gloria_yanchan's Profile

一共去過兩次，第一次係自己去食濃蟹湯拉麵，第一次去食覺得發揮正常，蟹湯有蟹味亦有啲腥味，面質幼身，叉燒味道啱啱好，而且有彈性不會很腍，有少許扣分就是湯不夠熱，整體來說也是一次很不錯的體驗。之後再介紹朋友一齊去吃，今次叫干貝蟹白湯拉麵，這次的湯很鹹，味道也比上次腥，而且沒有鮮味，拉麵也有很重的鹼水味很失敗，所以一邊食會釋出好大浸巷味，叉燒也很腍，沒有上次的好吃，而兩次的問題也是湯不夠熱，似乎這是他們很難改善的問題，由於湯不夠熱，所以很快湯頭也變得很油膩了，今次這碗完全不值$108, 另外還點了雞皮餃子，餃子是一口餃子細細隻這沒什麼好或不好，算正常沒特別。環境是OK的，另外，其他餐牌上的甜品沒有試過，或許等他們的出品質素較穩定的時候才會再考慮幫襯了。…Read More

媽咪生日今次試吓喺ABC訂蛋糕，原本想訂拿芒果拿破侖但見食評好壞參半，而且性價比問題，我哋決定訂$228嘅芒果撻。6吋大剛好4個人每人一件，少少難切，芒果超多，係好新鮮嘅芒果，好鮮甜，吉士醬唔漏，最底仲係蛋糕底嚟，撻皮有牛油香鬆脆唔硬，我哋都好滿意，寫生日牌手字仲幾靚，好過好多連鎖大餅店，下次會再試食其他生日蛋糕！…Read More

份量太了吧，肉都無！行街行到累，想試吓呢間咁有名嘅莆田，可惜也是逃不過名過其實嘅命運。姐姐推薦佢哋d套餐話好食扺食，無問題我哋信你，叫左個798的佛跳牆二人餐，可惜食完之後都唔知食咗d乜。前菜櫻花蝦紫菜，非常之開胃，因為很酸，而且紫菜無切開過，好難夾少少咁食，一定係大大啖，同埋有沙馬來風光，即係炒通菜，普通野，味道正常椒鹽豬手，炸得夠脆，但原來係啖啖骨的，只係得個皮，無肉的得獎佛跳牆，呢個勁，阿姐幫我哋每位擺盤慶住嚟食，仲問要唔要打卡影相，我哋話唔使了，我都以為好勁，材料有雞，遼參，飽魚，碎花膠，個湯好金黃色，但一畢落去已到底，即係得好少湯，佢嗰隻可以話係隻碟嚟，唔係燉盅，我哋飲嘅係汁，唔係湯嚟，太小家了吧，的確整色整水野係多過d食物！再嚟福建鹵面，呢個係全個套餐最好食又有點份量，呢味先係招牌菜吧。最後嚟甜品，一個係冰糖雪耳，甜到漏。另一個琵琶果薄荷凍，都ok有d特色。一個二人餐加一加餐前小碟埋單900幾，唔飽的。順帶一提，佢哋sell緊台灣文旦柚，每枱都送一瓣俾客食，但係酸的。…Read More

