Gourmethongkong's Profile

平時食得多米線，想轉下食其他湯麵類，我會推介食南記。味道算唔錯，價錢都可以接受。同朋友兩個各叫左個三牛河同招牌魚蛋河，外加幾條招牌春卷。河粉食落好滑，牛腩唔似某d 茶餐廳，用d又老又韌既低成本牛肉扮牛腩，所以食落有牛肉味而且淋淋地，食落幾好味，牛筋都唔會硬過石頭，食落口感岩岩好，不過牛丸味道就普通左少少，整體呢碗三牛河都唔錯。至於碗魚蛋河，魚蛋食落彈牙，唔錯值得推薦。春卷我個人黎講覺得唔好食，只係一舊面粉團連同肉攪埋一齊，食落味道都唔算特別吸引，同我想像中茶樓食到既春卷係兩樣野。呢間南記味道唔差，一到食飯時間就排晒長龍，想搵個位都比較難，如果唔介意等位，可以值得一試。…Read More

同朋友行經K11，咁岩想食pizza, 經過見到有間日本西班牙餐廳有pizza食,價錢驟眼望落唔算太貴,就吸引左入去試。餐廳環境燈色暗暗沉沉,設計風格好歐陸式,鋪面都大,員工服務態度幾好。餐牌價錢平均還可以唔算太貴,叫咗個南瓜粟米湯,薯仔南瓜伴沙律醬,紫菜烤雞pizza,炒蜆意粉。首先最先上南瓜粟米湯, 分量比以往的較為少d,南瓜粟米味好濃,味道夠!之後紫菜烤雞pizza叫咗個中size, 一黍望個賣相,已經有啲失望,面頭係紫菜,但烤雞份量好少,個人覺得望上去焦位都比較多,同埋批底非常非常薄,跟住一食完全好似食緊吉野家烤雞飯既味道,完全唔似食緊一個Pizza既感覺同味道,之後個批底真係如預期所料,好薄完全冇口感,無想食落去嘅意欲,大為失望 之後到佢嘅南瓜番薯天婦羅,入邊嘅番薯同南瓜係好食嘅,但佢外面油炸嘅外皮實在太過油膩,個人幾中意佢個醬。至於最後嘅炒蜆意粉,分量各方面都啱啱好足夠,味道還可以，冇咩太突出,個人認為各方面甘多樣味道偏淡。不過不失,埋單二百幾,價錢普通，但就唔太會想幫襯,食物普普通通,唔太特別吸引。…Read More

今日黍九龍城食朋友介紹嘅泰國菜,一嚟到鋪頭比較舊,位置都比較窄,要逼住逼住咁坐,但心諗只要嘢食好食,都無所謂。不過一坐低發覺冇冷氣,無風扇,加上天氣熱,呼吸好侷促。同朋友叫咗個法式蒜蓉包,肉鬆海鮮焗飯,菠蘿冰,咖喱椰汁蝦,腐乳辣椒炒通菜。等左十幾二十分鐘左右就開始上菜，可能人太多既關係。蒜蓉包蒜蓉香味十足,又香又脆。菠蘿冰二十幾蚊一杯，份量好大杯，好抵飲，菠蘿冰菠蘿味新鮮菠蘿又甜，唔係水果汁溝出嚟。肉鬆海鮮炒飯，海鮮份量同飯都頗多,味道不過不失。至於咖喱椰汁蝦,咖喱汁味唔算太出,味道唔濃烈，似溝左粉面,比預期有些失望，蝦尚算有鮮味,蝦份量預夠兩人到。至於腐乳辣椒炒通菜，質感爽滑脆，加埋腐乳炒,更配搭好味入口，但如果唔太食得辣就略嫌佢辣左d總括黍講,餸菜味道唔太算吸引再回頭幫襯,餐牌選擇唔算多，而且食飯過程實在太侷促悶熱,間唔中平平哋食都係唔錯選擇。…Read More

