Rain bow's Profile

漏夜要買生日蛋糕，行勻附近得返呢度仲有一個。問幾點閂門～ 肥仔員工望住電話唔理你～ 問多句，繼續望住個電話敷衍你，但係細聲到完全聽唔到～ 再問多句先大聲啲話：「23:45」。問可唔可以買完，轉頭食完飯先嚟拎，又望住電話答咗啲唔知咩～ 再問多次先聽到「唔得」唔得ok，咁我依家直接俾錢買啦～ 佢又話「唔得」~ 吓？唔買得？「係呀，啱啱有人hold起咗。」（全程對眼無離開過電話）食完飯經過，23:30個蛋糕仲係蛋糕櫃，但佢23:45就閂門，係咪真係有人hold咗，定純粹唔想賣俾我呢，就唔知啦～當我諗多咗～ 但係全程望住電話咁同客人溝通都係十分不禮貌。如果又唔賣嘢，又咁唔鐘意服務客人，其實閂埋門玩電話咪仲開心。想做生意的話，建議改善一下服務態度，如果唔想嘅話我仲有咩好講？有本事可以做到澳牛咁，都係另一種成就…Read More

7點鐘去到，已經好多人等緊位，因為唔太肚餓，就行下等下咁，差唔多等左45分鐘。間鋪唔大，又咁多人，所以都預左張台係細D，迫D，服務少D架啦。兩個人，所以叫得唔多野1. 冬陰公 (細)2. 燒豬頸肉3. 生菜包 (豬)4. 香葉炒聖子豬頸肉燒得好靚，好味。聖子夠新鮮，夠大隻，又整得好好味，good。生菜包都ok。冬陰公就覺得唔係好夠辣，不過30蚊，都ok la。買單都只係151，抵食。…Read More

以前成日同朋友入長洲，而每次例行動作就係落黎食糖水+買糯米糍。呢兩個星期日都入去長洲，帶朋友黎食，推薦"雪凍"，好似雪米糍ge野，不過外面層皮有少少朱古力味+花生粒，幾特別的。另一樣必食係，香芒糯米糍($3)，每次都會買一打返屋企。推薦朋友食之後，每個都買在半打走，到第二個禮拜再去長洲ge時候，個個都增加數量。榴槤糯米糍冇試過，不過食親ge朋友都讚，比芒果貴DD，要5蚊一個。走ge時候，有朋友買左百幾蚊糯米糍走，誇張。…Read More

食過幾次咖哩王，但次次都係跟朋友行，唔記得點上去。今次四個女仔，由我帶路，哈，係重慶迷路好恐怖，好彩記得佢係7E，最終都搵到。 1. 咖哩雞 (唔記得咩名) 2. 咖哩牛腩 3. 串燒雞柳 4. 芝士薄餅 5. 原味薄餅雞好好味，係黃咖哩，個個都讚。牛o個個係紅咖哩，比較遜色，不過都ok。雞柳ok，不太特別。芝士薄餅，正，追加一份。不過有朋友唔好芝士，覺得太濃芝士，冇左薄味ge香味。總括黎講，好好味，朋友都話會再黎，而我就想試下新德里。買單200蚊都唔洗，好似只需178，抵。…Read More

揀左呢度食生日飯，因為朋友話都ok一行八人，因為遲到ge關係，有3位朋友等左半個鐘左右。經理好好人，見佢地坐係度等咁耐，免費請佢地食左4碟小食先。我地叫左1個二人餐，1個4人餐。因為可以試多D唔同ge肉。燒烤ge肉都ok ge，不過覺得冇咩特別，如果想韓燒ge，去返任食個D會開心D。全餐飯最有印象ge，就係個牛尾湯，幾好飲，D味好濃。另外個度D飯好似特別好食，朋友話可能係韓國米。食完飯，就係食蛋糕ge時候la........經理好好人，係上蛋糕之前，送左一個炸ge甜品俾我地。唔知叫咩名堂，只知外面係芋頭，入面係南瓜，味道ok，好唔好味都唔重要，係個service令我地個個都話會再返黎食。食得飽飽，除返開(唔計生日個位)，每人$150，價錢合理。…Read More