小蘭's Profile

23/8 朋友請食lunch ~~我覺同天勺、竹八差唔多，不過佢d刺生真係幾新鮮，甜蝦唔係一般咁細隻比較好肉DD，蒸蛋略嫌唔係太夠熱，燒銀雪魚都好味。應該係多人訂位o既關係，加上佢又新開左多一層，搞到D客係11樓堆晒係門口check booking，甚至之後又要落番樓下，如果佢地可以係客人訂位時同時話埋比人知係幾多樓就更好喇，lunch時間人多，D侍應都唔得閒收野搞到一檯都係無位擺，要叫兩三次埋黎收野唔多好意思架嘛，又唔記得比碟仔，不過禮貌倘佳。…Read More

朋友介紹去呢度Happy Hour,呢度檯唔係太多,地方夠闊落,飲野傾計都幾ok,當晚個個都肚餓,坐梳化食野就辛苦少少皆因張table好矮囉雞翼整得幾好食,煙三文魚都夠新鮮,可惜取消左牛柳無得食。…Read More

媽咪無啦啦話去試呢間泰國菜,但佢本人又唔中意食泰菜喎,奇怪! 三個人叫左三樣野: 青咖哩雞--都算香,可惜雞肉得好少又細舊；炒金邊粉--只屬普通；咸魚炒芥蘭--差,芥蘭好老好老,雖然爹媽話d咸魚好咸,但我食到囉。不過應該唔會專登再去。…Read More

朋友係加拿大返黎話想食日本野,咁就搵間未食過既試下,環境都叫舒服,都唔少情侶黎,呢度有D特價野食,2個人可以叫1樣,我地7個人揀左小板海膽刺身3客,味道可以,算新鮮喎,壽司叫左:三文魚-- 中規中矩立魚-- 普通章紅-- OK油甘-- OK劍魚腩-- OK吞拿魚腩碎壽司-- 好味三文魚子壽司-- OK甜蝦壽司-- 我無食帶子壽司-- 好味魚生拉麵沙律好味,另外仲有幾個手卷,熟野叫左牛肉火鍋,牛肉都新鮮唔會比D黑麻麻既貨,鹽燒三文魚頭就太硬了,點左幾種串物雞賢串牛舌串比較好食,蟹粥有成隻花蟹但粥底再甜D就好喇,蟹籽芝士西蘭花都好香,總括食物以價錢黎講都算可以架喇。…Read More

已經去過好多次,每次都食得好滿意,我地好中意坐番同一個鐵板師傅既前面,有傾有講開心d嘛,老細又好人,見係熟客間中有d小食送下,今次送左肉子豆腐同燒冬菇,叫左套餐,再另外散叫d野,皇帝蝦好彈牙,我最中意食蝦頭,d燒蠔又大又鮮味,牛柳雖是普通貨色但仲可以,加錢再要左塊安格斯,都ok好味,order左條黑立做活魚刺身,另外油甘魚碎碎都好好味,有d紫菜同飯比你自己包,炒飯食唔落,好飽,開心。…Read More

同行友人跟此店老闆兼大廚相熟,介紹去晚餐,朋友未到,我地坐住等,有位親切既女經理問我地肚唔肚餓,拎住d麵包比我地食住先,我地當然話好丫,又問我地凍唔凍洗唔洗教細d冷氣^o^ 朋友黎到,打電話比老闆,佢由廚房走出黎,又幾似大廚,仲要係有個肚腩個隻,老闆好好笑容,問我地想食d乜,最後我地叫佢發板,有d頭盤餐牌無,有個類似蟹卷的,好好味,外面個皮好似用蛋做薄薄咁,入面d蟹肉好鮮,啖啖肉,跟住上豉油王大蝦,同中式煮法差唔多,但就配d好幼既薯條,不過d蝦算多膏,之後有龍蝦湯同海鮮磨菇湯,分別有新鮮龍蝦肉同新鮮帶子,正!再黎係芒果沙律,緊緊食得晒,跟住黎個焗蠔,蠔夠大隻,唔使講,好新鮮,加上面頭洋蔥煙肉等配料,好香口,開始有d飽,之後上肉眼扒,呢個咸左少少,仲問我地食唔食甜品,唔得lu,真係飽。…Read More

某天同朋友路過,是但食D野,見唔使點等位咪入去試下,結果是--- 不知所謂!p.s. 之前無睇過Openrice食評…Read More

老友知道我係魚痴,帶我去呢度食魚湯飯,真係好正,個湯底好鮮味,有阿媽煲個D咁甜,講明無味精,仲有得揀要咩魚做送,時常會有唔同既魚種,視乎老細買到咩魚,湯底仲可以隨口味加料,我就加左蕃茄and木瓜,認真甜!中意既又可以選擇魚既其他部份,例如魚咀,魚尾,魚鰾,魚骹等,因為好飽,所以都係留番下次先試;另外我地仲叫左小食雞翼同豬扒,我本身唔太中意食豬扒但佢炸得好鬆好味。一定會再去,不過岩冬天去多D,因為小店地方細又多人幫襯,夏天會食到流晒汗。…Read More

湯底都幾好丫,拉麵口感都唔錯,但唔算平囉…Read More

上星期四,一行五個女仔去呢度試下,串燒雞(勁咸),蒸粉卷及炒菜普通水準,雞翼唔錯,生牛肉河個湯底好得意有藥材味,岩女性囉,龍蝦湯及莧菜湯都OK,不過湯碗好大湯就得好少,鴨沙律麻麻,少少貴啦…Read More

上星期朋友請食LUNCH,佢揀左呢度,食物味道都OK啦,當日order左羊架為主菜既午餐,有蕃茄忌簾湯,幾好飲啦,有餐茶,甜品係芝士蛋糕不過麻麻,有八五折,唔知夜晚D水準如何呢…Read More

7月15日晚上,成個商場都無咩好食,唯有又係揀日本野啦,個次無吃壽司及魚生,因為有D厭,叫左佢推廣中的黑和牛燒牛仔骨,燒得太熟,太咸,螢光尤魚就好新鮮,最好味係串燒牛舌,爽口味夠,燒三文魚頭都幾大,過得去啦。食食下仲有個菲律賓人逐張枱埋去彈結他唱歌,但未唱到我個度我地已經要埋單去睇戲了。順帶一提,D侍應就麻麻喇,抹枱抹到好"哩HEA",抹完仲成台蟹子好似無抹咁,一係就叫極都無人黎,撞鬼~…Read More

開左咁耐都未食過,終於的起心肝去試一試，又OK喎，醉轉彎、雞絲粉皮、小籠飽、生煎飽及火腿津白OK，蔥爆羊肉跟薄餅好味，但酸辣湯唔係幾夠味，口水雞就唔得喇，價錢一般，唔算平。…Read More

幫朋友搞生日,一行15個人,叫左十幾個送,梅菜扣肉幾好味,夠淋,桶豪好新鮮又大隻,每桶七八隻左右,order左兩桶,經理介紹砵酒焗或薑蔥焗,我話要酥炸,一樣好味,雞都幾新鮮,乳鴿雖然特價$22隻但略嫌細隻左少少,埋單都係一千五百幾,算合理啦…Read More

我覺得最好食係佢o既韮菜餃同津白餃,蕃茄餃都唔錯但蕃茄可以多番少少就更好喇,蕃薯苗新鮮好有菜味。由於經常爆滿所以都唔會坐得太舒服,夏天冷氣都唔係太夠架,但好食,所以次次食完就即走,唔會阻住排隊既人…Read More