wnp's Profile

喜歡飲朱古力咖啡Mocha 的朋友請注意，呢度嘅朱古力咖啡係同其他咖啡店嘅好唔同，呢度做得好「杰」身，冇乜咖啡香，除非你鐘意飲厚身杰嘅嘢，如果你係想飲一杯正常厚薄程度又有咖啡香嘅Mocha，我認為呢度做唔到囉⋯⋯仲有，呢度嘅服務水平真係有待改進，當待應了解到客人唔係想要呢樣野嘅時候，其實可以主動提出幫客人更換飲品或再做過一杯調較一下乎合客人所需吧，畢竟客人願意付出額外價錢去點呢杯飲品，當餐廳知道質素不太符合客人口味，再做過一杯或主動提出更換其他飲品我相信會令客人留下更好印象，否則只會令客人得唔到滿意嘅體驗，以後有可能不再回頭囉⋯⋯…Read More

唔會再嚟呢間，睇下圖中物件你就知咩事：1. 招呼客人杯水啲水有色嘅，個杯有鼓油積嘅，咁都俾得個客嘅？衛生情度極差！2. 睇下碟腸粉，冇剪細條 ，只得幾粒芝麻同些少甜醬，連麻醬都欠奉，齋腸真係咁齋？究竟係呢間鋪嘅員工懶同求其？定係呢個飲食集團管理差？唔知，我只知我唔會去第二次！…Read More

一句講晒, 超嬲! 二百幾蚊食d咁嘅嘢? 本來都知呢間嘢只係普通港式日本嘢, 冇乜期望, 只求是但食飽就算, 點知埋單要成二百幾蚊, 同樣價錢早知去Pokka Café, 好過佢100倍! 係新城市同樣價錢好過呢間嘢多多聲嘅有大把, 平過又好過嘅亦有大把, 早知去 “譚仔記” 或 “唯一麵家” 都好過佢好多倍! 最貴係嗰兩碟壽司 ($70), 質素同超市幾蚊件冇分別, 同樣價錢早知上樓上食 “蜂壽司” 好過佢多多聲! 主打嘅烏冬同超市$10有4包嗰d冇分別, 我自己求其煮都好食過佢; 杯柚子蜜求其到暈, $16杯都唔係話平, 你都俾d誠意搞均下杯嘢, 求其到 “不”咗匙嘢就放人清水上枱就算? 洗咗二百幾蚊仲要食唔飽, 離晒譜!我好鍾意食, 都唔敢話識食, 只是對食有d要求同心得, 平時都好懶寫食評, 今次真係嬲到唔寫對唔住大家稍為對食有d要求嘅朋友, 市面大把選擇, 真係唔洗去呢間, 大家留番個幾會俾嗰d真係有多少誠意同心機嘅食肆啦; 呢間烏冬店就算睇到我呢個食評都唔洗點改進喇, 你自有你嘅捧場客, 但呢嗰一定唔會再係我同我d朋友及家人囉, 因為我地稍為對食有d要求嘅人跟本就唔係你地嘅target customer; 總之蠢過一次就算, 唔會再晒錢再蠢多次。備註: 此食店已被本人列入 "一世唔會再去之食肆" 之列內! …Read More

最近去試呢間餐廳, 四個人一齊食完異口同聲話"冇吓次"! 我哋散叫咗幾種咖哩有羊有鷄有虾有nun…, 嗰幾"小碗" 咖哩明明係唔同種類唔同肉類, 但無論睇落去同食落去都好似冇乜分別, 一句講晒--- 好似已經煲到溶到一"pat"嘢嘅煲湯豬肉,“撩”來“撩”去都搵唔到一嚿完整嘅肉, 所以唯有用nun點呢d"肉醤"食; 至於咖哩嘅味道本身真係一般, 仲要價錢唔平, 食完唔飽我哋冇再加嘢, 另願去對面食甜品! 一句講晒, 下次都係去坐得冇咁舒服嘅TST"重X大廈" 7/F 嗰間好十倍!…Read More

今晚為老公慶祝生日, 一心想請佢食好嘢, 知道阿蘇介紹過呢間嘢咪去試吓, 食完後唯一感想--- 冇下次!價錢貴都算(都預咗), 重點係食物水準超唔掂:1. 松板牛肉(around$80一串): 成八十蚊幾粒肉以為會好滑好正, 點知每舊肉都係根, 趙唔爛, 簡直呃錢, 天后地鐵站附近嗰間街邊串燒十蚊串牛肉好食過佢!2. 海膽剌身(around$80兩塊仔): 以為是即開海膽新鮮貨所以咁貴, 點知一食就知只是超市貨色, 又係呃錢!3. 天婦羅烏冬(around$80): 隻虾"梅"嘅, 天婦羅汁冇味嘅,烏冬似屋企煮嘅上海麵, 咁嘅貨色成八十蚊, "和X"嗰碗$48好食過佢多多聲, CWB東角嗰間"雪X"嗰碗鷄湯稻庭烏冬間直係人間極品都只係六十幾蚊, 你話俾貴d仲要難食好多咁俾你嬲唔嬲?成餐飯唯一ok嘅係鷄肉串& 鷄軟骨串, nothing else! 唔怪得冇乜客, 七點幾至八點幾黃金時間都只得3枱人(包括我哋), 如果佢再唔改善食物質素而仍然賣咁貴, 真係遲早等"執"! 總知就係錢又洗咗, 嘢又唔好食& 食唔飽, 仲要係老公生日搞到咁冇癮, 早知行多條街去清風街嘅"燒X亭"or 再經濟d去"串串X"好過, 又或者行返出CWB再去"雪X"食類似嘅嘢價錢又係咁上下但好食十倍! …Read More