黎明明星's Profile

吃了紅酒牛腩飯，紅酒汁甘甜，配菜也頗豐富和精緻，紅蘿蔔、蕃茄仔、少少西蘭花，但沒有太多肉，肥膏和牛筋部份比較多，但這個價錢，我覺得已經算ok。飯應該是珍珠米，也是他們心思之作。另外，飲品也頗多選擇，有即磨咖啡、幾款twinings茶包，都唔使加錢，都是很滿意的。另外，餐具也是頗精緻的。…Read More

疫情期間，好掛住呢度嘅咖喱，所以外賣自取回家。叫了一個咖喱茄子豬扒滑蛋飯。喜歡呢度嘅咖喱，富有甜味而濃郁嘅口感。茄子 — 喜歡佢嘅切法，比起中式的切法較幼細，亦滿有日本嘅風格，每一塊彷彿都size長度差不多。豬扒 — 炸得香脆，雖然沒有好新鮮好juice嘅感覺,但整體也不賴。滑蛋 — 我覺得係成個飯嘅靈魂之一，滑蛋配日本米，令人回味。呢個飯瞬間K.O.， 飽足！ …Read More

龍蝦湯同河粉，係比較奇特嘅配搭，明知唔係好夾但係偏偏都想試下 ： p另外叫左4餸：蘿蔔 丶南乳雞翼丶冬菇丶豬紅。雞翼會即時翻炸，南乳味道入味。豬紅如果再挺身會好食啲。蘿蔔有淡淡的上湯炆過的味，亦夠𣺉。冬菇大隻，煙韌亦爽。雖然成件事我配搭得唔係好襯，但係個龍蝦湯底，啖落都係舒服的，唔太覺得有味精。…Read More

朋友帶我嚟呢間慶祝生日，開心第一次嚟試食。一入門口，對門有點迷幻，有趣的設計。我點左一個煎鴨胸配檸檬飯，前菜是鮮甜凍蝦。先講前菜，凍蝦令我頗驚喜的，如menu的描述，味道鮮甜，size 亦算大隻。主菜賣相吸引，鴨胸煎得好靚，乍看之下，差點以為我之前點了鵝肝，哈哈。😄我亦試咗朋友點的豚肉意粉，意粉炒得好香，豚肉煎得甘香肥美，整體來講算係好滿意嘅一餐。 …Read More

公司在附近，午餐時見Openrice有折，所以order 咗一個海南雞飯。第一次食是在星期五，第二次食是在星期一，因為第一次食覺得唔錯，星期一再encore，但兩日有好唔同嘅感覺。第一次食嘅時候，飯好香，比出面微微偏濕潤，有種易入口的感覺！我沒有加錢轉雞髀，但亦吃出雞肉嫩滑，不會太實。但個人不是太buy個醬汁，加工成份頗重，頗嗆喉。碗飯遜間已被我KO！！第二次食，相對第一次，唔知同日子有冇關係，雞肉冇咁新鮮，但個飯仍然都係好出色，希望下次再光顧的時候水準仍能保持！…Read More

叫咗一個下午茶餐，有沙嗲牛肉煎蛋出前一丁，加$12配雜果薯仔沙律，餐飲叫了熱鴛鴦。有時會很懷念這種港式的薯仔沙律，來時很大碟，而且鍾意佢夠凍，整體滿意。有些茶餐廳serve出來唔夠凍，總令我覺得不夠新鮮，不知放了在室溫多久。薯仔切得算頗大粒的，四四方方，咬感不錯，如果佢加多啲雜果，就更加好了。 ： ） 個沙嗲牛肉公仔麵，煎蛋圓轆轆的，煎得很可愛，但個人認為牛肉醃得比較鹹，而且部份比較韌，所以我最後還是吃剩了。鴛鴦ok , 飲得出有茶味，奶茶/咖啡味不算香濃，但挺滑身的。…Read More

外賣自取餐盒，$68有例湯，前菜(陳醋青瓜云耳，配菜（野菌扒時蔬)，再揀主菜，飯可以選白飯或菜飯。主菜方面我揀咗巴東牛肉。巴東牛肉對我來講，算辣咗啲，但當然係好過人口味的，整得其實唔錯，好入味，肉質軟硬適中。配菜的時蔬是椰菜同冬菇絲，椰菜清甜，冬菇冇乜味但勝在增加口感，：而且個獻汁打得有水準，不太濃稠，味道適中。想分享一個感動位，就係：收錢同拎外賣出嚟的，係兩個人，唔驚交叉感染！ 疫情期間，有好多餐廳收錢、Pack外賣的都係同一個人，其實令我好滴汗！…Read More

呢間係銅鑼灣區算好平，耐唔時都會嚟呢度醫肚。鍾意佢嘅魚肉釀豆腐。薄薄的一層魚肉，帶起豆腐清淡的味道，而豆腐本身都煎得香脆，好鍾意食。另外叫咗個艇仔粥，比我想像之中足料，但略嫌杰身。但有點失望的是，食咗個炒麵，凍冰冰，香味缺乏。另外，外賣咗個腐乳，$24細瓶裝，但係都好大樽，睇落去顏色偏白，期待中。…Read More