早幾日去銅鑼灣行街，經過希慎就去呢間lemongrass食晚飯，呢次係我第二次幫襯，門口等位既人未算太多，等左十分鐘左右就入左去。入面坐既位都可以話幾迫下，想擺個袋既位都無。同上次一樣，餐廳得幾個員工做野，相當明顯係人手不足，唔明佢哋老細點解唔請多幾個人幫下手，如果連請多一，兩個員工既能力都無，呢間餐廳都係執左佢好過啦。去返正題，等左十幾分鐘終於有員工趕黎落單，於是我哋兩個人就叫左個冬陰功焗飯，炒貴刁，雞肉串燒，再加杯奇異果香蕉味既飲品。先講下個冬陰功焗飯，食落都有冬陰功果陣味，海鮮配料都好足既，整體味道唔錯，不過份量就有d少。然後炒貴刁，落得太多味精，雖然食果陣幾好味，略為偏咸，但到食完真係要瘋狂飲水解渴，所以唔係咁推薦叫呢碟野。至於雞肉串燒，我本人係十分推介，食落係用真炭火燒出黎果隻味，同好多餐廳唔同，食落有驚喜上次叫牛肉串燒但感覺無雞肉好味。至於杯野飲，奇異果味唔算特出，上次黎食叫果杯菠蘿香蕉味好飲好多推介大家試下。另外，可能知道食客等得耐，餐廳員工會送幾塊燒餅用黎塞住食客把口先，不過幾塊燒餅我情願佢地慳返，請多個員工好過啦最後埋單兩個人食左460蚊，三碟野加杯野飲，其實都好貴下，味道係唔錯，服務態度都好，但就係人手不足要人客等呢點要改善。…Read More

一直都知呢間多人幫襯，所以都等左幾個字先入到去。如果想食平少少，食物質素又唔算差既話，真心推介呢間餐廳。兩個人叫左個忌廉湯，羅送湯加個蒜蓉包食下先，之後再叫左個意粉，田螺，薄餅同薯角肉腸。味道都唔錯，係咁多食物入面，最好味既就係雞翼，真心推介各位試下。另外野飲仲要無限任飲，抵食之餘，仲要好味，難怪一直以來都咁多人幫襯。係今時今日既香港，一個人隨便食一餐都起碼要過百蚊，呢間餐廳都算係良心企業，絕對值得支持…Read More

早幾日行過觀塘，朋友帶我去高興食個lunch。果陣大約一點，附近好多工廠公司放飯，不過黎呢間餐廳食既人唔算多，一入去就有位。入面裝修幾特別，有八，九十年代feel，坐既位都唔會迫，幾舒服。望下個餐牌，選擇唔算話太多，我就揀左個肉眼扒配飯，飲熱情果菠蘿梳打。不過落單果陣靚女侍應無問要幾成熟，好彩黎到果陣岩岩好，唔會太生或者太熟。等左二十分鐘終於有得食啦，肉眼扒都算大塊，食落仲有d肉汁，配埋個蒜蓉汁食落味道都可以接受，但又唔係話特別有驚喜同吸引，未必會再試第二次至於個熱情果菠蘿梳，我覺得太細怀，個飯食左一半已經飲完，仲要收三十幾蚊，如果唔係跟餐半價，真係唔好叫埋單大約一百蚊，味道一般般，服務都係一般般，談不上高興。…Read More

放假入西貢行下，經過呢間茶餐廳見都幾多人幫襯，於是就入去試下。入到去搭枱，不過無諗到搭枱可以搭到咁迫，出出入入都有人撞到隨便叫左個沙嗲牛公仔麵同餐蛋三文治，諗住食完快d走。落完單，可能朝早繁忙時段，等得都比較耐，大約二十分鐘先黎到，呢點要體諒一下。即刻試下個沙嗲牛，好老實講沙嗲味無乜，而牛肉味都食唔出黎，反而隻味同譚仔三哥果d牛肉味有七，八成似，一個字形容劣。至於公仔麵，可能黎果陣等太耐，食落口太過琳，總括而言呢個沙嗲牛麵對本人既食後感就係劣食二字足以形容。反而餐蛋三文治食落唔錯，可能有個大對比既關係。…Read More

