Keung191's Profile

睇到網站好多人寫食評，話呢間餐店的炸雞髀好大隻，超好食。所以今日決定去呢間餐店試吓。中午12：30pm左右去到。店內已差唔多坐滿人，我好彩仲可以搵到個位堂食。店內實在太細，只能放得幾張細枱，我亦要同幾個人搭一張枱坐，坐得好迫，超唔舒服。我叫咗個黑椒汁炸雞髀飯，差唔多十分鐘左右上枱。望落隻雞髀，好大隻，以為一定超好食。點知？一食，隻雞髀炸得太乾身，d肉好“鞋”，一d都唔“jucy”。難食。飯又唔熱，黑椒汁又少，唔好食。成個飯我只係食咗少少，實在吞唔落。🥵埋單走人。真係冇下次，信錯d網評。唔會再去。…Read More

見網上咁多人吹捧呢間麵店，講到d麵超好味。今日中午就同細佬一齊去呢間麵店食嘢。鋪內人客唔多，只得十幾個人，因鋪內面積細，只放得幾張枱櫈。我同細佬都要同幾個人搭枱坐。仲要係膠櫈，坐得好迫，好唔舒服😟。我叫咗碗雲吞麵，細佬就叫咗個碟蝦子牛腩撈麵。先食雲吞，味道正常，但唔算超好食。麵唔太淋，又唔係特別爽口。湯底好淡。總之成碗麵好普通。唔好食🥵。根本唔值咁貴嘅價錢。細佬食果碟蝦子牛腩撈麵，話d汁超咸，牛腩又唔好食，食咗幾啖冇再食。總之，呢間麵鋪嘅嘢食其實好普通，絕冇網評到‘’天上有，地下冇‘’咁好食。水準麻麻。真係冇下次，絕對唔會再去食。普通嘢。☹️難食！…Read More

剛在黃埔行完街，買完嘢。行到肚餓，便入咗呢間餐廳xx茶屋食午飯。叫咗個 燒咖哩芝士吉列豬排飯。唔係午餐，係散叫，唔包嘢飲。飲品要另外散叫，價錢都幾貴，所以冇叫到，淨食個飯算。午飯時間都幾多人，等咗差唔多十幾分鐘，個飯先嚟到。見個賣相唔錯，以為好好食。點知...塊吉列豬排雖然係厚切，但超“鞋”，係成塊都好“鞋”。難食，🥵一d都唔鬆化，冇一part係“淋”，好難“照” ，吞唔到，吐返成塊出嚟。咖哩汁又少，又淡，唔好味。唯獨係d飯正常少少，所以淨食咗幾啖飯就算，仲要係白飯，冇汁，乾“芹”。成個飯完全唔掂，唔值咁貴嘅價錢。食咗幾啖飯，速埋單走人。由於食唔飽，之後仲要出去搵其他嘢食。從未食過咁難食嘅咖哩，吉列豬排。🤮認真冇下次。…Read More

午飯時間，同細佬去呢間冰室食飯。兩年前食過一次覺得d嘢食ok，所以今日再去呢到食飯。我叫咗個“茄汁焗豬排飯” ，跟餐飲一杯 涷奶茶。細佬就叫咗個‘’白汁焗雞脾飯‘’，餐飲 涷華田。等咗都幾耐，差唔多要15分鐘左右，兩個焗飯先到。我咬咗啖塊豬排，好“鞋”，吞唔落🥵，難食，吐返出嚟。淨食埋d飯就算。細佬果個焗飯，佢話隻雞脾都係好“鞋”，唔好食🥵。又係食埋d飯就算。杯涷華田偏淡，唔好飲😓。最後大家都食得唔係好飽，埋單走人。連涷飲差唔多要成八十蚊一個飯，咁嘅質素，真係冇下次再幫襯。我哋之後要出去搵其他嘢食填肚。記得兩年前我食過都係呢個焗飯，焗飯超滿，塊豬排又大塊，肉質又淋，超好食。但今日再食，水準明顯下降，超難食🤮。如果用呢個價錢去其他餐廳，冰室食飯。分分鐘好食過佢，什至“平”過佢。所以認真冇下次再去幫襯佢。試埋佢其他嘢食。😡今日認真中伏。…Read More

