Ca1004's Profile

今日同朋友慶生，之前食過荃灣店已經印象深刻，今次都覺得唔錯。🔸卡邦尼捲捲意粉濃郁嘅味道，口感比較al dente，相對有少少重口味，個蛋黃沉咗底，我哋最後先見到，不過食落覺得本身個醬嘅濃味有少少蓋過蛋黃味。🔸牛面頰墨西哥芝士餡餅相對無咁濃味，調味恰到好處，牛肉柔嫩，搭配金黃嘅芝士、餡餅，令成道菜有豐富層次感。🔸特濃開心果巴斯克奶蓋蛋糕味道香濃，有脆脆片增加口感，堪稱口味嘅巔峰之作，開心果嘅香氣喺口中四溢，必食。🔸生日甜品畫畫線條小狗畫得可愛，感謝插畫家！另外有張相送，朋友好開心。🔸飲品胎菊茶清香，微甘甜，暖暖哋不錯。…Read More

一入去覺得環境好舒適，店員Nice叫咗洋蔥湯、極脆炸雞漢堡配黑松露薯條、洋蔥湯、朱古力撻洋蔥湯好濃郁，好多洋蔥，正嘅！極脆炸雞漢堡配黑松露薯條好大塊雞扒，外皮真係好脆，雞肉嫩滑juicy個包都好軟熟，加埋沙律菜、蕃茄，成件事好夾黑松露薯條薯條有少量調味，朋友覺得要再加鹽同店員拎咗啲鹽佢哋都好Nice，而且畀咗好多鹽我覺得ok，正常發揮黑松露醬有淡淡黑松露味，不錯！朱古力撻濃郁嘅朱古力味，配Americano 係正嘅另外店嘅理念都欣賞嘅成為大家嘅鄰舍，以愛還愛，讓大家有個舒適嘅聚腳點今次去主要係想試吓啲食物，同friend 諗吓喺嗰度搞小聚會嘅可能性會回頭😉…Read More

之前幫襯過兩次，無諗過可以被漏單成起碼25分鐘繁忙時間嘅服務混亂1. 準備同叫號唔係按順序我買咗原味飯捲同辣甜蘿蔔然後喺雪櫃拎咗辣甜蘿蔔拎咗飛係213號我一直企喺旁邊等已經覺得少少怪怪地，因為佢哋要號碼唔係順序咁叫但因為我前面有個211號嘅先生佢都未有得拎食物所以都算加上，我見到個姐姐又要落單又要pack食物都唔敢打擾佢直到我開始聽到佢已經開始叫緊220號以上嘅飛而嗰一袋食物入面有飯，都有飯卷我上前講我係213號點知 見到佢喺收銀機旁邊拎咗一條一早已準備好嘅原味飯捲盒辣甜蘿蔔已經喺凍櫃拎出嚟成25分鐘已經完全唔凍其實收銀姐姐好有禮貌不過佢哋唔按單號順序準備同畀食物服務混亂因為佢哋嘅叫號唔係按順序咁叫，所以佢哋亦唔會察覺到自己漏咗邊一張單2. 味道不錯- 原味飯卷有蘿蔔、醃蘿蔔、牛蒡、魚糕片、蛋絲、青瓜，各種味道加起上嚟，層次豐富。- 辣甜蘿蔔甜味同辣味非常之配搭，好惹味調味料唔會吝嗇，值得一讚3. 衛生整體店舖嘅衛生係OK嘅，不過喺凍櫃上面見到有幾盒韓式粉絲係冇冚蓋衛生與否，接唔接受到就見仁見智。結論：如果買唔駛等嘅食物，值得一試！如果買要等待店舖準備嘅食物，就視乎舖頭係唔係多人，如果舖頭已經好繁忙，就唔建議幫襯。希望佢哋之後會可以 順 序 咁樣去準備同送出食物，唔好令專誠幫襯佢哋嘅人失望啦！加油！…Read More

上次因為舖頭咁啱閂咗，無機會試。今日難得去南豐中心，就試吓睇吓舖頭有冇開，結果有開！終於有得試呢間嘅爆谷喇！因為係第一次食，所以都唔敢買太多，就買咗1公升(1桶)。佢係可以溝唔同嘅味，兩溝就加$3，我覺得ok，咁好過買2桶咁多，所以我就試咗焦糖味爆谷同埋朱古力味爆谷。朱古力味爆谷好香濃，相信都係因為店主冇慳到啲朱古力糖漿，大部分爆谷上面都有一層又厚又脆嘅朱古力糖漿，再加上朱古力糖漿嘅味調得好好，所以就非常之香濃，有啲似熱朱古力咁香濃。焦糖味爆谷都好味，基本上同頭先形容朱古力味爆谷嘅一樣，大部分爆谷上面都有一層又厚又脆嘅糖漿。因為焦糖味爆谷個味冇咁濃，所以會食到多啲爆谷本身嘅原味，加埋焦糖嘅甜味。焦糖味爆谷本身冇朱古力味爆谷咁濃，所以食完好多粒朱古力味爆谷之後，要飲啖水或者等一陣，先可以再食到焦糖味爆谷嘅味道，如果唔係會無乜味。下次再食嘅時候，我會由冇咁濃嘅味道開始食先，比較濃嘅味道就要之後先至食。…Read More

