靚太潘小彤's Profile

今日要一個人食自己！第一次食覺得好味，但響沙田食，座位迫窄！好多人好密集！😟今次路經，以為要排隊啦！竟然唔使🙆🏼‍♀️入面小貓3，4隻！坐低無講限時 ，可以慢慢食🤪午餐優惠👍🏻🙂套餐包飲品🥤❣️牛五花+豬五花腩肉套餐 150g🥳$58 +$15 木魚紫菜溫泉蛋飯150g埋單$73 ！女仔來說 飽！每款4塊，即共8塊！滿足！💓上台肉類唔會未解凍！有汁醃過！飯滿滿的紫菜，加溫泉蛋簡直完美！醬料十分多！我至愛蒜蓉醬油😃💕泡菜同和風湯，都唔會Hea!湯仲熱，泡菜唔會太酸，夾埋飯食一流🤤🤤今次座位舒適🤗🤗店員亦好好服務 俾個籃我裝手袋外套🧥🤗唯一要挑剔係，個飯唔夠熱！又唔知係我影相耐左，定佢真係完全唔熱！無溫度！我比較喜歡熱飯！🙂埋單免收加一 ，lunch 可收食到燒肉，又飽又滿足！有埋飲品，唔使出去再買野飲😙#一個人也要好好吃飯 #enjoymylunch #燒肉LIKE #美味滿足 #好耐無食飯 #下次再來食 #燒肉lunch #上水美食 #跟我搵食 #iloveeatingwest#hkfoodie #ilovefood…Read More

是日星期天, 與老公食午餐。我們決定去一間晚上好多人排隊的店鋪食午餐, 就是韓松園。一入內,店鋪4成滿, 坐到最入座位, 二人坐4人枱舒適!!餐牌有許多選擇, 又開始有選擇困難症。老公要一個辣泡菜炒飯, $38, 價錢實惠, 但一來到太陽蛋全熟, 不好的賣相, 好彩味道令人滿意, 泡菜的辣剛好, 不會太辣, 好惹味, 老公大讚,$38抵食。而我要了泡菜豆腐湯飯/麵 $42, 老公說得豆腐同翠玉瓜好唔抵食, 而且我要了麵, 我以為不用加錢, 原來是要上海麵加$3, 辛辣麵加$5, 我要了辛辣麵,一共$47, 再加凍飲$2, 柚子茶, 成個餐要$49。相比老公的餐頗貴, 但食落後, 我覺得值得。先說辛辣麵, 沒有特別但麵硬度適中, 真的剛剛好, 不會太硬,又不發脹,份量比自己在家煮的還要多。而另一碗湯內有大量翠玉瓜, 金菇, 三四舊大豆腐,共中一舊很大舊,沒有爛,不是細細舊碎散散..湯底泡菜湯微酸, 少辣, 整個餐好飽,又惹味, 好正!!最後, 個柚子茶好解渴, 足料, 個底好多柚子渣, 整個味道剛好, 不會太淡或太甜。可以下次試晚餐。…Read More

今天晚上不知食什麼晚餐, 經過"火辣辣" , 於是打算買兩碗麵回家與老公享用!當時只得兩個後生仔交談中,有點兒覺得中伏,怕不好吃。於是照看看點菜紙, 好像車仔麵檔,但又沒有油麵及豬紅, 再細心查看, 有點兒似四川麻辣粉, 有麻辣湯及薯粉。於是揀了魚蛋,雞翼尖, 牛柏葉,豬大腸,麻辣小辣及薯粉 $42, 老公要雞翼,墨魚丸,豬大腸,沙爹湯及薯粉$35,不收外賣碗錢。等候期間,見最入廚房有個男人整理食物, 而招呼我的後生仔在內正在照單執餸, 之後拎了出來在我面前, 烚下烚下, 一陣子就再加湯落外賣碗,完成。我估食物應該一早已經煮熟, 只是主要煮粉及加熱配料, 因為都好快完成。等候期間有好多人買魚蛋及燒賣, 我估依兩種食物幾受歡迎。 外賣回家路程15分鐘, 即食。湯還有8成滿, 先講老公的一碗,沙爹湯香口,但不算辣, 相比麻辣湯即差一點。墨魚丸質感不粉,豬大腸入味但比較大舊及硬身。我的一碗超正, 先講湯底, 我不太喜歡過麻味, 這個小辣適合我, 不過都幾辣,好香, 未開蓋已聞到香味。飲了兩口湯,不會辣喉。之後到薯粉, 彈牙有口感, 不會太軟身,份量多,我同老公都夠飽。牛柏葉比較細舊, 感覺份量少, 雞翼尖鹵水得入味, 魚蛋就最好食, 好彈牙,好有魚蛋味不腥, 不是大大粒,但又不是腸粉鋪的細細粒魚蛋,魚蛋必推介。食物價錢,份量,都合理, 最緊要衛生環境乾淨, 可以來試下。…Read More

