IH8385的個人專頁

餐廳位於尖沙咀東地點尚算方便。進入餐廳後原來地方好大，枱與枱之間留有適合的空間令客人坐得舒服。我們分別點了兩個set，New York Strip及HERBED TRUFFLE CRUST。 前菜選擇了頂級生菲力肉薄片及海鮮龍蝦湯。配菜選了芝士薯蓉及黑松露蘑菇。 侍應很細心地將海鮮龍蝦濃湯分開兩隻碗上，方便我們享用。 生菲力肉薄片及海鮮龍蝦濃湯就正常發揮。New York Strip及HERBED TRUFFLE CRUST分別點了三成熟及五成熟。 熟度這一點是做得很好。 但兩塊牛扒都食唔到肉味，只食到肉汁，令人有些失望。這間餐廳上牛扒是用一個好熱的碟上， 上枱時會聽到咋咋聲， 是這餐廳的特色。…查看更多

同老婆星期六出旺角食嘢同行街，想食點心就選一間未食過嘅。老乾媽燒賣：一籠兩件大大粒豬肉燒賣配上老乾媽的辣醬,非常刺激,令人想一食再食。松露小梨子：是啤梨形狀的鹹水角賣相十分可愛。黑椒蒸雙肚：是牛肚及魚肚，都是大大件，醬汁香濃又夠入味。流心紫薯： 外層鬆化內層有軟糯流心，吾太甜又吾覺膩。…查看更多

放題原價$380加一，因為有一百五十元餐飲券所以同同事放工去食放題 。餐廳座位很寬闊坐得好舒服。刺身：大多數放題有的刺身去佢都有， 燒物：推介燒牛丸，燒得很香脆。 天婦羅：有出面比較少見的軟殼蟹但可惜食落冇乜味道。甜品：個人就喜歡食蕨餅。 整體味道比較淡但坐得舒適，如果要用原價就不會考慮這裡。…查看更多

第一次拜訪尖沙咀凱悅自助午餐,餐廳樓底高及有格調，令人很舒服很放鬆。 食物款式偏小，只得甜品相對上選擇多些。個人推薦燒腩仔及燒牛肉（燒牛肉要叫廚師放在烤爐上燒一燒會香好多）。 甜品就韓國香印提子千層酥做得比較好。…查看更多

裝修好復古，亦都設有一個打卡位， 不過今日唔係黎食火鍋係你食點心。鴛鴦金魚餃 ：入面嘅餡料係鮮蝦， 至於芡汁分別係牛奶同蕃茄味，賣相非常逼真。鮮茄白花鰻魚盞：有鰻魚有茄子又有蝦，鰻魚同蝦肉質都好結實， 呢款點心出面應該都搵唔到。金絲黑松露炸鮮奶： 外層炸得好香脆好鬆軟， 有淡淡的黑松露味，好味。黑白天鵝： 外層鬆軟 ，黑天鵝的餡料有杏仁味 而白天鵝的餡料是紅豆蓉。小企鵝奶黃包： 賣相得意可愛，如果有小朋友同行佢應該會非常喜歡。…查看更多

由於天氣太熱，冇咩胃口食飯，所以想食湯麵之類的食物，呢間越南餐廳好有多時都要排隊，由於時間尚算早，所以好快就排完隊可以進入餐廳。法式流心蝦多士： 每件都充滿著芝士，食落口非常香脆，蝦膠有爽滑口感，但冇咩蝦味。雞撕扎肉椰汁酸湯： 湯底有淡淡的椰汁味 ，飲落口酸酸地，令人胃口大增 ，扎肉彈牙。越式生牛肉湯河：半生熟牛肉， 牛肉好滑有牛味，個湯好有牛味及好鮮甜。…查看更多

之前嚟過好幾次，但因為要排隊所以冇買到，今次終於的起心肝排隊，但點知一排就派咗一個鐘先買到。 最後買咗兩個抹茶紅豆麻薯布丁包及兩個原味法式布丁包。抹茶紅豆麻薯布丁包：雪凍食麵包都好有口感 ，抹茶味真係好香濃，而紅豆就有淡淡的甜味，紅豆同抹茶好夾， 麻薯又好煙韌。成個包令人食完都想再食。原味法式布丁包：布丁好滑及好重奶香味。…查看更多

餐廳地點近地鐵站，有著花花草草的裝飾，令人像置身大自然一樣。路邊炭火蒜炒牛肉生菜包： 有一粒粒大蒜頭，蒜味香濃，牛肉唔算太肥配埋酸辣汁非常惹味，但調味過下鹹。藍蝶花蟹肉菠蘿炒飯：賣相好靚，飯粒澄粉藍色，有蟹肉，提子乾，肉鬆，腰果和一小條波羅，好足料。味道甜甜鹹鹹食落幾特別。蝶豆花椰子奶蓋：賣相打卡一流，藍白色感覺好清新，飲落有淡淡的椰奶香味。…查看更多

