mandylau55's Profile

近期忙於陪女溫書做功課的我間中就幫襯美團外賣，發現呢間茶餐廳只需60蚊就可以叫乾炒牛河連湯和凍檸檬茶，所以我每隔一段時間就幫襯。今日叫埋梅菜扣肉飯俾個女食，122蚊在不用出門的情況下午餐真係好抵又方便。外賣雖然要等，但放上門算夠熱，而且最重要係足料，一定夠飽。梅菜扣肉的肉我就覺得未算腍，但阿女覺得好食又ok，佢仲連湯渣都ko埋😋而我就覺得乾炒牛河係炒得幾好，係個肉唔夠牛味，但整體係ok好食。例湯每次不同，星期三那天吃有蓮藕湯，今日吃有紅蘿蔔節瓜湯，如果呢個價位keep住有，我都會keep住間中幫襯呢間的外賣😅…Read More

聖誕假期時我帶寶貝女去石門的綠在區區回收家居廢物，準備搭鐵路前個女話想食雪糕，我就帶佢行京瑞廣場，行行吓見到有間店的海報有點吸引就光顧。當我想點極吸引的雪糕菠蘿包時，店員表示只在星期六、日供應，平日才DAY OFF的我感覺有點可惜>.<而餐飲反而我想飲熱飲，因為我本身食雪糕想用暖飲中和吓~~~寶貝女就點咗 signature uni-cone，士多啤梨雪芭配上朱古力醬，手握半件牛角包可以食落肚，寶貝女大讚好味而我就點咗聖誕限定的盒子，雙雲呢拿砌成雪人的雪糕，配上如聖誕樹設計的牛角包真係好有聖誕氣氛。我地點咗黃金燕麥奶和茶一杯，黃金燕麥奶個人覺在寒冷的天氣飲係好味而又暖身，而茶純粹是飲和食完甜食後讓自己清喉。個人覺得這小店的食物很好，如果平日都有菠蘿包雪糕就更好…Read More

今年男友生日在颱風前夕，當人們忙於買餸去預備留在家中，我們就決定開心咁食好西慶祝。本身有戶外座位，因為颱風來臨而收了~~~一開始我點了德國貴族花茶，男友點了原味乳酸梳打，個人覺得花茶加了蜜糖而感覺好飲，如果份量多少少就更好。小食點了法式薯條配黑松露醬和香草牛油雞翼，薯條份量好多，粗大好好食，牛油雞翼都不錯。主菜點咗黑松露野菌忌廉汁寬條麵和明太子蟹棒海鮮薄餅，寬條麵真心好食，而薄餅好食得來餡料十足，由於我們食唔曬，所以將薄餅放入環保餐袋帶回家以便颱風來臨時享用。我們本身買了小小的伯爵茶蛋糕到餐廳，店員會按每位收10元的切餅費，見店員為我們的蛋糕用心裝飾，個人覺得值得付這個費用。見鄰枱的爆脆豬手好吸引，但份量倒不少，待下次帶多一、兩位朋友去才點這個吃😇…Read More

是日因為想儲消費收據換商場活動俾寶貝女，加上想試新野，所以捉咗阿女爸爸一齊用餐。沒想到平日晚上6點幾有靚位坐。鵝鹵宮是美心旗下的店，店舖原位置是食泰式的Mango Tree，個人喜愛是午餐的豬手飯和海南雞飯，可惜商場食肆來講Mango Tree舖大但坐唔滿人，止痛離場都冇計。入返正題，我和阿女雖然第一次入內，但用餐時有位姨姨問阿女認唔認得佢，原來她之前是翠園的服務員，她更講了阿女的爸爸和孻叔、嫲嫲才到此晚餐，怪不得爸爸冇反對我們用餐，因為佢知道食物有一定的質素。爸爸主要俾我決定吃甚麼，我就點個欖角炒飯，個人覺得食落味道不錯，都係少少咸，有啖啖香。爸爸個人必點的雜菜煲，個魚蛋夠彈牙又軟身，整體煲跟平時吃的差不多好，算比較穩陣的餸。我點了豬肚雞湯，初初阿女聽錯以為爸爸叫白肺湯而差點唔想飲，好在我講咗係雞湯就飲，我個人覺得係算好飲，雞件唔算韌，本身喜歡飲湯的我飲了都覺得可以下次再叫。鵝片斬件，個人覺得中規中矩，因為大件了點，加一後接近200蚊碟，感覺價位進取了點。美心中菜一向價格進取，不過食物有些真心覺得好食，所以算是物有所值~~~…Read More

