essen2047的個人專頁

每次經過呢間 Frites 都好多人 happy hour，原來平日午飯時間係接近無人架。  強烈推介 Express lunch。通常自助沙律吧（淨 salad bar $98）都唔多精彩，但呢度（起碼我用餐那天）打破左慣例啊。當日大概有 8 - 10 款沙律，最好吃係紅菜頭沙律，其他都好新鮮。如果你想叫埋 main，似乎招牌 mussels（+ 沙律吧 $188）係比較安全的選擇。青口鮮美，但 薯條幾乎可以跳過，鴨胸飯 （+沙律吧 $158）。呢間餐廳有做青口任食，但其實又食得幾多。做個負責任既人，拒絕任食！By the way，餐廳可能樓底太高，有蒼蠅。但整體來說，是舒適的用餐體驗（因為無乜人啊）。…查看更多

先總結：有人請客會再去，aa 埋單唔會去，要請客更加唔會去（因為連被請的人都話唔好味...... T^T）。食物質素實在係一般，2 個人 lunch，用 Eaxxxx 訂座，7 折。折扣後埋單 500 幾。服務：有部份侍應似酒樓部長，有少少唔客氣嗰種酒樓部長。相信一般香港人即刻可以聯想到喇。OK 的，因為都有部份侍應算係正常服務。加油。食物：叫咗商務鐵板燒餐同 set lunch。 沙律（1/5）：芽菜（唔係好新鮮）、超少量沙律菜、蕃茄仔、好少汁- ve：唔好味，+ ve：蕃茄仔好甜真心，建議餐廳可以唔包呢道菜，唔會太影響用餐體驗蒸蛋、miso soup、鹹菜（3/5）- ve：蒸蛋竟然有少少過熟...... miso soup 同鹹菜（店員係咁叫，鹹菜）正常刺身（4/5）：相信係最好味的一碟嘢- ve：無，+ ve：甜蝦幾好銀鱈魚（2.5/5）：相對 OK- ve：唔夠熱，特別中間部份......朋友話，可能叫雞扒會好味過銀鱈魚。大家可以想像一下。大蝦（3/5）：相對 OK- ve：蝦唔算好新鮮，但柚子汁（典型味道）幾開胃鱸魚（3/5）：相對 OK- ve：無，+ ve：無薄燒牛 + 芽菜（2/5）：唔 OK- ve：叫了 medium，但來的是 well-done。味道係，一塊熟的薄牛肉包蔥，只係好過放題質素少少，令人哭笑不得。伴碟芽菜完全唔香（好難得），好油和牛炒飯（3/5）：一般- ve：雖然炒得好乾身，賣相都好好，但無味道，和牛的份量大概有 3 粒紅豆綠茶雪糕（3/5）：一般- ve：裡面好多冰粒…查看更多

中午 12 點10 左右上咗去三星，已經有幾檯食客，店內面積不大，想開陽啲，於是坐面向街既窗邊。陽光加埋銅鑼灣市景，係正的。叫咗兩個 set lunch— 魯肉飯 set（$66）、三星鮮茄牛肉麵（$96），包兩杯飲品同兩個小食。魯肉飯同預期中差不多，酸菜好味啊，而且都幾大方，有放在檯面俾客人任加的。三星鮮茄牛肉麵係亮點，好好味！雖然有啲貴，但如果鍾意食台灣牛肉麵，this is the place to go！小食同飲品都幾好，令成個用餐體驗更完整～！因為飲品竟然有烏梅汁同冬瓜檸檬等等啊，係好有心的 lunch set。…查看更多

