聖誕快樂的個人專頁

喺The One門口對出畀佢掛住嘅旗仔吸引咗！星期五Dinner時間入去食都唔洗等位、環境幾舒服。兩個人叫咗一份豬扒包、追加咗一球蛋沙律、多士、薯條&一杯咖啡。啲嘢食好大份、超級飽( ´▽｀)…查看更多

喺公司附近、但一直未試過。夜晚收工同同事嚟食個快飯！🐤蔥油雞扒三眼煎蛋飯🍳$67好食👍🏻👍🏻👍🏻非常推薦👍🏻👍🏻👍🏻老實講～雞蛋好食過雞扒！蛋黃半生狀嘅流質質感餸飯真係冇得輸！個蔥油汁都好好食、如果塊雞扒再大塊啲就好啦！+$8轉咗紅豆冰有勁多紅豆🫘好大杯、淨係飲杯嘢都飽飽哋😅+$12追加小食 炸雞翼3隻即叫即炸、外皮脆口！同埋好抵食！另一款主食🍜A5特級和牛拉麵湯頭幾香、飲完唔會口渴拉麵當然始終唔會夠出面日式拉麵果啲咁好食、不過以呢個價錢嚟講算係好唔錯👍🏻和牛嘅肉質好嫩、吸收埋啲湯汁一齊食又幾正🤤+$10 追加小食 炸春卷4件+$12 追加小食 唐揚炸雞4件以上兩款都係不過不失、正常嚟貨質素、不過因為都係新鮮炸起、所以好香脆！好食💕+$8轉飲 歡樂菠蘿冰無試飲、不過望落都係好大杯😳…查看更多

呢間餐廳都幾多選擇，唔似一般茶記。又有粥、又有乳鴿、又有啲特色小菜咁。雖然見到佢招牌係雞粥，不過無試到，反而叫咗另一款出面好似少有啲嘅粥。 黃鱔田雞粥 $74啲肉幾多，同埋黃鱔整到啲肉質爽爽哋咁，幾好食！田雞好滑，同埋唔多地方有得食。幾推薦！紅燒脆皮乳鴿 $76抵唔抵食就見仁見智，不過都炸得幾香口，拎出嚟係熱辣辣，好多汁！焗豬扒飯 $61炒底做得唔錯👍芝士舖得好滿！泰式鳳爪 $53份量幾多！味道正宗！做開胃小菜都幾好！鮮蝦腸粉 $32 不過不失，如果個皮再薄啲就更加好…查看更多

第一次食，感覺幾好👍🏻首先佢有個早食時段，7:30前離座可以有8折價，都平好多吓👍🏻如果收得早、或者放閒日嘅人食呢個時段就啱晒🥳跟住我哋簡咗中價位，有得食牛頸脊、黑毛豬果個餐，配咗個醉雞鍋湯底🍲開頭略嫌個湯底有啲苦，不過其實烚咗啲食物，食落口個味係啱啱好😋愈食愈好味！食材就同其他台式火鍋🍲大同小異，無乜好好好signature嘅嘢食，不過好推薦啲手打丸，好好味🤤除咗打邊爐外，啲小食都幾好味，一開始送咗碟蕃薯條🍟仲跟咗啲shake shake粉，食落又甜又糯～最後一個細節位都做得好好，就係一開始已經Stand by咗兩壺湯喺枱度方便比客人refill。雖然好似唔係好困難嘅嘢，但真係無幾可有其他火鍋會咁做。所以整體成餐飯都好滿足😌幾出色😚…查看更多