之前和同事在西貢市吃過拉麵後隔咗一段日子又想吃，所以決定去最近OFFICE的一田裡面的拉麵店，因為店舖貼了九洲雞白湯鮑魚拉麵的宣傳圖片，喜歡試新野的我當然試吓呢個配搭好唔好食啦！同事點了蝦味噌豬骨湯拉麵，佢個人覺得不錯~~~而我就點了九洲雞白湯鮑魚拉麵，一上原來有不少蔥，鮑魚躲在裡面~~~裡面有兩隻鮑魚，個人覺得鮑魚夠軟熟，麵感覺不錯，湯底夠濃，下次再去一定點呢個，因為套餐價包飲品，加上不用加一，是不錯的選擇~~~由於我們兩人覺得唔夠肉食，所以加了肉餃子，個人覺得不錯=]…Read More

圍方第三日營業，我和男友接近中午12點去到，本身打算家上海午餐，可惜已經滿座，行了好幾間店失望冇位時有幸見到此店還有位可以入座，對於趕在午餐後上班的我當然立即入店~~~這店的大枱設計不錯~~~我和男友二人坐細枱用餐，我們點餐後就有一碟配料放在桌上~~~我點了牛腩配牛肚河～～～夾走洋蔥，個人覺得斬件太大件，對女士來說咀嚼比較辛苦，切細件少少會更適合，牛肚軟熟好食，牛腩就覺得一般，可能本身係期待中式牛腩的咸和軟熟。男友點了手切上柳牛河粉，個人感覺真hea咗少少。食物本身係不錯，但是性價比就差咗dd，同樣價位可以值得吃更好的。…Read More

間中返工會經過呢間店的門口覺得呢間日式店有點神秘，平日午餐時間不少人會光顧，難得男友等我放工，就決定到此用餐~~~入到裡面見到裝潢充滿日式設計，令我十分期待下個月去日本旅遊的來臨~~~掛念日本就可以考慮到此用餐，因為環境令自己有猶如在日本一樣~~~最後我選了卡位用餐~~~我點了醬汁吞拿魚丼，呢個丼有醬汁吞拿魚（少辣）、吞拿魚蓉、鮭魚子（三文魚子），仲有魚湯、蓮藕片和半透明似啫喱的小食~~~不過因為醬汁吞拿魚辣咗少少，我就跟男友交換碗，大家都慣了開心SHARE食，所以沒問題~~~男友本身點了廚師精選，是日有鮮吞拿魚、油甘魚、池魚、海膽、鮭魚子（三文魚子），小店的刺身肉厚又新鮮，感覺好吸引~~~原來海街丼有會員電話APP儲分，迎新小食係炸雞件/啤酒，我們就選了炸雞件，外脆內軟夠好食~~~店員教我們丼留三分之一的飯混魚湯來吃，感覺更有風味~~~晚餐價錢雖然進取，但個人覺得食物價錢和質素係正比，公司其他同事主要在午餐光顧，我看了餐牌才知道午餐價錢真的好吸引~~~…Read More

大圍開新商場，知道家上海在大圍開分店，收工就第一時間去晚餐，感恩晚上六點左右有朋友幫手拎飛排隊，我差不多七點到等到七點半左右才可以入內用餐。由於元朗店經常多人排隊，我已經少咗去，難得在大圍開分店，加上新開店優惠，點都要入去食好西。這裡的座位倒不少，跟元朗店一樣整小籠包的廚房係可以看到的。圍方店限定的南乳雞翼，無骨的，大人和小朋友都喜歡吃牛肉麵，牛肉肉質軟熟，食落勁正👍新開店頭兩天兩人入座就送一籠小籠包，皮薄有湯，連小朋友都覺得好食👍牛肉餅，個人覺得味道不錯，外面皮乾身，裡面有肉汁圍方店限定的家上海冬蓉燒餅，內裡好似溶代中的年糕，食落幾好食，唔太甜。家上海的食物質素一向很好，新開店更有滿300元送100元現金券於1個月內使用，好快可以再去光顧用餐…Read More

