Aquilaria C的個人專頁

最近在荔枝角出沒，日日搵性價比高食店（人生都係食一餐，少一餐，唔想食啲太馬虎嘅午餐，係幫人交租咁搵笨）呢昨最近幫襯咗2次，水準算穩定。紅燒牛肉麵和炸物都好出色。紅燒牛肉麵我揀牛𦟌部位，竟然都厚㗎，唔係薄，而且有4塊（$7X, 唔記得實質價錢），（我試過喺屋企整紅燒牛𦟌，切4件都好高成本），加上湯好濃，好飲，加埋店舖自家麻辣醬，超正，酸菜亦畀得豪爽。（食過2次，唯獨其中1次有塊牛𦟌未炆淋，好韌，但其他幾塊無事，夠淋，正常好味。偶有失手，可以體諒。）其實以呢個份量同埋質素，好多地方已經賣$12X，或以上，所以紅燒牛肉麵嚟講，真係好抵食。我另外加過鹽穌雞和炸蚵仔，都好食。這家店會再去。😋👍…查看更多

最近在荔枝角出沒，這裡要搵價錢、食物質素、食物份量合理、味道合適的食店真不容易，長沙灣廣場抵食好食之選唔太多，所以去附近覓食。呢間「皇冠」，門外睇唔見招牌，相信是食牌條例，工廈餐廳只可招待該工廈員工。我獨自出行，店內有「一蘭」般自閉位（當然好窄，但OK啦～）分別於午市幫襯了3天。第一天，食乾炒牛河，有鑊氣、足料，味道不錯。第二天，試了雙蔥爆雞煲，有鑊氣，餸飯不錯。（加錢配湯和飯）第三天，試另一小炒，XO醬炒蝦仁雞柳西蘭花。（加錢配湯和飯），足料，有鑊氣，味道不錯，份量合適。當然，午市套餐更平，只係我貪得意試吓食小炒啫。食物水準算穩定，算味道和份量算係物有所值。（見到網上好多負評，反映員工態度欠佳，我體諒午市爭分奪秒，係好趕，啲員工係好急，但都係「澳牛原理」啦，我好合作，好禮貌待人，別人嘅回應都會OK嘅。食嘢啫，呢間好食、抵食嘅。）…查看更多

分別和家人在星期六、日午市時段來這店食小菜，第一天試了 「新豪景小炒皇」（見圖，好足料，韮菜花鮮嫩無渣）、土魷蒸肉餅（忘了拍照），約七十多元一客，都是配了飯、湯和熱飲，食物有水準，小炒有鑊氣，湯好飲，白飯都不錯。（這次人均約$7X, 合共$145左右）第二天（太好食，忘了拍照）試了馬拉盞菜芯啫啫煲（有蝦乾等材料，好香口惹味）、西檸雞（2塊雞排，正常發揮）、花生醬西多士（下午茶餐，正常發揮，加煉奶，無另加費👍）（隔離 佳記 西多士改煉奶竟要加$2!!!😑）經濟之選，可以揀午餐、下午茶餐、晚餐，會再平啲（晚餐唔記得幾多錢），記得午餐平均$57至$59左右，下午茶炒粉、飯好似$45左右，全部都好抵食，味道不錯，份量合適，見到好多街坊、遊客幫襯。相信這店是山市街附近另一間叫「豪景」茶餐廳的姊妹店，那一間我食過晚餐，味道亦很好，有鑊氣。這個時勢，餐廳要做到好食、抵食真係唔容易，最怕有些店，食完會慨嘆一句：「我又幫人交咗租！」（食物太馬虎，不值這個價。）這家「新豪景」能吸引我連續去2日，重要專登叫小炒、小菜，真係有一定實力，我覺得是「物有所值」，錢花得開心，食得開心（店員都很友善😊👍）。如果唯一要講，就係食物「減點咸」就更理想（可能因為我淨係想食餸，想少飯），當然，如果有啲人鍾意開心餸白飯，咁個味都合適嘅。我睇吓下次去可唔可以溝通吓，請廚師輕手啲，「減減咸」，唔使太重手，咁我就可以當呢間店係「飯堂」啦～😋…查看更多

自小在西環長大，中學時期早上喜歡到祥香買新鮮出爐菠蘿包，趁包熱暖吃最是滋味。成年後偶然也來吃早餐和買包點，我承認吃的是一份情懷。近日得悉店舖即將結業，昨天（10月13日）路過，見門外只有2人排隊，就上前買2個菠蘿包，包是沉甸甸的，有一定重量，很開心是剛出爐的，所以仍然溫熱。帶回家後立即自己加片無鹽牛油和少許岩鹽製作「菠蘿油」，味道和感覺仍是中學時的味道（但中學時沒有加牛油的）。無論去哪一家店，菠蘿包和蛋撻必定是趁熱才好吃。祥香是第一家店，讓我當年認識何謂菠蘿包，能夠在它結業前再品嚐一次，而且美味依舊，很是感動！（雖然隨著店舖結業，不會再有人看到這篇文章，但就當作是個人對祥香的簡單告別和懷念吧！）…查看更多

今天去正街華記購買車仔麵外賣，等候其間過對面馬路看看，這家「大池記」主打售賣生餃子，店舖另一旁有個大雪櫃，放滿一杯杯（大杯裝）糖水飲品，透明杯子可以看見每杯都頗足料，試買了馬蹄爽（材料：馬蹄、雪耳、南北杏、紅棗……）（特價$15）和桃膠（材料：雪耳、大大粒桃膠、杞子、圓肉）（$25）兩杯都清甜可口，非常足料，清潤美味，啱晒秋天飲，太好飲，忘了拍照，值得推介。店內還有其他飲品，下次可以再試試。其他飲品亦平均$25/杯，足料有益，不太甜，個人認為抵飲過其他台灣奶茶或手搖飲品，亦抵過買糖水呢！正！正街果然有正嘢！🤩😂…查看更多