羊報's Profile

星期日下午 5時08分 到達,  因時間尚早,  所以不用等位.  門口的店員講明食兩小時, 跟住就安排我們入坐. 因是火鍋放題,  所以客人都是自取火鍋豉油,  但醬料就只得乾辣椒粒,  連一般火鍋常有的指天椒粒或蒜蓉都沒有.  飲品有啤酒, 汽水和清熱飲料.落單要了大辣的雞煲,  可是等了差不多半小時才到.  即是真正食火鍋的時間只剩下個半小時.  服務員解釋因雞煲是新鮮生雞煮的,  所以要等咁耐.  但是其他的店都是這樣的煮法,  為什麼這裡要等特別耐呢 ?? 雞煲有辣味,  但不可稱為 "大辣",  而且一點也不香,  只得咸味, 十分失望.火鍋配料要了肥牛, 珍珠荀, 白菜仔, 牛骨髓, 花膠 及 響鈴卷肥牛係超肥而且不新鮮,  兩份的珍珠荀份量少得離譜.  花膠係一大舊, 硬過石頭 其他的都只是一般甜品每位客人只可選一款,  還要客人拿著卡去取, 店員會蓋印防止客人取多過一份. 大約在 6時40分,  店員說 "last order",  跟著要客人埋單. …Read More

睇左之前的食評, 所以無揀到店子推介的 "土茯苓豬骨湯底", 因為見到食評都不大好, 所以都係揀番 d 穩陣既蕃茄牛肉湯底.有很多款醬料比客人選擇, 可是大多好油, 都係揀番辣椒同蒜蓉好些.點了 本地手切肥牛, 部長推介的龍蝦 (本來想點成條魚用來做刺身的, 但因太大條, 所以無揀到魚) 廣島蜆, 菜彩雞, 超大凡立貝, 竹笙, 手打烏冬.清酒上善如水一支. 估吾到沒有冰鎮的清酒瓶, 用的只是一般放熱清酒的瓶子.湯底略咸, 手切肥牛普通. 龍蝦新鮮. 肉很爽. 蜆都竹笙都只是一般. 雞沒有之前食評講的咁好. 凡立貝真係幾大隻, 很鮮甜. 手打烏冬算是最好味的一樣.一心諗住食物質素會有驚喜, 可惜極之普通, 有點失望.店員服務,有待改善. 女店員為我們添酒時, 竟然倒瀉左成杯. 幫客人換碟就真的比隻碟我們, 舊的碟子就不會幫我們取走. 部長們服務就好好多. …Read More

趕得切在店員落場時入去午餐. 點了西冷牛扒, 黑椒汁配薯菜 和 石班, 黑椒汁跟炒飯.羅宋湯好足料, 好多菜同牛肉. 味道略淡, 加了胡椒粉就好好多牛扒肉質不錯. 黑椒汁很夠味, 夠辣. 伴碟的著菜都很好味. 石班頗滑. 炒飯香口.餐飲要了凍檸茶少甜. 都幾大杯.店員雖然趕住下午關門休息, 但服務仍是好的. 沒有趕客走.…Read More

細個時去過長洲, 見咁耐無去過, 今日就入去行下.一落船就去搵食, 經過見到呢間店都幾多客人幫襯, 所以就入去試下.見佢寫住正宗潮洲魚蛋墨魚丸, 就點了一碗淨魚蛋墨丸, 一碗魚蛋河. 油菜一碟, 汽水一罐. 後再加了一碟炸魚皮.魚蛋的味有點腥腥地, 同墨魚丸一樣係完全吾爽口既. 炸魚皮普通. 枱上的潮洲辣椒油一點都吾香. 食物已令我們失望.點知叫埋單時, 一位女店員似想用心算, 但又用筆0係紙上計計下 ... 計左一陣見我們預備了張一百蚊紙, 就咁就話 "岩岩好一百蚊" .......我倆付款後都有點質疑, 都未開口問時, 另一位女店員就話, "點會一百蚊呀... 你點計架?" 本來計錯的女店員仲發脾氣說 "咁你計囉 !!!" 後來計番只是 $78. 雖然第二位女店員誠實對客人, 但我們都比第一位女店員的不誠實同極差的態度嚇怕了我們一定不會再來光顧.…Read More

