耀東之星's Profile

荃灣漢堡店不多, 試試呢家新開店面幾靚, 位置不多, 7:30 等, 8:20入, 8:45食叫左蘑菇牛肉堡 ($78), 炸魚堡 ($58), 兩個都跟餐有薯條飲品 ($18X2)價錢合理, 食物味道方面如何? 又睇落去....先食薯條 - 好脆 !薯條用上鹽水薯條, 薯仔先泡鹽水再炸後就不再調味, 其實呢個做法唔聰明一來味道不易控制 (呢度D薯條已經 failed, 好咸), 二來薯仔會失去甜味,三來如果要做loaded fries, 鹽水薯條再加料會變得極咸再食炸魚堡 - 好脆 !漢堡用上澳門style 豬仔包, 食落脆口;炸魚脆口而無味, 生菜新鮮, 配上千島醬只以說是非常普通的味道配搭後食蘑菇牛肉堡 - 好脆 !延續澳門豬仔包, 漢堡肉有 3/4 吋厚, 蘑菇亦大大件, 有期望蘑菇juicy 味道香濃,但最最最重要的漢堡肉無味, 口感鬆散, 不合格汁醬亦無味, 遇熱後更油水分解周圍滴, 無法令整個包提升味道層次茶水 - 無味, 個杯大卻又倒到半分不滿咁所有食物即叫即制, 除了超off的豬仔包之外, 找不到重大過失, 不過味道普通得會令人失望, 在Gimmick hot dog 及 fine burger 愈來愈多的香港, 能生存多久? …Read More

團購 $148午市自助餐 , 買完先去睇openrice , 知道已經"令野" 但既然錢已俾仍然一試 !食物內容同其他食家所講大致一樣, 都係將團購 list 出來的食物, 拎幾款平價的出來炸物有雞亦, 素春卷, 魚餅, 蝦片 (refill 4次)...蝦餅, 沙嗲則欠奉, 可謂唔cheap 唔拎 !  熱盤有炒飯, 意粉, 炒青口炒蜆, 炒菜, 鮪魚, 咖哩蝦及軟殼蟹亦有出, 但要等客人把前面的咖哩肉片吃了, 才會拎出來...扣除團購內冇講的芝麻糊及車仔面檔, 團購所列明的64款食物, 是次 thai pad供應了 33款, 其中冷盤海鮮失蹤, 只中"cold cut" 一樣, 食味方面, 咖哩肉, 辣炒青口, 都被厚重獻頭包著, 不合格 唯一可提的是雞亦炸得香脆入味, 餐茶亦大杯夠味!服務方面, 由一位黑面女生睇場, 環境乾淨企理 收碟快, 合格但環境再好, 也絕對補償不了差勁的食物質素 ! …Read More

Tea Buffet $168 中銀卡 75 折加一後 $142環境闊落, 服務明快有禮,時間 1530- 1730 ,時間未到仍可安排入座同飲杯水先本月主題係芝士, 幾乎試哂所有同芝士有關的食物! 各式芝士餅- 綠茶芝士卷, 芒果芝士餅等等, 芝士Base 味道是一樣的, 不太搶, 同其他食材平衡度不錯芝士青口- 三個字: 腥 + 爆水炸芝士波 - 起初以為係蝦球, 原來唔係, 有D 失望. 是魚類base的芝心丸, 食味可以芝士薯皮 - 硬到介口芝士辛辣面 - 屋企風味, 內有紫菜, 冬菇, 泡菜, 及一片 process cheese (不能更改)冷盤- 壽司冷藏得比較硬, 4 款Cold cut 及 沙律味道合格熱盤- 炸物大多擺太耐而變硬, 中式點心味道合格甜品 - 合格 , Cake不斷轉另新款所以令人有少量驚喜,waffle 機同雪糕有專人負責, 乾手淨腳免去小朋友的問題.....(你懂的)movenpick 雪糕是重點回本區, 4種味, 有refell, 有toppings 加, 挽回不少分數飲品咖啡茶是薩莉亞形式, 自便總括而言, 試一次夠, 推介俾在灣仔突然想食平價 tea buffet 的人, 畢竟 $150 左右 per head 的酒店 tea buffet不多呢 ! …Read More