我和男友喜歡到不同的熟食市場食大排檔，繼北角渣華道和石塘咀熟食市場後，今次去佐敦官涌熟食市場的大排檔晚餐，由地下到二樓有不少的宣傳介紹新肥泉，我和男友就決定在此店晚餐~~~一入到去就感受到大排檔的氣氛~~~而我就選了可以看電視的座位~~~小店主要用電話掃瞄二維碼點餐~~~我個人喜歡食香口的小食，所以一開始點了椒鹽脆魷魚，外脆內軟，我食過不停~~~七味豆腐粒同椒好食，不過我遺忘了只有二人吃，沒想到份量倒不少，下次要找多兩個人來才可以這樣點餐~~~黑椒薯仔牛柳粒，個人覺得不錯，牛柳粒肉質軟熟，薯仔不會太乾，加上香口的腰果，真的令我要準備下火飲品~~~最後要點濃滾湯海味青菜煲，食太多熱氣食物，點個清一點是最理想的，個湯幾好飲，粉絲份量足，不過我又不夠細心，變點了不少鮮魷，下次再有機會點餐一定要再細心~~~在大排檔用餐免不了來一樽啤酒，這裡所有飲品不能手機點，必須口頭點~~~個人覺得食物不錯，唯最特別是有加一服務費…Read More

星期六收工懶得煮晚餐的我想食潮式晚餐，之前見大圍的店太多人，所以想去其他區，突然想起很少去九龍城，所以就捉了男友看看那裡有得吃，行行吓見到這間，左右兩間是一樣，我們就行入去有門那間。我們幸運地找到卡位就坐下，原來這間老店只有現金支付，我和男友只是跟平日的點差不多的食物，有幸手上的現金剛好夠付是次費用。韮菜豬紅，食落除了熱熨外，還有點辣（吃得辣的人會覺得好普通），好在有啤酒，否則怕辣的我一定頂唔到~~~鹵水鵝片，個人覺得份量足又唔算厚切，食落唔會咸，可以食到肉的味道~~~煎蠔餅一上碟係新鮮熱辣辣，食落比較軟身但都有少少脆，個人覺得幾好食，最重要係夠大份~~~我和男友都是喜歡間中去不同的店食潮式美食，不過二人真的不敢叫多幾款菜，以色眼闊肚窄，本身有叫一碗飯二人分享，但我們只顧吃而忘記拍照…Read More

寶貝女終於完成考試，我就帶佢去九龍灣玩，因為呢區比較多小朋友玩的地方，去完MEGABOX就去埋九展的歡樂天地，在歡樂天地樓上有間親子餐廳，見裡有野玩，環境又OK，就和男友加埋寶貝女三個人食~~~呢度午餐餐牌食物望落幾吸引~~~不過寶貝女話自己大個女，所以唔叫兒童餐~~~是日餐湯係磨菇湯，我就超愛，因為飲落有粒粒己打磨的磨菇，口感和味道十足，男友就愛飲咖啡，我就飲熱柚子蜜，餐小食配吉列廣島蠔3件，吉列廣島蠔外脆內軟，我和男友食，始終個人不想小朋友太早接觸相關食品~~~寶貝女點咗煙三文魚香草忌廉闊條麵，平時對食有要求的寶貝女食到唔停口仲要乘機搶我的西冷食~~~我就點咗紐西蘭牛西冷配薯條，我點咗五成熟，薯條粗大又新鮮熱辣辣~~~件西冷食落肉質軟熟又好食，個人覺得唔夠食，因為寶貝女發育時期不斷要食~~~男友點咗加拿大無骨豬扒配意粉，我試咗一口豬扒，肉質不錯，但個人最愛都係西冷~~~寶貝女就點了藍莓芝士蛋糕~~~呢間餐廳賣點係可以親子玩樂，而我就在巨型蘋果棋輸咗俾個女= ="個人覺得大部份親子遊戲比較適合小學或以上程度的小朋友，不過兒童餐玩具和BB座位又好適合年齡較小的小朋友，呢暑餐廳平日比較早關門，最好早點到場食野和玩~~~…Read More

間大會到西頁區開工的我見到有間新開的日式小店，眼見午市拉麵套餐的價錢中規中距就搵埋同事一齊入去食~~~入到裡面環境算係唔錯，湊巧是日出面有天后誕活動，12點幾冇咁多人入坐~~~我和同事分別點了F1和F3的拉麵餐~~~店內提供醃蘿蔔，同事就配拉麵食，佢話食落幾爽~~~我因為身體關係只是點了熱茶，同事就點了木村富士山柚子梳打，上格才知道是日式樽裝飲品，包裝感覺幾特別~~~原味豚骨拉麵，個人覺得不錯，拉麵軟諗適中，叉燒雖然不多，但有其他小食搭夠係OK的=]辛味豚骨拉麵，同事覺得夠辣和好食~~~我們兩個餐，原來每個餐的小食大概有兩件，章魚小丸子和日式煎餃子感覺不錯~~~我們另外點了日式炸雞塊，同事大讚好食，我就覺得夠熱辣辣，外面的醮料薄，可以吃到雞肉那彃牙的口感~~~人均$125可以吃個飽，在旅遊區可以坐住舒適無煙而又這個價位的日式店真算難尋，個人覺得下次可以光顧嘗試吃丼~~~…Read More