咁啱book左打風之後嘅Buffet dinner, confirm booking嘅時候餐廳講咗送唔到海膽過嚟所以當晚無海膽供應，少一樣好野但就無另一樣嚟代替，我覺得係對食客唔公道，無heart囉。入座睇完d野食已覺得唔對路，凍龍蝦碎上我第一次見buffet 會咁做，好肉酸呀⋯⋯而且又咸又霉完全無鮮味，雪場蟹腳味道都係一樣好難食呀。翡翠螺藍青口無食，唯一食得過嘅係生蠔，但勁孤寒，一定要見d人攞到淨返一兩隻先refill。魚生方面有三文魚，吞拿魚，希靈魚，甜蝦，都係一樣雪味重唔新鮮，d甜蝦幼過條蚯蚓。佛手瓜豬骨螺頭湯，得個咸字，我飲唔出材料嘅味道，另一款雜菌忌廉湯，又係得個咸字，無雜菌嘅味道而且係花園嗰隻忌廉嚟，原來酒店都會整到呢個味出嚟。鐵板燒有雞扒，羊架腸仔牛柳粒，羊架唔俾薄荷醬孤寒，牛柳粒叫好少少有d牛肉味，腸仔口感硬而且味道奇怪，以前有鵝肝而家冇了，失敗，另外有一個芝士黑松露炒意粉，呢個反而幾好味。甜品簡直慘不忍睹，芒果布甸芒果係淤黑色見到都唔敢食，另外仲有幾款蛋糕，全部都係睇個樣都冇興趣攞，屋企人試晒咁多款都話冇一款好食，唯一係有豆腐花同罐頭雜果涼粉叫做ok, 之後再出一個雜果啫喱，硬到切到切唔入魚膠粉多到不得了，衰過d酒樓啫喱，另外仲有一個疏乎厘，每次都好多人排隊，但除咗食到白砂糖味就冇了。雪糕只有movenpick,無人地po出嚟咁有幾個牌子可以揀。飲品自助形式有咖啡檸茶檸水，有可樂但係唔係汽水機斟出嚟，係用果汁嘅玻璃樽裝住，可想而知係完全唔會有氣嘅汽水，真垃圾！仲有一樣嘢想講就係，個8點零鐘嘅時候，佢哋嘅員工就開始攞碗出嚟攞野食，我當時覺得點解好似變咗員工食堂咁樣？真係好奇怪。我想話如果冇心做嘅，不如摺埋佢啦，每位折咗都要$500，唔係特別平，點解要客人有個咁差嘅酒店自助餐體驗？…Read More

兩個好肚餓唔知食乜嘅人，行到落寶怡喺門口望左幾眼就入去試吓啦⋯⋯6個Set lunch有3個係茄汁/蕃茄味嘅野都有d奇怪🤔️，老公話唔想食蕃茄叫左個胡椒野菌汁肥牛焗飯，一嚟到我哋以為嚟錯，面頭全部舖滿芝士，真想問有滿滿芝士的話點解唔寫落menu度？咁就慘啦，佢唔食芝士嘅，要撥走佢先食到，個焗飯無炒底，d肥牛係烚完先就咁擺落去焗，係最差嘅做法，而且好咸，同埋menu上寫嘅胡椒野菌汁只有好輕微嘅味道，你又唔可以話佢無呢個味喎🙄另外，有兩個小食，蜜糖芥末雞翼，炸嘅粉好厚，但ok啦脆嘅，同埋黑松路薯條，薯條係無黑松路味，原來係點嗰汁係黑松路醬，薯條係林哂嘅😓仲有個香草蕃茄雞扒意粉，呢個好少少，意粉正常，雞扒碎上嘅但除咗雪味就無味而且係緊緊熟，我食緊都有少少擔心係咪熟哂。嗰頭好多高質小店，希望你哋俾d誠意啦！…Read More

湯無味，酸菜都係得嗰幾條好細嘅，雞絲勁少又鞋，重點係米絲好硬，見到每條都幼幼咁，有硬心，我肚餓已經唔理照食，但食食下都係頂唔順，因為有d係超硬，有d又好少少，中伏，唔會再幫襯！…Read More