是日放工走去食 "彩", 已經第二次光顧, 第一次是開張幾日後去食,但已經忘記味道...今天6點到達店鋪, 已經9成滿, 只得兩個吉位,於是坐低但無人招呼, 全店只得一個店員。因為不是時常光顧, 看不到餐牌, 後來發現眼前貼著一張簡單餐牌。一陣子又有一個男人坐我隔離, 店員過來介紹餐牌, 分沾麵(原味豬骨), 蝦沾麵(蝦豬骨),黑蒜油沽麵,此是湯底, 分麥麵及辣麵, 我喜歡辣但又不知幾辣, 於是選擇了蝦沾麵湯配麥麵!! 店員給了我一個杯飲水, 竟然是冰杯, 很開心, 又發現冷氣好大, 夏天簡直一流。眼見四圍的食客還沒有食物,於是擔心有排等,但是好快到我, 大約10分鐘內。兩個日本師父是企在前面煮麵, 每整完食物,就會遞給食客, 幸好店員好體貼,知道我是生客又女仔, 主動幫我遞餐。終於開動,沾麵是分開湯及麵, 麥麵份量多, 一個細食女仔是吃不完的, 而我不是一般女仔, 我當然食哂! 麵質彈牙有質感,配上蝦豬骨湯,很好味, 湯只有一少少蝦味,濃郁湯底, 飲了兩口,不是所講的超咸, 配著麵就剛好。 一開始愈食愈快,因為怕湯凍了不好吃,湯麵中有兩塊叉燒, 少肥, 厚度適中, 不鞋口, 有蔥蒜,又有筍,我好喜歡。碗的裝飾有"彩"字紫菜,幾特別, 感覺好精緻。食到一大半時,發覺前面有調味, 落了少少炸蒜,再加少少辣油, 而酸醋汁就沒落了...不過都是多此一舉,味道已經好足夠,加了都不太影響味道。差不多食完之際,坐最入的一對男女要埋單離開, 我正在想, 我是否要起身讓開, 竟然有後門, 店員走出店鋪從後開門,收錢及讓食客離開, 很好的設計,但怕唔怕會走數,哈哈。食到最後, 我才吃流心蛋,真的很厲害, 一咬即流心, 很美味,好香蛋味,作了最後終結, 埋單離開 ,83元,沒有加一,又不用俾tips。 全程只是飲了兩杯水, 不是所講太咸,本身最後可以加水飲湯,但我已好飽就沒有加水, 因為食麵時已經飲了幾口湯, 整個拉面都好好味,會再光顧。而店鋪此時又多了一位店員, 負責安排食客入內,很好, 已經有4個人開始排隊,盡早食為妙。…Read More

