我來自星星's Profile

很久之前在灣仔返工，同事下午茶必到這間餅店買它新鮮出爐既酥皮蛋撻，蛋香酥皮脆，令人吃到不停口，昨日又重臨這區，很想念它的美食！當時下午時分人流不算多，可以慢慢👀吓選擇，見到合桃蛋糕比外面鋪大好多，於是買來－試｡回家后，已急不及待要食啦！未打開盒已聞到好香既牛油蛋糕味，一刀切下已感覺得Ｄ合桃好大粒，一口咬下Ｄ合桃好香脆，蛋糕好實在，不似其他連鎖鋪Ｄ蛋糕，好似食空氣，的確真材實料、名不虛傳…Read More

每月聚餐，梗要找找新嘗試，很久沒吃泰國菜就黎尼間試啦｡入門口放有兩個泰國人像歡迎、歡迎好特別！店鋪內部雖不大，但枱椅擺放都濶落，坐得都舒服。肚仔開始有訊號啦！快快👀吓有乜好食，其實都好多款選擇，我地好快揾咗……泰式蟹肉炒飯、炭燒豬頸肉、泰式盬燒魚、馬拉盞椰菜苗、金柚沙律、火焰燒春雞首先尼咗碟椰菜苗，－陣陣馬拉盞香氣撲鼻，椰菜苗炒得好青綠，唔會炒過火，食落口好香甜，跟著泰式蟹肉炒飯，個飯無乜特別，飯不是炒到－粒粒，蟹肉唔多覺，有Ｄ失望再黎個炭燒豬頸肉，食落好香好 juice，唔'鞋‘口 ，跟著泰式盬燒魚，面頭真的鋪滿－粒粒粗鹽尼燒，揭開層魚皮，內裡魚的肉質，好像女人 敷了－層mask ，皮膚鎖住水分既效果，食了一口好嫩滑，食完—輪，食Ｄ甜酸既金柚沙律幫助消化，真係原粒柚子－粒粒，配埋青瓜甜酸醬汁，好開胃呀，最後主角出場啦……火焰燒春雞，呢個要訂位時order埋先有，每晚限量供應嫁，黎到成盆用鉄枝承托，由頭插到尾，好似係鋼管上跳舞；哈哈，然後侍應就用火槍燒隻雞啦，一開始Ｄ火已佈滿全隻雞，好厲害然後Ｄ火慢慢熄滅，等－陣隻雞無咁熱，就用手撕開食；嘩……好正呀！Ｄ肉好嫩滑，唔會老全晚各人食得好滿意…Read More

以前約朋友吃飯聚會，大多數出九龍揾食，貪佢選擇多｡依家唔使啦……屯門都有好多Choice，今晚搵到呢間餐廳，主打蛋包飯及意粉，入門口放咗幾張木椅，方便未有位時可以坐下等候，好貼心！室內裝飾及枱椅以木為主，簡單舒服和好田園。睇過餐牌後，我地叫咗個咖哩雞腿蛋包飯和咖哩吉烈豬排蛋包飯，小食有玉子燒、蜜汁雞翅。先黎個玉子燒，聞到一陣蛋香味，入口好實在，唔會太淋散開再來一客雞翼，好香蜜糖，整得恰當唔會太燶主角黎啦……我既咖哩吉列豬排蛋包飯，Ｄ豬排炸得好香脆，咖哩唔辣帶点甜味，個蛋整得好滑唔'鞋`口而我朋友個雞腿，入口香嫩，唔乾身總括全晚食得好滿意！…Read More

呢間餐廳想去很耐，今次有機會啦！原來我老友就住在附近，太好啦由她安排。餐廳外面有個小空地，放置咗枱椅供人等位用，好貼心，由於平日晚上，當晚不用等候就可以入座｡室內以紅色為主，但感覺又不會好刺眼，相反仲好舒適。打開餐牌見到Ｄ食物名稱好特別，好想試試……我地叫咗個二人套餐，內有加多加多沙律、串燒、椰汁雞、印尼炒飯、－杯印尼咖啡、－杯熱檸水｡首先黎咗碟沙律先，清清腸胃，內有很多什菜、豆角、肉加埋特制醬汁，混合—齊食味道清新。然後串燒、燒得恰當，－口嫩肉唔會過火，點埋燒烤醬汁好野味，再黎埋炒飯和椰汁雞，個炒飯炒得乾身，一粒粒好有咬口，食到碟底－滴油都無，成口好爽｡加埋嫩滑椰汁雞，好食到Ｄ汁都撈埋！整餐晚飯好滿足特別－提這家餐廳是印尼人自家制，好地道，老闆娘好好人，見我地一邊食—邊傾，就提提我地份串燒快Ｄ食呀！凍咗就入口無咁香啦，真係細心！下次會再來。…Read More

