YungChingMan's Profile

因為疫情關係，所以而家都好少堂食，9成9都係嗌外賣。呢間成日食，但無寫過，今日就寫佢啦。佢個menu係每日都會轉，可以打電話去問，或者好似我哋咁，係熟食中心門口睇。簡而言之，就係40蚊一個餐，包嘢飲，冷飲都唔洗加錢，可以要罐裝可樂(´▽｀) 同事加過錢要豆漿。勁正，係大和豆漿嚟，500ml一樽嗰隻，仲要雪凍！(´▽｀)今次嗌咗2號餐，白汁粟吉列魚柳火腿飯。好好食呀，份量又係超級大。睇圖。我諗睇完圖都唔洗我講啲咩，一睇就知好食，又豐富(´▽｀)…Read More

Lunch time佢有做打工仔飯餐，抵食到癲。40幾蚊一個餐，包一個盅飯，一籠點心，再加一杯飲品。佢個飯仲要係勁大，唔係細細個嗰種。啲點心真係好似酒樓嗰啲咁大粒，完全冇縮水。睇圖啦。叫咗個北菇滑雞飯(´▽｀)啲雞勁滑，仲要大大嚿，落足料。點心要左雞扎。又係大大件，雞肉好滑，勁Juicy。重點係入面嗰塊芋頭，係煮到完全冧哂，吸晒啲高湯，入口即溶，真係正到癲咗(´▽｀)一定會再嚟多次，試吓佢其他點心。…Read More

呢間野啲雪糕真係勁平，幾蚊一球，真係唔知邊度再搵到。發現佢啲雪糕口味都有幾多。嗰日佢見到有珍珠奶茶，Kinder繽紛樂，好似仲有益力多。反正就係有好多種唔同嘅口味。我哋叫咗一球珍珠奶茶，一球kinder繽紛樂。兩隻未都好得。味道好濃，但係好自然，完全沒有chemical嘅感覺。特別係繽紛樂嗰一隻口味，直頭食到有繽紛樂脆脆。好明顯係用真嘅繽紛樂朱古力去做。珍珠奶茶就真係好似飲緊珍珠奶茶咁樣，好明顯係自家做嘅雪糕。幾蚊一球真係好平。…Read More

今日再去試啲新嘢，今次去試佢最出名嗰一個黑糖麵包。睇圖。發覺佢呢個黑糖麵包同outback嗰個真係差唔多見到，好多人都order呢一個。我估係因為大家都知道個麵包幾出名。咬落去感覺好軟熟，麵包都夠熱，感覺好滿足(´▽｀)同事叫咗個牛角包。睇圖。個牛角包個樣都勁靚仔，仲要新鮮出爐。同事話非常好食，我下一次都要試呢個(´▽｀)佢一個lunch set係一個包，配一個迷你意粉，再加一杯飲品。個意粉我覺得不過不失，正正常常咁樣。觀塘來講，我覺得係幾抵食嘅。…Read More

作為一個普通人，唔係咩食家，食完呢間平價泰國餐廳，講真覺得非常之好。首先，真係好平，幾廿蚊一個餐，仲要係泰國嘢，我相信都真係好難搵到第二間做到咁。其次，味道上唔會令人失望。佢啲咖喱，講真我食唔岀同外面百幾蚊一碟嗰啲泰式咖喱有咩分別。。。豬頸肉又好彈牙，咖喱味又好濃，而且椰奶夠，所以都滑。睇圖就會明。幾廿蚊咁。。。個咖喱仲要勁大兜，飽到嘔。。。所以我都好難挑剔。如果我住沙田，應該都會成日嚟食，因為好抵。…Read More

間餐廳勁大，室內超大，外搭露天場，個露天場都擺到十幾張枱。銅鑼灣間間餐廳都勁多人，貪呢道夠大，唔洗等好耐。室內位要等，露天直入。本身好驚會好多蚊，turn out根本無蚊，環境都唔錯叫咗個紅咖喱配roti，非常之好。個紅咖喱達到水準，而且唔油。最surprised係個roti。印度啲餐廳嘅roti通常上面有層油，呢個無，食落好舒服。叫咗個chef choice嘅泰式牛肉炒飯，好夠火喉，牛肉都超多，都幾重皮仲叫咗杯紅毛丹沙冰。味道正常，不過不失，但唔知點解係紅色 -.-…Read More

本身鐘意食軟身少少嘅Bagel，所以好唔buy Pacific coffee嗰隻，因為硬到癲，又勁乾，揸幾多牛油都救唔到上網見有人recommend呢間，就試下因為減肥，所以決定外賣一個Bagel做lunch就算。。。佢有好多隻口味，我決定叫vanilla，因為安全少少。睇圖堂食個樣靚仔好多(｡ ́︿ ̀｡)因為我公司好遠，返到去翻丁，就有少少凹。但我想講：真。係。勁。好。食！完全唔乾，上面啲香草油一熱咗就勁香。。。連同事都話咩事咁香(´▽｀)咬落去軟熟，又有Bagel嘅彈牙！好正呀！聽日去試佢個黑糖包！聽講好食過outback！…Read More