今天一行14人到牛大哥打邊爐, 之前食過一次, 覺得不錯, 今天再度光顧。現在有兩間牛大哥,我地食了左邊的牛大哥, d 姐姐著住黃衫制服的。我地預早訂位, 14人實在太多人, 於是安排了近門口位, 三張枱拍在一起, 14人坐起來都好寬敞,一點也不迫窄,又有電視睇。地方雖然不算大,但環境衛生不差。打邊爐必備混醬, 亦有不同湯底選擇, 我地3個爐, 點了胡椒豬肚湯底, 麻辣湯底, 及醉雞湯底。胡椒豬肚湯滾起後, 姐姐叫我地每人飲一碗湯先, 再之後加湯,湯味道不算辣, 不太重胡椒味, 飲完暖身, 麻辣湯不算過辣,可自由要求加辣, 醉雞湯底, 醉雞分開上, 自己加落湯度, 本人不食醉雞, 所以無食。我地預訂時留了一條鱆紅魚, 入座時再點了一條象拔蚌(大約$1300), 再點了$20一份三文魚,有4件,點了6客!還有其他的食物 :雲吞 $58, 水餃$58,響玲$48,炸魚皮 $48, 手打四寶丸 $88, 加拿大桶蠔$138, 豬潤$38, 黑豚肉$78 ,脆魚片$44,黑柏葉$62,包心蟹子丸$42,芝心獅子狗$68,唐生菜$28,冬菇$28, 全部食物每碟份量足夠3人食, 於是我地每款點了三碟, 就出事了, 食唔哂…邊爐食物不過不失, 不過我特別喜歡雲吞, 入面足料蝦及豬肉, 而桶蠔,朋友說大隻好味…牛肉方面, 食了三種牛,肉眼邊, 牛腩心肉, 四支骨位, 肉眼邊及牛腩心肉就入口即溶,不過牛味少了一點, 而四支骨, 顏色偏深, 有質感, 食落有牛味, 都不錯。酒水方面, 飲了數支大啤酒, 各式汽水, 涼茶一瓶, 唔記得咩名, 有少少羅漢果味,紅色的, 另外有道地解茶, 烏龍茶, 綠茶 $15一支, 還飲了加多寶數罐。任坐, 坐了三個鐘, 埋單打包拿走, 因為真的叫了太多食物, 每人$395 , 多人吃比較化算, 可以試多元化的食物。總括來說,可以一試。…Read More

兩個人的晚餐姊妹聚會, 我地兩個都一直好喜歡Italian Tomato 的蛋糕, 於是找到這裡。門口豪不起眼, 落地庫, 是一個賣書的地方,  其中一角是cafe。感覺很寧靜, 無咩人, 雖然已經是飯市, 但沒有人吃晚餐。自助式點餐, 全晚得兩個set , 揀了白汁三文魚意粉set..坐下來, 靜靜的發現原來只有收銀員,收銀員便是廚師, 水吧, 侍應..一腳踢!!這裡有wifi , 又有書睇..好適合兩個人傾計晚餐!我地還可以一路上網一路傾project..等了一陣已有得食, 首先是沙律, 用的紙盒裝住, 不太喜歡, 沙律普通, 脆脆已經唔脆了!接著有飲品,但給了我一杯凍檸茶, 我要的是熱檸水, 只有個檸字是一樣, 完全錯了, 感覺有點灰!她重新再整給我!朋友的一杯朱古力咖啡味道不錯!到主菜意粉, 一直我都好like 這裡的白汁或卡邦尼, 今次這個不流, 份量不算太大,剛好, 熱辣辣睇住廚師煮!三文魚有味道,不會淡淡的..食完不太飽, 還可食蛋糕, 要加錢的!有5,6款選擇, 揀了這個士多啤梨蛋糕, 好軟屬, 士多啤梨新鮮,不太酸!!為這個晚餐做個完美的句號。因為兩個人靜靜地傾計, 傾了兩個鐘, 見收銀員的朋友來到接放工, 感覺不好, 好像等我地走, 才收工!!當時10點未到...不過我依然會幫襯,難得不會俾人開口趕走或限時!…Read More

一個人的晚餐, 今天選擇了嘉麗園。一間又愛又恨的粉麵鋪, 原因是好味但好貴!今天星期一, 7點半不太多人, 自己一個人坐一張枱, 坐低必食牛肚河, 腐乳通菜。牛肚河, 湯底濃郁,偏咸, 河粉好碎, 比較幼身及淋, 牛肚足夠份量, 很入味, 配上蒜蓉及蔥, 整碗牛肚河很出色!食完夠飽..我喜歡吃辣椒渣多過油, 食落去好香, 好辣, 但又未至於食不落口。腐乳通菜, 招牌菜, 價錢貴, 但腐乳與出面一般的不同, 味道很香,但就比較咸, 菜就普通不算嫩口, 加左少少油及豉油, 惹味但就好像好肥!!一個女仔食完牛肚河及菜, 飽到上心口...再望一望餐牌, 原來這裡有特別野食....價錢貴,埋單4x元 , 已經沒有叫飲品, 但份量足而且牛肚入味, 湯底腩汁夠濃, 應該淆了很久...不過不喜歡重口味的人就要考慮食這間粉面鋪了。而我會間唔中再幫襯!!…Read More