話說落完五百年一遇嘅大雨之後，呢幾日天氣好似涼咗啲，即時想去打邊～呢間食台式火鍋，環境幾乾淨企理👍🏻手機落單再加出面自助拎菜、丸、飲品等..最正係有芋圓任食！！Häagen-Dazs任食！！芋圓喺鮮W鮮食一碗都要$50啦，呢度食2碗都抵返😂Häagen-Dazs雖然味道唔算勁多，不過有雪糕筒任拎，同埋好脆！湯底今次揀咗鴛鴦鍋，一邊養生鍋、一邊麻辣鍋，愈食愈濃味，幾正肉類有好多選擇，牛小排是全晚覺得最好食！台式小食都唔錯，尤其係炸嗰啲～一定要拎自己夾嘅芋頭丸，好好食，外面係肉，咬入去係流心芋蓉，第一次食，出面好似好少見👍🏻👍🏻👍🏻另外個滷肉飯都好好食，忍唔住食咗兩碗( ´▽｀)…查看更多

茶園自助餐食過大概已經四次，包括下午茶同埋自助晚餐都有試過( ´▽｀)除咗環境靚樓底高，食物亦都貴精唔貴多，所以一直都有捧場～親朋好友生日唔想食太貴，基本上嚟呢度實冇死😂不過最近嗰次食，發現鵝肝多士換咗第二隻鵝肝，口感都OK，但相比起上一隻真係差好遠，之前嗰隻鵝肝係煎到好香，外層薄脆，一咬開好creamy。但今次食果隻就算係啱啱煎起，都無咗薄脆嘅外層，口感比較鞋，好在都仲係夠香。而其他食物嘅食材都仲keep得好好👍🏻…查看更多

好耐都無食拉麵🍜聽朋友講試過呢間好食，今日就親身嚟試吓～2個人就叫咗2款唔同麵。🍜 海老辛醬背脂煮干沾麵 $118沾麵嘅湯頭較濃厚，入面有好多湯料，味道偏甘甜，入面有好多肉。拉麵嘅質地好有彈性，同埋好掛汁👍🏻🍜 海老辛醬背脂煮干拉麵 $108相比起沾麵，拉麵湯頭明顯偏辛辣，但又唔會話真係好辣好辣果種。拉麵同樣好掛汁，而且叉燒都幾大塊！食完可以飲埋湯，唔會口乾！價錢正常，同出面其他拉麵店差唔多。但感覺上佢好似比較多麵😆飲埋杯冰凍嘅烏龍茶，真係正到不得了！…查看更多

耐唔耐都會去西九龍中心食嘢，呢間店個舖位上一手係間無味精茶餐廳，而家轉咗做食小雲吞、川菜、麵食之類，一直都想試吓，今日終於入咗嚟🙈店面光猛，位唔係話好多，落單似快餐店，要自己喺收銀處同店員落單再自己拎食物返埋位食。因為所有嘢食單價都好平，2個人都忍唔住點多咗😂叫咗6樣嘢食再加咗支茶。但埋單先$200，平到～～～一口鮮蝦豚肉雲吞｜$32（10隻）一啖一粒，味道適中，好食👍🏻👍🏻傷心重慶酸辣粉｜$35叫咗小辣，但比想像中唔辣😂食得辣嘅朋友，可以再叫辣啲。粉條好煙韌，口感好好食！傳統風味手工涼皮｜$30比出面食開嘅涼皮特別，唔係透明色，而係米白色，手工質感，好有口感！好掛汁👍🏻👍🏻芝麻鹽焗手撕雞｜$38調味好香，份量都唔少，夾埋青瓜一齊食，口感特別清爽！涼伴松花皮蛋｜$22彈牙得嚟，蛋黃好綿💕💕不過不失！孜然椒麻炸雞翼｜$35（5隻）大推🔥🔥🔥🔥🔥🔥大推🔥🔥🔥🔥🔥🔥驚喜到我了，炸得超好食！孜然味啱啱好，唔會太攻鼻！炸皮好香，入面仲滿滿肉汁！加埋$8一支自家製茉莉花茶，茶香味好足，微微甘甜～雖然只係平平哋一餐，但真心覺得性價比好高，好值得再嚟食！…查看更多

