Kimchen's Profile

位於九龍城泰國菜雲集嘅「小泰國」區的新潮泰國餐廳，裝潢滿滿泰式街頭風情，配合港式霓虹燈及懷舊物件點綴，充滿時尚又懷舊氛圍，適合打卡或朋友聚餐。菜式堅持正宗泰國手法，融合街頭小吃同精緻主菜，酸辣甜平衡，份量充足，平均每人$51-100，性價比高。主廚Henry Pattanin Leung係泰國土生土長，專注傳統泰菜烹調，堅持不妥協食材同手法，將曼谷通羅區（Thonglor）嘅時尚街頭精髓帶到香港。佢擅長慢火熬煮如船麵同醉貓和牛，菜式多樣從海鮮到燒烤，強調新鮮同平衡口味。Henry有多年泰國餐廳經驗，開銅羅後注入國際化元素，讓香港食客體驗地道泰國活力。當晚點了以下菜單:🔸冬蔭湯麵肉碎溏心蛋🔸銅羅（Thonglor）嘅「冬蔭湯麵肉碎溏心蛋」用酸香濃郁嘅冬蔭湯做湯底，帶足青檸、魚露同香草氣息，酸、辣、鹹平衡得幾好，唔會厚重到好膩。 底係蛋麵，口感偏爽彈，每啖都食到冬蔭湯嘅香料味；再鋪上調味豬肉碎，增加肉香同飽肚感，味道層次比一般清湯麵豐富。溏心蛋黃呈半流心狀，吸咗少少冬蔭湯後變得更香滑，入口有輕微奶油感，配酸辣湯底好夾適合唔想太重口味但又想試泰式冬蔭風味嘅客人，用料同味道都好有曼谷街頭感。🔸芒果糯米飯🔸泰國經典甜品，芒果新鮮(如果當造季節如5-7月應更美味，配上軟糯米飯及濃郁椰奶，份量大，適合分享。🔸軟殼蟹蟹肉蛋咖喱🔸炸軟殼蟹金黃脆口，配上蟹肉蛋同濃咖喱醬，辣度適中，酸辣融合，蟹肉咖哩吸收得很豐富。🔸鴨肉生菜包🔸新潮小食，鴨肉慢火燉軟，配香脆生菜同少少蒜蓉醬，包裹成包一口咬落去多汁鮮嫩。鴨皮脆、肉質鬆軟，帶點泰式香料，健康又開胃，適合開胃菜，脆爽生菜中和油膩，食落清新不膩。🔸炸豬腩肉🔸用新鮮豬肉，火候精準，咬落喀滋聲響，豬腩肉外脆內嫩，炸至金黃，配上泰式甜辣醬，鎖住肉汁唔乾柴。肥瘦平衡，辣醬提味係下酒好料，份量足。🔸星霞啤酒🔸食泰國菜必點啤酒，Singha Beer特點為帶麥芽香同輕微苦味就清爽金黃 。🔸西瓜沙冰🔸清涼甜品，西瓜汁打成沙冰狀，配新鮮西瓜片同少少糖水，甜酸自然，加上薄荷葉提鮮，顏色鮮豔，適合辣菜後飲。🔹後感🔹有聽說foodie 推介就係伏，只是口味有時很主觀的，相信大家有分析力去決定，而我能做就是拍好相片，若本來不美的就不可能拍得好。何況餐廳服務是做足的，老闆都好健談又講得笑，有親切感覺，這是不容置疑的。在今日沉重又充滿無力感的社會氣氛下，或許我們只是能食一餐不錯的飯，開心地在這餐廳暢飲一番，已很足夠了。…Read More