中午時間，同細佬在淘大商場買嘢，行咗一陣，覺肚餓，經過見到呢間食店，便入咗去食。係自助形式，出去點餐，冇人serve你，就連要杯水都要自己到櫃面沖。超麻煩。冇計。我事前有問過收銀員，果個“牛魔王”酸辣湯米線會唔會好辣，佢答我唔會，我就order咗呢個餐。包杯餐飲，我點咗熱奶茶。細佬就叫咗個自選米線，兩樣餸“墨魚丸，魚皮餃”，蕃茄湯底。呢個餐冇餐飲，佢oder咗杯涷奶茶，要額外加多成十幾蚊。當時店舖內都唔係好多客人，但呢兩碗米線要煮咗差唔多十分鐘先俾到我哋。事前我有叫店員果碗“牛魔王”米線走牙菜，蔥等。但結果俾我時係冇走到牙菜，蔥。算喇，我之後又趕時間，有其他嘢做，唔知又等幾耐先同我再換過。我唯有章就吓食呢碗米線，望落一大碗牙菜已經唔開心，仲要多過d米線，唔係太想食。先飲啖湯，咁辣嘅。收銀員又話個酸辣湯底唔會好辣嘅？牛丸，肥牛，“鞋”。好鞋食🤮。牛腩好硬，咬唔開，又係難食🥵。之後都冇再食落去，淨飲杯奶茶算，奶茶味道正常，唔太好飲。細佬就話佢碗蕃茄米線個湯好酸，都係食咗幾啖冇再食。🤢係呢到都冇咩點食個嘢，唔飽。之後我哋出去搵其他嘢食填肚。差唔多成六十幾蚊個餐，超貴。米線分量又少，湯底又差。食唔飽。😩食物咁嘅質素，認真冇下次再幫襯。😡…Read More

午飯時間，經過深水步，見到呢間冰室有多款芝士食物，芝士餐。幾吸引，便同另一個friend一齊入去食飯。我叫咗個雞排芝士撈丁，涷奶茶。我個friend就叫咗個厚切豬排焗飯，涷華田。店舖內當時都唔係好多人客，但都要等咗約十分鐘左右，芝士撈丁先到，焗飯就遲多少少先到。見過芝士撈丁賣相唔錯，幾吸引，應該會好好食。點知?一咬塊雞排，勁硬，炸得太乾身，難食🥵。d麵又勁咸🤮，飲完成杯奶茶都仲覺得好咸，要再飲多杯水先覺得好返少少。而我個friend叫果個厚切豬排焗飯亦係難食。d豬排係厚，但佢話勁“鞋”，好難“照”，吞唔到，吐晒出嚟，🥵結果佢淨食個底d炒飯就算。佢又話杯涷華田又好淡，難飲😔。我同個friend埋單走人。價錢雖唔太貴，但食物嘅質素真係唔掂，認真冇下次再幫襯。…Read More

我，細佬二人中午去食呢個串燒放題。串燒放題，未試過，就去試一試，諗住會有好嘢食。點知？先去拎d炸物，洋蔥圈，食咗幾條，微暖，不太熱，又淋。唔好食。又少選擇，得果幾款，側邊仲有蝦片，都冇興趣再試。主角串燒，都唔多選擇。牛，豬，雞串得一種味，所以只拎咗幾串試食。仲有d紅腸，蜜糖腸，餐肉。放上d串燒在個爐上，一串一串自動轉，自動燒，幾得意。但有d比較大件eg栗米，菠蘿，放上去，佢唔識得轉？太重，所以轉唔到？只燒死一邊。燒到一邊生，一邊孰，所以我只食孰果邊。栗米，蜜糖腸，餐肉味道正常味道，入得口。但牛，豬，雞肉串真係唔掂，好“鞋”。冇咩調味，淡，難食。所以之後冇再拎。雪糕，雪條都只得幾款，幾隻味。冇計，唯有食幾杯雪糕，飲幾包紙包飲品填肚。之後出去再出去買其他嘢食好過。細佬都係食咗好少嘢，因為實在超難食。真係冇下次。$158再加一，兩少時任食。真係唔值呢個價。用呢個價錢加多少少，同區已好多高質素放題任食。什至其他同區的串燒放題，人哋d串燒，炸物款式都多過佢。😣👎…Read More

