aps8dbf4gdfr's Profile

一早被Mamaday喺社交平台鋪天蓋地式洗版，今日終於有機會嚟到依間玩味十足嘅網紅餐廳打卡影靚相📸餐廳有大量特色佈置，餐具餐枱一樣好吸睛，啱晒最中意影相嘅朋友！當日嗌咗招牌【唔好抱咁大期望蒲燒鰻魚蛋包飯】，條鰻魚明顯無其他kol post出嚟咁大條，似係切頭切尾比人偷食咗，味味都係普普通通。另外仲嗌咗炸魷魚圈同埋窩夫，由於當日係幫朋友慶祝生日，店員都有寫HAPPY Birthday喺個盤度，同埋準備蠟燭，至於味道方面正常，冇話特別好食。總括而言，間餐廳比較適合打卡，食物味道就普普通通啦~…Read More

已經數唔到係第幾次幫襯PICI，我稱佢為CP值極高嘅意式餐廳，平日最平只需要158蚊就可以食到三道菜！🥖每次一坐低，侍應送會送上一籃麵包配橄欖油，但係每次都覺得啲麵包太硬，咬到牙都就嚟爛😂建議大家可以skip，留肚食正餐！STARTER分別嗌咗burrata cheese同tuna tartare，作為開胃菜嚟講味道一流！意粉分別嗌咗Tagliatelle Frutti di mare，解稱海鮮扁麵😂同埋Pappardelle sausage, radicchio with saffron，兩款都光速就被清盤！由於pici lunch set menu成日都會轉款，所以每次都可以試吓新口味！甜品環節當然係嗌咗tiramisu💕次次都要食埋就覺得大滿足👍🏻…Read More

當日朋友可以WORK FROM HOME(實質就係蛇王出去work from anywhere喇👀)，於是我哋約咗喺荃灣廣場嘅NOC相見~ 🥣香煎牛肉沙律碗(連酸種麵包) $148內容十分豐富，除咗常見嘅沙律菜、蕃茄仔、牛油果、青瓜之外，仲有南瓜同無花果，份量都算對得上價錢👍🏻🍝海鮮意式雲吞伴龍蝦汁(連酸種麵包) $148份量唔算特別多，但個龍蝦汁都整得幾出色👍🏻☕️FLAT WHITE $40 正常發揮☕️HOT CHOCOLATE $60 朋友唔飲得咖啡，點咗位熱朱，一樣有拉花，但價錢就有啲進取喇⋯⋯環境方面，張餐枱唔算大，放曬野食就完全無空位，如果想喺cafe做嘢嘅，就要考慮下了~…Read More

每次同朋友喺荃灣做完gym後唔知食乜好，去會都荃新天地2期地下食poke bowl(又稱鬼佬魚生飯) 🥣 STEP1 : Protein今次我就揀咗煙燻油辣味三文魚配西班牙蒜油八爪魚STEP2: 次次都係揀Mayo蛋黃配菜，貪佢有菠蘿仔、青瓜同蟹籽。如果菠蘿可以再大粒啲就無可挑剔🤧STEP3: 黃薑椰菜花mix沙律菜😋依個配搭可以將carbs壓低啲，驚唔夠飽嘅朋友可以嗌飯/udon啊~店內有自助餐detox water 免費供應，飲少杯廢水又可以跑少兩個圈喇！…Read More

第一次幫襯有米芝蓮推薦嘅越南餐廳，未食之前自然充滿期待。一坐落又係QR code落單，喺下午茶時段嗌咗碗迷你生牛肉河粉，配家鄉魚餅，另外加9蚊加咗一隻蔥油雞翼，同埋加9蚊升級做越式滴滴咖啡。上餐速度好快，等咗大概5分鐘就有得食。雖然迷你生牛肉河粉係細碗啲，但牛肉片都有6塊，算係咁啦! 小食方面不過不失，勝在夠熱囉！至於第一次飲越南咖啡，唔識評價夠唔夠正宗~埋單76蚊連加一，餐廳唔收現金，繁忙時間要搭枱，自己斟酌值唔值得一試吧！…Read More

首次光顧坐落M88廣場20樓嘅Quiero Mas，一入去就望到張大bar枱，即時酒癮發作！對出景觀望到中環山景同樓景，夜晚嚟講都算有啲feel~朋友一早趕喺happy hour時段到達，一坐低就嗌咗兩杯半價sangria! 之後每人嗌咗一份tasting menu，頭盤係36-months Iberico Jamon配蕃茄包同Scallop Ceviche。作為火腿達人不得不介紹，西班牙火腿比義大利火腿好食好多！主菜係二人前seafood paella，大份到完全食唔晒😂由於當日係慶祝生日，食甜品嘅時候店員會主動唱生日歌，氣氛好好！…Read More

第二次幫襯J.S. FOODIES，當日大概晚上七時到達，好好彩唔需要排隊就可以直接入座！點咗一份黑松露忌廉意粉，每條意粉都充滿滿滿嘅湯汁，十分分容易入口！當日重頭戲係期間限定嘅宇治抹茶疏乎厘班戟，同原味最大分別係佢只係得兩塊，但勝在有一串糰子喺上面，班戟亦都充滿空氣感，非常動L！整體而言，味道一如既往好食，侍應服務態度亦十分有禮，成晚會一直主動幫客人加水😋…Read More