Willhahahaha's Profile

五點四十分左右我見到間腸粉店打算點個腸粉食 店入面得一個男仔 真係好勁 做腸粉 洗野 炸野 收錢 一個做好多單 真係好似識分身咁 但係有個西口西面既啊姐五十五十分左右一番工指住個男仔係咁鬧 個男仔真係好慘 如果老細請咁既女人去刻薄你咁勤力既員工 一定唔會發達 …Read More

今日同朋友慶祝生日，因為我記得一個叔叔服務好好，又會介紹個生和牛點食。至於其他人。。。。食到一半，旁邊一個女侍應大講客人壞話，內容係大概鬧某個客人食完唔走，音量極大，驚死無人聽到咁。跟住一個男仔，同同事大聲討論叫咩野外賣食，傾到忘我，入曬神，我大聲叫足幾聲佢都聽唔到，重點係佢就係我面前個收銀機度。(我坐收銀位)應該唔會再去。可能係我太夜去，我成十點先入埸，佢地做到攰曬所以無乜心機。…Read More

晚上630入去食，一入黎一個女侍應就用警告式既口吻同我講，830一定要準時交台，只收現金。我真係想掉頭走，但肚餓就頂硬上，兩個人食，一坐低叫468最貴果個餐，因為有和牛無限食，但7點30分既時候突然有人俾張單我話多謝$1030，之後7點45分又彈個女侍應黎警告我話我830一定要交台，食唔曬每100克收100，講到我地好似一定會浪費咁。最後8點25分就黎催交台。成場根本用4個字形容，趕頭趕命。野食係唔錯，但係如果你想邊食邊傾計勸你唔好黎，你一定要狂燒狂食。手唔好停。成場既感覺就係 : 唔該你地拿拿臨食完走。…Read More