禮拜六中午收工想落元朗食個lunch, 原本諗住去二悅的，但我哋太黑仔，等咪錶足足等左一個鐘，又肚餓又急v, 終於泊好車落車衝過去二悅可惜已經截單，就失望地轉食隔離呢間黑黑地嘅cafe啦。得番Bar枱位，由於太肚餓，好快立左一下menu，我覺得佢d嘢食唔難揀嘅，但係男友就話佢啲嘢食配搭並唔係香港人口味，我就話你平時主要都係食茶餐廳都冇去過呢啲Cafe睇唔慣人哋個Menu好正常😬，然後我哋叫咗一個意粉一個意大利飯，個意粉好似叫做鹹蛋忌廉蟹肉意粉，上面仲加咗啲蟹子，個鹹蛋味係啱啱好嘅蟹肉都鮮甜好味但係上面個蟹子有啲失敗，因為蟹子原來佢係加熱過嘅釋放左一浸好似垃圾味嘅味道出嚟，意粉亦都煮得啱啱好好煙韌嘅口感，如果唔係有蟹子呢個意粉可以攞好高分。個飯好似叫做蕃茄大蝦意大利飯，意大利飯亦都係煮得啱啱好好啱我哋香港人食因為中間唔會硬而且個汁亦都好濃稠好有蕃茄味仲feel到有啲辣辣地，依兩隻大蝦都係好香牛油味好新鮮我男朋友話呢隻蝦係佢喺呢啲西餐廳食過嘅最新鮮最彈牙有冇雪味嘅蝦我哋比好高分。另外我哋每人叫咗一款飲品佢叫普通意大利朱古力呢個冇酸味亦都冇加糖好香朱古力味而且唔甜係幾好飲嘅，另外我叫咗一個玫瑰花實際唔記得咗咩名嘅花茶，呢個花茶就普普通通都係有少少香水味咁樣，另外我見隔籬枱叫咗一碟好吸引嘅窩夫我哋都想試吓，好似叫做桂花烏龍牛角包窩夫，呢個真係邪惡啦因為窩夫勁重牛油味而且上面有好大劈cream，另外再加一球雲呢拿雪糕同桂花烏龍汁，其實窩夫上面有咁多野窩夫已經變得唔趣但係佢嘅配料係睇得出好有心機做，今次都係個幾好嘅體驗。但係我覺得如果有lunch set佢會好啲囉，因為樣樣散叫的話的確係偏貴。…Read More

端午節3人到半島晚飯，全場爆滿，好好生意，d出品又點呢？我哋叫咗個餐有4個餸另加一個例牌燒鵝冬菇炆鵝掌，好野！連最吸味嘅冬菇都無味嘅而且冬菇本身都唔香，鵝掌好似煲過湯咁林，簡直無牙都食到燒鵝係呢度嘅招牌，香氣味道都正常，主打野嚟講合格有餘啦豉油王基圍蝦，炒得夠香，但料頭少，蝦都新鮮嘅係細隻咗d龍躉兩味, 甜豆炒龍躉球，又係完全無料頭，一粒蒜蓉都見唔到，甜豆炒到半生熟咁我就唔係咁鍾意我最想講嘅重點嚟啦，就係碟蒸班頭腩，幾舊都完全冇處理過啲魚鱗，浪費左咁有膠原嘅魚皮，仲話自己係深海龍躉專門店，係咪唔包刮魚鱗㗎，失敗🙄…Read More

端午節假期楂車出去搵食，c6話不如去高爾夫球場有間餐廳想試吓，ok let’s go.坐車途中睇過下最近的食評都係好壞參半，心諗唔通要做試伏器？環境有d社企餐廳的殘舊feel，假期人亦唔滿，睇過menu決定食set lunch比較抵食。先嚟有食評話有奇怪顆粒嘅餐湯，其實係用椰菜花打成蓉嘅忌廉湯，口感係有椰菜花的粒粒，有濃濃椰菜花味，味道唔錯而且健康，我喜歡。加$20嘅小食雞翼，估唔到廿蚊嘅雞翼有呢個質素，新鮮熱辣脆卜卜，雞翼好厚肉勁多肉汁，唔似第度d加錢雞翼好瘦無肉食C6個豬扒飯，有兩塊豬扒一塊大一塊細份量好大，肉質唔會話醃到成陣巷味，有肉汁的比茶記好我叫左牛肉漢堡配薯條沙律，薯條即炸超好味，係令人一條接一條食嗰隻，burger 亦好大個，牛肉漢堡好厚好多肉汁，配上芝士蕃茄同少少菜，我真係食唔晒。總結，原本無期望，點知樣樣都幾出色，驚中伏變成有驚喜😂，如果唔熱可以坐outdoor 望住高爾夫球場仲chill😌(我不是打手)…Read More

