ckyyuki's Profile

成日見呢到裝修咁靚， 好想試下。 難得今日行過樂富， 打算試下。 明明係公眾假期，但係裡面好靜。 一試， 啲野食好伏。 首先係三鮮湯年糕， 淡到好似飲水咁。之後個炸雞排拉麵， 個炸雞有陣魚味，真係未食過咁難食既雞排好冇， 個拉麵湯都係好淡， 無咩味。 最後希望落左係小籠包上， 點知又係冇湯汁， 啲似超鞋。又貴又難食。 仲要待應既態度差到一個點， 講野冇尾音， 單字答你， 明明咁得閑塊面都咁黑, 用錢買難受。blacklisted …Read More

聖誕限定！！！放大假鳥，終於有時間寫番食評。 聖誕果排同朋友行過淘大， 發現開左好多新餐廳。 其中一間好評如潮，睇落超有氣氛的一間西餐廳氣氛超浪漫， 暖色既柔光充滿聖誕既氣氛~鋪面好有外國櫥窗既感覺，仲有超大棵紅色聖誕樹.Menu 選擇都包羅萬有，上至焗飯，下至意粉，扒類，漢堡不等。前菜小食叫左度墨西哥粟米片（$96）， 有大大舊cream cheese, 同埋超足料既牛油果醬（guacamole 。 仲有肉醬同拉絲芝士，同埋蕃茄仔， 超多料， 好有誠意啊！💓主菜有三重芝士安格斯牛肉漢堡（$106）， 漢堡超有份量， 有濃郁既blue cheese味，仲有mozarella等等， 同埋漢堡扒超多肉汁， 食落啖啖juice,好好食。另外聖誕點少得鹹豬手（$176），價錢平，超大份， 如果幾個一齊share 就剛剛好。味道還好，係啲肉有少少硬身。今日好凍，就簡左杯暖胃既熱飲， 肉桂檸蜜。 有新鮮肉桂， 味道香濃。三份兩個人份都超飽肚， 其實真係幾抵食， 坐得又舒服。 見都幾多情侶， 同埋啲歌好好聽， 氣氛唔錯, 一定會再尼。 …Read More

🌟Dodam Chicken (觀塘）🌟其實個景幾靚，有落地大玻璃既卡座，但係今日窗邊坐滿人， 只有靠牆既座位剩。 午市Menu選擇有飯， 意粉，年糕， 仲有緊係唔少得炸雞啦！午市包一罐/盒雪櫃裏的紙包飲品罐裝飲品，或者加五蚊換購汽水，仲有自助吧既小食。 可惜我地在午市尾段時間， 雜菜已清得一光二淨， 只有泡菜選擇。 午市人均消費大約$80 元左右。 🌟海鮮辣湯飯🌟有啲失望既菜式。 首先， 個湯好淡，沒有韓式辣湯既香辣濃郁味，尤其食完泡菜再食，簡直好似飲緊水咁。 而且裡面既海鮮唔算太多，又係冇味道既，好似煮左好奈咁。🌟蜂蜜蒜香牛油炸雞🌟因為朋友怕熱氣， 於是叫左烤焗既炸雞。 炸雞有驚喜， 滿滿既牛油香味， 食落香脆。 而且煮得剛剛好， 啖啖肉汁，同埋超嫩滑。仲有粉色既醃蘿蔔都超好食， 解膩一流。 只係plating食物擺放方面就...好似打風咁。不過我不嬲都係睇內涵既人，不傷大雅。…Read More

