尼尼子's Profile

睇openrice見咁多劣評，本身預左服務態度差，但無諗過職員落錯單，會尾落個客度，攪到一肚氣！話說今晚一行四人，叫左三個餐+一個淨餸，但職員張單打錯左淨餸做套餐，上菜時得一個餸冇跟飯和湯，所以無留意職員打錯單做套餐，後來見到張單無端端多左$16套餐錢，埋單同職員講返，佢竟然話我地食左個菜，就要收套餐錢，最多補返一碗糖水比我地，而我地根本就唔想食糖水，夾硬屈我地要。真係無良，大家去食飯要小心，職員落錯單要食客自己受！加上食物質素每況愈下，價錢牌就識不停加價，以後不會再幫襯。…Read More

上星期9：40點經過，見到大排長龍所以食唔到，今朝再次碰下運氣，10點竟然仲有一張二人枱，即刻拿拿淋同男友入去試下。餐牌上除左一般經典早餐，仲有最hit的Keto餐好吸引，可惜我唔食三文魚，最後叫左火腿通粉餐和魚柳餐，火腿通係豬骨湯底，味道濃郁，食完連湯都飲埋唔好浪費，另外炒蛋好大份好滑。男友果份魚析餐，上枱時嚇一嚇，size係大家樂魚柳1.5倍，皮脆肉滑。以後食早餐除左附近四寶食堂外，又多一間可以選擇。…Read More

下午一個人去瀝源探朋友，晚上諗住近近地入左榮樂食飯，心諗茶餐廳應該最隱陣，而且我對食物無咩要求，入到口有味飽肚就夠。入到去即時叫左碟粟米肉粒飯，加涷奶茶少甜，等左一陣好快上枱，點知見到粟米汁一pat野似醬糊，肉粒呈灰白色，食落無味又難食。奶茶算正常，但唔好有期望。本身好肚餓，碟飯夾硬食到一半後頂唔順棄飯，走左去附近麥記買豬柳飽醫肚，返到屋企仲要好口乾，明明碟飯無味都勁口渴，無理由落左味精呱，總結黎講呢間野無下次。…Read More