Steventoto的个人专页

見唔舒服，近近哋諗住入去食碗粥。我叫咗個粟米瘦肉鮮魚片粥、友人就叫個豬潤生滾粥加配碎牛皮蛋，肉片腸粉同油炸鬼。先送黎粟米瘦肉魚片粥，上到枱滿足一啲煙都冇，好驚啲魚片唔熟，搞兩下食咗啖粥個粥係暖嘅，唔係熱嘅，跟住同職員要求整熱啲個粥，職員態度好差，攞起碗粥嘅匙羹搞咗幾下大聲話唔會唔熱，跟住就行開咗，完全冇幫我整熱個粥。友人碗豬潤生滾碎牛粥到咗，但入邊啲碎牛路撈完之後都係唔多熟，碗粥又係唔熱，都唔知食唔食好😑肉片腸一上枱，我哋即刻夾黎食都係唔熱嘅條油炸鬼更加唔使講係唔熱嘅簡直係神級嘅做法！又唔會幫你整熱啲粥，咁不如直接做凍粥啦！態度又差，好似唔想你哋食嘢咁！真係唔會再嚟食，冇下次！…查看更多

趁6點左右無咁多人即刻入去食😁肉骨茶套餐 $75肉骨茶湯底好濃郁，呢個啱晒冬天食😏陣陣藥材香氣撲鼻，入口香濃，入面有冬菇，杞子，三嚿排骨。排骨肉質比較實淨，唔似炆餸果啲咁林身。肉骨茶飲到杞子既甜味，感覺好有藥膳feel。我最鍾意就係先畢一匙羹飯之後再潷啲湯浸住啲飯咁食😁。焗咖喱包豬扒（黃咖喱）$93堅係好大個包😆食落個包好有脆豬feel，充滿牛油味而且仲好鬆脆，配厚切切豬扒。店員問咖喱要邊款，黃咖喱定紅咖喱？我問有咩分別。店員解說黃咖喱是椰香味重的星加坡黃咖喱，紅咖喱即是印度咖喱，蕃茄味重啲。咁我最後揀咗黃咖喱。椰汁冰$20 無咩特別，正常咁啦～…查看更多

唔識蒸魚但又鍾意食魚嘅我，突然好想食魚點算，梗係去酒樓食就最好不過，因為通常酒樓嘅蒸魚係特別好味😋同朋友一行兩人叫咗條清蒸沙巴龍躉仔（約一斤）只係$88😁其實都幾大條，有酒樓水準，魚肉嫩滑豉油鹹到適中，好味👍🏻酒樓人客唔算太多，可能係星期二啩，入去就有位，環境都OK，坐得舒服。叫個晚市孖寶$178有兩個小菜，我哋揀咗豉油雞半隻同埋鳳梨咕嚕肉。豉油雞，味道OK鹹到適中。咕嚕肉熱辣辣仲係脆口的，最啱配飯食😁由於我地唔要小食，所以連白飯1個同茶錢加埋一都係$343，價錢都算合理…查看更多

餐牌有不同套餐給你選擇，但我哋偏向散叫，因為可以試多啲唔同特色嘢😁前菜係一些涼拌醃菜，有萵筍，甘筍及蘿蔔，少許酸味但偏甜，未算得上開胃前菜😅至尊拼盤 $218 及北京填鴨的配料有青瓜、四喜烤麩、醉雞、肴肉麻醬雞絲粉皮這個拼盤味道正常，未至於有太大驚喜意大利黑醋骨 $148味道OK，黑醋骨唔肥膩，但肉質鞋少少🤏🏻酸辣湯$52兩位起係一個冇咩酸味嘅酸辣湯，唔好飲☹️北京填鴨 半隻 $228北京填配菜都不外乎填鴨醬、京蔥、青瓜🥒但今次竟然配料，竟然有砂糖、甜酸醬、哈密瓜北京填鴨一上枱嘅賣相唔錯，第一件夾埋所有配料一齊食，咬落爽脆的青瓜覆蓋了砂糖的口感，有哈密瓜食落去冇咁油膩，但反而因為北京填鴨切得比較薄，所以食落去冇咩鴨肉味及油香味，味道唔突出，失望🥲小籠包 $85小籠包有好多肉汁，有一片薄薄的甘筍片喺底，味道OK但略皮比較厚咗少少乾煸四季豆$92味道同肉碎都好食，肉碎一啲都唔肥膩，味道不會過鹹同埋唔油膩松子魚 258正常味道，但松子的幾粒好少宮保蝦仁$188味道OK同惹味，入面有無多腰果。但蝦仁略嫌好似比鬆肉粉整到鬆晒，唔爽口彈牙🥲高力豆沙 香蕉 $75豆沙餡比較少，高力豆沙比一般細粒😅一行四人， 埋單$1790比起食四人餐平咗兩舊水😁但整體食物質素一般般😅…查看更多