今日放工後去到鑽石山既hoko farm 食西餐。位於鑽石山廣場既露天咖啡廳，出面對住落地大玻璃，見佢既menu好吸引，裝修亦十分精緻。⭐餐包⭐熱烘烘的，外脆內軟，加上士多啤梨醬，額外開胃。⭐澳洲和牛肉眼扒（$258）⭐叫咗個七成熟嘅牛排，炭香味濃郁，肉汁鮮嫩，煮得剛剛到位，有點肉汁又不會太生。上面有玫瑰鹽，點綴了肉眼扒的香味。⭐芝士奶蓋士多啤梨沙冰（$30）⭐聽落個名好吸引，價格十分合理。但係味道平平無奇，個奶蓋正常，個草莓冰好淡味。⭐芒果熱情果乳酪（$30）⭐芒果同熱情果嘅味道非常搭配，酸酸甜甜。但係味道亦係比較淡。⭐三文魚籽牛油果沙律（$142）⭐芥末醬濃郁好香，新奇清爽味道。 但牛油果同沙律融為咗一體,唔係好食到牛油果嘅味道。價錢小貴，因此不太推介。…Read More

⭐Fika(將軍澳坑口村）⭐⭐西班牙炭燒黑毛豬梅頭配日本甜蕃薯⭐黑毛豬用嘅係靚梅頭肉，肉質鮮味，一上碟就聞到好香嘅炭燒味道。黑毛豬嘅肥脂甘香,比例均稱，口感爽口嫩滑。 而且仲有手掌咁大爆多mozarella係面層既大啡菇同甜到入心日本番薯。⭐溫泉蛋卡邦尼意粉⭐卡邦尼意粉真心出色，首先將中間隻生雞蛋篤爆撈埋意粉，令到意粉嘅口感更加嫩滑。 而且卡邦尼既煙肉特別出色，唔係平時食到乾柴嘅煙肉，反而係有少少似叉燒得咁半肥瘦嘅煙肉，口感爽滑。 而且爆多芝士融入濃郁忌廉汁，令人食過返尋味。⭐南瓜忌廉湯⭐依家係早餐都幾好飲，南瓜鮮甜美味，又不失忌廉味。餐廳做嘅係小本家族生意，店員同老闆都好nice~會再幫襯😍…Read More

⭐古今（銅鑼灣）⭐今日經朋友介紹， 去左一間和風餐廳，居酒屋既間格引人入勝。我地坐左係吧台既位置， 乾淨企理。 菜式幾有創意， 食物質素中上，價格合理。 特別推介壽司薄餅同埋「蜘蛛」。⭐壽司薄餅⭐貌似大板燒既壽司薄餅，別具創意。底部係壽司飯，炸得金黃香脆，上面配料有足料既三文魚粒，鮮嫩甘甜。雖然睇落好細份，但好飽肚， 超級推介！⭐蜘蛛⭐睇落賣相吸引既蜘蛛查實係牛油果軟殼蟹。 足料好食~⭐小食⭐餃子同小丸子味道就中規中矩。 餃子炸得金黃香脆，味道唔錯。小店雖然細細間， 比人好舒服親切既感覺，又安靜， 服務唔錯， 一直有人倒熱茶，幾岩約會。 …Read More

⭐Holy eats(中環）⭐位於中環soho 區Peels street 上層既holy eats，係一間新開食fusion 菜既酒吧餐廳。 之前去過吱吱朕（ 係同一個老闆開既分店） ， 果到既串燒同雞尾酒yuzu sprites 都好唔錯， 分店應該都唔差得去邊。呢到既裝修好特別， 有對街既座位， 充滿藝術氣息既塗鴉，尤其係個廁所一定要參觀下。餐牌今日叫咗雞尾酒Yakult Martini, 講真有少少失望，感覺好似飲咁益力多咁，冇咩酒味， 亦冇咩特別。反而食物方面有啲驚喜。⭐ Cauliflower ⭐首先講下最鍾意嘅菜式Cauliflower, 加咗酸乳酪，紅石榴粒，杏仁片，孜然，充滿地中海特色，顏色豐富。加上廚師大火炒過， 超有鍋氣，酸酸甜甜味道既椰菜花十分特別。⭐Prawns Taco⭐蝦沙律墨西哥夾餅亦係我另一最愛， 色彩繽紛嘅夾餅，裏面有健康嘅配料，蝦肉好多，仲有牛油果,parsley 等等既配料， 夾餅皮脆香烤味道濃郁， 加上青檸汁，畀人清新感覺。⭐aglio olio⭐稍嫌少少油膩， 畢竟係用蒜蓉橄欖油整，辣椒辣度啱啱好。⭐ Half roasted chicken⭐磨菇又香又爽口。 雞塊稍有點燒焦，所以有啲苦澀。個裝潢真係別具特色…Read More