一直以來奇妙處處通會員可以享用翠樂庭享用2送1生日優惠，舊年更縮到只有2022年9月前入會的金會員享用，今次可以話係最後一次在翠樂庭享用會員2送1生日優惠，來年要去其他地方享用呢個優惠~~~上次生日正日在翠樂庭晚餐原來在2019年，雖然上年和前年5月都有在翠樂庭用餐，但我就沒有打食評記錄，今次影的食物相不多，因為我忙著食和跟卡通人物拍照~~~今次個人喜歡之前未見過的食物~~~每枱會送DUFFY BEAR的蒸包~~~上年生日就需要都指定地方遠距離合照，今年就可以如疫情前，卡通人物走到每枱合照~~~寶貝女和我飲了不少燉湯，男士主要食長蟹腳，我就吃了不少刺身，一如以往其實去翠樂庭唔好對食物有太大期望，因為呢主要食氣氛由於享用會員2送1生日優惠係送生日的會員，所以找數時係俾一大一小的價錢，大概一千四百元埋單，如果同價位想食質素好的自助餐真的不用選擇翠樂庭~~~…Read More

寶貝女星期三跳舞堂話想試吓去牛陣晚餐，我就答應了她，沒想到星期日跳舞後又決定到此午餐，第一次帶個女去先至知道小朋友是140CM或以下，寶貝女可以享用兒童價外，更可以在離開時拎一個代幣扭彈彈球~~~牛陣有不少吸引小朋友的食物，我有主動問寶貝女食唔食棉花糖，沒想到她現實地說好看不好食，反而她最開心係可以食  Häagen-Dazs的士多啤梨雪糕，而我就喜歡吃夏威夷果仁雪糕~~~飲品個人喜歡牛陣自家的泡茶，星期三時見到齊兩個口味，但星期日只剩烏龍茶而沒有桂花烏龍茶~~~關東煮我就沒有食，反而熱飲幾正，因為用川寧的茶包，之前去WM酒店都係用呢個品牌的茶包~~~星期三去有粟米，反而星期日去冇~~~呢度用的豆腐係一磚磚切出來的豆腐，而非盒裝那種滑豆腐，食落豆腐味會重一點~~~星期三呢次食的是澳洲特上長期穀飼牛四元豚放題，啤酒可以任飲和有海鮮，大人$289，小童$139~~~星期日呢次食的是日本黑毛和牛放題，啤酒可以任飲和有海鮮，大人$289，小童$19~~~牛陣全部一人一鍋，寶貝女就要蕃茄湯，我就雞湯/豬骨湯都OK，個人覺得90分鐘算是夠食，我就順便下載電話APP儲分，不過個人覺得隔個星期食比較好，如果個個星期都這樣食，我怕我腸胃頂唔順~~~…Read More

BAKER TALENT可以說是我偶爾會光顧的，榴槤菠蘿包係我第一次入去幫襯的麵包，味道真的不錯，但由於寶貝女唔鍾意食，所以我就好少買，不過呢間店倒有不少麵包味道很好，而且芝士撻價錢相宜又好食，我偶爾會買來當下午茶，另外買些麵包給寶貝女當第二天早餐食~~~這店的麵包款式倒不少，不過榴槤菠蘿包不是經常出現🙈特濃芝士撻個人真心推介，第一次幫襯買兩個用袋裝回家，之後才知道原來買六個可以用盒裝。蔓越莓乳酪係新出的產品，個人覺得味道不錯～～～小朋友喜歡食腸仔飽，而我另外買咗吞拿魚飽和芝士棒，吞拿魚飽食落感覺新鮮，但我唔建議放過夜，反而芝士棒還可以放第二天早上吃用袋裝芝士撻令撻面容易被膠袋黏到表面，用紙盒裝的撻如果拎的時候小心，回到家可以完整一點，初初買會感覺很暖，如果到家見唔夠熱可以嘗試用焗爐加熱，因為暖吃才真正享受到個撻固中的味道和皮的脆。…Read More