呢間泰菜近期大熱，星期四五六日都book枱都好難😅今次終於book到枱，可能因為星期一😆雖然訂咗3位8點，去到都要等一陣，但職員都有交帶話執緊枱等一等好快就可以安排入座入到去間餐廳好有氣氛，雖然星期日，但竟然座無虛席😲前菜：柚子紅石榴沙律 $88味道有驚喜，醬汁味道好特別，好似帶有少少梅子味，好食😋食完沙律之後等咗差不多40分鐘，其他食物先至陸續上枱🥲和牛金不換炒飯 $178 好有鑊氣，仲炒得乾身，唔錯紅咖喱燒雞$198雞肉好鬆軟又香口，配上紅咖喱汁夠惹味，西蘭花🥦椰菜花唔會過熟，口感好好👍🏻入面仲有好鮮甜嘅粟米🌽ASOK THAI小食拼盤（免治豬肉串、泰式魚餅、雞棗、清邁腸、蝦片、燒菠蘿） $178呢個小食拼盤大部份嘅嘢食都好食，但清邁腸我就唔識欣賞，食落去好乾好鞋口同埋比較硬身，我自己就麻麻地😅炸蝦餅配青檸忌廉芝士醬 $138個醬汁我想像中開胃惹味，蝦餅比較實，呢個價錢得三件確實唔抵食芒果糯米飯甜筒$68最後甜品叫咗打卡一流嘅芒果糯米飯甜筒😆一上碟梗係相機食先啦😂配以椰子雪糕食落去又有另一番體驗。但略嫌糯米飯比較少😅晚飯期間已經遇到有兩三枱人都是慶祝生日的，餐廳會播埋生日歌同佢哋慶祝生日整體食物都OK，環境氣氛都好好，好適合打卡、gathering 、慶祝生日…查看更多

同朋友做完運動緊係想据個扒啦😂夜晚8:30 見到店外的餐牌，價格都合理，見到有位唔洗等就即刻入去試下😁跟餐揀咗羅宋湯，味道好濃郁帶點辣（可揀白湯）配蒜蓉牛油多士。多士夠脆👍🏻主菜到～西班牙黑毛豬鞍配意粉意粉配紅酒燒汁$138食過好多餐廳的豬鞍好多時會煎到好硬又鞋，但呢有驚喜，肉唔鞋👍🏻仲煎得好焦香略嫌意粉炒得油咗少少美國黑安格斯手西冷牛扒配薯蓉 $158 職員冇問要幾成熟，但上碟係五成熟，正呀！飲品就要另外加錢。埋單先知全免加一，好難得👍🏻…查看更多

好彩一早網上訂座同朋友慶祝生日, 就唔怕星期五多人啦😌先嚟凱撒烤雞沙律🥗fresh一下😁知道朋友鍾意食北京填鴨，特登帶佢嚟食呢度先有嘅北京填鴨Pizza. 一啖咬落去感覺好似真係食緊北京填鴨，但略嫌鴨肉較少，得7、8片，而且鴨片較薄，當中仲有一兩塊係肥酒油嚟，呢點有啲失望🥲蕃茄海鮮意粉，味道一般，份量比較精緻，記得好似要$188，覺得比較貴最後點咗個甜品拼盤同朋友慶祝生日😁因為網上訂座mark低咗係慶祝生日，職員會幫你點蠟燭同有生日牌☺️食完仲主動幫我哋影相📸…查看更多

收工唔知食乜好，諗住平平哋食個飯，一行兩人去咗西九龍薩莉亞餐廳。點知攞飛部機壞咗要等職員派位。平時好多人，反而今日有位😁點咗我最愛的個香辣蕃茄煙肉粗管意粉$30仲有惹菌雞肉薄餅$38 ，有好多舊雞肉，雞肉仲好鬆軟👍🏻見到有新嘢，叫咗2串烤羊肉串$25，多人食嘅話叫4串就啱晒，4串都係$48😁羊肉串有驚喜，好有羊味，啱晒我呢個羊肉控🤤再嚟多個必食羊架$79，有三件，羊架都大件厚肉，但今次羊肉味冇咁大😅推介蒜汁燒魷魚🦑$30厚肉又抵食👍🏻仲要鐵板上熱辣辣😁上餐速度快，我張枱冇刀，所以去咗隔離冇人嘅枱度拎，職員見到都幫忙令到給我用🙏🏻埋單都是$200左右😌價錢極度親民😁…查看更多

為左諗送咩比媽媽作為母親節禮物🎁，我頭痛左好耐... 今年想送既實際又特別既野比媽媽，所以問左好多朋友意見😅 朋友說近排有間餅店新興大熱，話係前半島大師傅整，咪即刻上網搵邊度有得賣上星期即刻去，可能我太早所以未開，但就見到鋪頭充滿香港特色既Graffiti之後晏少少再去過，一入去就見到充滿6、70年代的香港餅店情懷👍🏻我又忍唔住打下卡😁入面有好多款口味既曲奇🍪、蛋卷，我記得媽媽鐘意食蛋卷，諗住買盒，點知原來呢度有成12款味，隻隻咪都好有特色，我既選擇困難症又發作😅 好彩有得試味，起初以為係切碎晒比你試啦...嘩！係成條比你試🤩入口好香，食完唔覺隻手油，讚呀！有好幾款味我都好鐘意，岩鹽朱古力、香草蕃茄、黑松露，但我今次既目的係要揀黎送比媽媽，所以最後買左盒休閒蛋卷，入面有4個味: 原味、伯爵茶、岩鹽朱古力、咖啡我就買左盒奇趣比自己😁: 原味、香草蕃茄、黑松露、櫻花蝦，隻隻味都好好食😋encore 指數爆燈🤩😍支持香港製造、天然無添加👍🏻又可以加埋落我個送禮list 度啦！…查看更多