想真正放鬆嗎？和店員一起跳舞狂歡嗎？真正的氣氛感餐廳，就係員工和顧客都能輕鬆自在投入氣氛當中去放鬆，而不是硬崩崩的服務。位於九龍站圓方（ELEMENTS）金區演薈廣場頂樓R001舖嘅意大利美式餐廳Luigi, 主打正宗義大利菜混搭美式元素，適合朋友聚會、約會或出遊（8歲以下小朋友免費兒童餐）。裝修融合現代同傳統意大利風，室內溫馨又有露天座位，吹吓風超relax! 人均消費約$200-300，環境有格調。當晚點了以下菜單:🍻🍻🔸Lamma Island IPA🔸$89Lamma Island IPA 係香港Yardley Brothers啤酒廠出品嘅精釀IPA（India Pale Ale），酒精度6.1%，混合美式同英式風格，口感清爽易飲。特色係琥珀色澤、持久泡沫，帶草莓、松樹、柑橘同焦糖香氣，苦度中等（IBU 40），果香濃郁又有輕微辣味，超適合配海鮮或燒烤🍺🔸Virgin Colada🔸$79無酒精版嘅Piña Colada，熱帶風味飲料，用波蘿汁、椰奶、冰塊同有時橙汁或百香果汁調成，裝飾通常加上波蘿或櫻桃，口感滑順奶香、果味清爽甜美，超適合夏日或派對飲用🍹。🔸Beef Slider🍔🔸 $158美國經典小漢堡，通常用牛肉餅（直徑約5cm）夾喺迷你麵包包入面，配芝士、生菜、番茄、酸瓜同醬料。源自White Castle快餐店，口感多汁易入口，一口滑落喉嚨（所以叫slider），適合當開胃菜或分享小食，超適合派對或配啤酒🍔。🔸🍝Penne alla Vodka🍝🔸 $328(Creamy Tomato Sauce ,fresh mozzarella, basil) 義大利經典意粉菜，起源於80年代，用筆管形麵條配番茄醬、奶油、伏特加同洋蔥（有時加香腸或煙肉），醬汁酸香濃郁、滑順，伏特加加🍝🍝🍝咗提鮮去酒精，口感層次豐富。“🔸Tiramisu🔸$85當日補足朋友生日，店員非常有心思，除了典型在Tiramisu碟上寫生日快樂之外並有五至六個員工圍着壽星唱歌，非常有氣氛和驚喜令我強烈推薦大家可以在此慶祝生日…Read More

“喝酒，永遠不會太早”如果你都認同呢句說話，可以嘗試拜訪位於中環商業大廈中，2024年香港the best Wine Bar 的勝出者 - Thinkwine , 2019年開張，直到今時今日都仍然屹立不倒，客人大多來自熟客，主要是口碑良好，提供了全球頂級葡萄酒，因此喺香港葡萄酒獨樣一熾。而且環境令人非常放鬆，充滿歐洲藝術感，有一個露台，可在户外chill ，看著中環的人牆壁上的貓貓掛畫，有圓枱，也有私隱度較高的小房間，坐在仿製火爐旁邊；如果人比較多，窗口式的小吧枱則適合3-4人，餐廳中間的木質長枱則適合6-8人，另外走出露台，可以觀看人來人往的半山一帶，或許在飲酒的一刻，會感到終於可以放鬆下來看着別人忙碌了。創辦人Romain Lariot曾經在香港，巴黎，倫敦等地擔任侍酒師，有豐富食物搭配酒單的經驗，現時為總經理，和Jean Beniot Issele共同主理，其他員工包括餐廳經理Charles Lim，首席侍酒師Anton Belochkin ，廚師 Amy Campos，以及侍酒師陳馬庫斯🔸餐飲 🍾🍷🔸最後的圖片，其實顯示到餐廳酒窖，總共收藏咗超過600款葡萄酒，主力來自法國，Thinkwine 主打的葡萄酒是精心挑選的，不容易在外邊輕易找到今次有品嚐到餐廳為五周年紀念而製成的自家品牌香檳，”Champagne Laurent Lequart” (2019,100% Meunier)，泡沫細膩，偏向中等酒精度，此款與Chardonnay 和 Pinot Noir 比較，輕鬆易入口，作為餐前飲是最適合的。白酒為 Domaine des NuguesGilles Gelin Mâcon-Villages 2022，清新易飲，帶接骨木花果香，果味非常突出，配搭芝士等奶酪🧀一流，由於注重低溫壓榨及嚴密發酵監控，因此葡萄鮮味得以保存得宜。至於🍷則嘗試了來自中國寧夏賀蘭山東麓產區出品的「小維爾多 風土的表達者」 (即Meunier)心採用100%（Meunier）葡萄釀造，酒款特色係黑色水果、煙草和羅勒香氣強，口感溫熱，果香濃郁、層次豐富，係中國葡萄酒中比較少見 ，強調風土的獨特性與表達。2020年款獲得Decanter世界葡萄酒大賽銅獎。🔸🍽️🔸食物方面，豐富食物搭配酒單的經驗的品驗，這次餐單為🔹Mix Platter🔹 $220傳統芝士拼盤，款式會因應不同時候有所轉變，今次有Goat Cheese ,Cheddar Cheese ,火腿和Salami，呈現出甜美與鹹香。 🔹Escargot 🔹$100法式田螺，充滿牛油香氣的青醬，底層的殼也可食用，口感不是脆，而是偏軟，充滿驚喜嘅菜式。🔹Eggplant Empanadas🔹 $90茄子餡餅，為南美傳統小食，在西班牙也非常流行，裏面佈滿蕃茄和茄子，金黃的外層，食上去非常酥脆。相信不喜歡吃茄子的人也會愛上。🔹Chicken Wings🔹 $90單骨雞翼，炸得剛剛好，仍保留了雞肉的鮮嫩口感，必點的佐酒小食。🔸後感🔸個人是非常欣賞Thinkwine,不論你是喜歡紅葡萄酒或是白葡萄酒，濃鬱或清爽，團隊都會在世界各地尋找不同的酒類，目的是能夠希望滿足客人最挑剔的口味，這種精益求益的精神，其實往往就是成功的關鍵，尤其在是勢艱難的今日，這份精神更值得敬佩。由於social media 始終都有一定限制，大部份精選圖片只能以拼圖方式表達，個人也會在social media和Google Review上提供更多圖片，也希望大家若想選擇一間精緻的酒吧餐廳時，不妨考慮此間在我而言不算顯眼位置的餐廳。希望大家光顧的時候，秉承餐廳的格言，今朝有酒今朝醉…Read More