元朗有出名B 仔涼粉, 又有經濟實惠既泛后甜品,真的很難選擇!!但是甜品來來去去都是普通款式, 幸好還有這間甜品鋪!!之前已經食過一次,幾好, 今次同一班朋友來食!!今天星期六預知多人, 於是8點多已經來排隊...不過依然要等半個鐘。門口人山人海, 原因店鋪不算太大,如果超過10個人坐就比較迫。店鋪裝潢得幾有情調, 很適合兩個人來吃!今次我地一行5人, 大家各自試食不同款的食物!首先看到MENU , 很高貴的封面!再翻開內頁, 種類不算太多, 但樣樣都有特式!兩個朋友來個對決富良野3.7伯爵紅茶牛乳布甸 $45 vs 富良野3.7抹茶牛乳布甸 $45兩個我也試了, 結果是紅茶小勝, 兩個都好特別, 有中間一舊 cream , 放落布甸食, 味道甜一點, 紅茶比較清,但不苦, 配上蛋白脆餅, 整個感覺新穎, 由其是脆餅好得意, 有點像兒時食過的餅..而綠茶布甸幾濃, 喜歡的朋友一定愛, 配上紅豆, 但味道就普通一點.. 今次因為我推介,兩個朋友都食這個紅白心太軟$78因為這個是我覺得幾值得食, $78一點都不貴, 紅白意思是野莓及雲尼拿雪糕, 但經低溫處理, 佢地叫分子, 上枱時有白煙, 證明很凍, 侍應話不要即時入口, 會凍傷口腔, 我試過早早放落口, 粒分子就痴住個口腔同條脷, 嚇壞人。野莓味道較酸, 未必個個接受, 但我覺得混入雲尼拿一起吃, 都ok!!中間的心太軟, 流心, 難得, 亦證明不是一早整定, 外皮柔軟, 連分子一起吃,感覺不會太流。輪到我叫一杯水蜜桃乳酪飄雪, 時間限定, 所以想試, 可惜失望。樣貌很美, 但首先食上面一層粉, 就是乳酪, 普通, 之後再食底的水蜜桃, 不凍, 味道不甜, 整個配搭錯了。幸好一班朋友很肚餓, 我們還叫了窩夫。全份4塊$55, 比起半份2塊 $48, 多$7, 當然要全份我們要了芒果, 朱古力醬, 配蜜糖脆脆雪糕,  配上忌廉, 真的很好味!!主要窩夫熱辣辣, 忌廉甜甜的, 蜜糖脆脆雪糕特別, 一起吃, 又不流, 還會想食多幾塊!!吸引!!此處座位比較迫, 兩個人對坐一張二人枱剛好, 多人一點就比較辛苦。要食就要早, 侍應好親切, 全部年青人, 要水亦不會黑面。價錢公道, 想吃特別甜品, 此處是一個好地方。…Read More

已有接近兩年時間未寫過食評, 可惡!!!我這個愛吃的女人, 怎能不和大家分享美食呢??!!!:)今次打頭陣有新福星打冷, 搬入元朗已4個月多, 食過兩三次打冷, 我都去了隔離的一間潮豐...因為好似旺d 呢!!不過今次同友人一行5人想試下新福星, 於是一去到搵位, 大熱天時, 想入鋪坐, 可惜已爆, 侍應不停叫我地出街坐.... 何其壯觀。一條直行都是新福星的枱, 因為時間尚早, 7時許, 不太多人, 但揀了最後幾排...因為想涼一點!!但坐了一陣, 外面位置都已經爆滿...我地4男1女叫了六樣餸, 韮菜豬紅  $45  失望, 不像豬紅, 味道不入味, 不太辣豬大腸拼墨魚 $60 味道普通, 但份量正常,價錢合理, 豬大腸沒有臭味, 不硬身鹵水鵝片  $90 肉質很滑, 但份量不夠潮豐多啫啫通菜  $52 大碟, 鐵煲上, 味道一般, 不夠濃煎蠔餅  $78幾好味, 蠔不腥, 蠔仔算多黑椒牛仔骨  大約$70 (忘記了)一般的小菜, 份量不多 最後當然來罐可樂, 透心涼!!…Read More