見到某手機 app 有優惠，9pm 入座有 7 折。雖然話就話 7 折，食物本身價錢唔便宜，但我哋都算貪小便宜，考慮咗一陣都訂咗位。入座好順利，餐廳唔滿人，安排咗一張四人檯俾我哋。我哋叫咗 Croquettes ($140)、Suckling Pig（$235）、Lobster Paella for 2（$398）。Full portion 其實（只是）$498，如果多於 2 人，一定要叫 full portion 啊！份量大好多。呢個 2 人份量算做剛剛好。另外，龍蝦、海鮮同飯既比例亦剛剛好，味道唔錯，算係成餐的亮點。另外兩個 tapas 其實麻麻。我好鍾意食 suckling pig，呢度的 suckling pig 比較乾，肉質亦一般。Croquettes 亦無甚驚喜。不試無妨～。由於香港食嘢太貴喇，都唔知呢餐性價比算高定低。有優惠可以去試下。…查看更多

香港古早味到底係乜？應該係茶樓。香港各式餐廳茶餐廳（表面上）越來越精緻，唯有蓮香樓呢類茶樓可以大膽原貌示人。星期六去幫襯，被人聲沸騰嚇親。第一次來，原來呢度要自己搵位。回歸 90 年代初一樣啊。好在職員見你企得耐都會幫下手，例如在已經 ok 逼既檯加櫈。很好，總算有位坐啦，等咗大概 15 分鐘左右。有啲遊客大概無呢個心理準備，5 分鐘就閃咗。堅持等啊！！！！坐低咗之後記得一出新點心就一擁而上喇，同場食客好戰鬥格，勁過自助餐。我哋兩個人叫咗以下呢 6 個點心，計埋茶錢（$14/位，無加一），埋單 $190。雖然唔好坐，但好抵，因為點心好好味。不推介蒸排骨，骨頭超大唔入味，雪藏感重。…查看更多

懷舊不總是美好的。以前住過南丫島，搬走前最後一日食過 Waterfront。好味（而且當年很多島民都推介此處）。今次來懷個舊。我們點了 lunch menu 上的：Lamb Thali (HKD 90)、Chicken strips in cream garlic goat cheese sauce with rice（ HKD 75 包個 starter– cauliflower cream soup）。不用加一。首先要注意，一般餐廳的 cream XXXX 只代表該食物的醬汁比較濃稠，但這裡的 cream XXXX 真的代表食物會是一片 cream 狀。如果你喜歡這種質感，可以來一試。 所以 Chicken strips in cream garlic goat cheese sauce 真的 creamy 到好像重感冒的鼻涕一樣。Sorrry。goat cheese 的味道重得難以下嚥。Lamb Thali 賣相一流，味道正常但也不特別好吃，主要是不太夠熱。雖然南丫島的樓價升了很多，其實餐廳價格沒怎麼變（海鮮價的海鮮店我就不知道了），這個價格會有其他選擇～。不過！這裡的海景是漂亮的。離開時有兩個遊客就只入嚟飲嘢（HKD 20 up），醒！…查看更多

椒鹽豬扒飯 HKD39（包飲品一罐）經常經過口福小廚，但都無食，因為油煙味太勁。今日終於聞名不如見面喇。同時吃了同場的 Curry Corner，相比下椒鹽豬扒飯勝（雖然兩者全無可比之處）。椒鹽豬扒飯好好味，雖然煮食空間好細，但同茶樓有得 fight，鑊氣勁到我擔心老闆健康。強烈建議西九龍中心改善口福小廚的抽油煙機。發覺西九龍 food court 多咗日本人特登去覓食，有手持旅遊書 / 本地日本人。最緊要唔好入圍米X蓮啊～～～～…查看更多

Curry Corner 由印籍人士經營，咖哩羊肉飯商務餐只是 $48，包括清湯、咖哩羊肉飯、paratha 薄餅、沙律菜。咖哩汁的蕃茄味好濃，比一般咖哩清新（該不會是遷就港人口味掛？）。不過飯、paratha 薄餅同咖哩都唔算太熱，比較失色。特別係薄餅如果做到熱辣辣的效果應該會好味好多，感覺唔夠熱就有點油膩了。可惜可惜。羊肉係帶骨頭的，份量都算好多，以這個價錢來說是超值。發覺西九龍 food court 多咗日本人特登去覓食，有手持旅遊書 / 本地日本人。最緊要唔好入圍米X蓮啊～～～～…查看更多