想嘗試最正宗的意大利風味pizza嗎？1994已開業的Pizzeria Italia，主打正宗的意大利風味！採用上等食材和經典配方，精心製作美味傳統的意大利披薩，麵團每日僅使用意大利 Farina 00 麵粉製作，靜置 24 小時，手工壓制，再鋪上優質進口意大利奶酪、美味肉類和最新鮮的本地農產品。 每款披薩均在400攝氏度的高溫下直接在石爐上烘烤至完美，讓您每次都能享受到香脆可口、熱騰騰的美味。🔸食物內容🔸今次點了2人套餐，$468+已經可以食到飽包括了MIX ANTIPASTI小食Calamari Fritti 炸新鮮魷魚Croguette di Pollo 自製雞肉炸丸子BrLischecta Pomodoro 烤麵包配自製番茄莎莎醬Saimone Affumicato 煙三文魚配酸豆、檸檬和特級橄欖油Olive-e-Carciof Pomodoro 朝鮮蔔、橄欖和意大利咸魚配多士PIZZA II" /PASTA （Select any 2）［選擇2個］Vegetariano 雜菜Capricciosa 火腿、香腸、朝鮮薊菜、雞蛋Italia 白菌、香腸、意大利辣腸、意大利青椒Parma Gorgonzola e Cipolle 巴馬臣火腿、哥根蘇拿芝士、洋蔥4️⃣選1️⃣Pasta Bolognese 惹大利肉醬意粉Risotto ai Punghi 白松鷹香油牛肝菌意大利燴飯Linguine con Pollo & Punghi 意大利磨菇香雞扁意粉guine with Mix Seafood in White Wine or Tomato Sauce 雜錦海鮮意粉配白酒汁或茄汁DOLCE 甜品Tiramis Espresso ™Free Flow”濃縮咖啡（無限暢飲)🔸感想🔸無限咖啡雖然冇飲酒咁開心，但唔知點解又感覺上一年好開心，可能店員你態度非常有趣會令你會心微笑辣肉腸pizza，味道比較天然，唔會係啲味精重感覺食完個口好油膩。Pizza都做得幾薄皮，餡料豐富，可能唯一缺點係影相嘅時候會比較難攞得實，點咗海鮮意粉，醬汁唔會過多，海鮮食上去佢都新鮮小食的味道偏向意大利正宗，比較酸，未必個個接受。…Read More