This delightful cheesy pizza had made my day! With my kayaking trip,which we had planned for so long, had been canceled due to heavy rain. me and my mate went to Sai Kung for grabbing some food.Just right in the alley next to the park, we found a little Italian pizza restaurant, turned out it surprised us! I have ordered quattro formaggi, of 12 inches, which was served with four different kinds of cheese, the mozarella, ricolla, pecorino romano and gorgonzola. They have authentic cheese from italy and even make it in Italian way. As a cheese lover, those Italian cheese are the most creamiest and tenderiest for me, let alone that the crust was so crispy and so thin. They baked it fresh in a special way, not like the usual commercial pizza that you could find anywhere else. Every sip is with so much cheese, and so tender, there was a right balance between cheese and the dough. The taste reminds me if the good old days in italy. Will definitely go back for visit. …Read More

今日去到油塘大本營隔離既柏檔海南雞,果然又抵又好食。 今日叫左個二人午市套餐，選擇都幾多，而且選擇非常豐富。 尤其係主角海南雞， 超滑超嫩， 食落稔熟又不失雞油香， 皮又唔會太厚太膩。而且油飯好香，有椰汁味有蒜香味。 醬汁都好惹味。個湯都超甜，超足料，細細碗裡而有齊紅蘿蔔，同香甜多汁既粟米，南瓜味都好濃郁。豬頸肉都係我另一favourite, 好蒜香味道，而且好爽口，超惹味。份量都算幾大。 但嫌有點油膩， 如果可以隔一隔油會好啲。小食簡左麻辣鳳爪， 反而有啲失望。本身以為係泰式甜酸鳳爪，原來係麻辣味既，又唔係中式豉汁鳳爪，個人麻麻地。仲有生菜解解膩呢個價錢食到咁高質又飽肚既兩人餐，真係超值。會再幫襯。…Read More

⭐root vegan(中環）⭐今日係尖沙咀坐久違了的天星水輪到中環，兜左個圈，發現左呢間素食主義餐廳。 素食主義係香港都唔算好盛行，但係去到港島區， 發現走過威爾頓街都幾多選擇。 餐廳裝修簡約， 牆上有隻好靚既大象壁畫，幾棵綠色植物，比人舒服既感覺。以前成日覺得素食好悶， 尼尼去起都係果幾種蔬菜， 但係今日既體驗，完全顛覆左我對素食既睇法。⭐紅咖哩雜錦蔬菜天貝（$138）⭐紅咖哩香滑唔會太辣，超香超惹味。 而且雜錦蔬菜用料豐富， 有菠菜仔，鬼佬西蘭花, 香滑豆腐，好多平時少見既食材， 仲有九層塔調味。 個穀物飯都好好食，加入藜麥，仲更加煙韌。⭐純素全日早餐（$138）⭐冇諗過純素既全日早餐都可以咁色彩鮮艷，咁豐富，有大啡菇，牛油果，車厘茄，天貝，奇亞籽等等， 利用多種純素而且健康既食材，令非素食者既我都食指大動。 牛油果熟度岩岩好， 牛油果香味濃郁稔熟。 車厘茄爆多汁， 一咬噴晒汁出尼。 第一次食天貝，神奇地好食。酸種麵包都好香脆。…Read More