可能太耐冇食泰國嘢嘅關係，嚟到一打開個餐牌就好多嘢都想叫😂今次叫咗個冬陰功，上菜嗰陣會燃點一個細火keep warm👍🏻所以飲到最後都唔會凍晒，入面有勁多海鮮🦐🦞🦑🐟想講入面啲魚肉好彈牙，好好食！仲要有花膠！湯頭酸酸辣辣，唔會太過搶喉，非常開胃💕💕跟住再點左個泰式生蝦，冰冰地好爽口，夾埋塊蒜片一齊食，少少辛辣咁樣，好啱夏天食🥰最後仲嗌咗個蟹肉炒飯，本身只係諗住隨便嗌一款主食，可以飽肚少少，點知出奇地覺得幾好食喎🤩🤩蟹肉非常多不特止，仲有蝦同埋蟹子！食落好香，米飯粒粒分明！仲要有蟹籽嘅脆口感！雖然佢哋並冇放喺餐牌Top嘅位置，但真係非常推介👍🏻👍🏻總括嚟講嘢食都好好味，仲要咁啱安排咗個望住海景食飯嘅位置，感覺真係好寫意，好啱情侶過嚟一齊食嘢👍🏻👍🏻…查看更多

因為真係好鍾意食海南雞飯，所以無論平定貴價嘅海南雞飯，基本上每個月都會搵唔同餐廳試吓🤣今次就試咗呢間🏞️海南少爺🏞️地點喺海港城海運大廈，裝修靚！坐得舒服！👍🏻👍🏻叫咗兩份海南雞飯套餐。🐤海南雞飯拼馬來西亞肉骨茶 $138肉骨茶好足料！藥材味好香！飲落會有種回甘味👍🏻油飯好好食🤤香口得嚟米飯粒粒分明！雞肉份量都好多，肉質嫩滑，雞皮唔會太肥。🐤海南雞飯拼海鮮喇沙 $138呀！呢度嘅喇沙超級好食！一定一定要點💕💕奶香同喇沙比例適中，比起好多餐廳一味重椰就以為好食差好遠！甜味都啱啱好，一碗仔入面都好多料，有雞蛋、魚片、豆卜、魷魚、蝦、粉麵。之後再叫咗2份小食🐤香脆蜜糖單骨雞翼發明單骨雞翼嗰個人真係好聰明，食起上嚟非常之方便，啱啱炸起個皮好鬆脆，甜甜地嘅蜜糖香味，真係好好食！🐤獅城脆蝦卷入面應該溝咗唔同嘅配料，識落層次好豐富！啖啖肉！想坐得舒舒服服食海南雞飯嘅朋友非常推薦試吓呢一間！…查看更多

晚餐時間喺屋企附近諗住求其搵間未試過嘅餐廳仔食飯，無意中發現左呢一間覺得可以keep住長食嘅餐廳。本身7點鐘左右入去，唔係話好多人，點知坐咗唔夠15分鐘已經開始爆場，聽得出好多都係熟客，同啲侍應有講有笑。叫咗個招牌嘅油渣麵，好大碗，真係可以食得飽。豬油渣好鬆化，唔會好油。兩溝魚肉翅魚肉好多🤤🤤碗仔翅啲料都好足！蓮藕肉餅飯 跟豆漿以為呢度淨係小食好味，但原來飯餸都整得好食！呢個肉餅食落層次好豐富，爽爽哋，又啖啖肉，唔會好鹹，就好似屋企整嘅餸咁。跟埋啲醬汁非常好食，好好餸飯。鴛鴦自家製湯餃有椰菜同埋韭菜2款，呢度啲餃偏向多菜少肉，啱健康人士，Size好大隻，放滿晒成個匙羹。開頭以為啲份量唔會好多，所以嗌多咗，點知差啲食唔晒😂😂下次會再去！…查看更多