因為朋友生日, 一行12人訂了枱食泰國野, 朋友推介泰發!!一去到,發覺沒有像隔離街的代客泊車,要自己找位!!這條街有兩間, 一間大一點, 我地食這間, 不過無洗手間, 又要去返細鋪...一入去, 原來無大枱,只有幾張2人枱拚成, 坐得好迫...因為多人, 點了多款食品, 每樣要兩客!!先來3客蝦片, 送的, 但想要多都無, 要自己俾錢買好脆, 感覺超熱氣..菜不是大碟, 但勝在熱辣辣, 味道夠惹味!這個生蝦真係超正, 好肥美, 唯獨個汁唔夠辣!!來了一個大拚盤, 我地12人每人分d , 都非常足夠, 入面有春卷, 蝦餅, 竟然仲有皮蛋, 還有一些我不熟識的卷...全部都好脆, 上枱時是熱辣辣的!! 串燒, 牛肉不是太好味, 有點硬身, 豬雞都ok, 不乾口, 有兩款汁可配搭...咖哩蟹, 個汁不夠辣,配食蒜蓉包幾好， 但蟹就不夠肥美, 可以一試無妨!!辣鳳爪, 好味非常, 酸及辣味適中, 略嫌份量比較少..蒜蓉包中規中矩, 幾大片, 上枱時脆口, 味道就不夠蒜蓉味!魚, 忘了叫什麼, 但有點腥, 食了一點, 不是太受歡迎!!大家不夠味後加豬頸肉, 真是肥美, 而且個醬汁惹味, 不算太辣!!這個生牛肉, 是全部高潮!!朋友為了這個才推介我們來這裡!!!第一轉叫了兩碟, 一陣間已食光, 先講味道, 加了生蝦那種汁, 連蒜蓉辣椒一起食, 真的辣得刺激!!!牛肉食落好鬆化, 比較淋, 份量不算細碟, 4個人一碟就ok, 我地不夠吃, 第二轉再叫, 如果來這裡食, 一定要叫這個!!…Read More

今天與朋友在旺角相聚, 揀了很久, 終於在女人街尾選擇了新森林...已經是7點多,但不用等位!!自己一個人入去搵位, 侍應叫我搭枱, 我說等一等都可以,侍應很快安排另一個2人卡位給我!朋友來到, 我們點了一個2人餐$118, 超抵,又飽!朋友加了$6 飲龍蝦湯, 朋友說太濃及咸, 不好味, 一點也不像龍蝦湯, 但蒜蓉包就好好味,又脆!!輪到我碗湯, 忌廉湯好像有西蘭花,但味道一般, 入面仲有些類似粉狀物體未溶...小食揀了薯蓉青口, 青口不算新鮮, 但薯蓉好有口感, 味道不太咸,又不漿口...pizza 揀了辣肉腸, 味道普通了一點, 2人份量剛剛好, 厚底!!飯, 可以揀餐牌的飯或意粉價值$45, 揀貴了,補差價, 我地揀了不用補錢的芝士忌廉海鮮飯, 真的有驚喜, 味道不算太有芝士味, 但忌廉味重, 汁濃, 撈飯一流, 海鮮多款, 但亦不算新鮮, $45 算幾抵, 兩個女仔食剛好!!餐包了餐飲, 埋單$139, 真是很抵, 每人都只是$70...大家已很飽, 雖然食物普通了一點,但不難食,晚餐想食焗飯又要平價, 旺角之中是首選!!…Read More