喺觀塘可以搵到好多咖啡廳，但係台灣餐廳卻鮮有。位於威利大廈嘅台灣餐廳，價錢合理，性價比高，地方亦坐得非常舒服，可以再幫襯。對上一次幫襯嘅台灣餐廳係鐵路餐廳，比較之下呢間真係好食好多。⭐原條蒲燒鰻魚飯（$118）⭐鰻魚飯值回票價，鰻魚比起果隻大碗更加大，蒲燒得好香。但係有啲失望因為就係溫泉蛋蛋黃熟咗🥹但除此之外，呢啲真係冇得輸，食得超飽。⭐紅燒三寶牛肉麵（$88）⭐牛肉麵超有彈性，特別煙韌爽口。個湯充斥住牛肉香味，非常入味。牛腱同牛肋條肥瘦均勻,每樣各兩塊三塊，感覺超足料，尤其係牛腱,非常嫩滑稔熟。 ⭐一口芝士（$38）⭐去邊度見到一口芝士都一定要食，芝士燙嘴，入口即溶，而且味道濃郁，啱曬芝士控嘅你。…Read More

放學時候都六七點， 本身打算食頹飯番去， 但係佐敦果到搵到間價廉物美既點心店，媲美添好運既質素，但係價錢就再平啲。茶介每人$3 蚊仲要唔洗服務費，埋單每人$75 左右。⭐黑金流沙包（$25）⭐最吸精既莫過於呢款黑金流沙包，一籠三件嬌滴滴。 一打開， 裡面係熱得燙嘴又滑溜溜既奶黃餡。 味道唔錯，我仲推薦左隔離枱既菲律賓夫婦叫添😅⭐原隻蝦燒賣（$30/4 粒）⭐超彈牙既蝦仁， 裡面豬肉餡超入味。 $30 蚊一籠四粒抵到爛。⭐金沙脆皮銀蘿腸（$28）⭐個名聽落巴閉， 其實係炸兩。 味道都唔錯， 皮薄嫩滑，裡面既油炸鬼夠脆，又有清甜蘿蔔，口感豐富。仲有附送芥蘭菜，解解膩。⭐燒汁釀虎皮椒（$24）⭐不嬲都中意食椒， 唔同顏色好搶眼，燒汁幾香，中意芫茜味。⭐五香鹹水角（$20）⭐五香味道唔係太食得出。 個底有點油膩，出晒油。不過勝在夠脆同夠熱辣辣。…Read More

位於將軍澳地鐵站a出口行五分鐘既西餐廳，chef's stage kitchen 以前食過佢既午市覺得幾好食，今日心血來潮同家姐一齊嚟到食晚市，比午市要貴幾舊水， 但係質素唔錯，都值得。呢到就算卡位都坐得超舒服， 好中意又寬敞又摩登既綠色大梳化。餐單如下：前菜有是日麵包同南瓜湯，個湯麻麻地，個麵包有多款選擇，配stick都唔錯。⭐車打墨西哥脆片($128)⭐Nacho 係一款我幾鐘意食既小食， 尼到既墨西哥脆片超級大份！！有sour 牛油果同埋橄欖,仲有辣到噴火既jalapeno作點綴，幾好食。⭐慢煮甜酒燴和牛面頰肉配闊蛋麵（$188）⭐其實牛面頰幾好食， 和牛味濃，肉稔又入味。 但闊蛋麵有點兒硬身， 沒有彈性。 調味偏咸。 少少失望。⭐美國厚切豬鞍扒（$278）⭐名副其實既厚切豬鞍扒，真係啖啖肉汁，烹調厚既豬扒真係好考工夫，但呢到煮得肉稔嫩滑。同埋冇諗過大蒜都可以整得咁好食，沒有蒜頭果陣攻鼻味到，反而甜甜地，幾開胃。加埋南瓜蓉同椰菜花感覺好健康。⭐鴛鴦（$38）⭐每次尼到必叫既飲品，永遠冇令我失望。玫瑰奶茶玫瑰味香撲鼻，加上濃郁既咖啡磚有創意得尼， 又可口。食物全家福…Read More