這間過江龍拉麵店，網上食評唔錯，就同老婆去試一試。拉麵店位於IT服裝店內，裝修得好有日式cafe feel, 大玻璃設計的空間感人人令人很舒服。拉麵店採用自助機下單，香港很小有拉麵店是這樣的。柚子鹽味拉麵：一上枱就傳來陣陣柚子香味，湯底用鮮雞魚介配柚子汁做成，味道獨特清新，一試難忘。拉麵麵質偏硬但彈牙。义燒比較肥但燒得香口食落甜甜地。柚子醬油拉麵：香味冇鹽味拉麵咁特出，但醬油和柚子又好夾，飲落好開胃。炸軟殼蟹包：用原隻軟殼蟹再加泡菜及青瓜，軟殼蟹炸得香脆，泡菜的酸辣令人食欲大增，加上青瓜的清爽令人吾覺得油膩。…查看更多

老婆生日要買蛋糕，但想今年特別啲，咁就要自己整蛋糕。 老婆選擇了蜂蜜香蕉熊戚風蛋糕。 畀完錢後職員會畀一部ipad我哋，之後就自己睇片睇字，拿材料及開始自己製作蛋糕。 如果有唔明都可以問職員，職員都好樂意回答。 最後蛋糕唔知邊個步驟有問題，令蛋糕好實同好濕。…查看更多

前幾日帶咗阿爸阿媽去碧麗苑飲下午茶，中菜館位於荔枝角，中菜館裝修簡約光猛，環境舒服。一行三人，點了四碟點心，一碗米線。臘味糯米包：而家已經好少見，一口咬落去好香臘味味，糯米好煙韌。香茜牛肉腸粉：腸粉皮都算溥，牛肉味道不過不失。七彩牛柏葉： 如果同其他酒樓比較，這裏的牛柏葉比較淋身，味道亦比一般酒樓好。酸菜鮮斑球米線：斑球好新鮮，酸菜有小小辣，味道同米線好夾。…查看更多

同老婆去荔枝角睇完戲之後要搵地方食午飯， 之後來到這間位於億利工業中心的cafe。cafe掛上了幾盞水晶吊燈，加上窗邊放了不少植物，令人感覺好清雅。set lunch包餐湯及餐飲。和老婆分別點要了加拿大豬肉眼野菌洋蔥芝士漢堡配薯條及藍莓紅豆抹茶忌廉班戟。南瓜忌廉湯：入口非常熱，口感順滑， 南瓜味濃。加拿大豬肉眼野菌洋蔥芝士漢堡配薯條： 薯條熱辣辣炸得非常香脆， 豬肉眼非常厚身，但一啲都唔韌，反而肉質好嫰滑好多肉汁， 加上醬汁有少少辣辣地，非常惹味。藍莓紅豆抹茶忌廉班戟： 擺碟好靚，有淡淡的綠茶味， 配上甜甜地的紅豆，平行唔錯。 紅豆加入了杏仁片令口感提升不少。…查看更多

餐廳分成三部分，一邊是港式bbq，一邊是有冷氣的串燒及冇冷氣的串燒。 而今次我訂了有冷氣的串燒加流水蝦。餐廳樓底吾高 ，抽氣又唔夠強。 所以一多人開爐就成個場都煙霧瀰漫， 加上又唔夠冷氣，令人覺得好熱。食物：流水蝦好新鮮好生猛，蝦肉爽口彈牙，蝦頭多膏。 鮑魚又係好新鮮仲識郁。至於肉類就有豬，牛，羊，雞。全部都醃得好入味。至於蔬菜方面：有韭菜，翠玉瓜，金菇，車厘茄。食物選擇都好豐富。整體價錢偏貴，雖然食物質素高，但餐廳環境尚待改善。…查看更多

約咗朋友去麗閣邨食飯。餐廳近長沙灣地鐵站，我和朋友分別點了曼谷鮮蝦炒金邊粉和泰式蠔仔泡飯及一個鮮椰青。曼谷鮮蝦炒金邊粉：配料有芽菜，香茅及花生。味道酸酸甜甜幾開胃，但蝦肉得三至四隻就真係比較少。泰式蠔仔泡飯：味道有薑味及香茅味，食落去好滋味。…查看更多

同老婆過銅鑼灣行街，所以順便食埋午餐。上網見這間燒肉店都不錯，見lunch set都好吸引。 就決定試一試，店內裝修充滿了日式風情，而且抽氣做得好好，食完吾會有油煙味。點了2個set lunch,分別是日本A5飛驒牛肩里背肉定食及特選燒肉定食（壺漬小牛排及上牛舌）。這兩個定食是包括湯，茶碗蒸，前菜和甜品。日本A5飛驒牛肩里背肉定食：包括牛肩肉及里背肉。牛肩肉： 均勻的脂肪，入口即溶，加上外層燒得焦香，滋味得令人難以忘記。里背肉：牛味極濃又有咬口，好食。特選燒肉定食：壺漬小牛排，壺內有洋蔥之外還有2條小牛排，肉質軟滑及肉汁豐富。上牛舌：肉質彈牙，外層燒到脆脆地，好好味。…查看更多