元朗日式店鋪實在太多, 質素參差不齊.....我唯有上OPENRICE 重新再SEARCH 有無好野食....點知發現佢!!大門橫丁, 旺角成日見到,但無去過, 好似幾貴, 但見食評不錯,於是來元朗找找間鋪在那, 原來都幾隱閉!!在大棠公廁隔離, 響西菁街網球場及千色廣場附近..一入去, 無咩人, 得3枱客, 但已經是7:30...坐得很舒適!!因為無咩人關係, 服務好好,不停加茶, 又收碟!!煙肉芝士年糕, $18一串都幾貴,但真是不得不試, 好好食, 因為有煙肉汁, 包住芝士年糕, 入口一齊咬, 溶化在口中, 夾住一陣陣煙肉香.....好食到震,但只能食一舊至兩舊, 好流的!!這串八爪魚鬚,要左辣味, 又是無得頂, 辣味不太大,但因為八爪魚鬚多數淡口, 因為有辣味,加上即燒即食, 好新鮮又香口, 咬落口是爽的,不是硬實實!!芝麻雞亦,這個味道剛好,不太咸, 大隻多芝麻, 又是熱熱的, 很想重叫!!青瓜蟹虸沙律,不算大碗, 但因為青瓜新鮮,又切片,好多的, 連埋蟹柳絲+青瓜絲, 又多蟹虸....加上沙律, 我老公讚口不絕!!這個不得了, 魚生冷面, 好大碗呀!!!!!好多菜及三文魚,不是講大話, 冷面亦好多在底, 無汁的,要自行加胡麻醬, 好好味的醬, 加上三文魚, 停不到口,但真的會濟...一個人是不能獨自吃,除非不吃其他食物, 這只是$48, 抵!!食烏冬加$8的...有一隻少糖心蛋及兩隻餃子, 我覺得間餐廳好細心, 來這裡的人多是兩個人, 多數叫東西SHARE 食, 蛋及餃子剛好兩份可以SHARE!!兩樣OK, 無咩特別!!!但蛋有得沾豉油, 有味道!!這個極上豬軟骨牛肉辣蕃茄烏冬, $69, 不算大碗, 烏冬好彈牙但比較少, 豬軟骨很淋, 兩三舊, 牛肉數薄片, 來的時候紅紅的, 真好,不會過熟....內裡還有大量粟米及兩片日式魚蛋!!好豐富呀...辣味唔重, 蕃茄湯很濃,好好味, 最後要飲埋D 湯, 正!!埋單$240, 價錢OK, 好飽...9點前有串燒優惠,但不算平好多,而且不合口味..而9點後亦特價, 但每款平2-3蚊....所以來這裡不用特別等時間, 因為本人覺得好食的食物, 貴多2-3蚊,都抵的!!!…Read More

在旺角, 有很多放題, 但質素真是麻麻地..於是今天同朋友即興食放題, 揀了火鳥, 因為新開, 但怕多人,點知上到去, 即取位即有位令人有d 擔心, 點解唔full 呢.....種類多, 但不是應有盡有...........坐路邊,其實有d 迫,但可接受,4人枱好細, 我地4個坐得不太舒服..不過望住師傅整刺身!!刺身是冰震,但竟然不是凍, 即時覺得不夠新鮮, 刺身種類不太多,無海膽及帶子, 無咩特別, 蝦比較不新鮮, 我只敢食了一隻, 刺身厚切,但沒有重叫了衝動!!!三文魚唔夠肥美..鰻魚壽司,不是平時食的一種, 是海鰻,比較乾身, 火灸三文魚,來到沒有燒過的味道, 差!粟米沒有過甜,好味!!小食類可以重叫, 算大份, 蟹子沙律醬很多, 味道fresh!!焗芝士蠔, 真是幾美味, 雖然蠔不是大隻,但焗芝士味道不錯, 好金香!!炸雞亦香口, 牛油帶子幾油, 不過亦是惹味!!!一份已飽濟!!牛肉粒就幾淋, 連洋蔥一齊炒, 好香, 不過最可惜是太少份量,外貌不吸引!!好似俾食過的:(無咩汁的金菇牛肉卷, 加上來的感覺像臭臭..哈哈...所以朋友吃完說不用重叫!!無特別..油浸茄子, 太多油, 見到都怕, 我真的不敢吃,但份量多, 朋友食了一半放棄!!天婦羅蝦外貌不錯,但食落無咩味,而且很細隻蝦....串燒好食, 雞軟骨香口, 冬菇無食,但朋友不停重叫, 至於牛舌,朋友說少硬, 無咩特別!!差的牛脷, 朋友說的, 我已很飽,試不到, 朋友食了一舊,成碟無食.....可想言之不好吃炸物, 炸魷魚鬚, 好燶好黑,好乾, 無咩味, 其餘兩樣朋友話ok..今次大家食力差d, 食了很少食物, 好多未試,但應該無下次, 因為選擇不合口味..而且不平, 又無雪糕食, 不吸引我!!…Read More