今日經過沙田想食下壽司，就去左禾輋分店到食，同沙田廣場果間鋪頭唔同，外面排隊人數唔多，等左幾分鐘左右就入左去。同平時一樣點左三文魚刺身，壽司方面比較好味既有牛肋骨，芥辣八爪魚同熟蝦，值得推介牛肋骨同熟蝦壽司好啱一d唔太鐘意食生野而又想食壽司既朋友而且面頭用火槍燒過，食落口既味道又多左一層變化至於芥辣八爪魚，成舊放入口食芥辣味相當刺激，一試就愛上。不過雞翼就真心難食，上碟果陣已經唔熱，入面仲要無味，好似未醃過咁。…Read More

心血來潮突然想食點心,甘岩經過見到有間點心皇就入去,餐牌款式算多,又有特價下午茶優惠, 但點知見到餐具上竟然有菜餘,已經印象大打折扣,感到不快,侍應態度一般,叫左個鳳爪 丶山竹牛肉同菜苗餃 ,鳳爪一望比平常既少肉,又太過瘦,肉部分又干, 食入口 完全無嫩口咬感,無平時酒樓食開風味。山竹牛肉 賣相唔錯,聞落幾香,可惜一咬,實太過焾,完全係無咬口感,可能本人中意有d口咬感。而最後菜苗餃,望落精瀅透緻,食落都唔錯既,入面包既料好足,多過茶樓果d到離場埋單,店員無同客人道謝,總結今次都係失望,就算服務唔夠好,連基本衛生都無,仲點可以享受個食物。…Read More

之前見左網上介紹，呢間煎餅店既北京烤鴨燒餅好似好吸引甘，所以決定今日放假去試試，店員得閒見到客人都唔會主動招待，不過等既時間唔會太耐。5分鐘左右就食得，一啖咬落去粉面皮太過薄，無咩口咬感，而且太軟同無乜餅香味，再食烤鴨料都係零零碎碎唔多，唔係完整一片片既，加埋雲吞炸皮食落都有咬感，但係材料太過散碎，食到成日跌出黎，醬油食到中間到最後已經無咩味道，個餅除係有蛋味同醬油外,其他料都唔太突出，比預期中食唔到老情懷。期待去失望返:(:(…Read More

今日同友人食完飯,順便食個糖水,入到去果時已經爆滿場, 環境位置都好密麻, 前後有d逼,但都算乾凈而且佈置精緻。坐低之後叫左個熱既黑糖香草綠豆糖水同榴連椰皇子, 綠豆糖水香草味同甜味都適中, 不過成碗料太過稀，如果綠豆可以多多dd食落就有返多少層次。至於榴連椰皇子，榴連淨係得面頭幾啖肉，其他仲有西米 、奶 而大部分都係果凍佔滿,感覺似係叫左個果凍，大為失望, 而且咁樣五十幾蚊既價錢 真係有d貴。不過店員待客態度唔錯…Read More

周記點心係西環出晒名，今次係第2次去食，門口一樣有好多人排緊隊，等左20分鐘終於入到去食早餐。入面位置好迫，櫈同枱都好細張，機本上叫左4，5碟已經放唔落。無辦法，香港地吋金尺土，唯有盡量做多幾台客，唔介紹迫住食可以忽略呢點。同上次一樣叫左佢幾樣多士同點心黎食，點心方面同普通茶樓食到既分別不同，不過價錢略貴，味道都係中規中矩，今次唔特別推介。至於招牌菜，芝麻蝦多士，奶黃流沙西多士同香芋流心西多士，我就各叫左1碟黎試試。先講下芝麻蝦多士，兩塊多士炸到好脆，中間蝦肉彈牙，無偷工減料，食落好好味，不過提醒下想食既朋友，炸完既蝦多士係超油，擺凍左黎食會好油膩，食到成口油。而奶黃流沙西多士，中間切開就有奶黃流出黎，連埋多士一齊食有好香蛋黃味，十分推薦未食過既朋友。至於香芋流心西多士，切開都有香芋味，不過就略為甜左d，一次叫太多西多士，結果就係太滯，食唔落。所以人唔多既話都係叫一份流心西多士就算。整體黎講，周記點心既食物味道係唔錯既，不過如果唔係有經過都未必會咁遠走過去食，吸引力未去到咁大，另外價錢都略為貴左d。但係服務好好，員工有禮物，值得一讚。…Read More