中午12點嚟到試呢個秘製豬排，叫咗個豬排麵，冇餐飲，要另外叫。叫咗杯涷奶茶。豬排又話秘製，唔係特別好味，只覺好“鞋”，好難“照”，🤮，吞唔到落肚，食咗少少冇食到。奶茶好淡，出面嘅茶餐廳，冰室都沖得好飲過佢。豬排“鞋”，唔包餐飲，要另外叫，涷奶茶要成二十幾蚊一杯，又淡。埋單差不多成六十幾蚊，超貴，唔係特別好食。仲貴過在出面其他茶餐廳，冰室食嘅麵餐。唔會再有下次。😡…Read More

中午12：00左右去到呢間“牛角”用膳。揀咗個level5 黑毛和牛餐。超貴，要成$700蚊，連加一服務費差唔多$770。“好肉赤”。係我人生第一次食餐咁貴嘅飯。任食和牛130分鐘。一心以為揀個貴餐，有高質素和牛食？可試到入口即融嘅感覺？點知非如我所願。先送上幾塊細細件嘅黑毛和牛，燒咗食完，唔覺得有入口即融嘅感覺，只覺得好“鞋”。之後用手機再order d 和牛，再食都係“鞋”。其他order咗嘅蜜糖腸，鮑魚，雞腿肉。除咗蜜糖腸有d甜味，雞，豬肉都超“鞋”，照唔到。鮑魚又勁咸，重味精。🤮冇癮再食落去。嘢飲選擇又少，冇罐裝or紙包飲品，only汽水，果汁機。雪糕係乳酪or茶味，一係勁酸，酸到食唔到。一係好淡，唔想食。所以其他涷櫃入面嘅甜品，我都冇興趣再試。😫食到成肚氣，埋單走人。今餐真係超貴，又唔知自己食緊咩？唔駛指意再有下次，，咁貴嘅價錢食d咁嘅和牛。認真冇下次，揀直攞命！…Read More

午飯時間，經過深水埗，見到呢間粥店，價錢都算平，就入去試吓佢d粥睇吓味道如何？叫咗一碗碎牛粥，一碟炸兩，一枝豆漿。點知超仲伏。碗粥好淡，食咗幾口已經唔想食。🤮碟炸兩剛剛相反，超咸，又硬，“照”唔到，好難吞，冇食到。豆漿超細枝，根本唔值呢個價錢。我已經冇胃口再食落去。極速埋單走人。出去搵其他嘢食好過。完全仲伏,冇樣嘢食到，一定冇下次。就算平嘅價錢都要俾返d質素食客，😡對得住人。人哋食過ok先返頭幫襯。超離譜，唔駛指意再有下次幫襯。😣…Read More

好耐都冇食過煲仔飯。見呢幾日天氣勁涷，諗住食個煲仔飯暖吓身。記得幾年前在呢間快餐店食過一次幾好食，今日午餐就再去食佢嘅煲仔飯。叫咗個鳳爪排骨煲仔飯，問佢可以多飯嗎？佢話唔可以。記得幾年前去呢度食嘅時候，佢都有俾多兜飯仔。現在“菇寒”咗。冇計，照食，唔夠飽再食其他嘢填肚。講真，個煲仔飯真係好少飯，食完一定唔夠飽。飯焦係有，但好燶，又黑又硬，食唔到。最離譜係d排骨，超“鞋”，吞唔到，吐返晒出嚟。鳳爪又甜，冇食到。整個煲仔飯都只係微暖，唔太熱。同幾年前喺到食過嘅煲仔飯味道差太遠。真係冇下次，今次認真仲伏。咁嘅質素仲要賣成五十幾蚊一煲，真係唔值。…Read More

午市時間去食果個點心放題，一入到去店內，差不多full晒，冇位咁際。唔知係唔係我一個人，佢哋唔想做生意，冇招呼or理我。我行入去搵個阿姐問，佢先肯瞅我和幫我搵位。之後我問佢有點心放題，佢搵咗個男人嚟同我講，話有，加咗價$97加茶錢再加一。我問唔係$88？佢冇理到我，照做自己嘢。我好谷氣，唔嚟都嚟咗喇。照食。搵咗個阿姐幫我落order食呢個點心放題。上嘢速度極慢，就連茶水都要十幾分鐘後先俾到我。填寫完點心紙又冇人理我，要我自己拎出去俾佢哋落order。叫咗第一輪點心，蝦餃，燒賣，蘿蔔糕，綠茶餅。可能太多人嘅關係，上菜速度極慢，差不多成半個鐘先嚟，仲要只係蘿蔔糕，綠茶餅。蝦餃，燒賣仲未到。綠茶餅，蘿蔔糕入口凍嘅，唔熱，又油膩。食完唔想再encall。之後燒賣，蝦餃終於嚟到，味道免強ok,唔係超好食。之後再入第二輪點心，甜品，等咗超耐都冇嚟到，都差唔多成40分鐘。心知唔多妥。咁平嘅價錢，點會俾咁多我食？？結果我食咗第一輪嘢就冇得食。我冇耐性再等落去，埋單走人。出去買麵包食，都好過繼續無了期喺度等。唔駛望再有下次幫襯。👎…Read More