路過酒泉, 見到隔離有間拉面, 於是入去試一試先...因為時間尚早, 6:00, 無人...入到去好似幾有日式FEEL!!而且坐得幾舒服..每日賣100碗就收檔???有無可能呢??我見佢新開業有蛋及汽水送, 正!!!於是揀左兩款拉面及一客小食!!有飯食, 但當然食拉面, 拉面出名MA..我地每人一張,點菜紙, 可以追加食物, 而且可以揀配料,醬料!!!但我地無追加食物, 因為應該夠了!!先來一隻蛋, 好吸引呀,因為免費,而且沾著豉油, 而且是流心....YUMMY...因為凍冰冰的, 等面來了才浸湯食!!蛋味道咸咸的, 入面流心, 正!!先來我碗鮮焰, 有少少日式辣椒絲,不辣..碗面看落好少, 但叉燒好大塊, 好肥美, 咬落口會溶化....真的好大塊, 食了兩塊好飽了, 而面的質地硬硬的, 不是港式拉面..最重要是湯底, 我覺得好濃郁, 是什麼味道呢....竟然覺得像我在日本吃拉面的味道, 不只是咸味, 似是用很多豬骨煲成...總之個湯底是我在香港第一次食到的正宗日本味道, 不是我誇張, 食完後會令人回味的!!!但食完後好飽流......我老公食赤焰, 是辣辣的, 賣相與我差不多, 但係佢多了一球醬, 我沾了少少來試, 原來是辣醬, 但不是太辣, 咸咸的, 浸落湯底, 令碗面生色不少, 但與我相比, 好似湯底略為淡口, 而且不夠濃郁, 相比下, 我個鮮焰是必定首選!!炸雞, 不是太特別, 但亦要一試, 因為即炸,熱辣辣, 咬落去,入面有汁, 有d juicy....有少少肥膏, 沾上沙律醬, 簡直絕配!!埋單172元, 價錢合理, 可能試業關係, 送汽水及蛋, 食齊這些食物, 真的宵夜也不用吃!!!這裡衛生環境不錯, 推門入後巷廁所, 入面幾乾淨,仲有香氣, 還有史偉莎標誌!!…Read More

平時行過西菁街, 見到這間井上, 但成日有D 人排隊,加上晚上好似有D 貴, 所以無食...難得今天放假經過, 又無人排隊,於是一試!!:)甫入門口, 侍應話坐低, 轉頭可能搭枱, 眼見成場幾FULL, 搭枱我又唔係甘想, 於是再問,佢話可以坐BAR 枱, 平排坐...我猶豫了一陣, 我話甘坐4人枱, 點知入到最後, 發覺張4人枱是3人枱, 其中一個位是頂住條柱, 坐不下的....於是我就放心, 因為應該無人搭枱...環境舒適, 坐最入比較寬敞, 出面好迫..坐低發覺MENU 有好多選擇, 而且幾抵!!於是好難甘揀左最愛的兩個餐,因為食物豐富!!$48, 其實整體我俾80分, 天婦羅皮薄, 熱辣辣, 刺身幾多, 有5塊, 算新鮮, 還有沙律, 酸酸的汁, 有蛋有蟹柳, 不錯,好開胃...最可惜我要扣20分, 是這個鰻魚飯, 飯份量OK, 但為何鰻魚甘細塊, 是得一塊, 薄的...是用來食壽司的鰻魚, 太令人失望, 我知道甘多食物$48, 應該少鰻魚,但起碼放兩片, 望落都好看點...:(鰻魚汁又不夠多, 不停食白飯, 好乾, 難食....這個餐$48有齊我愛的食物, 不過鰻魚飯是這樣少鰻魚, 不會再叫!!!!我個$48餐有埋面豉湯, 幾好, 有豆腐, 味道不太咸!!另一個餐, $45是牛肉烏冬配壽司, 牛肉烏冬不好吃,牛肉不過不失, 成碗幾多份量, 不過烏冬不是我至愛, 不是手打, 更不是圓身烏冬, 不好吃, 湯底好淡...壽司OK, 正常SIZE, 飯不硬, 有蝦, 三文魚, 鱆紅魚, 吞拿魚, 魷魚, 及兩舊熟吞拿魚卷物, 特別一讚是這兩舊卷物, 幾好食, 有少少沙律醬, 我覺得仲好食過其他壽司!!餐包飲品飲品不用加錢,有熱的檸檬柚子茶, 老公飲凍檸茶, 我個杯好有味道,又不過甜, 不錯不錯!!午餐幾抵,又多選擇,但要我回頭再食有D 難!!!!因為一個餐有好食有不好食...但不會再選擇這兩個, 令到我對其他餐也沒有信心...…Read More