Pancake Colours 不同分店都去過幾次, 甚麼質素其實都預左, 志在幾好坐, 食個飯 , 吹下水一家餐廳的餐牌如果條款水蛇春咁長, 呢樣要加兩蚊果樣加三蚊, 套餐飲品又只包一兩款果間野D 野食好極有限, 因為餐牌反映做生意風格, 用料一定係算死草今次朋友買左團購, 68蚊任點任何 main dish + 飲品 + 湯 食左以下幾樣: 湯: 只有紅湯, 大家樂level, 味道唔錯主菜:黑松露 carbonara : 慳皮, 食唔出有芝士同蛋 黑松露意大利飯 / 牛尾意大利飯 / 大蝦意大利飯 : 用的不是意大利飯, 是珍珠米, 後生仔食唔出, 夠飽就算了, 份量足夠的燒雞半只: 燒雞下面的番薯泥美味三文魚排蛋包飯: 三文魚大概係0.5 cm 厚, 是超市買的一開三 , 蛋包飯包到實的的, 飯入面冇配料, 食落冇味飲品我叫左凍朱古力, 當然為左慳, 多多冰而且唔落奶另外小插曲係相信因為我地用團購劵, 我地叫貴野 (如 BBQ ribs / 海鮮旦包飯等) , 均為"賣哂" 但點解人地有得食既?最後一提服務同環境都係唔錯的 但如果以正價 80-90 per head (食平野) 黎計, 一定唔會去喇…Read More

有兩日響灣仔工作, 收9點幾, 珍珠奶茶癮起, 又不知道灣仔何處有得飲, 立即手機上網搵飲左麻吉既珍珠奶茶 $12 感覺 : 平平無奇, 冇咩茶味, 珍珠份量好多但係冇甜味, 冇黑糖味, 咬落有種感覺係QQ得黎, 但食到最後好似食生粉團咁, 呢個感覺好差, 我未食過咁既珍珠....老實講城大canteen 既珍珠都比佢好幾日後又收9點幾, 口乾, 今次心諗係飲都唔飲珍珠奶茶, 但見有玉露系列$10蚊, 即時叫左個芒果玉露, 嘩真係呢....又唔係話冇唔好味既, 但係個味道真係同道地果個芒果玉露100%相似, 可能大家都係用果個糖漿開....至於D椰果就真係米題, 我幾乎食唔到! 太少啦, 冰又少飲飲下成杯野開始唔凍, 好難頂, 下次又黎灣仔都係去7仔自己搞掂算啦!…Read More