真係連影相都費事，食到我一肚氣。上午11：30am左右去到，唔算多人。幾餐都冇食，餓咗成日。便叫咗兩個焗飯，一個係茄汁菠蘿焗厚豬排飯，一個係茄汁菠蘿焗雞排飯。要成六十幾蚊一個，貴。出餐慢，明明唔係好多人，果兩個焗飯都要等成15-20分鐘先嚟到，太耐。豬排鞋“鞋”，又唔大塊，，好難“照”。最衰係個飯底，焗飯竟然唔係炒飯底，只不過係普通白飯撈少少雞蛋，飯又淋，超難食。咁貴價錢俾d咁嘅質數人哋食，離晒譜。焗雞排飯，雞排味道正常唔鞋，但都係唔係炒飯底，難食。疫情關係，我唔想用佢哋d鐵刀叉食飯，叫佢哋俾套外賣刀叉我，佢哋話要收$1。唔係掛，出面好多餐廳，酒樓都冇收。你哋又要再收$1？去搶啦。笨！最後都死死氣用咗d鐵刀叉食飯。都唔知上一手邊個食過，佢哋洗得乾唔乾淨？希望我食完唔會仲招la。始終都要自己俾錢，頂硬上，兩個飯我只食咗一半，但真係好難食，實在頂唔順喇。。咁嘅質數，根本唔值呢價錢。絕對冇下次。成差唔多$150埋單都食唔飽，最後仲要出去買蛋撻，雪糕食，填肚。冇“陰公”。…Read More

之前在網上購票，見佢可以食加長咗時間180分鐘，便選個最貴嘅$998任食櫻花和牛餐去試，其實價錢冇變，只係任食120分鐘加長至180分鐘。仲未計加一，加一都要成‘’舊水‘’，超貴。究竟櫻花牛有咩咗特別，超好味？價錢超貴，我都好肉尺。人一世物一世，點都要試一試。中午12：00pm去到入座，上頭盤，食落又唔覺有咩咁特別，又唔係入口即溶。最慘喺個爐好容易燒燶嘢，有時大火，有時細火，燒到燶晒，我唔食唔到。最無耐每次限住你order嘅數目，最多5件。order咗好多嘢，佢又漏單，eg.我叫5件和牛後腿肉，5條豬肉腸，5個甲羅燒。只送嚟2條豬肉腸，1個甲羅燒。order多幾次都喺咁，好似喺限住唔俾我食太多。上菜又慢，特登拖到我夠鐘？喺頭一次order就快上菜，之後就勁慢，每次order咗，都要等差唔多成20分鐘先有嘢到。個量又少，漏單。特別喺和牛。我order幾多，佢都係送嚟好少。如order雞肉，豬肉可能會好快，同俾足你。但我一心嚟到，又揀個最貴嘅餐，唔通唔狂食和牛，食其他嘢食飽？可惜我無論order幾多件和牛，佢都喺嚟得好少件，漏單。上菜速度慢，所以我冇咩和牛食到，又唔想食其他嘢。最後唯有叫佢幾杯奶涷，雪糕填肚。雪糕反而仲好食個d和牛。之後我再order多幾杯雪糕，食完就走。180分鐘。仲有成個鐘，我都費事再喺到等，“side”時間，都冇得食，早走早著。出去買麵包食好過。其實係頭一輪order d 和牛食得下，之後嚟果d都好“鞋”口。唔好食。櫻花牛冇咩咁特別。$988去食，超“side”錢。真係唔會再有下次。…Read More

