開飯喇88的個人專頁

福彩酒樓以前食物質素唔錯，所以經常幫襯，但近年食物質素每況愈下，點心又唔夠熱，價錢又不斷上升，真係好小幫襯。今日終於同家人來開餐，點了一個伊麵同幾款點心，伊麵味道一般問題係唔夠熱，其中兩款點心~潮州粉果、蝦餃嘅皮係(糊)晒爆開晒，賣相實在接受唔到，叫經理過來，經理一睇我都未講要換，佢已經馬上話係喎同你再蒸過兩籠，之後再出籠蝦餃又變左第二樣點心，唯有耐心等待，結果都食到正常嘅潮州粉果、蝦餃，第三次出來嘅蝦餃係正常仲要係熱辣辣，都算佢啦。綜合今次經驗感覺酒樓廚房有好大好大進步空間，如果唔係好難留得住食客。…查看更多

一行四人去完澳門玩坐船返港，大約7點半到達中港碼頭，search open rice 終於選擇呢間食泰國菜，星期五晚尖沙咀都諗住實勁多人，上到平台發現環境好舒服完全唔似身處尖沙咀鬧市，周圍人流唔多，感覺非常好，到達店舖唔需要等位仲有卡位坐，全店都有9成滿，我地order左豬頸肉、沙嗲串、椰皇海鮮焗飯、青咖哩雞、蝦餅、油酥餠、椰青。豬頸肉～味道OK，點豬頸肉醬汁都好味，可惜肉乾左小小沙嗲串～味道一般椰皇海鮮焗飯～好有驚喜，足料好好味👍青咖哩雞～好味道，蔬菜比較多雞肉比較小👍蝦餅～OK油酥餠～普通椰青～做緊優惠$36 買一送一，椰青插朵泰國蘭花賣相一流感覺特別好飲👍整體嚟講環境舒服，星期五晚唔洗等位，食物90分，店員服務態度好，絕對會encore 👍…查看更多

店舖裝修前有去過，食物都ok，服務ok，店舖小小竟然有專人會禮貌問要不要幫食客將石頭鍋飯醬油拌勻。裝修後舖面已經無上述服務，服務態度惡劣，例如：落單後會有order紙放在枱上，發現order同我落單有出入，伙記仲要超級無禮貌回答，完全感覺受氣，非常失望。食物方面比以前差很遠，石頭鍋飯只係暖唔夠熱，完全失敗！配菜唔自己問係無比你，完全不可接受。我係唔會再去！…查看更多

嗰日因為下雨關係,所以咪近近地同屋企人去呢間試下,之前已聽聞呢間野no good,我去過一次淨係覺得佢service麻麻,但係今次真係好失望.我地order左:1. 一打沙爹(豬,雞牛各四串) D沙爹太硬好難咀嚼,沙爹醬無花生味好似萄汁唔好味2. 牛尾煲 一般唔太差3. 泰式濕炒河粉(要雞肉) 65好重蒜頭味無其他特別味4. 炸蝦餅 一般5. 軟殼蟹米紙卷 (暫停供應) 故改左order 咖哩牛腩煲 我一咬就食到牛腩有酸酸地變左嘅怪味,馬上叫伙計處理點知個伙計呆左又唔知點反應,咁我咪叫佢找經理來處理,當有個女經理過來我地就講佢知d牛腩有問題,佢就話我幫你取消,叫過d乜野食吖.之後我地叫佢比個menu我地啦,最後我地只係叫多左個甜品就結帳走人.(炒河粉& 炸蝦餅要成60幾蚊一碟,比起外面d舖頭算貴!) 埋單要HK$350 食到一肚氣!!個女經理竟然一個sorry字句都無就行開,咁嘅服務態度完全唔掂! 講真d野又唔係平,又唔好食,仲要d野食變左(壞左),d態度又唔得!好喇到最後我地找數時同佢地講我地想要張receipt,過左一陣有第二個伙計過來,我地問張單係咪比我地,佢話唔係埋單咩,我地話已經比左錢啦,佢就話你地等等先,之後佢比左張單我地.唉!d伙計好似未瞓醒咁!唔怪得間店會响星期日7點幾都得幾枱客人啦!…查看更多