rivacpm's Profile

觀塘熟食街市一向比同事嘅感覺都係有啲邋遢，但係平日午餐周圍都好難搵位，今次就搏一搏試吓個環境係點啦，行到去呢一間士林麵館前面，地下都乾爽乾淨，入到去亦都同一間普通嘅食肆冇咩分別。餐牌食物價錢一律係$45，如果加嘢飲就$5 ，所以我食咗個面連埋嘢飲都係總共$50 ，比起附近幾間比較出名嘅台灣餐廳，算係幾抵食啦。我揀咗香酥雞扒湯麵去食，雞扒係即炸嘅，所以出到嚟都熱辣辣吹波波，湯麵嘅湯底亦都好甘香應該有落功夫，面條算粗，唔會話一早煮定林晒咁。甘香奶茶意外地好飲過某d珍珠奶茶舖，清香細滑。整體唔錯可以再來！同事食咗干拌麵，一致好評，希望下次再嚟試過。…Read More

星期五中午一行九個人喺觀塘都幾難搵位，不過我哋嘅經驗就係喺呢一間大盛，都可以搵到位，仲要係唔使分開坐嗰隻。呢一間已經唔係第一次食，不過都想讚一讚佢呢款午餐，就係牛肉壽喜燒定食，我就加多$6配烏冬。個鍋一拎出嚟，啲牛肉仲係一半生一半熟，非常理想🤤。你一個鍋裏面嘅材料好多，有日式魚蛋，大量小菜或者叫娃娃菜，牛肉超多，最重要梗係有隻生雞蛋。至於烏冬，質素大概就係超級市場$20幾包嘅正常烏冬，唔係非常突出。我有朋友係食定食嘅，佢哋都有讚啲米飯好靚，下次都可以試吓。呢度食個午餐60幾蚊包埋嘢飲都算幾抵，份量算大我都食唔哂，平時觀塘午餐可能上樓上餐廳，都可能需要$80食個西餐，所以呢度都幾化算。張單下面仲優惠，可以下次用嚟有10%回贈，下次再嚟試過。…Read More

旺角呢頭要食嘅好嘢其實都食過，本來諗住天氣凍食火鍋啦，點知出到嚟一啲都唔凍，索性疊埋心水食壽司算。呢間餐廳嘅特色係，食滿＄120可以＄40嘅價錢去叫半磅三文魚刺身同埋以$1嘅價錢叫甜蝦，如果大家食得晒可以計好條數先至再叫嘢食。朋友實在太肚餓啦，佢叫咗一碗泡菜拉麵，朋友本身都算食得辣嘅，但係佢都話好辣，個拉麵其實幾抵食都好豐富，材料足，面亦煮得軟硬適中。忍唔住食咗啖三文魚壽司先記得影相，侍應自動幫我轉咗做三文魚腩壽司，望一望牆場上餐牌，原來三文魚腩壽司只係＄4 一件，都抵啦。火炙芝士三文魚壽司真係不得了，芝士同沙律醬食落口gem住個口，感覺好邪惡，但我鍾意。鰻魚壽司係我其中一款最愛壽司，不過略嫌呢度舊鰻魚細件咗啲，食落感覺比較老。蛋壽司唔掂，朋友話好似溝左野有d假，塊蛋又超薄，腐皮壽司都冇得點衰，正常收貨啦。粟米軍艦嘅粟米同紫菜都唔夠新鮮，紫菜明顯唔夠脆。中華沙律手卷朋友話形容唔到，都係同一個問題啦，紫菜唔脆，中華沙律亦都冇乜味。老老實實呢間野我來過幾次，如果你諗住平平哋食下壽司其實都可以嘅，但係有時乾淨衛生問題呢就有待改善啦，座位方面亦都比較窄，好似今次咁其實我係坐係樓梯口，不斷會有人上上落落，都係果句啦，平平地食係OK嘅。…Read More

特登走咗去荔枝角睇雪景，又凍又大風嘅晚上行咗去億利工業大廈，地下就見到呢間餐廳。一入去侍應問我有冇訂位，我話冇，好彩唔洗等都有張四人枱比我坐。咁樣算唔算係燭光晚餐啊？ ！今次晚飯有兩個人，所以我哋叫咗兩個主菜。餐包同埋餐湯（番茄湯）正正常常，冇咩特別。首先講吓我食嗰主菜，大蝦帶子黑松露忌廉汁扁意粉，最令我驚喜係隻帶子真係非常鮮嫩，大蝦已經幫你開咗殼好容易拆出嚟，意粉唔似出面餐廳住煮得太淋或者太硬，我自己就覺得適中非常之好，黑松露嘅味道亦都好出，一拎到埋嚟就已經聞到好西利。 朋友食嗰啲香蒜野菌意粉我都試咗少少，意粉好有香蒜味，野菌係一隻好大嘅菇煎香左，美中不足嘅係油份似乎多咗少少，食食吓會覺得有啲膩。杯莫卡都唱得唔錯，咖啡味有亦唔會搶晒啲朱古力味。最後，講講佢啲服務其實都唔差，每逢上餐湯以及主菜嘅時候，會親自過嚟問你要唔要黑椒，如果會嘅話會即刻磨俾你。想餐同埋買單嘅時間亦都唔係好耐，所以我哋都好快用餐完成啦。晚餐冇加一服務費，成張單真係慳好多，性價比非常高。…Read More