以下喺真人真事，絕無添加或跨大任何嘢。喺我唔信邪，睇咗幾篇其他食家俾嘅負評，都照去食呢個任食放題。任食？真喺？你哋睇我食落去就知。真相喺……首先我第一次打去book咗放題，一個人。上午11：30am，店員話$200包嘢飲，有魚，雞，豬手任食。仲話唔限時。我見咁吸引，就book 咗。隔幾日我第二之打去再confirm個booking，點個有個女人聽，唔知喺唔喺上次聽個果個?但佢話一個人冇$200呢個價，要$278，未計加一。吓，我就話上次同我book放題果個女人話喺$200任食？呢個女人就即時解釋話2個人先可$398，即差唔多$200一個人。佢話我一個人去食要$278，仲話最多送埋d台式小食俾你食。eg,牛肉麵，蚵仔煎。我見有埋台式小食就去試吓。果日我上午11：15am咗右去到。得一個女人喺店舖，個款似喺老闆娘，d伙記未返工。我幫襯前再問請楚個放題詳情。問佢喺$278任食，唔限時？佢即時喺到攪辯，以為你夜晚食，先唔限時。你現在早上食，只可任食100分鐘。吓，我book果陣時，已講明喺上午11：30am又話任食唔限時，冇話過夜晚食先唔限時，現在我離到，你又站只可任食100分鐘？到底你哋有幾多個人聽電話落客嘅booking？佢哋講邊d喺真？邊d喺假？仲有幾多喺大話？我見嚟到，任食100分鐘都唯有就犯試食吓。佢第一輪只俾咗兩張紙仔我填，之後要加單就同佢講。首先我oder咗條蕃茄烤魚，雞煲。佢就話驚我一個人食唔晒，食咗條魚先，雞煲稍後先再落單。佢估唔到我喺特登唔食幾餐留肚去食你呢餐。所以我會好食得。我仲oder咗牛肉麵，蚵仔煎，炸雞排。幾杯台式飲品。等咗約20分鐘，烤魚，雞排，飲品先到。正如其他寫食評嘅食家，佢上菜時間真喺好慢。老闆娘一腳踢，有d小食喺佢自己做，沖調台式飲品又喺佢。廚房有幾多個廚師去煮嘢，唔知。蕃茄烤魚味道可以。雞排佢只俾得半塊，好鞋好乾。蚵仔煎好油，好咸，吞唔落。至於果幾杯台式飲品，就如其他俾負評嘅食家所寫，真喺好啖，冇味，啖如水。之後我都唔想再返order，or其他飲品。之後想話加個雞煲，佢就話冇貨。吓，開頭我第一次落單時你唔同我講話冇貨。淨話食完條魚先再落單。喺電話到又話有魚 有雞，有豬手任食。現在我oder雞煲，你就攪辯話冇貨。如果我又oder豬手煲，分分鐘你都話冇貨，我都耐你唔何。其實喺你見我食得，唔俾我食，求其揾冇貨呢個藉口“灑”我。呢一招我又喺其他俾負評佢嘅食家有提及。之後等咗成半個鐘有多嘅牛肉麵，份量認真少，得幾條。我見牆上post食一條烤魚都要$25x。所以我就知佢唔想蝕本，就算你再食得都好，我喺唔會俾多你食，同埋一人個字“拖”。拖慢上菜時間，拖夠100分鐘為止。呢d都喺佢俾負評嘅食家都有提到。點解我仲咁蠢，唔信，仲要嚟試？其間個老闆娘仲不停做其他嘢，如出去搬貨，serve其他客，整外賣。好似都唔得我存在。且就算我再落單，佢都唔會再俾嘢我食，驚蝕本，分分鐘又話冇貨。由我喺到坐。結果我坐到唔耐煩，唔再等喇，唯有埋單，真喺食到我一肚氣。我問過老闆娘，夠100分鐘？佢話夠。其實仲有十幾分鐘咗右，重要？都唔會再俾嘢我食，我冇耐性等，埋單走人。之後我仲要出去食麵包，蛋撻填肚。$278去食呢個放題，冇嘢食，嘢飲又啖。喺我呢個白痴先至會去食，俾佢哋呃。其實我先前已睇過其他食家俾佢哋嘅負評，點解我仲咁蠢去試？抵死。$200去食個日式放題，定好多嘢食，嘢飲。定好飽。$278去食呢個放題真喺唔值。…Read More