章魚小丸子好多地方都有賣，但要講好食就唔係到到都有。喺油麻地呢間日船可以話係我喺香港食過既小丸子入面排頭3位。一般鋪頭賣既小丸子食落好多都係面粉味過多，感覺食落成口都係粉漿，入面章魚粒似舊膠，完全浪費食材。不過呢間日船賣既小丸子就好唔同，先講個靈魂之處，醬汁調得岩岩好，唔會太甜搶走小丸子既味，加埋芥末食落好好味。而且成粒小丸子唔會淋支支，好似擺左唔知幾耐咁。中間粒章魚都算大粒。每次經過必定買黎食，6粒22蚊，係貴左d，不過真係真心推介既好味小食。…Read More

長沙灣一向都多野食，今日就搵左間日式放題試下。提前幾日book左位，準時7點半入場。價錢百零蚊任飲任食4個鍾。入到去環境好嘈，好似茶樓飲茶咁。座位都好逼，坐係到一旦有食客同員工經過都有機會撞到。食物方面，一般放題有既佢都有。刺身，壽司，天婦羅，炸既小食，味道中下。重點講下部份食物，刺身的確唔算太新鮮。一口牛柳粒都咬落硬左d，肉有d老。壽司飯仲有少少微溫。至於天婦羅，炸雞翼，串燒呢d食物中伏既機會都相對地低，可以放心食。值得一提，落單後上菜速度相當慢，千萬唔好見佢未黎就以為佢漏左單，跟住又再order過d食物，唔係食到飽果陣，仲上緊菜，浪費食物就唔好。另外有部份食物只有係落單紙上出現，即使你叫幾多次都唔會送黎，可能從一開始就無。食飽隔離仲有雪糕做飯後甜品，呢點唔錯。總括黎講，佢地既食物絕對對得住佢個價錢，如果你對食物質素，味道有較高既要求，又或者你接受唔到嘈住食野，呢間日式放題餐廳都係唔啱你，費是又要平食又要投訴就唔好。另外，員工既服務態度係無問題，全晚做唔停手，我好佩服佢地。 …Read More

自從係韓國旅行食過churros，返到黎香港都想食多次。上網一搵，香港有churros賣既地方真係好少，比較有名既就係呢間係The one 入面既Joō de Rolls，於是乎即刻過去試下。去到門口已經有幾個人排緊隊，因為假日關係，半個鍾左右先入到去。入面環境幾好，座位唔會太逼。至於食物方面，其實選擇唔算太多，不過今次主要想試下個西班牙油炸鬼，所以就叫左個churros combo，另外俾個sakura parfait吸引住，所以另外叫左一份。大約等15分鐘左右churros combo就黎，油炸鬼聞落好香肉桂味，面頭沾滿左白糖。食落好脆，味道唔錯。不過本人偏向就咁原味無糖粉係面果種，食落無咁甜，但係暫時係呢間餐廳就搵唔到有。另外有一杯雪糕，有好香既咖啡味，可以俾油炸鬼點住黎食，味道又平衡到，唔會搶走肉桂味之餘又有少少咖啡味，唔錯。跟住到sakura parfait，就咁睇就好靚好吸引。不過食落其實普普通通，cream太多太甜，唔係太推薦，因為係季節限定，所以應該唔常有，而且價格比較貴，性價比唔高。整體黎講，味道唔算太突出，無果種想食完會再去既沖動，價錢方面都唔太值。又再次見識到香港租金貴既例子。題外話，係韓國買既churros其實10蚊內就有交易，黎到香港貴左5，6倍。…Read More