行咗好耐搵呢間好多人讚嘅舖頭，入去只有幾個座位。我叫咗個牛肉烏冬，配咖喱湯底。但服務員實在麻麻哋，手指公浸左落啲湯度，仲要係疫情期間！！！好彩我嗰碗係咖喱湯底（因為咖喱湯底密度比較高，唯有安慰自己咖喱溫度高D可以殺菌）牛肉同個烏冬係分開上。牛肉偏鹹咗啲，係普通嘅肥牛貨色。可能因為我本身係咖喱湯底已經比較濃味，期望牛肉淡翻一些食到牛本身的味道。洋蔥都好入味好好食，可惜得好少，我好似只夾到一塊仔。個咖喱湯底都唔錯，濃郁而食得出天然嘅味道，食完唔會口乾。烏冬爽口彈牙，絕對有嗰種食完一啖，想再食完一口再一口嘅衝動。建議揀咖喱湯底嘅朋友，食之前先鋪餐紙巾落條褲先。因為我比較論盡，啲咖喱汁彈到自己條褲。…Read More

叫咗一個輕量版海南雞飯。雞面頭鋪咗嘅芫荽，撥開之後仍食到美味嘅芫荽香氣，飯，食到果種香茅味。雞面頭個汁係成個飯嘅靈魂，感覺有淡淡的蠔油味。青瓜清甜，稍厚這切法，但食落好有咬感。餐具都好精緻。😊…Read More

叫咗個燒鵝拼叉燒飯。佢嘅飯食得出係用靚D既米來煮（雖然我講唔出係越南買定泰國米），唔係一般茶餐廳嘅米，雖然外賣但係放耐左都仲係軟綿綿，暖笠笠，食完會覺得好舒服。燒鵝食得出有炭香味，而且$58來講份量都唔算少，但叉燒我就覺得就麻麻哋，個人覺得太甜，而且冇嗰種甘香嘅感覺，亦個邊位冇乜性格，唔會食到微微脆口既口感。另外，美中不足係如果有啲豉油或者醬油喺個飯面上淋下，我覺得會更好。…Read More

終於試咗呢間嘅蟹慶，當日去嘅時候，晚市都係用返午市嘅Menu，另外外賣會打八折。但就冇服務可言，可能佢哋都預咗冇生意，樓面嘅人都入埋廚房傾偈。而且本來話叫走Wasabi，最後都冇走到。叫咗一個蟹御膳，一個set有湯，有蟹鉗丶蟹膏、蟹肉碎碎以及玉子燒。本來仲叫咗一個蒸蛋，但廚房冇take away,最後退返錢。本身個飯都已經好好食，日本米軟棉得來又有鮮味。加上蟹肉蟹膏嘅鮮味，食起上嚟好清新。唯一不大滿意嘅係蟹鉗，係冇乜味，有啲似係雪藏貨。衷心希望疫情好轉，食肆不至於損失太慘重。…Read More

今日試咗佢個咖喱火炙牛飯，，本身個咖喱都香辣，如果再重少少椰香味會更加好，個咖喱對我來講辣咗啲，但呢個係幾個人的。火炙牛本身個名係幾吸引，但因為做外賣，攞到返屋企，水氣同啲咖喱令到佢變林左，無左嗰種特色，無左香煎嘅感覺。有少少薯仔，薯仔都幾惹味，食到佢煎香左嘅脆薯味, 但個飯就麻麻哋，凍咗變硬咗。利申我外賣左之後要半個鐘頭先返到屋企食呢個飯，可能早少少食會好些。另外，個份量算幾少。餸少飯多可能係好多餐廳嘅特色，但冇諗過專做外賣都會係呢個情況，我估應該係大快活咖喱牛腩飯嘅二份一至三份一左右嘅份量。本來想飲杯湯食個飯，好似佢哋嘅宣傳話齋，食一種家嘅感覺，但係，屋企人唔會整咁少餸㗎喎，食餸餸飯之後，啲飯仲有半個外賣碗嘅份量。另外，叫咗個杏汁豬肺湯，不過不失，當然冇喺屋企嗰啲咁好飲。食完之後對回家飲湯食飯嘅感覺真係有啲失望。 我明白，香港地嘅租金係好貴。或者下次比少啲飯，可能反而件事睇落更加精緻。…Read More

見到好多人話呢間做得有啲求其，但我都唔係好信，要試吓。雞翼都入味的，但係，可能係我外賣內阻嘅關係？好似偏韌，不過，後來食食吓，就覺得其實都幾多味精。另外，叫咗個芝士肉醬焗飯，其實呢個配搭幾惹味，雖然芝士同肉醬嘅杰度冇出面咁厚身，但呢個價錢算係咁，不知不覺就食完一盒飯了。…Read More

知道呢間就嚟要告別，希望臨別前試一試。今日試咗三樣嘢 ……曼谷街頭炸雞翼香脆可口熱辣辣，我問友人，你覺唔覺得呢種味道好熟悉。我再諗咗一諗，係似M記嘅味道，不過我相信係唔使擔心雞肉來源地嘅健康版，雖然有啲熱氣，但一隻又一隻我都停唔到口。雞湯麵，少甜，微辛，我叫咗金邊粉，吸左啲湯汁，幾好味。魚蛋好味，彈牙，兩款（白灼&炸）一齊上，係很好嘅配搭，白灼食到佢原來嘅魚味，另外又食到炸嘅風味，而且炸出嚟唔會好多油，其實嚴格來講我覺得唔算係炸，或者係半煎炸。…Read More