒胃肉類三揀一，揀左手砌安格斯Prime Grade牛頸脊肥牛片依個真係一絕！必食！唔似一般肥牛咁薄，佢有啲厚度，但亦輕易咬開，牛味香濃依板嘢叫101特選手工火焗拼盤係同下面個台灣夜市手工火鍋拼盤對揀既，我地兩個人每樣叫左一板兩個拼盤既內容可以睇番上面既餐牌依個係套餐包既手工即炸響鈴同埋手工即炸魚皮估唔到兩樣都咁出色，爽脆我地加左30蚊要埋個時令海鮮拼盤海鮮幾乾淨，同埋都算有鮮味黎個合照啦仲未講湯底，揀左台灣沙茶雞涮涮鍋沙茶味濃，適合鐘意重口味既人內面亦有不少雞件飲品大部份都係任飲既，我就推薦水果冰茶系列，依杯係蜂蜜水果冰茶果味濃茶味香，不錯整體黎講真係很不錯，每樣食物各具特色，雖然我唔知係咪正宗台式手工火鍋，不過我單從食物賣相、味道、份量同埋店舖服務上看，都覺得係好好，如果想食火鍋但又想搞搞新意思既，可以考慮黎依度食…查看更多

如果唔係有朋友帶，我真係唔識黎依度搵嘢食依間Cafe位處熱門搵食地尖沙咀一個極不顯眼既地方小心錯過依條樓梯👇門口已經放左個大餐牌，有兩個二人套餐及一個四人套餐選擇由於我見到二人套餐已經包晒我地想食既嘢，所以就揀左二人套餐B其中一碗湯加左$15蚊要黑松露野菌湯陣陣黑松露味係不錯既另一碗保留番跟餐既蕃茄湯餐飲方面，其中一杯加左$15叫左抹茶鮮奶以奶味較多，配有陣陣抹茶味，不錯前菜揀左蒜香牛油炒雜菌唔似平時食既菇咁，啲菇好有菇味配以蒜來炒，係幾香至於主食，其中一個叫左risotto ，個汁煮得幾好，鍾意食忌廉嘅話應該會鍾意食，果兩隻帶子都幾大粒但如果啲米係用正統意式燴飯用既米煮會更好。另一個主食叫左燒羊架，七成熟，燒得不錯，肉香味濃，係好食伴碟既有薯條同茄汁燴雜瓜，其中薯條炸得幾好因爲見到有客人叫左pizza好似好大好靚既關係，我地都叫左一個依間cafe既薄餅係荷蘭薄餅，批底極之薄味道帶少少甜，好似法式薄餅crepes 咁薄同埋咁甜，係幾特別又好味用料都幾豐富架由於果批底好薄嘅關係，我就將佢捲埋嚟食，可以一次過將成塊放入口，味道更佳成個薄餅好似好大咁，但其實兩個人食綽綽有餘雖然我唔知道正宗嘅荷蘭薄餅係點樣，但我都覺依個薄餅係好味嘅，推介…查看更多

依家出街食飯，好多時離唔開西日韓餐，中餐相對較少，其中中餐入面既上海嘢就更少，但其實我係幾中意食上海嘢既今次意外地食到間平靚正既同大家分享先睇餐牌👇款式都好多，而且價錢合理，係銅鑼灣依一帶黎講算係平添桌上有一塊告示教你點食生煎包首先係上海生煎包係新鮮煎好，熱辣辣架個皮煎到脆卜卜，咬入去望一望👇入面其實好多汁的，肉味都好濃（注意：要小心啲咬啊，因為佢好熱，而內裡又有熱湯）之後係韭菜豬肉餃咬一口先👇雖然內裡有肉，但其實味道較淡，適合唔鐘意食重口味既人最後到主食：雞絲拌麵個麵係凍食既，大大碟淋上芝麻醬，放上大量雞絲同埋青瓜絲撈埋黎食食趁上海嘢我都鍾意叫依味菜架，因為似係上海菜獨有既，而依碟都整得好好食整體來講，依間上海店食物質素幾好，真算平靚正架，而店員服務幾好，上菜或收碟速度都好快，推介…查看更多