放連假前嘅上班日，收工想搵好嘢食。見好評幾多，就試吓啦。點知都幾難搵😅原來要穿入一行仔先到，好容易會行過咗。好啦，坐低叫嘢食，果晚都幾爆場，服務員好nice，講咗幾次話招呼唔到。🔥秘製馬來西亞咖喱喇沙湯麵🍜配 脆炸梅子一口雞個湯整得幾好食，唔會一味淨係個椰香味太濃而冇咗喇沙咖喱味👍🏻梅子一口雞新鮮炸起熱辣辣，但其實都唔一口😂都幾大粒～～味道酸酸哋開胃嘢。🔥燒美國安格斯西冷牛扒 配黑松露薯條服務員上菜講話燒汁係佢哋自己熬製，唔係開粉，都幾有誠意👍🏻不過落單果陣無問我哋要幾成熟，食果陣覺得有啲輕微Overcooked咗，但可接受，食落啲肉好琳，肉味都好濃！黑松露薯條🍟超級好食！炸物都係即炸起！熱辣辣！個黑松露醬好香🥰🥰好似食薯條開心過食扒🤣🔥日式吉列炸蠔最後叫咗個小食都係炸嘢，炸皮出色，鬆脆唔油膩，略嫌個蠔炸得少少over咗啲，無哂水份，不過不失咁啦。總結來講，大部分嘢都好食🤤尤其係炸嘢！雖然部份嘢食可能Overcooked咗，但可能咁啱夜晚爆場，所以take care 唔到咁多張枱掛。不過店員態度好好，希望下次再嚟食，如果少啲人出品會更加好啦！…查看更多

Happy Friday + 呢幾日天氣又涼返啲，打邊爐條癮即時出返嚟🫣本身想book連鎖火鍋店，但又book唔切，之後見到呢間除咗火鍋都仲都架多其他炸物小食，最正係見到有Movenpick雪糕都任食😍9點鐘後仲要平啲！Lv2 $258就食到👍🏻蔬菜🥬丸類有好多選擇，可以自己出去夾。特別推薦：特長蟹棒、墨魚汁腸飲品又係好多選擇，有解茶可以減油膩。溝好過醬，就可以返埋位用手機落單想食嘅肉肉☺️今次我揀嘅係Lv2，有美國prime grade牛肩胛、牛板腱同埋西班牙batalle白豚肉食。牛肩胛同牛板腱都好濃牛油香，唔同嘅係，我覺得牛板腱會偏向多啲點肉嘅質感，而牛肩胛就非常琳身，咬幾咬就溶，但2者都好食。除此之外，仲有比較少地方有得食嘅牛胸爽😋呢個重覆叫咗好多次！真係好爽口好好食！另外好推薦嘅就係佢哋啲滑，牛滑同花枝滑煮完出嚟好彈牙！不過點都估佢唔到，呢度打邊爐食材好出色，但炸物小食都異常哋好食。本身以為呢啲火鍋店，應該都係將啲小食炸定，點知佢係即叫即炸！全部上菜都熱辣辣！甜不辣食落煙煙韌韌，超級好食😍炸蕃薯條甜甜哋咁都好好食！全部炸品我都叫晒，雖然榴槤波同埋紫薯波都知係放題都有嘅大路嘢。不過因為佢新鮮炸起，所以都比平時啲地方好食！最後食埋個Movenpick雪糕就滿足晒！埋單都只係$600幾蚊 2個人，飽到上心口，抵過自己買料返屋企打邊爐！好推薦🔥🔥🔥…查看更多

