肥油的個人專頁

第一次幫襯，兩點鐘大約有一半枱有客。座位同後面之間有點迫，但都可以。落單時，我指住餐牌要特色單人餐($60)，但佢地張單係特惠下午茶加原價小吃($63)。通知後改番收費，唔清楚是否手民之誤！🤔食物係okay嘅！…查看更多

今天到青山道，兩點鐘要醫肚。路過呢間食肆，一於入去試試。入到去無乜顧客，可能係開工時間了。環境相當寧靜!坐低見到枱面有張卡紙。我點咗F餐(多利魚柳配白牛油汁)配意粉。再加脆炸薯條。魚柳肉滑。跟餐送嘅甜品，唔太甜啱我!整體唔錯，價錢合理，環境寧靜(可能係上班時間)。…查看更多

上次幫襯佢地已經係兩年多前，因為中咗伏，對佢地嘅印象唔太好。今天下午時段路過。喺星期日下午茶時段見到店內幫襯人數唔夠一半，心諗會唔會再次中伏呢？最後都畀多次機會佢地，叫咗個下午茶“XO海鮮炒烏冬”。無味道，賣相差！:(食食下有勁濃煙味，門外雖然有人吸煙，但飄入嚟嘅煙味應該唔會咁勁？原來係廚房內有人邊吸煙邊炒餸！另外，店內有多隻烏蠅飛來飛去，衛生環境很差！呢間食肆無改善過！唉！再次中伏！！永遠不會再幫襯！！！…查看更多

最近得知「中國冰室」做到2019年尾就結業，今天出去旺角就作最後支持。幫襯咗廿幾年，都係第一次要排隊等食！係咪要執笠先至有人去幫襯！入到去人頭湧湧，樓下坐滿人；要上樓上閣樓坐(都係第一次坐樓上)。一心想食紅豆刨冰同义燒三文治，點知兩樣都賣晒！惟有食其他嘢！等咗好耐都未有嘢食，見阿姐做到好燥都唔敢煩佢！過咗廿分鐘，終於有得食。食到5點幾，影咗幾張之後，都係時候說再見喇！哎呀，竟然食到佢地落埋閘！又少一間舊式茶餐廳！…查看更多

妹妹從美國返來，一家人去食晚餐。剛巧呢間食肆分店開張第二日，一於去試下。從電子餐牌觀察，似乎食品選擇唔多。店內顧客人數唔算多，座位大約有80個，但全部係2至4人枱。我們這一家6個人要坐得好迫。似乎不適合大夥兒來幫襯。我地order咗兩個沙律，薯皮拼盤，兩個意粉，一個薄餅同埋焗田螺。薯皮拼盤卡邦尼意粉意式青瓜蘑菇鮮茄意粉千島海鮮薄餅(全份)法式薯蓉焗田螺最後order咗飲品現場所見，職員人數嚴重不足，佢地忙到不得了。由清理枱面，放置餐具及上菜時都有甩漏。整體滿意，會再來幫襯。…查看更多

今年母親節揀咗明珠閣食飯。一行五人，預早訂咗枱，去到即刻有枱畀我地。我地點咗個四人套餐，加個精選孖寶A。上菜好快，去個廁所返嚟已經有幾碟小菜出咗。可能係節日要翻枱。由於個套餐嘅“原隻鮑魚燴花菇”得四位，我地加單要多一客，價錢為HK$90。“砂窩雲吞雞煲翅”寫住(四位用)，可以舀到五碗，不過雲吞得四粒。呢個义燒皇係我最期待，因上次售罄無得試。不過，义燒太瘦，唔好食，好失望呀！“清蒸游水花尾龍躉斑”不過不失。“蝦子草菇海參煲”，海參唔夠入味。整體來講唔錯，會再次去幫襯。…查看更多

今天要去九龍灣臨澤街傲騰廣場，除咗喺大堂有間大家樂，附近好似無食肆，於是行過去牛頭角搵食。不用10分鐘路程嚟到呢間樓上鋪。今日午餐想飲嘢要加錢。可能時間接近2點，食肆內顧客唔多。我揀咗香茅豬扒湯拉麵＋餐湯＋熱檸檬茶。豬扒好“鞋”，唔會再試。:(…查看更多

第一次幫襯呢間食肆，唔知幾時轉咗？印象中上次係食甜品的。佢地無下午茶餐時段，得呢幾款選擇。卡邦尼意粉，味道一般。一行數人加咗幾個小吃，薯條okay炸蝦就無乜蝦味。是日星期日下午四點半，但食肆內顧客人數不足一半。環境清靜，食物質素就一般，幾個朋友聚會都可以的。…查看更多