覓食元朗一直都唔知道元朗有呢一間賣海南雞飯嘅舖頭。由於我阿媽非常之鍾意食海南雞飯，所以我就外賣晚餐我同佢一人一盒海南雞飯。鋪面唔係好大，尚算整齊，嗰陣5點幾，除咗我之外仲有兩個人嗌外賣。雞係完全去骨，而且好軟滑，唔會太淋或者韌！油飯仲淋上甜豉油，又有蒜香味，令到味道更加豐富。雞隔離仲有啲薑蓉，另外附送咗一細樽酸辣汁，全部野加埋晒一齊食非常之惹味！外賣仲每人送一杯雞湯，味道濃郁，入面有一舊仔冬瓜，幾好飲！薏米水就OK啦，清甜。薏米大概佔一支飲品嘅四分一左右，幾足料。分量來講，我覺得充足食完都幾飽，我阿媽就比較大食，佢就覺得要加飯。…Read More

今晚我屋企人話要喺維港灣買生餃子咁就索性喺嗰度食餃子啦餃子皮薄餡靚，非常有水準煎餃子方面，佢係以煎一面嘅方式去整煎嘅嗰一面係酥脆香口另一面保持軟熟，食落有層次芝士粟米煎餃比較溫和咬開係清楚見到有唔少芝士食落粟米嘅甜同芝士嘅濃好夾！至於芫茜煎餃，就好適合我呢啲芫茜控對我嚟講，係散發住清新嘅芫茜味！呢個雙拼覺嘅配搭都幾好拼埋一齊食都唔會有違和感至於烚嘅淨餃子，屋企人話皮薄餡靚，同埋啲肉唔會有好多肥膏。最後，土匪雞翼係炸嘅，即叫即炸即上，外皮有黑芝麻，咬落非常酥脆可口，雞翼本身醃得好透，食落有肉汁。…Read More

今日繼續跑素！嚟到位於小巷嘅素年，一嚟到就被佢個大玻璃窗吸引！嗌咗外賣魚香茄子意粉，店員話可以喺玻璃前坐低等，成件事真係好chill😌不得不提個外賣盒，真係好靚，個杯面嘅design上有樹木年輪嘅線條，食物盒都係以木色為主調，覺得由店舖環境，到包裝都好有心思。到主角，魚香茄子意粉！份量好足夠，素肉醬、茄子同紅椒絲都好多，啖啖有料，好正！如果唔講係素肉，食落真係有肉感，我覺得唔鍾意素嘅人都會好食得滿足。但因為呢個係炒意粉，所以真係比較多油。…Read More

食過葵芳嗰間，一直都知荃灣有齊柏林，但唔知喺邊，原來係喺鱟地方巷仔。喺轉角買咗杯嘢飲，買熱狗做下午茶真係一流！ 我係菠蘿控，所以成日叫澳式風情熱狗。呢個熱狗個包好鬆軟，煙肉、菠蘿、肉醬都好足料有口感，特別鍾意肉醬有丁丁辣，肉醬、芝士同菠蘿汁嘅味道好夾。成個包juicy得嚟唔會漏汁，個包唔會淋晒，值得一讚！足料程度係食到最後有一pat跌咗落盒，仲食得唔好嘥！鋪面嘅芝士有啲啲乾，我諗係正常。整體賣相同味道都好正！…Read More

第二次嚟食，都已經8點幾，估唔到仲有好多人，要等5張枱，真係好受歡迎！今次叫咗15種一日野菜咖喱飯，同埋蓮藕薯仔茄子金比羅定食。15種一日野菜咖喱飯一上碟咖哩香氣撲鼻，好夠熱，一次過可以食到好多種菜，健康好味！朋友好鍾意食咖哩，佢話個咖哩唔同出面一般食到嘅，佢好鍾意呢個咖哩。蓮藕薯仔茄子金比羅呢個係我嘅至愛，上次嚟都係叫呢個！煎蓮藕片上有少少類似七味粉同芝麻喺面，好香口！薯仔同茄子都好正，同個醬汁好match，仲有個沙律菜好爽口，沙律嘅味酸酸甜甜好正！…Read More