TerryChungL's Profile

9月9日早上，外賣一條約半近幾既燒腩仔（$115），師傅面前揀切一條上磅秤，磅前正常帶骨腩仔，返到屋企打開一睇，嚇一跳。成盒燒腩疑似被人成條換左，燒腩放到散收收，搭左兩舊正方形既肥肉。食落外皮硬，得返兩三舊帶骨，其他主要半肥瘦，但唔似一條斬出黎，似隔夜燒肉。食半盒，掉半盒。事後越諗越激氣，向太興投訴，回覆話會改善云云。經過今次，除了一定要去信譽好的舖頭，更加要走前睇清楚，以免被人偷龍轉鳳，生意難撈，但咁做生意，唔會回頭。大家嚟呢間幫襯要睇路。…Read More

午餐：原條龍脷柳配西炒飯，拎上檯係兩條細龍脷柳都係冷既，同著有領恤衫既哥仔講，佢話換食其他野，咁我想食炸龍脷就費事煩改其他野。西炒飯係暖既，味道OK，但龍脷柳就好唔得啦。之前見其他顧客係一條大龍脷，賣性好好多，熱唔熱就唔知啦。但以往呢間野既出品係新鮮整既，煎豬扒係好熱唔上，今次唔知點解失手，個伙記又唔太在意我的反映，咁就算啦。希望今次係個別事件，如果真係就咁差左，就非常可惜啦！咸牛肉炒蛋熱狗：味道OK，咸牛肉唔係好多，不過下面藏有腸仔，份量足夠，不過都唔係好熱。伴碟既粗身炸薯條就熱辣辣，非常好食。凍奶茶：少冰少甜，叫過好多次，少甜的凍飲同一般茶記的正常甜相若，大家要留意。就今次體驗，無可避免要差評唔好食都要清碟，唔浪費…Read More

八月生日晚市Buffet，成晚無乜好野食。水煮波龍全晚任食，高峰期大約等十五分鐘左右，新鮮好味，如果食得多，唔會蝕。乳豬只有一輪，拎完唔會再有，我排左隊一次，食左一件，老婆一件。片皮鴨又係限時，目測多過一隻，七點幾去拎已經無，當堂呆左。隔離肉骨茶又係限量，大約八點又無，變例湯。炒麥皮蝦，時有時無，睇彩數，當晚食到兩次。其他小炒，豬腳薑、炒下菜、三杯魷魚仔就大把。凍海鮮有小龍蝦，蟹仔，熟蝦，好普通，無蠔亦無麵包蟹或長腳蟹。刺身最抵食係有帶子，都算大粒，全晚都有供應。鴨肝長期無人serve，切到細細煎定放埋煎爐一邊，熱係夠熱，但乾晒，真係「鴨乾」。燒味檔d燒味唔會切定，放晒喺d架到，可能你叫先切，但睇樣差過普通街市既燒味店，所以無食。生果雪櫃好臭，唔知幾耐無清潔，西瓜唔新鮮，就算剛剛拎出黎都係瘀瘀爛爛，唔係一粒粒完整。哈蜜瓜夠熟，夠甜，蜜瓜就硬過石頭，無味既。雪糕有多款，不過雪櫃唔夠凍，未返到位已經開始溶，八點出去拎雪糕，無碗無匙羹，個staff無意識去補充，淨係話無碗，有第二個客黎拎，都係話無碗，三四個客企晒喺度，先識揾其他staff去拎。酒店蛋糕，原本有六款，八點去，淨返三款，問佢仲會唔會添，佢話唔會，之後索性淨係添淨一款。成晚都係食d普通野，信用卡85折收1300兩位，不如食JW Cafe，起碼service都似返間五星酒店，呢間酒店無服務無食物。後記：同酒店個social media manager投訴，佢話好重視客人意見，會反映返喎。有無改善就靠大家去「試伏」啦！歡迎大家再俾報告。…Read More