入到西貢有好多海鮮店, 見到呢間食評幾多都讚好, 所以就試下. 叫了個套餐, 因為都包括了幾樣想食的海鮮了. 心想著可以再加其他餸.套餐可揀四款海鮮, 我們揀了, 芝士龍蝦伊麵底, 豉椒炒蜆, 蒸鮑魚仔, 蒜蓉粉絲瑤柱. 另外有炒芥蘭同甜品.龍蝦算新鮮, 芝士吾夠味, 伊麵好韌. 炒蜆吾夠熱, 有少少沙. 味吾夠. 鮑魚仔同瑤柱都好一般, 沒有鮮味.反而甜品紅豆沙, 最熱同最好味.見到幾味餸都無一樣係好既, 對這店的信心都沒了. 都吾敢再加其他餸. 以為可能是套餐的關係, 所以水準不好. 但隔離枱的客人都在投訴他們的蟹 "貨不對版", 正左向經理投訴, 而這不是套餐的菜式呢.我們雖然未食飽, 但都急急埋單. 趕快去第二間食過好過. …Read More

之前行經尖東, 見到這店新開張. 櫥窗有好多生蠔, 雖然我對生蠔吾太喜好, 但其他朋友就好興奮, 猛話價錢好抵.....所以今晚我地就去試下..........坐低店員就為我們介紹有咩酒飲, 原來有好多款白酒都係餐牌度無列明....所以記住叫佢地介紹下啊....... 如果無特別喜好既話, 佢地既 house wine 都吾錯架. 我地叫左白酒又有啤酒. 首先點了些生蠔. 好新鮮. 各款都好味. 佢地吾止有蠔, 仲有蜆添. 都一樣咁新鮮. 價錢真係比其他店平. 但品質相當不錯. 之後我地點了些熟食. 有安格斯肉眼扒, 龍脷魚柳, 意粉. 特別要推介個肉眼扒, 又香又有肉味. 魚同意粉都不錯. 店員服務非常好, 很有禮貌. 亦會細心的為客人介紹各款食物. 無論坐入面定係出面都很舒適. 這樣的價錢可以享受到這樣高質素的美食, 我們一定會再來這店啊.…Read More

訂位時無講明坐吧枱, 所以店員安排坐其他位置. 但坐位十分狹窄. 後來有客人走了, 就安排我們轉位. 吧枱位比較闊落, 亦似居酒屋風味. 若燈光再暗一點會更有氣氛.先點了上善如水清酒. 選了幾款刺身, 有牡丹蝦, 油甘魚腩, 帶子同蠔. 刺身十分新鮮, 份量很多, 很抵食. 牡丹蝦頭師傅為我們做了壽司. 之後點了串燒 : 日本青椒仔, 雞亦, 雞軟骨. 串燒味道不錯. 另外點了 蝦天婦羅, 清酒煮蜆同茶漬飯. 蝦天婦羅一般, 價錢略貴了一點. 蜆不夠清酒味. 茶漬飯一般, 算是合格.刺身最為抵食. 反而其他食物價錢中上. …Read More

今晚去 K11 搵食. 行左成個商場, 最後揀左呢間, 因為見到氣氛吾錯咁, 所以就入去試下.門口的店員倒水比我們洗水, 說著連續洗3次會帶來好運.一入去就被好有節奏感既音樂吸引住, 原來剛剛有肚皮舞表演. 因不太喜歡食羊, 所以只點了一款係有羊肉的. 喜歡食羊的朋友, 應該來這店試試, 因為好多菜式都是羊的啊. 我們點了 辣椒炒牛肋骨肉 (去骨的), 酥炸小羊排, 大蝦串燒, 串燒大磨姑. 清炒豆苗. 白酒一支. 店員為我們送上一個烤餅, 有雞肝醬同黑欖醬點點來吃. 牛肋骨肉好嫩, 辣椒都幾辣. 小羊排一點都不"蘇", 好香脆. 大蝦串燒肉爽但味道略淡. 磨姑同豆苗都一般. 若喜歡較靜的環境, 店外有個平台, 適合飲野傾計店員服務有禮貌, 坐位舒適. …Read More

除夕晚餐加埋舊曆生日 ... 訂了到這裡晚餐.個 set 包括 :日式溫室蕃茄沙律, 特上刺身拼盤 (吞拿魚腩, 鮮海膽, 牡丹蝦, 油甘魚)鐵板料理 (原隻龍蝦, 原殼活鮑魚, 頂級鵝肝, 雪花和牛, 露芛什菌炒野菜)鵝肝海鮮鐵板炒飯, 龍蝦麵豉湯甜品 : 多啦A夢豆沙餅, 雪糕食物真係樣樣都好. 刺身好新鮮, 各款鐵板燒都好味. 做得很出色.師傅 Aji 好有禮貌, 服務很好. 見你生日飯, 又寫生日快樂字又有生日蛋糕送. 仲幫我地影埋相添. 以這樣價錢食這餐真的好抵.我們今餐的價錢是點了兩支大清酒的啊.唯一是坐位, 位與位之間有點狹窄.…Read More