今日去炮台山搵朋友，散左之後又唔想自己煮飯，諗住搵間餐廳食完晚飯就返屋企。平時唔行開依頭所以完全唔知依到有咩好食。行行下見到依間日本菜，雖然要外賣，但又覺得與其慢慢搵不如快啲買完返屋企開冷氣慢慢食（畢竟外面真係好熱）💦😣💦。今次買左個鰻魚飯80蚊，加18蚊仲跟埋前菜同汽水，點個陣其實覺得外賣食成差唔多100蚊都幾貴，但念在鰻魚飯原本就唔平而且個陣真係好想食，所以都係叫左，但拎到個刻覺得真係好值因為盒飯好大盒，見到條鰻魚都真係好大塊好足料。返到屋企先食前菜，前菜係魚生沙律，有兩片三文魚生。本身對前菜猜乜期望，但塊魚生真係好厚好足料！！食落好新鮮！可能本身冇期望所以非常喜出外。終於到正餐，打開盒飯即刻聞到好香燒汁味，而且啲汁對我黎講岩岩好唔會太多太少，個燒汁味唔算好濃，我自己好怕咸所以覺得唔錯，鍾意味濃重口味既朋友可能唔太岩。最後我都係食唔哂啲飯因為真係太多，加上食左個前菜，所以食哂啲鰻魚就完結餐飯。總結——性價比高既take away!…查看更多

自翠X茶餐廳搞到有聲有色後，依家愈來愈多新派港式茶餐廳，食既嘢就係普通茶餐廳或冰室有既嘢，不過就整得更為好睇又好食又乾淨啲咁既樣。咁岩友人經常出入觀塘，仲話依間龍城冰室很不錯，就跟佢黎試試我通常去茶記都鍾意叫下鐵板扒食就叫左個板燒和風嫩牛柳配照燒汁而友人就叫咖喱雜菜羊架飯兩個餐都包飲品及餐湯先上餐湯👇西湯揀左羅宋湯，味道可以，菜夠多夠健康而個老火湯亦很不錯到鐵板扒上場啦👇一上枱，就聽到鐵板既咋咋聲味道好香，而塊牛柳真係好嫩滑，輕輕用刀就砌得開，所用既牛柳質素好過一般茶餐廳講番伴碟，鐵板扒可配飯、意粉或薯菜，我揀左薯菜。至於咖喱雜羊架飯都好靚👇佢既咖哩味好濃，帶輕微椰汁味，同羊架真係最佳配搭而羊架亦好滑，略帶羊穌味送飯一流講番餐茶，由於餐廳飲品選擇多，我專登加錢叫左個冰鮮果茶茶味夠，果味濃，推介至於友人叫凍檸七，佢俾足成個青檸架飲住杯咁爽既嘢飲，口癢癢想叫多個小食，就叫瑞士汁雞翼啦甜甜地既瑞士汁配雞翼都好味最後俾大家睇下佢晚上既門口，專登放埋射燈落地下，茶餐廳來講我真係第一次見…查看更多

我一向都鐘意食燒肉，但要搵間質素良好的真係唔易，而且我認為係旺角就更難，但依間烏龍燒烤又令我覺得喜出望外去到門口，發現原來間舖係半開放式，即係無一度門係度既，可能想方便散煙吧。一坐低，店員好快放上調味料，包括孜然粉、辣粉同埋一桶秘製醬油。果本武林秘笈當然就係餐牌啦。店舖提供既食物款式都好多，我地最都揀左好耐😵事不宜遲，我先介紹一下我哋叫咗咩嘢食啦由左至右數落去👇燒鹿兒島豚肉串燒孜然羊肉串皇牌燒牛舌店舖仲有每日新鮮海鮮供應，我地就叫左燒原隻生蠔三隻都幾靚下開始燒啦生蠔附上蒜蓉點上去燒壓軸出場既有海鹽牛肩胛都好靚，旁邊放上海鹽牛脂香味濃，十分好味，推介最後，另一樣必食推介一定係煲仔牛肩胛肉稻庭烏冬佢係分開烏冬同湯底上枱既，首先煲滾個湯先，再放入烏冬同牛牛肩胛同之前燒既一樣美味由於烏冬係採用到庭烏冬嘅關係，即使煲得耐左都唔會林晒，而且仲較容易索湯汁，食落既彈牙又入味，必食最後俾大家睇吓佢個餐牌有幾多款食物選擇…查看更多