好好食呀！！！(´▽｀)我覺得最好食係佢個燒賣，上面擺咗一塊帶子，成粒都好滑，啲味好夾，蝦係原隻(´▽｀)睇圖但其實我最鐘意係佢嗰個蛋黃炸豆腐，好食到震。佢嗰啲豆腐勁滑，有啲似山水豆腐咁滑，又細細塊，所以啲蛋黃啱啱好cover哂啲豆腐。。。外脆內軟，呀！！呢個真係真係太讚！個脆皮流沙包都好正，個皮係炸饅頭嗰隻，OMG，神級咬開，啲蛋黃流沙湧岀嚟。。。。無敵。。。。最勁係，佢有好多種茶，唔係剩係得香片嗰啲。又龍井，又牡丹王，又花茶。。。好特別，好鐘意(´▽｀)一定會再去(´▽｀)…Read More

飲得太多其他手搖飲品，所以就試下飲啲真果汁 LoL叫咗杯fatigue fighter，係幾隻水果嘅果汁mix埋。唔記得有咩，好似有蘋果，菠蘿，檸檬，仲有另外幾隻生果。500ml大大杯，見到少少果渣，飲落好清新佢仲有好多mix and match嘅口味，仲有五青汁揀，我諗有啲人會鐘意最特別係，佢可以畀啲客自由選擇mix and match唔同嘅果汁，自己整自己鐘意嘅口味。下一次會試下佢哋啲milk shake.…Read More

佢呢道係一人一個鍋，揀自己嘅湯底，同可以揀自己想食啲咩肉( 雞，牛，豬）我叫咗雞肉，然後搭白湯睇圖佢有啲似養生鍋，入面有條人參，飲落有少少中藥味，感覺好潤個鍋外型都好得意，個蓋係隻馬騮仔畀啲肉大家望下。有菜，有肉，蟹柳，餃子，蜂巢豆腐等等，一個人都好夠飽。包一杯嘢飲，湯無限加。如果再想額外加嘢食，有得散叫。另外，佢個調味料盒真係幾靚，一大排咁，幾有氣勢。一百零蚊收工，我覺得幾好，好睇都好食，會再嚟嘅。…Read More

叫咗杯蘋果綠茶，一路望住個staff整，因為我對乾淨好有要求，所以一定望實首先，係幾乾淨重點係，我見到佢哋係用高質嘅蘋果汁去整杯茶。睇圖嗰下我心諗，wa。。。都落好重本下。心入面又有啲擔心，香港人重量唔重質，個老世生意回唔回到本Anyway，攞上手係咁嘅開個蓋畀大家望下飲落，明顯係高質嘢嚟，味道都好好，飲到真蘋果味，唔係Starbucks同其他飲品店嗰啲蘋果味精。追求healthy lifestyle 嗰啲人，我覺得應該要試下。…Read More

嚟過勁多次，而家得閒少少，寫下食評兩位嘅話，叫二人set係最抵食。包一個沙律，兩個main，兩杯嘢飲同兩個湯湯，我suggest洋蔥嗰個。上面浸住塊法國包，幾傳統。Main的話，我必定會叫Pesto sauce嗰碟，因為堅香，堅好食。一望圖都知，咁嘅樣有咩可能唔好食呀？今次個FD 叫咗蒜香嗰碟，佢話勁好食。但個人prefer pesto sauce。Pesto Sauce萬歲呢間嘢穩打穩紥，未有失過手，所以大推不過佢有個mac n cheese我覺得淡咗啲。唔係食開清淡口味嘅，可以avoid…Read More

叫咗杯白桃綠茶加仙草，睇圖大大杯，清新，好飲，白桃味濃，而且真，唔係chemical嗰啲水果味。感覺幾高質，因為飲得岀，同睇得岀( 成杯都白哂)，係用真嘅白桃汁溝綠茶造間舖頭望落幾乾淨。問員工介紹下有咩好飲，啲員工都幾好禮貌，一講就話要飲呢杯。介紹都無伏，應該係全店最好飲嗰杯。仙草正正常常，無咩特別。可能係因為用真果汁，本身有果糖，所以叫咗半糖都係有啲甜，suggest大家如果飲呢杯的話就叫微糖。推薦…Read More

生日飯食蒸海鮮，發現全場人其實都係食生日飯 LOL首先個蒸爐幾特別，蒸上嚟有陣竹香畀啲海鮮圖大家望下鮑魚夠大隻賴尿蝦超級大隻，大到連啲腳仔入面都啖啖肉啲蟹都幾靚仔(´▽｀)海鮮拼盤，隻蠔幾正老闆娘好搞笑，整咗個心心畀我哋 XD但其實最正係最後個粥。食完哂啲海鮮之後，啲海鮮汁滴哂落下面個粥道，所以個粥好香好甜。份量都幾大，結果打包攞走 ٩(˃̶͈̀௰˂̶͈́)و佢有送個燕窩甜品，又冰又甜。唔記得咗要點樣先會送，自己打去問下。…Read More

同同事食lunch，happy Friday決定食over 50蚊嘅嘢。呢間around 80至100蚊咁上下，就決定試下。都幾多人，幾受歡迎。同事叫咗個煙三文魚burger，好好食。。。而且外形好吸引，睇圖啦，唔太多廢話。真係屈哂機，100蚊都啲洗，包一個湯同一杯drink(⊙ω⊙)我就叫咗個pesto嘅pasta。pesto sauce好難會唔好食，睇圖啦畀大家望埋個餐湯幾抵食呢間嘢，recommend打工仔happy Friday間唔中食下…Read More