坐下後店員細心的介紹今日推介. 見佢推介生蠔, 應該好新鮮, 揀左三款不同款色試下. 三文魚帶子卷頭盤. 主菜有蜆肉扁意粉. 小龍蝦. 香檳一支.麵包藍有多款不同款既麵包. 麵包好香脆. 生蠔真的好新鮮, 可是店員比錯了款式 .... 但味道都好. 三文魚帶子卷好鮮甜. 蜆肉扁意粉蜆肉新鮮無沙. 小龍蝦做得好好味, 加埋個牛油汁, 真係一流. 而且都幾多肉, 幾大隻. 伴碟的菜另外分開上. 士多啤利布甸甜品都做得不錯. 不會太甜. 餐廳環境氣氛很好, 坐位舒適.…Read More

初時打來訂位, 想訂 7:30, 店員說一定要 9:00 交枱. 因為會飲酒慢慢食, 所以怕個半鐘會好趕. 店員最後幫我們安排了不用九點交枱. 真好呢 點了好多款串燒, 和牛, 銀雪魚, 蠔, 雞亦, 蕃茄煙肉卷, 豆腐, 茄子, 青椒仔, 牛肉露芛卷, 雞軟骨, 牛舌, 燒飯團, 雞肉釀冬菇... 當中和牛同銀雪魚最好味. 所以再 encore 叫多次 其他各款串燒的味道都不錯. 配埋清酒真是一流. 當晚相當多客人, 但店員都好落力, 不時為我們添茶添酒. 每次點菜上菜時都好有禮貌.坐位算舒適. 燈光好暗, 所以影不清楚食物賣相呢....…Read More

見開了新店, 所以來試下.點了蟹肉蛋烏冬, 五目湯烏冬, 餃子, 什錦天婦羅.蟹肉蛋烏冬湯底好似糊狀. 好淡味. 五目烏冬好普通. 無特別. 餃子餡同皮都無驚喜. 天婦羅味道一般, 炸粉有點厚. …Read More

生日飯揀了來這店試下.揀了吧枱位坐, 因為這樣多點日本居酒屋 feel. 點了支清酒. 先點了刺身, 後再點熟食.牡丹蝦和油金魚都很新鮮. 熟食點了燒玉子蝦, 串燒 (和牛, 雞亦, 日本青椒仔) , 燒帶子, 蒜蓉汁煮蜆, 蟹子海老.餐牌中介紹了多款燒玉子, 以為一定做得不錯, 點知很一般, 蛋同蝦一點都不香. 串燒好淡, 完全無味. 帶子好韌. 蜆賣相吾錯, 但原來不夠味, 仲有沙. 最差是蟹子海老, 蝦完全吾新鮮, 好梅. 店員尚算有禮貌. 但熟食的食物全不合格. …Read More

好彩一早訂位 ... 午餐時間真係好爆. 點了 什錦魚生飯 set, 同埋 三色刺身 + 牛肉火鍋 set. 魚生飯的魚生好新鮮, 款式都算多. 三色刺身三款都好, 當中以牡丹蝦最鮮甜. 牛肉火鍋的牛肉很有肉味. 一點都不韌. 湯底不會過甜. 店員服務很好, 時常添加熱茶.…Read More

之前一直想來試, 今晚終於有機會 ... 坐下點了支真露, 店員送上兩碟小吃比我們送下酒食 ...跟住我們點了牛肋骨肉, 海老蝦餅, 豆腐辣湯店員送上各款伴菜小吃, 當中只有泡菜是好吃的. 其他的都無特別. 由於有兩款同之前送酒的一樣, 我們要求更換其他款式. 店員立即面有難色, 十分不想更換似的...... 牛肋骨肉賣相差, 肉色很不新鮮. 味道很咸, 根本不用點豉油吃. 海老蝦餅的賣相更驚人, 厚厚的漿粉, 在其他店未見過做到這樣. 蝦肉不爽. 豆腐辣湯只得辣味. 但勝在有很多片豆腐.食物價錢同其他韓國料理一樣, 但質素真的要改善. 難怪星期五晚都只得三四枱客人.…Read More