bebamad822's Profile

我係街坊 🙌🏻 試過佢D野食幾款都好好味😋😋 ，有人話佢地份量細，但我覺得女仔都夠食啊！ 而且你睇下佢D價錢，韓國野黎講真係唔貴呀！ 你望下出面韓國餐廳一個餐至少都$100up。 而且睇得出佢地對每個細節都認真❤️ 我最鍾意係個糖漬檸檬茶係homemade，可惜唔記得影相。一入門口已經見到有兩樽浸緊嘅檸檬🍋就知道佢地嘅用心。 就算8號風球都會開門照顧街坊需要🌈❤️🌈❤️ 加油呀 ，希望可以一路黎你地餐廳開餐！！ …Read More

夜晚9:30pm去，排隊時已問職員有咩售罄，因為我就係想食椰皇，如果無我就唔等啦，留返D位比其他人，樓面帶眼鏡姐姐話：「唔好意思呀，我都唔清楚，我已經handle唔到。」排左半小時，入座時已經好多野都無，椰皇都無曬，我叫左個熱的中式糖水。黎到唔係暖咁簡單，似係解凍唔切，中間係凍的。跟住就聽到樓面呀姐嗌熱嘅糖水無曬，得翻凍野，師傅話熱唔切（即係即食嘅，佢連微波爐叮熱都無時間） 食到臨尾，見到隔離台遲過我入座嘅食客又有翻椰皇，真係好奇妙呀！我想評論一下，如果你地做唔切咁多生意，不如檢討下係咪唔應該接堂食/ 外賣平台。 第一 ，見到廚房師傅已經做唔切。 第二，樓面呀姐都處理唔到堂食訂單+外賣+平台訂單，佢連外賣都pack錯。 第三， 兩個呀姐連堂食都handle唔到，係我自己行埋櫃檯自己攞返自己個糖水，我仲要同你地講返唔好意思，我黎食糖水係我嘅錯，打搞到你地！…Read More

姨姨啲腸粉燒賣係我每日返工經過都會幫襯架！！ 一個早餐，有燒賣、腸粉、加杯凍奶茶都係賣$21裝修左一排今日終於開返，終於等到喇佢啲燒賣好彈牙，腸粉滑嘟嘟，混醬比例啱啱好，唔會太傑唔夠醬，又唔會太多醬濕答答，今朝去買個陣聽到個個第一句都係話「姨姨我等左你好耐喇！」，全部都係忠實Fans買完姨姨仲講一句「多謝你地呀，我都好掛住你地呀，大家要身體健康呀」真係好有人情味記得認住姨姨個招牌呀駿運士多唔好去錯隔離呀…Read More