crystal_lamlam's Profile

聖誕節前一早訂位，怕人多訂唔到。大時大節想食buffet,但又想性價比高，第一時間諗到The Farmhouse。對上一次同屋企人食已經係半年前，大家都覺得選擇多，食物質素好。同Mr Simms crossover Dessert Bar擺設吸引，大小朋友見到都開心聖誕麵包系列燒火雞，略為肉質有點乾聖誕限定-凍肉批未試過可以試少少，但個人覺得一般海鮮、刺身新鮮，啱晒喜歡食麵包蟹、長腳蟹嘅朋友燒牛扒👍🏻咖喱好好味😋甜品-個人較喜歡藍莓芝士蛋糕同焦糖燉蛋每次嚟最開心係食雪糕，次次有新味總括嚟講，折後三百幾蚊位，長者仲唔駛三百蚊，有咁多海鮮食，又有得任飲，下次會再嚟!…Read More

好多人都介紹要試依間燒賣，終於有機會嚟到，當然要買嚟試試。分別點咗魚肉燒賣同豬肉燒賣，兩款都好味，仲要豬肉燒賣都係同價，10蚊8粒，超抵食。個人比較鍾意魚肉燒賣，加點豉油、辣油，更加滋味。唔夠飽，可以加牛肉或粉果，10蚊兩個，食得十分滿足！…Read More

今日兩個去尖沙咀行下，搵個地方食個lunch，傾下計。價錢經濟，Lunch set選擇多，性價比高。露筍黑松露煙三文魚意粉味道不錯，濃郁黑松露味，意粉軟硬度適中，另外加$25有數片煙三文魚。肉眼牛扒配薯條220g肉眼牛扒，夠曬一個女仔食。比較失色是牛扒過熟，點餐時叫了五成熟，上菜時卻是接近全熟，有點失望。反而薯條炸得脆卜卜，配埋黑松露醬（另加$15），十分香口好味。相比起來，我哋較喜歡露筍黑松露煙三文魚意粉。…Read More

復活節前夕，約了朋友放工後食餐好嘅，獎勵一下努力工作嘅自己！今次選了這間西式日本料理餐廳，環境舒適寧靜，適合同閨密、另一半來撐枱腳，享受一下！今次點了Set餐，包沙律、餐湯、前菜、主菜連是日甜品，都只是$288（未計加一），十分抵食。前菜-刺身三款刺身新鮮，拖羅肥美，經燒過後更能突出魚味👍🏻南非磯煮鮑魚（需另加錢）鮑魚肉質鮮嫩彈牙，濃郁嘅湯汁包裹住鮑魚，非常入味主菜-時令壽司盛盒 🍣由於冇得去日本盡情玩，唯有食住壽司止一止癮。雖然魚生很新鮮，但得6件有點不夠喉。主菜-寶雲酥羊架羊架都幾大份，有成5件，生熟度剛好，味道ok,絕對是意料之外。甜品-蜜糖脆脆Pancake （需另加錢）這個是必點的，下單我們還有一點猶豫，想飯後才點。經店員介紹後，原來Pancake係佢哋嘅signature，pancake粉是自家製造，不是用現成pancake粉，所以特別鬆軟。最喜歡係灑在上面嘅蜜糖脆脆，很脆很有口感！由於即叫即煮，所以千萬不要飯後點。總括來說，性價比算高，想靜靜哋食一餐，飲下sake,都係一個好選擇！…Read More

新一年新開始，同家人一齊到赤柱逛逛，放鬆一下！出發前，做足準備，先上來搜尋有什麼餐廳推介。發現了這間名叫-小天使的西餐廳，評語也不錯，就即管訂位試試！雖然正門在小巷內，但位置不算難找。當日去到時，一打門只看到兩位客人，心想不是又中伏嗎？既然已訂位，還是試一試吧！幸好，這只是一場虛驚。坐下來不消15分鐘，已全院滿座！雖然是假日，但依然有套餐選擇，價錢不貴，頭盤是巴哈馬沙律和甘筍湯，主菜是安架斯西冷扒，再配咖啡/茶，都只是$198連加一。如想食甜品，可另加$20加配。點了一個西冷扒餐和大蝦Pizza 餐，一同share來吃。頭盤：巴哈馬沙律🥗，份量很多，不只是得一、兩片巴哈馬火腿，味道很夾熱湯：甘筍湯，熱騰騰上菜，味道濃郁，麵包烘得很脆，十分正主菜：安格斯西冷扒，份量很大，味道ok , 但熟了一點主菜： 大蝦pizza, 相比起西冷扒較為有驚喜，pizza底香脆，芝士香濃，吃完一塊又繼續想吃的感覺甜品：Tiramisu 和 Cheesecake 點了熱門推介的Tiramisu, 沒有介紹錯，確實是很出色，味道很match ,下次再來一定要點。相比之下， Cheesecake 較為一般。…Read More

天氣冷冰冰，Lunch都是吃一碗暖笠笠的沾麵比較好！等了一會兒就有位，一坐下就點了他們的招牌麵- 濃厚豚骨魚介沾麵（大Size)，再另加$26多一客炸雞和一罐忌廉。上菜時，湯是熱騰騰的，份量亦多，建議肚餓的朋友/男士可以點大Size，大、中、小size都是同價。肚餓的我急不及待喝了口湯，再吃麵，味道濃郁，麵條軟硬適中，口感堅韌，味道不錯。至於炸雞，味道一般，新鮮炸起，十分香口！既然現在去不到日本食拉麵，來這裡吃一碗過口癮也不錯！…Read More

在疫情下，已有一段時間沒有食壽司、魚生！每次經過丸十，都想試一試，見到門外堆滿了人等位。早放工見到人不多，終於忍不到口，來吃個early dinner ！餐牌有很多選擇，有鐵板燒、日式串燒、壽司等。今次叫了北海丼，有牡丹蝦、海膽、帶子、蟹肉、三文魚和蟹子，十分豐富，魚生新鮮，價錢合理。如在限聚令放寬，有興趣同朋友再來試一試他們的鐵板燒和串燒。…Read More

今年不可以出外食聖誕大餐，唯有在家自己煮。說起食聖誕餐又點可以沒有甜品呢？今次訂了當文歷的聖誕限定蛋糕，剛好他們在ifc 開Pop Up Store ,當然又去朝聖啦！幸好有預早訂，下午四時去到店大部分蛋糕已售罄，只剩四個Whole cake!每次食當文歷蛋糕都很期待，設計得精緻，味道也充滿驚喜！聖誕鹿法式泡芺,上層是朱古力忌廉和自家士多啤梨醬，下層是焦糖奶油朱古力醬，酸酸甜甜，味道很夾，不會有很甜膩的感覺！而聖誕樹蛋糕是用上栗子忌廉和開心果忌廉，配上開心果朱古力脆餅和牛油脆餅做餅底，口感豐富，充滿濃濃的開心果香！美中不足，是取回家時聖誕樹被自己整爛了小小！…Read More