期待已久嘅Ｂｕｆｆｅｔ終於來啦，我們相約幾位好友大吃－頓！入到門口已見到甜品柜👀到流口水了！兩旁放有餐酒柜供客人點選。餐廳内環境裝飾簡約，坐位舒適，各人已急不及待去攞野食啦餐桌上放滿很多海鮮、刺身、手卷、熱葷菜、沙律吧、印度咖哩、Ｐｉｚｚａ、鵝肝、自家制蜜汁义燒、黑松露配炒蛋、甜品區款式多夠精緻一口一啖。榴槤控嘅朋友咪錯過呀！有貓山王雪糕、榴槤🍔、榴槤奶酪、總之👀到都想食。仲有個滋補燉湯，當晚係椰子雪耳煲雞，好香椰子味好骨膠原仲好潻口有朋友行渾全場都唔見有放生蠔出黎，再問服務員，原來逢星期六、日先有，各人有點失望但總括嚟講，全晚食得好開心、滿足…Read More

星期天做完義工，差不多已晚飯時候。便約老爸媽吃好嘢！老媽話想吃Ｄ特色食品，我立刻上網找，看到有間食素食餐廳，就去試試。室內環境裝修簡約，坐位舒適。:)細看餐牌菜式同普通茶餐廳無異，再問店員食物是否全素的，他說是用素食材來製造。我們點選糖醋芋頭魚，蓮藕餅，涼瓜鰻魚，栗子雞煲｡每碟分量十足，差Ｄ吃唔晒，從未試過吃得太過飽每晚仲有例湯，今晚是紅菜頭湯，飲落清舐，湯料十足。絕無味精……係度吃飯好像住家感覺每樣餸食得出師傅的精心傑作，蓮藕餅餡内加入粟米，馬蹄粒，咬下香味爽口。涼瓜鰻魚用咗腐皮卷成外面圍成－層紫菜炸，香口唔肥膩栗子雞煲……Ｄ栗子好鬆化好香，雞同樣用腐皮製成，好有咬口。今餐食得好滿意！忘記有位店員值得－讚，全晚笑容可鞠，就算有食客有點不滿，都笑臉迎人…Read More

有緣認識到尼泊爾人，介紹間餐廳環境，氣氛不錯，在這裡感受到民族，藝術色彩！食物方面，當然有辣有唔辣，味道偏向濃味，配上很多不同醬料，非常惹味！有菠蘿Ｐｉｚｚａ香脆可口，湯餃子肉汁鮮嫩，嫩肉排配上炸南瓜，香舐美味，木瓜沙律清新爽口兼有少許，仲有香脆併盤，見到口水流，飲品都很有特色，有酒精類及果汁，選擇甚多，味道配搭好清新！總之全晚食唔停…Read More

放假難得相約好友聚餐，梗係食好D啦！由於是平日，相對無咁多人，所以不須等就有位。我哋座位靠近窗，對外是九龍公園，都好舒服。室內環境寬敞，感覺很舒適，最啱三兩知己食嘢傾談！呢度以Buffet形式，用具自取，所以沒有太多服務。睇一睇muen種類不是太多，於是叫咗嗰AII day breakfast，三文魚伴什菜沙律，綠茶蘋果凍飲，咖啡碎朱古力配Cream。先嚟嗰沙律和凍飲，新鮮嘅三文魚配埋黑醋汁帶出鮮味……唔錯，仲有D OIiver酸酸地好開胃。跟著嚟嗰AII day breakfast大大碟，內有多士、黃豆、車喱茄、煙肉、煙三文魚、腸仔、藦菇……材料好豐富。但係多士食落唔脆，差少少^^ 兩杯凍飲賣相唔錯，綠茶加蘋果感覺好清新。口內仲有D蘋果蓉，可中和剛剛吃完油膩食物。咖啡加埋碎朱古力已經好香濃，上面再配埋D Cream，感覺好Creamy！ 最後點少得甜品呢。我哋Order咗嗰 Lemon Tart，上面mouses用火槍燒溫，無咁單調。有火焰感覺！食落唔會太酸，恰到好處，嗰Tart皮都好脆……正呀:)…Read More

平日行街經過，見到嗰招牌有大大個紅蕃茄，非常吸引，於是拿張菜牌睇一睇，見到菜式和賣相都想試一試。入內環境裝飾佈置簡潔，感覺很舒服。原來樓上仲有閣樓，可以比人包場開派對。講返D嘢食，我哋叫咗二人套餐……有咖喱雞飯、蕃茄龍利柳意粉、小食拼盤、甜品。先嚟嗰小吃，內有煎雞翼、薯條、煙肉卷。D雞翼好嫩滑唔會煎都好乾身，薯條炸得好脆口，配埋茄醬一流。煙肉本身都油膩，師父配合車厘茄食後感覺無咁膩。唔錯跟著主菜咖喱雞飯和龍利柳意粉，上枱已聞到好香嘅咖喱味。D雞肉同薯仔好入味，雞不是冰鮮，好嫩唔`鞋`口。D魚煎後肉質仲好滑唔會乾身。意粉入口爽唔會好諗加埋蕃茄醬汁……正呀:)甜品相對份量少咗，只係一球雪糕和兩小個窩夫。不過，今晚吃得好滿意！…Read More