又係一間樓上日式 fusion。fusion 唔等於虛 &/or 偽，用餐當晚有好幾檯日本客人，餐廳內亦有日籍和日語流利的香港服務員。前菜，$20 / head，類似中式酒樓嘅芥醬，服務員奉茶時會端上。我哋三條女，點咗：串燒拼盤（$143）、豬肋骨蒜蓉飯（$138）、海苔豆腐沙律（$112）、鐵板牛舌（$138）、Crème Brûlée X 2（$46 X 2）、卷蛋蛋糕（$46）、梅酒 X 1（$28）、柚子橙蘇打 X 1（$42）、ginger ale X 1（$30）。埋單共 $911.9。話自己鐘意食白飯好似太古典太刻苦耐勞，如果有未來奶奶佢一定好歡喜，但呢餐的確最鍾意豬肋骨蒜蓉飯裡面嘅蒜蓉飯。好香，飯粒軟硬適中，好入味。好想買咗佢哋個電飯煲！其他嘢食都幾好，但唔會 wow 一聲。馳名大阪和風豬肉丸幾好味，燒洋蔥都好味。鐵板牛舌唔夠香。海苔豆腐沙律幾新鮮，對比其他菜式份量算非常多，3條女食剛剛好。最失色其實係甜品，留返 quota 食下其他甜品或者都係 good idea！最後，服務都幾好。…查看更多

Juicy 呢個字可能係地球最使用過量嘅食物形容詞。不過 Firebird 的南蠻炸雞午餐（$78）令我想好輕佻地大叫 3 次：Juicy Juicy Juicy！Firebird 位置不起眼，朋友帶我來，最初我覺得有點貴，午餐定食從 $58（沙律）到 $148 不等。但由於朋友極力推薦這裡的炸雞，於是 share 食不如獨食啦。原來炸雞餐好抵食，有 4 大件炸雞，他他醬好味，隨餐附送的沙律還可以。湯如果太飽，不喝也沒損失。Sorry 地球。炸雞要趁新鮮食啊，食到尾聲好味程度會大減。不過如果有好似卡XB永遠咁脆的炸雞，地球可能快末日了。座位比較逼，完全清楚聽到隔離檯 OL 講公司是非或港媽教仔，但這才是香港最正宗的 weekday 午餐吧。Sorry 香港人。…查看更多

被鳥炎屋的一周年慶優惠吸引，評價好像也不錯，所以看 Shine 演唱會前來小吃一頓。位置：尖沙咀 A1 出口步行約 4 分鐘，方便。大廈沒有其他 review 說的難找（就在大阪日本料理斜對面），外牆有明顯的 17-19 字樣，店家也有在大廈門外放置宣傳 backdrop。室內環境：友人已移民加拿大十多年，路上我們談起香港越來越擠擁，此時電梯抵達 4 樓並開門，她有點被鳥炎屋的迷你程度嚇到。二人桌的餐桌非常的適，座位不算太舒適。幸好餐廳內食客不多，格局頗悠閒，不是又小又忙的那種。食物：她水土不服，我們只點了：玉子壽司（$25/2）、炸雞軟骨（$40）、蕃茄豚肉烏冬（$??，大約$90）、燒帶子（$58）。份量和一般居酒屋差不多，玉子壽司和炸雞軟骨沒太大驚喜。燒帶子有點過熟。蕃茄豚肉烏冬最好味，湯底清甜也有啖啖蕃茄肉，豚肉大概有四片，烏冬大概每人分到一小碗。總括來說，吃完這 round 食物後，如果友人戰鬥力高強，我還是想繼續點的。因為不算飽，而味道雖沒驚喜但也不錯。服務：員工熱心，有正確和友善的服務態度，令這家小店非常適合聚會聊天。…查看更多