📍蓮香樓有90多年歷史，中環老字號今年喺尖沙咀金巴利道開多分店，依然保留經典茶樓風味，吊扇、花磚、雀籠、茶盅齊，彷彿穿越時光感受百年前飲茶文化。人氣推介：🔸招牌山城麻辣雞煲（半） $178 — 用雲南野生菌、黑木耳、支竹、蜂巢豆腐燜煮，雞肉滑嫩入味，菌味香濃，好有層次感！🔸蓮香一夜情 $148 — 黃花魚醃製風乾一夜再香煎，外皮香脆鹹香，非常有特色。🔸蓮香燴松花蛋 $158 — 皮蛋炸過再燴，口感意想不到嘅香滑，古怪又吸引。🔸鐵扇公主炒飯 $148 — 海鮮配wasabi，創新中日合壁炒飯，新鮮又醒胃。🔸香茗 $18/位 — 傳統茶香，配齊點心最match！環境：兩層樓設計，24小時營業，一樓主打懷舊點心車，二樓以懷舊小炒為主，今次試嘅係「蓮香深宵夜樓夢」菜單，深夜時段提供(2200-0530)，氣氛懷舊又暖胃。蓮香樓帶你穿越時光，感受百年飲茶文化，再加上創新菜式同深宵時段，無論飲茶迷定宵夜控都啱晒！你準備好試吓未？😉…Read More

黃埔新天地嘅O Thai，真隱世小店，不是在Harbour Front 入邊，而是在Harbour Front 旁邊，戶外座位面向維港，夕陽同海景加持，好啱情侶浪漫約會，氣氛一流💕。餐廳由名廚Chef Amoo主理，30年經驗，食材新鮮，香料運用得恰到好處，帶你直擊泰國街頭風味！主打推介：🔸慢煮熟成和牛配青咖喱🔸 $268 和牛肉質軟腍，慢煮至入口即化，青咖喱香氣馥郁帶點辣味，配搭一流。🔸茉莉香米🔸$28用嚟配合青咖喱一流，一碗好食嘅飯係會能夠令餸菜加分，而呢碗飯就做到🔸九層塔炒豆腐 🔸$138 豆腐外脆內嫩，九層塔香氣撲鼻，鹹香帶辣，絕對係下飯首選。🔸芒果牛油果米子卷🔸 $88 新鮮芒果與牛油果香滑細膩，配合清爽嘅米子外皮，口感層次豐富。🔸芒果糯米飯 🔸$98 傳統甜品，糯米香甜軟糯，配上香濃鮮甜芒果，夏天必食！飲品推薦：🍸 荔枝馬天尼 $128（特價時段$98）清甜荔枝味融合伏特加嘅微辣與香氣，入口柔順，好似飲緊一杯夏日甜蜜。🍹 Pisco Sour $118 酸甜平衡的檸檬配合Isco酒，帶出層次感，清新醒胃，幫你重拾食慾。總括嚟講，O Thai有高級感的環境，座位非常舒服，加上維港景色，而且每一個牆身設計都非常精緻有品味，甚至連廁所都非常之靚，令我最後都忍唔住喺廁所打張卡呢度絕對適合帶另一半嚟食，而且相對上可以避開大量街客，唔使同人迫。…Read More

