ycwjj's Profile

疫情之前都會經常幫襯，餐廳經理都會介紹啲食物，服務都幾好，價錢雖然較貴但係都可以接受，見咁耐冇幫襯就嚟食啦，餐廳經理唔見咗，得一個女侍應，唔叫水都唔斟，食海鮮拼盤碟又唔俾，叫咗兩個牛扒同一個海鮮拼盤，海鮮拼盤唔新鮮，啲翡翠螺都未解凍，蝦又梅梅地，南瓜湯同沙律都可以，兩個牛扒叫咗五成熟，嚟到一個10成熟，切都切唔開，另一個仲衰切開啲肉怪怪地，好明顯唔係用新鮮牛扒，兩個都難食，好韌，埋單食咗千幾蚊，依個價錢，依個質素，唔怪之得成晚得我一枱客，仲要收九點，真係冇下次，伏到暈！…Read More

一向有光顧利苑，平均一個月三，四次，多數是圓方，APM，九龍灣，北角分店，而國金分店是第一次。一如既往都係打電話訂位，4月24號，本想訂1:30，2位，但接電話嘅知客話要2:00，如果早就比位我。當日1:40分到，門口冇客，同知客講話訂咗2:00，佢叫我等一陣，如是者等到1:50分，有其他客人到話訂咗2:00，三位知客就比位佢哋即入，我心諗可能人哋三個比大枱啦，但係現在4人限聚，有枱都會比我啩？！我再由冇人等到有好多人都冇位，到2:00再問知客有枱未，佢都係話冇，態度其差。之後再有其他冇book位嘅人到，知客叫人地2:15再過嚟，如是者又等到2:05分，又有一張三個人訂咗2:00嘅到咗，個知客又係第一時間比位佢即入，我再問知客我等咗半個鐘頭，大家都係訂2:00，點解佢哋唔使等，知客話我哋坐唔落，我唔知佢講乜野會坐唔落，另外一個職員就叫我入去，入到去見都有幾張二人枱，剛開完茶，就見到剛才冇訂枱既客人入嚟，其中有二個人客就比咗張圓枱佢地坐，如果二人係一定唔可以比圓枱要等咁耐，為何冇訂枱返而有得坐圓枱，訂位反而要坐走廊二人位，咁訂位做咩，入到去叫完野食都已經2:30，又話last order ，2:45已經要埋單，等位嘅時間仲耐過我食嘢嘅時間，快過食快餐，最大問題係未食都一肚氣！…Read More

我幾乎每日都會飲咖啡，台式飲品，今日行過見到依間店有新推出的黑糖芋圓奶茶便一試$36，叫了一杯走冰半糖外買，點知杯野得四分三杯，仲唔凍唔熱😨，其他品牌的店走冰之後仍然是凍的，還有佢果d所謂嘅芋圓好似一pat嘢咁，有d一粒粒類似珍珠嘅物體甜到痴線🤢我飲過坊間不同店舖的珍珠奶茶，黑糖奶茶等等，都未試過飲到一半就掉咗💀真係難飲到🤮🤮🤮…Read More

越棧幾時開始有入坐時間限制呢？如果有，是否入坐時就要講聲呢！ 我就怕多人所以6:15pm一個人走咗去食，我食咗半個鐘杯野都未開始飲，收銀個男職員（可能係經理）就走嚟同我講話我張枱已經夠鐘叫我走，我原本諗住飲完杯野都走，唔好阻住人地d位，我見到張單係6:20pm分入嘅，又唔見有寫用餐時間限制，於是我咪用咗5分鐘時間飲埋杯野走囉，其間個男職員係不停眼望望我，但到我行去門口收銀位置比錢（$68）佢即彈開，我見門口一個人都冇等位，當時係7:00pm，有冇需要咁趕客走，最神奇係坐我隔離枱果二父仔仲早過我嚟，食完飲埋野都未走，又冇叫佢地走？？其他有限時間嘅餐廳一般都有個半鐘頭吖，依家越棧食飯限時係用人頭計？？佢哋d人態度又差，又嘈到死，大大聲講野由街頭叫到街尾，唔通係依個美食沙漠入面就要忍受依d又貴又差嘅舖頭⋯⋯…Read More