呢期葵芳必勝客多左個奇妙服務員叫SANDY 本來只想響"開飯"講食物但不幸搵唔到pizza hut 既客戶服務email 所以上黎講事緣今日晚上7:15左右, 三人行食晚餐以下所有野都係SANDY serve 我地 :點左一個199套餐 + 雞鎚 + 意粉好啦, 叫野食啦, 我問一問個服務員"飲品係唔係要依家叫埋"佢回應係"下? 你鐘意依家叫未依家叫囉." (把聲係老牛聲+勁串)好啦, 咁就咁哂D野飲野食啦, 到佢重覆一次喇: "覆返雞鎚香蒜意凍檸點點批" (成句係lur 出黎 + 食左幾個字)我都聽唔到自己叫左咩 果時已經嬲嬲地, 即時拎左意見書出黎寫好啦~~等野食, 個意粉先黎到, 又係佢, 咩都冇講就車低碟野 再飲埋個湯, 佢就黎收野, 經典喇, 佢一黎到就講左句"唔要" 半秒後拎起哂D野 (佢呢個唔係一個問題黎)到佢將個湯碗拎到上托盤, 先至再問我地 "唔要?" 之後又係等食時間, 佢又黎喇, 又掉低一句 " ER, 個甜奶油批想依家上定係臨尾上"(冇尾音)我話臨尾上啦, 之後佢就走左到最後個批都係同埋所有野一起上之後佢見到個批上錯時間, 就黎問: " ER, 個批使唔使同你拎返入去"我話拎左出黎就算啦, 之後佢又走左(喂比下反應都好啦...)中途refill 水當然係一句 "加加水" 就拎走你個杯啦, 又係冇尾音既放低牙籤筒果時又係一句 "野食黎齊比個牙籤筒你"食到最後一舊食物喇, 佢竟然已經開始走黎收野, 先收我屋企人既碟同時, 當我將最後一舊食物叉入口時, 一放低個叉, 就即時見到佢隻手收我D野又係拎到上托盤先問 "唔要?"埋單果時仲經典, 因為佢見到我寫意見書, 就掉底一句 "哦, 張意見書寫完未?"既然佢咁講 我就廢事交俾佢喇, 反正都唔夠位寫; Email又搵唔到 上黎講算啦呀SANDY 最後終於係sell我地買PIZZA券果時有笑容喇, 同埋講左一句"多謝"_________________________________________________________都講少少野食, D野求其左好多. 局薯皮有D有芝土有D就冇肉丸闊面碟底有大量水雞鎚D味粉撈得唔平均海皇湯係龍蝦湯底走龍蝦肉但公平講句 , 如果你有優惠券呀, 信用卡呀, 成班朋友食飯, 企企埋埋又好坐, 一百蚊內要食得飽係ok 既但呢位SANDY 既服務真係令人食得好唔開心…Read More

書展後同女朋友黎到尖咀city super 諗住食下OOO 同烏冬...點知食左幾把火同場亦都食左章魚丸子...不太對口味, 試過就算講返冷烏冬既賣相係唔錯既, 面條有光澤~睇落都唔係痴埋一舊但當一食就知唔係一回事....冷烏冬應該比人清爽既感覺但富久保既冷烏冬, 無論由溫度以至味道都係下等話明冷烏冬, 就梗係凍架啦, 但呢個烏冬係微冷, 而d冷面汁係室溫咁食落當然係唔會有冷既感覺, 只係好似放涼左咁再黎講講烏冬既口感, 只能講係硬, 但無勁度...我唔係太識食, 所以只能講自己既感覺如果要食冷烏冬個口感係硬硬地, qq地既, 我覺得赤丸會更滿足至於烏冬本身味道方面...只有好淡好淡既麥味, 以$40黎講加上一間專門店黎講黎講, 我會覺得唔值反而坊間某D大眾化既料理店, 係面條本身既味道方面, 會更有驚喜講返富久保先...佢既冷面汁就真係一絕...一食落口, 咦, 唔對路既?完全係只有一個咸字, 佢既咸度..相當於一半飯浸左豉油既壽司同時之間, 我只係食到好淡既木魚味, 佢唔係濃味, 只係死咸而已一個40蚊既冷烏冬唔可以話好貴, 但如果呢個質素既話, 我諗我入去對面citysuper 超市買盒冷面更加開心呢可能今次係富久保一時失手, 但如果連咁基本既冷烏冬都做得咁糟糕, 我唔會再比機會佢…Read More