有時食吓好嘢，滿足自己，可以令人開心D！今次相約三五知己到0utback開餐。去到已經有好多人等候，我哋等咗15分鐘就有位啦。然後睇吓有咩好嘢吃，我哋叫咗嗰黑椒牛排配薯蓉、醬燒豬肋骨烤雞拼盤、凱薩沙律、朱古力brownie甜品。來時見到每碟都份量十足，牛排要七成熟，切開仲有鮮紅色，肉質鮮嫩唔會有羶味。豬肋骨用秘製醬汁燒烤，入口好有BBQ風味，醬汁已滲入D肉到，啖啖肉好好味。沙律配埋香脆麵包粒酸甜好開胃，最後嚟埋至愛甜品，朱古力brownie，底下熱烘烘餅底、加上冰凍嘅雪糕，一冷一熱感覺好特別！…Read More

放假起床已好晏，早餐時段已完，午餐又怕份量多，唯有等待下午茶啦！我哋叫咗嗰吉列魚柳配沙律、熱狗。上枱已聞到香噴噴啦，魚柳炸到金黃色，唔會好乾，切開仲卜卜脆，入口魚質鮮嫩香脆，配埋D沙律，正呀  個熱狗烘得未夠色，但餡料就好足夠。內有青瓜、蕃茄、香腸加埋D千島醬，咬落口感好豐富。D青瓜仲脆口，蕃茄鮮甜，在茶記食到如此質素，已是唔錯！:)…Read More

bread pudding 來到熱辣辣，香噴噴。記得放涼一陣先食，否則會好熱口，切開內裡有香軟嘅麵包& Cream，加埋D提子亁，食落唔錯。蜜桃Pancake 嫌它的外表煎得唔夠香口，但內裡D cream & 蜜桃恰到好處，唔會太多，咖啡就一般，大致上都OK。…Read More

放工約埋三五知己聊天食飯，放低平日緊張而忙碌的工作，大吃一頓，又可暢所欲言，真是開心至極。今次我哋提議食咖喱，知道附近開咗間日式咖喱，我哋一於試試！入內環境都好舒服，傢俱全部都是木材製成，好原始感覺！再睇餐牌有乜好吃，有飯、烏冬、小吃…… 我哋叫咗吉列豬排咖喱飯、吉列海鮮咖喱飯、芝士鱆魚、芝士炒年糕。先嚟兩個小吃，上枱已聞到好香嘅芝士味，一口咬落鱆魚到好軟淋淋，再爆埋D芝士出來……正呀 再試埋個炒年糕，好咬口，一拉芝士都唔斷，好香軟，好好味呀！主菜嚟啦，賣相唔錯，份量都好足。我嘅海鮮有炸帆立貝、炸蝦及炸魚，一咬已脆卜卜，D咖喱唔會好辣，仲帶点甘甜，好特別。D豬排炸得好鬆軟，啖啖肉配埋咖喱一流。今餐各人食得好滿足:)…Read More

周末起身歎個靚早餐，上次友人試食那店子話不錯，本住一試心態便去食！小女子好少食D高檔餐廳，原來呢間主打愛爾蘭菜，心想：會不會口味唔啱呢？再睇餐牌於是order兩個All day breakfast嚟試。上枱已見全碟好豐富嘅食物，內有自家製血腸、豬肉腸、煙肉、太陽蛋、焗豆、薯餅、烤番茄及多士。另有一杯Coffee，原來自家製D香腸同外面食真是與眾不同。咬一口好有肉嘅鮮味，質感食一啖會有'卜'的聲音，好鮮嫩……正。另一款有煙燻三文魚炒蛋配多士及薯餅，蛋炒得香滑、加上煙三文魚的鹹香，簡直絕配！:)…Read More

因放工夜咗，就在附近茶記開飯。早餐幫襯得多、夜晚就少D，於是揀呢間啦。睇餐牌都有好多小炒和煲仔，我哋叫咗銀芽炒鱔餬，上枱已好香及炒得有鑊氣。D鱔好新鮮唔會整到好'林'，芽菜好爽口，獻汁唔會好'傑'恰到好處，唔錯。再嚟涼瓜炒肉片，因小女子唔食牛肉，所以改炒豬肉。有D人嫌涼瓜有苦味，其實呢D叫甘味仲可清熱作用。講番呢道菜，佢用咗蒜頭豆豉加埋辣椒絲一齊炒，好香好惹味。:)仲可以食多幾碗哈哈！…Read More