今天到嵩記牛什係第二次幫襯，上次已經係兩年前了。今次只食咗一碗牛雜河；可能係個粉底多咗，兩碗就多咗啲，有可能會食唔晒。坐低後，見到牆上餐牌全部加咗價，都兩年啦預咗。基本上，牛雜保持到水準，爽口唔錯。不過湯底偏淡；印象中，上次湯底好正。師傅唔同咗人，上次嗰個無咁後生。另外，今次見到啲顧客近半係學生哥，而其他顧客都好似同啲職員唔多熟絡，無偈傾。最後，希望佢地可以保持到以前嘅味道同水準，否則，好難繼續支持小店。…查看更多

去美心MX快餐店食嘢要留意。第一次去食嘅早餐組合：“螺絲粉·煎蛋加魚柳”，價錢係HK$39。第二天去食早餐，用咗唔同嘅組合落單，原來不同組合會出現唔同價錢。落單嘅組合係：“螺絲粉·雞扒加煎蛋” 要HK$41，仲以為係雞扒貴魚柳兩蚊。第三天再用番原先嘅組合：“螺絲粉·煎蛋加雞扒” 就只需要HK$39。問過職員後告知：如果落單叫咗 “雞扒·煎蛋加螺絲粉” 仲貴，要HK$43。溫馨提示：大家去美MX快餐店落單前要睇埋其他組合會否有唔同嘅價錢。…查看更多

從其他食評話呢間食肆嘅裝修好RAW，今天要出旺角，就去呢間食肆試下。門口招牌就得四個大字，無咩裝潢。下午茶餐牌，選擇唔多。部份飲品要加錢。嘩，好似無裝修咁喎！辣味薯角唔錯，一定要食。和牛炒意粉：有點失敗，和牛比較老，整碟意粉較多油。場內有個飛鏢場，無人玩。顧客有唔少係女生。整體店內環境舒適，服務員態度親切。…查看更多

今天放工後打算去沙田捐血，首先要食啲嘢。早前見某飲食雜誌介紹過呢間食肆，而openrice啲評語好壞參半，一於先去石門試下。好多人幫襯，要等位；顧客多為附近返工人士。鋪面不大，座位數目約50個，坐得非常迫。餸菜同麵底選擇唔多。眼見無乜顧客飲《佛系龍眼冰》，我都唔試呢個特飲喇。我揀咗泰式牛丸金邊粉。金邊粉上面有啲辣豬皮粒，好好食喎，有驚喜。湯底有啲重口味，我個人就唔太喜好。如果喺附近返工嚟呢度食晏都係一個唔錯選擇。…查看更多

每年新一季開鑼，一班好友都會搵間食肆，一路食一路吹水。今年有人極力推薦呢間食肆，於是一行八人去試試。呢個 "清酒冰鎮鮮鮑魚" 做緊優惠，只需28蚊。不過要喺伙記當面Facebook畀like才有優惠價(只限晚市)大家要記住呀！本來對"溏心皮蛋酸薑"好大期待，但係啲皮蛋唔夠味。"古法蝦籽扣柚皮"，柚皮入晒味，正！"拔絲咕嚕肉"，個人對咕嚕肉一般。"芥末脆皮豬手"，豬手肉香。"籠仔梅菜肉崧蒸芥蘭薳""酥炸脆皮牛坑腩""生啫雙蔥海參煲""籠仔金蒜蒸蟹飯"，飯香有蟹味。"杏汁白菜燉豬肺湯"，杏汁味重湯滑。"海苔脆皮墨魚餅"，"籠仔蒸斑球飯"就遜色咗啲，不及 “籠仔金蒜蒸蟹飯"，可能係我地食咗蟹飯先。總括來講，唔錯。會再幫襯佢地。…查看更多

今天嚟到荃灣，拜祭完爸爸後去搵嘢食。唔知食咩好？落車處前經過有間餐廳未幫襯過，就去試下。磨菇湯係跟餐的，味道一般。我叫咗個《鐵板鰻魚炒烏冬》；烏冬一般，鰻魚得好少，一啖食晒。《海鮮湯拉麵》，整體可以接受，惟一不滿係半邊蛋黃熟晒，並非溫泉蛋。《安格斯牛肉漢堡包伴薯條》，漢堡無乜牛味，仲有啲過咗火。除咗環境清靜無乜顧客，傾偈一流。衛生都係一般，客人埋單走人後，見到啲侍應只係將墊枱塊膠布揚下便算，並無換塊新嘅或者清潔。…查看更多

同事出去食飯，幫我買外賣。第一次幫襯呢間食肆，唔知食咩好？同事就幫我買咗盒手撕雞飯。呢盒飯無味，雞肉“嚡”。仲要搭雞頸。不過只需23蚊一個手撕雞飯仲可以有咩要求呀！…查看更多