今日同朋友入長洲影相, 旨在搵個地方食下野~行過見到呢間面店好似古色古香咁~~就食佢啦一坐低阿姐都幾nice~你話未諗到食, 咩佢都會叫你慢慢諗啦~講下價錢先~單拼17, 雙拼20 , 雙拼撈25 , 要片頭雙拼撈就28 其實本人就唔太鐘意食片頭...以前片頭仲未興果時, 抽中會好開心依家有得另外叫反而就唔想食了最後叫左牛腩雲吞撈粗要腩汁食物好快黎到一睇~都幾對路~牛腩夠味, 好腍而佢亳不保留咁比左一舊肥膏我...好正!!!雲吞皮就煮到過時左...但係都對味~食得出有肥豬肉既甘香面身就真係唔多得 唔彈特別一提係撈面跟埋果個湯而係好似用魚煲出黎既湯, 奶白色的個人係好鐘意食魚的, 覺得個湯冇咩野 , 唔係特別好飲但如果唔鐘意食魚既人我諗會覺得佢腥到臭...至於豆漿就...好甜呀又冇味!!! overall 食個撈面 + 飲品28蚊 OK 咁啦~~其實出面食都差不多啦…Read More

今日一行4人去左日本創作料理 搵左一搵先識上去, 入口係莎莎入面幫襯時間係三點半 舖頭由傳來一陣一陣臭豆腐味,一人叫左一個餐 有: 咖哩雞排飯定食 滑蛋豬排飯定食 豬軟骨拉面 豬骨湯底 豬軟骨拉面 鼓油湯底 仲有d日式餃子,吉列蠔首先定食唔係一般一個盒咁既, 只係一碟飯, 一個面鼓湯+飲品先講主食~滑蛋豬排飯係洋蔥豬排飯, 得兩舊老到喊既蛋+一大炸洋蔥咖哩雞排飯唔係日式咖哩, 雞排好硬....p.s.兩碟飯都係冷飯黎兩個拉面都叫ok既~不過砲料就好少講返D小食啦~ 親眼所見, 餃子係油炸既 , 勁硬, 我去下面食街邊野好過吉列蠔粒蠔就預左細架喇...不過炸得都OK咁啦好喇~最後都係食哂d飯, 飲埋個面鼓湯睇一睇上面D相就知道咩事 我地4個都覺得好搞笑!!…Read More

一行兩人LUNCH去呢間三上, 本來係門口都已經有少少唔想去...不過見行到咁遠就試佢試~入到去播住D勁唔match既音樂....先講服務差 : -入到去冇人理既, 我企左係度約二十秒先有人指一指我坐去一張未執既4人台~-坐低係冇人執野, 之後有個經理行過 , 我叫一叫佢, 佢問我"係唔係埋單??"-點菜要叫number~ 好似叫股票咁(個人好唔鐘意呢樣野)-唔會自動加水 ; 食物就咁放低就算; 用點菜紙同number落單都仲係有走單既情況-食食下左邊一台客人同經理嘈 佢地一客沙津兩個人share食 計左兩客錢 個經理態度好差-因為要落場既關係, 要全場埋單先, 個經理收錢/找錢一句多謝/唔好意思都冇-全場埋單之後就係全場找錢, 個經理已經唔記得邊個比左幾多錢..不停問"邊個俾左$120.."-全場埋單途中, 個經理撞到右邊一台客人既水杯, 一台都係水...-經理於是叫一個待應比張紙巾佢, 個待應好"醒目"咁拎左我張台D紙巾 仲話"一間還返你~"-經理用紙巾整乾左D水之後就行開左..舊鴻滿水既紙巾仍然撻左係張台上面...人地台客仲 未食哂d野...後講食物差:-魚生切功太渣...鯛魚壽司仲有魚皮...."UN"到好似超市西冷條牛筋咁-壽司飯唔得, 冇味得黎好爛-滑蛋豬排飯唔知係唔係出菜有問題, 放得太耐, 塊豬排吉列外皮已經完全發漲, 一夾就爛-豬排只有5MM厚, 冇味, 金菇好生, 有草青味-日式鯖魚個汁太糊, 太甜, 魚肉唔夠新鮮兩個人食LUNCH, 兩個主食都完全唔掂 點吸引人黎呢~唔收加一都吸引唔到人啦!!BTW, 佢個雜菜蝦餅係唔錯既 , 炸得好透 , 真係要去呢度就記得點呢個喇…Read More