大家都知荔枝角有好多工廈， 今日去既係位於億利大廈既高檔路線餐廳FAB KITCHEN. 牆上既壁畫充滿藝術感同田園風格， 畀人舒服既感覺。lunch set $200 有找， 碟碟都有驚喜， 又高質，唯一不足係主菜份量比較細份， 不過麵包，頭盤，主菜，甜品加飲品其實食到最後都有點兒撐胃。⭐酸種麵包⭐麵包食既時候仲係熱乎乎， 外皮脆卜卜， 裡面可口， 沾一點橄欖油同黑醋就更正。⭐紅椒芒果沙津配香檸油醋汁⭐芒果好鮮甜， 加上紅椒爽口， 同埋酸酸地既青檸汁超級開胃， 好食！⭐泰式燒牛肉沙律⭐燒牛肉食落不會偕， 加上洋蔥及泰式香料及辣椒， 十分惹味。⭐香煎鱈鰵魚柳配菠蘿泡沫（$168/ set）⭐個人冇咁鐘意呢個菜式， 首先鱈鰵魚肉身較硬，而且食落味道較淡， 菠蘿泡沫既酒味唔算太出， 加上本身薯仔都冇咩味， 食落有點單調。 而且份量不夠。⭐烤焗紐西蘭羊架($228/set) ⭐眾所周知紐西蘭既羊肉特別高質美味，今日既羊架有驚喜。 首先羊架大大份， 有3 舊， 嫩滑肉汁， 油脂均勻香滑。 同埋啲鷹嘴豆軟淋淋，甜酸味非常入味，超開胃。⭐是日甜品⭐今日既甜品係藍莓芝士蛋糕，幾好食， 芝士蛋糕味濃，可惜只有一口既份量。⭐拿鐵⭐有水準既拉花，而且奶發得香滑，飲落口感較厚，唔錯。⭐熱朱古力⭐冇諗過熱朱古力上竟然有個超可愛既熊仔拉花，真係驚嘆到叫左出尼。 更加冇諗過裡面加左黑朱古力，同埋用打發既奶泡，相當有誠意。 呢杯朱古力味香濃嫩滑， 外面睇得，裡面飲得。 打卡一流。…Read More

今日去番以前中學附近既商場新都城食飯，好多野都唔同晒。 開左好多間新餐廳，以前最鐘意去既韓陽院同food court 都已經拆左。 見到呢間充滿彩色波波既餐廳非常吸引，仲有我最鐘意既漢堡，當然要幫襯下。餐單選擇超多，而且睇落超吸引，令人流曬口水。⭐當煙肉蛋再愛上牛肉蛋漢堡（$88）⭐餐單太多漢堡選擇，總共有差唔多二十款，有辣有唔辣，有雞牛羊素食鵝肝多款選擇,十五十六嘅時候就唯有揀must TRY。同埋睇幅圖都好吸引。 真係冇令我失望，咁嘅價錢食到咁有分量，咁足料既漢堡的確實惠，加埋薯條添，真係不得了。 一攞上手，個蛋汁就爆出嚟。 牛肉嘅肉汁豐富,煎得好香， 煙肉都畀得好慷慨。將簡單嘅牛肉煙肉漢堡發揮得淋漓盡致。係名副其實嘅must TRY。💕⭐吉列豬扒蛋包飯（$68）⭐大大塊厚切嘅吉列豬扒炸得金黃香脆。而且蛋包飯亦非常有誠意, 賣相睇得，食落啲蛋汁軟綿綿濕潤的， 炒滑蛋嘅質地完全發揮到。 中不足係個咖哩汁味道較淡。⭐海鹽焦糖拿鐵（$20）⭐個拉花衰咗，但係個奶係有張力既，希望店員可以努力啲練習拉花啦😅味道而言其實唔錯嘅，非常濃郁，又不失奶味，提神醒腦，但係就飲唔出海鹽嘅味道。不過20蚊嘅質素真係超額完美。其實小食都唔錯㗎，推薦大家食一口芝士 ，超濃芝士味，外脆內香滑。…Read More