香港的2022年從一月頭開始收緊社交措施至4月21日終於放寬，放寬後的第一個weekend 來一個Dinner buffet 舒緩一下悶氣。由於長期糧尾，唔想食太貴嘅自助餐，搵下KOL 有咩介紹，咁啱見到呢間嘉里酒店嘅自助餐，環境同食物都好似幾好，而且買佢嘅coupon折左每位都係500幾，一於試試。俾酒店幫我泊好架前七之後就入去囉，原來酒店好大又有個food court 同出面有個花園對住個海，環境真係唔錯⋯⋯食物方面，自助餐要有嘅佢基本上都有，但我哋嗰晚就無波龍，凍海鮮得蟹腳，翡翠螺，藍青口，凍蝦，其實除咗青口無味之外，其餘3樣都食得過，尤其係蟹腳好有鮮味，我本身因為個人懶每次都係攞3幾條食過就算，但今次我攞咗3次，正。另一樣就係剌身，有油甘魚，八爪魚，三文魚同赤身，三文魚正常水準，但油甘魚真係正到不得了，好有油份，彈性，仲要腩位無筋，完全係驚喜嚟，真係呢個級數攞滿分👍🏻其餘嘅熟食比較推介有黃金蝦，鎮江骨，燒豬肋骨，清酒煮蜆，燉湯，南瓜忌廉湯，燒魚較。而甜品方面佢都好多選擇我覺得最好食嘅係焦糖布甸，其他甜品都唔錯，但佢個雪糕唔知係咩牌子，d味道有d奇怪。另外我想講有樣嘢幾奇怪，就係佢有3個面檔，一個係喇沙嘅，一個係石鍋即食麵，一個係炒意粉，我眼見3個面檔都好少人幫襯，其實唔使咁多個囉⋯⋯總結，我哋兩個人$1100有找，又有免費泊車，環境咁好，仲有海景，地方闊落，食物唔差，已經滿足，希望可以多番d客人幫襯佢哋啦。…Read More

今晚自己一個開餐，見到近排呢間台灣料理店都好多人讚，睇吓咩料先😌環境同個店名一樣以木做主題，感覺清新舒服，兩位妹妹店員尚算醒神先放低一小碟琥珀合桃，好味，鬆化，無油味，甜度適中，水準之作蟹肉金絲炒米粉：呢味我見其他食友講到不吃不可，我就覺得未至於，炒功係唔錯，炒得好乾身好散唔油無一舊舊嘅情況，新竹米粉質地係好幼好輕，大啖食都唔覺滯，蟹肉份量都算係好正常㗎喇，佢收得$96+1唔多唔少咁啦，質素有d彈d，有d林d，又未去到係霉嘅，所以亦係合格，其他配菜有芽菜，葱，瑤柱碎，個配搭恰到好處，但係佢個調味就真係清淡，我食兩啖就要攞辣醬，而個辣醬係麻辣醬嚟，都有少少驚喜喎，幫佢加番分啦玫瑰可可特飲：見到玫瑰兩個字我有d驚係伏野，好彩唔係，都幾好飲，係多冰左d啫，今次體驗唔錯啦，除咗少少貴，但都會回頭嘅…Read More

今次係仔仔話想食呢間，我哋兩個大人都唔會反對，由得細嘅話事啦⋯⋯入座之後我哋睇左好耐都唔知嗌乜嘢食，因為晚市無set之餘，樣樣都幾貴吓，然後我哋就嗌左幾樣野，一如所料，份量都係非常之少。兩款壽司拼盤： 貴嗰款質素當然係好啲鮮味亦都重啲，但平嗰款就真係唔掂帶子壽司都係冇味嘅，油甘魚壽司好腥，老實講真係好普通，而舊壽司飯亦都係鼻C咁細粒，真係食幾多都唔會飽架🥲雜錦天婦羅： 有一片好薄嘅南瓜，一片好薄嘅茄子，仲有兩隻蝦，同埋一條魚仔，蝦我就冇食，我有食魚，但係肉質好鬆散有少少霉三文魚茶漬飯： 有圖片，芫茜湯飯嚟，無野好講。牛肉湯烏冬： 比較正常，牛肉有牛味。服務方面，哥哥姐姐們都好親切有禮，而且坐唔滿，人手都非常充足，但都係要我叫加茶先至嚟加，唔知點解。咁就埋單過千蚊啦⋯⋯仲有3個鐘free parking ，好開心呀！！…Read More