中午吃太飽，夜晚不想吃太多。想跟朋友喝一杯，多聊一會，除了居酒屋，想不出更好的選擇☺️太子可算是眾多地區的一個中間點，無論新界、九龍、港島下班，約出來都十分方便。今次選了名字有點酷的【朝 Asa】Asa(あさ)是日文，就是朝。餐牌價錢等等光明正大放了在門口，看到是很合理的居酒屋價錢，就安心進去了😁（平常在中上環的居酒屋價錢收得偏隱蔽，令窮窮的我常常卻步🥹）空間雖不大，但很有氣氛。微微昏暗的環境，充滿日式的擺設。2個人的餐點，絕大部份都很推薦💕🔸月見壽喜燒吃了很滿足的壽喜燒！雖然寫是寫1人前，但2個人分享也很ok😋湯頭很甜，泡得腐皮、豆腐、金菇等掛汁食材很入味。選了牛肉肥瘦適中，甜甜的肉質，熱騰騰的吃著非常享受🥰🔸醬燒自家製飯團推推推！不必擔心沒餡料的飯團會否很dry，放心，好吃得不得了！醬油的鹹甜經烤過後散發出點點焦香，微微薄脆的口感夾上紫菜更滋味。不説還以為裡面有配料呢～口感實在太好了。🔸鹽燒牛舌外層肉汁很夠，咬下去是爽的，咀嚼時是軟的。就是來到居酒屋必須要有的串燒😜🔸醬燒豬腩片印象沒有很深刻，就是很濃的醬香，但豬腩片的味道好像沒有很吃得到，反正不會太肥的豬肉，就覺得已經不錯。🔸鹽燒雞軟骨好吃好吃！一粒一粒爽脆爽脆的，很好餸酒😋🔸醬燒雞腎跟牛舌的口感有點似，不同的雞腎外層爽，裡面也是爽的！🔸月見雞肉棒全力推🔥全力推🔥全力推🔥不吃後悔🔥 不吃後悔🔥 不吃後悔🔥並不是平常串燒店會吃到的普通雞肉串，這是將打碎的雞肉做成的肉棒，口感夾雜着一點點軟骨的感覺，吃下去啖啖肉。沾著他們付上的蛋黃一同品嘗，濃厚口感超滿足💕💕💕🔸燒糖心菠蘿🍍無論去到那裏都甚少會出錯的一款燒物！推薦當作飯後甜品，甜得不得了！正正因為餐廳空間不算是太大，客人數量就算座滿了也適中不會太嘈。實在是談天的好地方！…查看更多

嚐嚐星期六嘅黃大仙中心超多人，想搵個地方食lunch都唔係咁易。行到1樓最入面見呢間餐廳環境又大又靚，仲要唔洗等位，就即刻入去試吓啦(｡･ω･｡)原來呢間餐廳係2間嘢夾埋，一邊係食韓國菜，而今次我哋就簡咗食台灣菜，即係嘆嘆呢邊。晏晝有午餐餐單食，【鹽酥雞鐵路便當🍱】$72+$8 凍四季烏龍茶份量比我想像中大份，女仔未必食得晒😳鹽酥雞雖然得四舊，但其實都幾大舊，仲有滷蛋、春卷、海帶湯！滷肉飯好好食，唔會好多肥肉，啱晒我！而杯茶就正正常常冇乜特別。【爆蔥滷肉飯】$65+$8 梅子茶真爆蔥🤤應該要鍾意食蔥嘅人先識欣賞！大大碗！食一啖就已經包含晒飯、肉、蔥！超爽！( ´▽｀)梅子茶比我想像中要好飲，雖然只係計落清茶類飲品，但酸酸甜甜，愈飲愈開胃～覺得唔會輸比啲特飲！【古祖滷拼盤】$98好抵食！勁大一盤！每款有4件～滷味好香濃，不過個人口味就覺得豆腐偏鹹咗少少，啱餸飯食。下次都係等多啲人先好叫，2個人食，食到後尾覺得太多🤣【3.6牛乳仙草芋圓大盛】$68掙扎咗好耐要特盛定大盛，因為特盛有個布甸好吸引，但真係太飽太飽嘅關係，只好叫大盛。入面材料勁豐富，食落芋圓好有彈性，芋泥架綿又好香，仲有一粒紅豆麻糬，食落有少少似湯圓，但大粒版。真係好大一碗，2個人share先勉強食得晒！今餐Lunch好滿足（想講食完呢幾樣嘢，到嗰晚9點幾都未餓😂）之後仲發現，而家Follow 嘆嘆 Instagram 專頁同埋Share 嘆嘆 85折IG Post 到個人Instagram Story即可獲得全單85折優惠！開心🥳…查看更多