原本諗住入嚟食龍蝦芝士伊麵，睇睇下個餐牌見到特級牛柳餐，就叫嚟試吓啦！個女侍應問我要幾成熟我話七成，同埋可以揀碟上或者鐵板上，咁我就揀咗鐵板上，配薯菜。原本我都有D驚會鐵板上七成來到之後會變咗10成熟，好彩來都之後裏面都仲有少少紅應該真係七成嘅，食落口都非常之軟身唔實，雖然講唔上係特級嘅味道，但係90幾蚊來講都算係好抵食，起碼好過我之前喺某一啲牛扒餐廳食嘅牛柳。不過佢呢個餐配嘅帆立貝就真係麻麻地，唔係啲咩新鮮帆立貝，食落冇咩味，冇乜驚喜。成個餐有餐湯有餐飲， ＄100有找都算幾抵架啦，下次來先至再食返個芝士伊麵。…Read More

當星期日去完一田百貨感恩節，就會清楚明白到香港多人到一個咩地步。好辛苦係人群中走返出嚟，附近間間都要等位，見到呢間a-1旗下嘅餐廳，就拎飛等位試一試。今次行街又係行到已經唔識得肚餓，所以我又再次食甜品當午餐，叫咗個香蕉朱古力雪糕班戟。一上菜，梗係要嗱嗱聲食咗個雪糕先。要特別提一提個朱古力雪糕真係唔錯，上面仲落咗啲朱古力片令到成個朱古力味道提升。鬆餅係好厚身嘅，亦都好鬆軟，兩塊其實我真係食唔晒，最後第二塊只係食到一半。食完個人咁凍有少少後悔叫咗杯凍咖啡，咖啡味道普通，朋友話檸檬茶反而幾好飲，大家可以一試。…Read More

呢餐廳已經食過好幾次，今次同個朋友一齊嚟試吓。預咗要排隊，今次我成四點幾先嚟到，前面有兩台人，所以等咗大概15分鐘。我已經好飽所以淨係叫咗件蛋糕。本身我係一個朱古力控所以就叫左一件朱古力做主題嘅蛋糕--Pure。淨係個賣相已經夠吸引，上面一層朱古力醬下面係朱古力蛋糕基本上食咗¾之後已經好飽有少少膩。朋友叫咗一碟蜆肉白酒意粉，佢都話啲意粉好好食，而以我之前嘅經驗佢啲意粉係煮得軟硬適中，配菜主菜等等都好足料，一定夠飽。最後叫咗一壺伯爵茶，朋友好鍾意佢果種獨特嘅茶香味道，但係個茶包標籤已經剪走咗，所以如果有人知道佢係咩品牌嘅茶包歡迎話我知。…Read More

這些天不用上班，一直在家煲動漫，頹廢得不能再頹廢，作息時間已經混亂不堪，所以這一餐是在六點多用膳的，完全不用等位。晚上真是冷得很，在打邊爐和豬排飯的超難選擇下，我走到了這裡--吉豚屋吉列豬扒專門店原因很簡單，就是Yuri on ice (冰上的尤里)出第八集了!!!!!!!抱歉在寫食評時控制不住對Yuri的口水....(踢飛) 回正題，這家我經常都經過，好像都不需要等位的。因為我一個吃得不多，就點了個梅(意思是小size吧)的滑蛋吉列豬扒飯，另加點熱菊花特飲。不消一會整個餐就上來，這個份量女士應該很足夠了，最後的飯我都沒吃完。滑蛋沒有我想像的黃黃的滑滑的，好像是沒打均吧。豬扒的炸粉略厚，豬扒本身肥美，整體都很香口。我吃得很慢，但蛋汁沒有讓脆豬變軟，這是做得不錯的。有些人說珍珠飯很好吃，但我個人覺得十分一般。熱菊花特飲偏甜有花香，飲後感覺不會太熱氣。原本想給OK，但服務其他什麼的也不錯，給個好評支持下吧！…Read More