savour.the.flavour's Profile

今日嚟食鐵板燒lunch 😋 由於本人唔食牛肉 朋友怕我無嘢啱食 提議食龍蝦嗰個餐🦞🥗 季節野菜沙律個沙律有平日常見嘅沙律菜、蕃茄、粟米、青瓜 有柚子醋調味🐚 北海道帆立貝配海苔醬坐bar枱睇到未燒之前嘅龍蝦同帆立貝 望落去都幾新鮮同大隻 燒完嘅帆立貝放喺個貝殼型嘅碟上面好靚 面頭綠色嘅係海苔醬 本來食之前仲擔心會唔會草青味好勁 但完全係多慮嘅 個海苔醬係用嚟提升帆立貝嘅鮮味 😋 🦞 活龍蝦配海膽醬龍蝦嘅肉好肥美 拆咗出嚟啖啖肉充滿牛油香味 肉質都爽口彈牙 不過就唔係好覺有海膽醬嘅味🤔 🐖 匈牙利髦毛豬 + 香煎野菜豬肉同野菜一齊上碟 豬肉比想像中好味 食落幾juicy 我估野菜野菜係用嚟平衡返食完肉嘅膩感👻🍚 櫻花蝦海鮮炒飯呢個炒飯主要有蛋、蟹柳、蔥 材料睇落簡單 不過食落個炒飯炒得乾身 飯粒分明 仲要撒上大量櫻花蝦喺面 香氣十足 👍 🍨 甜品我揀咗綠茶雪糕 本身係抹茶控嘅我expect係重茶味嘅雪糕 不過餐廳嘅綠茶雪糕茶味就比較淡 可能係為咗清一清食完鐵板燒嘅口腔？🧐 Lunch食到咁多樣食物好滿足😌 食完就要返做嘢了 🏃‍♀️ …Read More

沙田圍必食推介 — 德美壽司🎏 餐廳食物質素好 午市性價比極高 😋 午市定食除咗主食以外 仲包咗沙律、麵豉湯、茶碗蒸 豐富午餐大滿足 每次食完都好飽🤩前菜沙律應該落咗柚子醋 酸酸甜甜好開胃 🥗 麵豉湯同茶碗蒸都係熱辣辣嘅 想講茶碗蒸嘅蛋好滑 係嫲嫲最愛 就算嫲嫲平時好細食都會自己食曬成杯 ❤️ 今日同屋企人一齊食lunch 我就揀咗銀鱈魚西京燒定食 🐟 不負所望 銀鱈魚肉質好嫩滑 西京燒汁微甜 仲可以沾沙律醬 餸飯食一流 👍溫馨提示：午市只收現金💰…Read More

今朝一早洗完牙 諗住食個brunch去做gym 嚟到K11 Art Mall嘅NINETYs 食個brunch 🍽️ 有全日適用嘅menu 同Brunch Board menu 睇咗Brunch Board menu係類似Muji cafe嗰類高級多餸飯 做運動前唔想食太飽 都係揀其他嘢食算🤣 最後我哋揀咗呢度嘅signature NINETYs All Day Brekkie 全日特色早餐 同埋遠近馳名叉燒牛角包漢堡 仲有兩杯嘢飲 matcha espresso latte & espresso tonic 🍽️ 🍳 NINETYs All Day Brekkie 全日特色早餐呢個all day breakfast都幾豐富 有比較common嘅炒蛋、牛油果、羽衣甘藍、煙三文魚、蘑菇、香腸 仲有比較驚喜嘅croffle同叉燒 兩樣都比較罕見而味道都唔錯 croffle充滿牛油香 而叉燒有啲入口即化嘅感覺😂😂 🍔 遠近馳名叉燒牛角包漢堡Burger個包比較特別 係用牛角包 叉燒就比all day breakfast嗰幾片厚 仲有少量沙律菜同炒蛋 餡料太豐富 比較難一大啖咬落個burger度 唯有拆件食😛Matcha espresso latte正常 無太大驚喜 個人覺得espresso tonic 嘅espresso同tonic water感覺唔太夾 都係latte好飲啲🙂‍↕️…Read More

好耐無食韓國嘢 今日約咗個大學同學食dinner 一於就去食韓國嘢 本來想食另一間韓國餐廳 不過嗰間太多人 唔想等位 於是過咗嚟梨泰園食 呢間都係以前中學食lunch嘅飯堂之一 因為好鍾意食韓國啲前菜小碟 🤤 餐廳唔近地鐵站 相對少啲人食 一入去就即刻有位了 睇吓menu先 好多嘢都想食 但怕眼闊肚窄 最後都係叫咗兩樣嘢食 諗住唔夠食再加 😛6款韓國小碟都幾開胃🤤 海鮮炒粉絲比較重麻油味 海鮮就應該係急凍嘅 有青口、蝦、魷魚等等 另外叫咗半份韓國甜辣炸雞 熱食炸雞香味十足 甜辣味夠惹味 🍗另外都要讚下韓國staff主動幫手加茶 🍵 …Read More

好幾年前大學同學住觀塘 我哋耐唔時都會嚟呢間西餐廳食嘢 咁啱今日嚟觀塘上堂 決定去東廣場搵食 🍽️ 其實東廣場都好多餐廳 不過大部分裝修都麻麻地 得Comfy呢間cafe裝修簡潔得嚟又清新😆呢間餐廳用QR code落單 我哋叫咗香草雞燒烤醬薄餅同埋軟殼蟹牛油果漢堡 set lunch都無包嘢飲 不過餐廳有得俾你斟水 still water同sparkling water都有💦 🍔 軟殼蟹牛油果漢堡軟殼蟹控見到大大個burger好期待 不過希望愈大 失望愈大 軟殼蟹都算大份 不過覺得佢偏淋身 唔係脆口嗰種 而且牛油果偏少 唔係幾食到個牛油果味🥑🍕 香草雞燒烤醬薄餅個pizza尚算足料 但比較濃味 本身唔好重口味 所以覺得一般般😬🍟 炸薯條本來以為burger無薯條 另外order咗薯片變咗有勁多薯條🙃🍨 班蘭椰子雪糕奶昔班蘭自身味道比較淡 奶昔加咗椰子雪糕 變咗好似加cream咁 略嫌比較甜🥥…Read More

其實平時好少去杏花邨 咁啱夜晚去開附近就去杏花新城搵嘢食 🍽️ 經過見到呢間日式餐廳好似都啱食 就冒險入去試吓 😂 諗住叫一個飯 再加一個烏冬 再加小食 😋 咖喱都幾多選擇 最後揀咗個比較少見嘅咖喱吉列池魚飯 🍛 烏冬都有好多選擇 見到黑松露忌廉海鮮烏冬 好似好吸引就叫咗嚟試吓 🍜 🍛 咖喱吉列池魚飯咖喱吉列池魚飯係傳統日式咖喱味 驚喜在於咖喱入面有幾粒紫薯喺入面 甜甜哋 兩塊池魚都炸得酥脆香口 平時吉列通常都係炸豬扒 池魚炸起上嚟啖啖肉都好食～ 🍜 黑松露忌廉海鮮烏冬黑松露忌廉海鮮烏冬好香 一送餐就聞到好香濃松露味 本身怕忌廉湯食完好滯 但食落又ok 湯底偏creamy 烏冬彈牙 帶子同三文魚都好食 🤤🍽️ 追加小食因為有啲肚餓 仲叫咗炸物小食 有幾塊南瓜、炸雞 同芝心脆脆 因為食勁多炸嘢怕熱氣 仲叫咗秋葵沙律中和下🤣…Read More