禮拜六落完雨又濕又熱加上肚仔唔太餓就同男友簡簡單單食個湯飯算啦。男友之前喺北角返工食過佢哋嘅北角店話都幾好嘅一入到去經過門口風閘位之後我就覺得有d焗，然後聽到隔離枱叔叔同佢朋友講:呢度都幾部5匹冷氣喎，跟住我就向上望下，咦，又係喎，但叔叔可能睇漏左部冷氣無開㗎⋯⋯咁我都真心覺得焗就開自己開手提風扇仔囉。講食物～海膽魚湯飯：海膽新鮮無腥味無怪味，份量都好標準，不多也不少，配珍珠飯正常口感，有大葱，木耳，玄米，豆皮配襯恰到好處，但個湯呢，唔知點解有點熟悉，似魚米定湯加個湯底味，希望我係錯覺啦。男友食~蒜片牛柳粒配魚湯烏冬： 配料同湯飯一樣只係主食變咗烏冬，我只食咗幾粒牛柳粒，蒜片香脆，牛柳粒係全熟嘅，但好在只有少少鞋但唔un嘅，炒得幾香單講食物有資格攞美味emoji, 但天時暑熱坐滿9成客都唔開齊冷氣就真係唔得囉，費事問係因為男友話佢會話壞咗囉，問嚟做乜呢🙄…Read More

喺天水圍咁耐好多餐廳都食過啦所以今日就同小朋友嚟呢間未食過嘅天鳥居酒屋，嚟之前睇過食評全部都係舔舔脷好似好好食咁各種嘅好評都有，實測一下先，再嚟一個真實食評。平日晚上6:30都坐左差唔多一半人都算係好生意啦，落單就係用QR code自己落單嘅，我哋就嗌左三文魚刺身、蟹子手卷、黃金魷魚手卷、吉列豬扒定食、燒菠蘿、燒粟米，其實overall嚟講佢所有食物份量都係偏少，唔明有人話性價比高。比較欣賞佢嘅三文魚刺身下面係墊左冰底可以keep住個溫度而且都係比較新鮮嘅另外燒粟米亦都係比較特別嘅因為佢上面個醬汁係牛油加芝士Mix咗嘅醬，啱小朋友口味，而其他食物味道質素係算正常嘅但係份量就樣樣都真係少囉。最後仲有1段小插曲，就係呢度係出收銀埋單嘅，由於張紙已經整污糟左，我就就咁行出去講枱號埋單，然後佢話你要攞番張單出嚟，然後無理到我，之後佢再講無你講嗰個枱號，我話，但係張紙已經整污糟左，佢都係話要我攞番張紙出嚟，其實好小事，但點解一個小小嘅服務都唔俾我呢？我講錯枱號唔通你唔可以同同事確認番我坐邊張枱？為何要同客人糾結要攞番張單出嚟？自助落單唔緊要，出去收銀處埋單都唔緊要，但明明收咗加一，為何有問題唔可以請同事協助？最後收銀姐姐當然係沉默地黑面找錢，完。…Read More

今個週末去Cordis住一晚，喺酒店游左陣水就出嚟食個下午茶啦無意間男朋友話呢度有間春水堂喎，咁自然就排左陣隊入去食個T，我哋都唔係太肚餓咁就叫咗兩個小食兩杯茶，原來有驚喜🤤鹽酥雞，即炸，又香又脆，醃得剛剛好，粉唔厚肉嫩滑滷味併盤，有牛筋、牛肚、豬大腸，樣樣都炆得夠林，夠入味，係台灣滷味嘅味唔記得乜嘢烏龍茶，茶味似喺貓空上面d茶室飲過嘅味道，彷彿帶我去咗台灣😮‍💨…Read More