TistaLam's Profile

呢間經過見到兩人唔駛等就走左入去，外賣原來有得平幾蚊。但我地最後見有位就入左去。野食等左一陣就上，仲熱熱地既。份量岩岩好，飽肚得黎唔會太撐。個豬扒撈麵唔錯，調味岩岩好，唔會覺得無味，又唔會覺得過咸，啲油我覺得多左少少，但我朋友話還好。豬扒好腍，好味😋咖哩雞蛋包飯樣樣都好，惟一一樣我唔鐘意既就係飯裡面啲蘿蔔粒好硬。可能係我自己本身唔鐘意食蘿蔔粒啦。咖哩汁唔會太辣，裡面都有好幾件雞食下～另外食完出到去我朋友話好大陣油煙味，下次都係外賣，又有得平啲。…Read More

日日行過都見到有好多人排隊，所以搵日去試下，朋友叫既係3餸飯，我就叫啲小食啦～排左好耐隊，由我地開始排隊到買完野食，然後行到附近搵位坐到食得果陣，成個過程花左半個鐘。但呢半個鐘真係好值，3餸飯份量好足，真係成個飯盒裝滿，有時會有一個餸係成隻瑞士雞肶。食魚蛋燒賣加埋個咖哩汁真係無得彈，唔食得辣既我都食到。話說叫3餸飯可以叫佢落少少咖哩汁，超正。格仔餅同蛋牛治都係即叫即做。我叫既係榛子醬格仔餅，個餅外脆內軟，啲醬分量剛剛好，不會太多不會太少。蛋牛治都好味，唔會太咸。有時見太多人排隊都唔想走去等，但佢啲野食係即叫即整，所以等下都抵，又唔係太貴。…Read More

呢間係別人介紹才去的～價錢一百蚊有找，有點少貴。在門外排隊有點小混亂，但最後有得入去就算數lu.鋪頭門面得兩個人做野，裡面坐滿了客人，大約廿多人。位置唔多，我地兩個要搭檯。落左單到上菜唔算慢，我fd話應該係岩岩煮好的，熱到佢要等一等先食到😂野食幾好味，味道好濃郁，食完又唔會口渇。飲品在我地食完野先到，黎到都好熱，完全飲唔到😂野食幾好味，我應該會再幫襯，但價錢真係有啲貴，唔可以成日去食。餐牌都好似會時不時換，等轉餐牌既時候再去～…Read More

開頭揀呢間去慶祝生日係因為地方就腳，交通方便，而且在openrice預訂有優惠～叫左兩個set dinner +一個小菜。蛋黃雞翼，洋蔥圈，樣樣都炸得好脆。蒜蓉飽熱熱地既。仲有沙律同餐湯。個餐湯好似係蘿蔔湯，因為我無飲，驚食唔落意粉同牛扒，都係我朋友幫我飲埋～個飲品我地叫左咖啡和朱古力，個杯真係好靚😍個個見到個杯都嘩一聲。仲要每檯都唔同款架。個扒煎得好靚，正。意粉味道偏濃味。我朋友鐘意食淡味所以唔鐘意食。最後甜品，用來慶祝生日真係好正。食哂所有野真係好飽又好味，有餐湯，飲品，前菜，沙律。有機會應該會再去食～…Read More

去左九龍灣間Mr Steak食下午茶有驚喜。開頭都係打算試下啦，無所謂啦，就呢間啦～試過之後比想像中好食😋兩個人叫左tea set,有3層小食，每款兩個咁。都係果啲鬆餅呀，蝦多士呀，和牛肉醬酥皮呀，煙三文魚多士呀，泡芙呀，芝士蛋糕呀等等。通常我和朋友都好唔鐘意食個鬆餅，但呢個鬆餅唔太乾，唔太甜，所以成功食哂佢。其他都係正正常常咁。唔好睇落樣樣野每人食得一件，食哂都好飽。仲有杯飲品，我加錢叫左杯朱古力。杯朱古力幾好飲，偏濃味，奶味唔重，比較綿滑，好飲～…Read More

呢間一直有留意開，因為一個星期轉一次餐牌。有時會有啲菜式好吸引，例如蛋包飯。真係好好味。我到現在都好後悔點解唔食多幾次。但無辦法成日食，一係就外賣。因為堂食既位真係唔多，今次可以堂食係早左去到排隊。今次我就叫左北海道毛蟹蟹肉菠菜闊麵+魚柳，我朋友就叫左香煎牛肉眼扒佐蘑菇汁。果日大部分人都叫左闊麵，師傅好快手，所以等一陣就有得食。作為小店黎講真係好高質，價錢方面，附近都係差唔多呢個價。係要等位囉，等既中途都有部分人等不及走左去隔離鋪食。所以都係外賣穩陣啲。外賣A-C餐好似有得平，詳細都係要問返店員。…Read More

每次去到油塘，如果我fd無意見既話，我都會揀去euro gogo 到食。一定要試下個蜜糖雞翼呀！！極好味😋上檯果陣仲好熱，要好小心。食幾多隻都得呀我！今次試埋茄汁海鮮闊麵同芝士焗青口，個麵不過不失，個青口真係好失望。又細粒，又無咩芝士味，好普通既焗青口。無芝士味真係好離譜😖價錢方面，其實一啲都唔平，所以最抵食都係個雞翼。同埋如果有套餐就好了，因為現時所以野都只可以單點，咁樣我好多時寧願唔叫飲品，只問要杯水就算。…Read More