肥妹><'s Profile

好耐無黎過喇，難得英國既朋友返黎香港，要搵個地方慢慢傾，即刻就諗起Brick Lane, 貪尼道夜晚人小小，我地可以暢所欲言。咁耐無黎，餐牌唔同左，員工仍然係熱情，希望keep 住。叫左個Beef Burger 5成熟，份量都幾大，2個人share 差不多，肉質Juice幾好。鱸魚-肉質嫩滑，通常餐廳都會有汁配返，但尼個用沙律配，又好好喎，唔會覺得膩，有啲消滯嘅感覺豬肉眼扒一啲都唔韌，肉質有小小粉紅色時間掌握得好好，伴碟既配菜係有煮過，唔似有d餐廳係白恰。我地今晚傾到進入忘我境界，連杯野飲都唔記得影相，anyway 食物環境都幾好，值得推介…Read More

平時去開金鐘舖，今次去試下新開圍方分店，可能因為新開，環境乾淨企理。order左幾款食物：Set dinner 脆皮豬手-好大隻，皮鬆脫肉唔乾好正，配啤酒一流，不過我地無飲酒凱撒沙律-正常野無乜特別，份量都大嘅Pizza- 比我想像中小，但好食，所以再order多份先夠咸蛋黃軟殼蟹意粉-咸蛋味濃，好野味蜆意粉-新鮮蜆，有d辣Croffle- 意外驚喜，本以為係淋嘅，咬落去係外脆內軟，出呼意料之外戰斧豬扒- 必食，好juice，唔乾仲要好淋，有炭烤既味道總括黎講食物質素好好，性價比高，另外提一提服務一流，因為我地同行有個BB, 有位經理已經安排好BB櫈，仲主動用濕紙巾抹左先叫我地用，又問我地需唔需要熱水座奶比BB，好細心無記錯好似叫Yin(心口名牌），服務同食物一定要keep住落去…Read More

今晚去左尼間聲稱好多野食既放題，落order後原來有超過20樣野食都無，其實係咪應該喺門口就要同d客講好多野都無呢？如果我都坐低食，就係我自己問題，落完order先樣樣無，但我比緊同一個價錢，但員工完全無理過我哋既訴求，隔離幾枱客都拍哂枱，點解唔喺門口就講呢？我入黎就要講好多野都無得食啦，同詐騙有咩分別？從來無食過咁差既放題，對不誠實既餐廳，完全與餐牌不相符，不能接受，永無下次如果其他朋友想試下，記得要喺入座前問下有咩係無，唔想大家食到一肚氣…Read More

今日再去brick lane 獨樂樂，黎到先知原來星期六、日同假期都有lunch set, 職員話係啱啱先有，唔怪之得我以前黎食無啦！卜menu 好多選擇，有扒、pasta、早餐、burger 都有，我叫左份盲嘈魚，套餐包括沙律、湯、咖啡。沙律係意大利醋汁餐湯今日係南瓜湯，職員話日日唔同，南瓜味濃魚煎得唔錯，肉唔乾，又無魚腥味$178金鐘黎講差不多，重點係唔會趕你走，想chill幾耐都得。服務好好，友善又有禮貌，值得推介…Read More

小朋友要喺石門學跆拳道，就試下附近嘅餐廳，見環境唔錯乾淨企理就揀咗尼間。因為小朋友要食飯所以揀咗鰻魚玉子炒飯。嘩～估唔到咁大碟，分量足夠兩個大人。我哋仲叫左牛肩扒，以$158黎講，好抵食，肉質juicy又有牛味。之後+$18要Latte,雖然$18好d貴，不過好過去Starbuxxx 要$3x, 真心覺得唔錯，重點係尼道好有抗疫意識，入門口就遞搓手液比你，坐底又遞紙袋比你放口罩，真心講有好多餐廳都做唔到咁既服務。值得支持，加油 💪…Read More

聽聞尼間新開自助餐，今日同幾個朋友一齊去試下。地方好寬敞環境唔錯，一黎就馬上去攞野食，食物種類多，生蠔唔洗等好耐，平時等到發呆都未到，尼道d員工好快手仲好有禮貌。buffet好小見原隻巴馬火腿即切，沙律有羽衣甘藍，其他buffet真係無見過。不過食物既位置就分得好散，好容易會miss左，刺身我都係見人地喺個洞行出黎先知道。另外要提提員工服務真係好好，有禮貌又有笑容，我地有小朋友，應該之前我地訂錯左，但侍應知道馬上拉隔離張枱比我地（小朋友係2歳半），其實我地都唔洗，但佢地都照拉，話等我地舒服d,收碟又快，唔會堆到成枱垃圾，服務同食物都好好，一定要keep落去喔…Read More

無意中喺天后發現尼間好味好低食喺西餐，原本只係喺電氣道搵下有咩食，行行下入左水星街，比餐廳嘅草牆吸引，決定試下。我地3個人先叫左兩個頭盤，羽衣甘藍沙律，特別唔係啲菜有幾新鮮，係個橙油醋汁，多數食沙律都係普通橄欖油黑醋，尼個係有橙味架另一個頭盤藍青口，個白酒忌廉汁唔係杰身，d汁用黎送麵包一流，鹹鹹地又有蒜香味。之後order 左兩個主菜，鮮蜆辣意粉，雖然好普通，但辣辣地好惹味，又唔影響到蜆既鮮甜。另一個龍脷柳好多西餐d魚類都唔好食又鞋又雪味，尼個真係有驚喜，魚質滑之餘仲食到小小芥末香草味，點埋個汁真係想叫碗白飯埋單好低呀，咁既質數$500有找，出面一定食唔到，我地又多左個飯堂喇…Read More

好耐無寫過食評，今次真係要同大家分享下尼間泰國菜，真的不錯。有個朋友介紹尼間芭蕉樹，今日我地一行7人去食，地點有點偏僻，但坐輕鐵山景南落車上樓梯望左手邊就見到。店舖應該係家庭式經營，開始食飯啦：半打串燒牛，半打串燒雞-雞好食過牛不過不失必食酸辣鳳爪-好好味，酸同辣入哂啲鳳爪裡面又唔太辣，啱哂我生菜包-我覺得味道麻麻地，但我朋友話好食燒豬頸肉-好食，本身唔點醬都好好食生蝦-無咩特別，只要個醬好食蝦夠新鮮就會好食馬拉棧通菜-幾特別喎有啲蝦仔喺道，同第二啲舖頭做唔同，尼個好正咖喱麵包蟹-主角出場啦，好大隻有個大麵包喺裡面，真係好好食辣辣地，尼個真係推介薄餅-另外order左個薄餅食咖哩，絕配芒果沙冰-職員話用原隻芒果打成，真係未飲過咁堅既芒果沙冰唔夠喉要再order豬頸肉同鳳爪，真係食到唔停口，我地掛住食有啲都唔記得影相，總括黎講正，我地一定再黎，價錢又唔太貴…Read More

好多朋友成日話燒魂一好好食, 果日終於去到喇! 不過要預早一個星期前訂枱, 可能因為星期五啦!一坐底就已經有幾款牛肉、 翡翠嫘、蠔、大蝦、玉貝等住你. 好正呀.d職員仲教埋你點燒, 幾好喎! 不過加水就勁慢囉叫幾次都唔加.果道仲有其他熟食、刺身食.整體黎講真的不錯…Read More