自從啟德開張後，盛事一浪接一浪，就好似最近我去睇愛隊阿仙奴 (亞軍奴😭) 對熱刺前，就去咗就近九龍灣megabox , 志明橋和牛頭角站之間的 海濱匯 (觀塘海濱道77號） 的Frites品嚐Stella Artois x Frites聯乘推出的 “ Frites Artois 酒食組合”，用上最出色的比利時啤酒及薯條，分別為大家都很熟悉的Stella Artois，以及附上香港地道配料的薯條 (招牌沙嗲汁, 麻辣蕃茄味粉, 孜然味粉)。實行未出發前先興奮chill一下 🍺🍻🍟當中我和朋友最喜歡的是孜然味粉，中朋友說有點似譚仔的土匪雞翼味道，個人覺得呢款薯條就大有點炭爐串燒的感覺，有點BBQ的感覺。至於麻辣蕃茄味粉，是融合茶餐廳番茄湯與四川麻辣嘅味道，當你喝一口輕盈酒身的Stella Artois後，蕃茄微甜更突出，同時都紓解麻辣薯條配上沙嗲汁是第一次見，帶點沙嗲的香味之餘，不會過分濃，令薯條點上沙嗲醬時不會搶去薯條原有的味道。呢三隻薯條其實都偏香小辣，配合Stella Artois特別清爽的啤酒，口感非常夾，一口辣一口爽☺️…Read More

身為男仔要約一個女仔去食乜嘢 如果個女仔朋友係食量大嘅去邊度先會俾人覺得你係red flag 仔？咁今次推介一下荃灣及佐敦海鮮任食放題的蝦蝦燒，賣點係6000呎大環境，大型BBQ放題並且有海量的選擇，由海鮮，熟食，雪糕，海鮮每日新鮮入貨，包括原隻鮑魚、扇貝、生蠔等，大家可以拿取喜歡的食品再回座位燒。環境方面，有唔少典型的標語座位，而煮食燒烤區的每行座位旁都有一條大水缸，裏面有好多隻生猛流水蝦，夾完之後放入冰筒浸（大家會唔會玩生燒大頭蝦就睇自己膽量同能力啦）蝦身厚肉入口彈牙。邊爐嘅湯底可選擇有豬骨、麻辣或蕃茄，最重要就係加＄1就可以蝦蝦燒晚市＄348…Read More

雖然大家都總係少韓國嘢嚟嚟去去都係嗰幾味，但事實上我又好鍾意食韓國嘢，因為我覺得每一道菜都真係好好食而且愛甜辣。而近來尖沙咀金巴利道韓國街，有一家頗具特色的韓國餐廳——南대(大)門3號，呢間小店屹立咗喺韓國街，足足有11年，走進這裡，你會立即感受到一股濃厚的韓風。雖然餐廳的裝潢簡約，但每一個細節都流露出韓國的文化魅力，讓人彷彿置身於首爾的小巷中。這次我們點了幾道招牌菜，首先是海鮮辣豆腐湯。這道湯品不僅熱辣鮮香，還有著滿滿的海鮮和嫩滑的豆腐，每一口都是味蕾的享受。緊接著是泡菜煎餅，外皮酥脆，內餡則是泡菜的酸辣，讓人忍不住一口接一口。當然，怎能不試試他們家的飲品呢？柚子燒酒是必選之品，清新的柚子香氣與燒酒的微醺完美融合，讓人陶醉其中。最後，我們還點了一份牛肉粉絲。這道菜裡的牛肉嫩滑多汁，搭配著Q彈的粉絲，在口中演繹了一場美妙的味道交響曲。南大門不僅僅提供美味的韓國料理，更是一個讓人放鬆的好去處。無論是與朋友小聚，還是獨自一人來享受一頓美食，這裡都會讓你感受到滿滿的韓國情懷。下次有機會，不妨來這裡一試，體驗一下這片韓風小天地吧！…Read More

起初約人去尖沙咀Bingo & Cook食飯嘅時候，以為係普通餐廳門面，入到商場之後見到好似好舊式咁，點知一入到去，就好似用隨意門去咗韓國咁，餐廳韓風味濃厚，多支燒烤爐配合一個龐大窗景的高枱位置，門外的Outsidearea好有韓式feel，大家可以食飯時，得閒攞住杯酒出去同人吹水都得，呢一種韓國文化係我個人比較嚮往的，就係食飯都要食得自由自在，開開心心，而唔係要坐定定係張凳度傾偈咁枯燥。回正題，介紹主菜先🔸酒精🔸🔹經典真露 🔹$80🔹芒果米酒 🔹$88真露四至五款選擇，典型得來卻是必備的，今次的樽身好靚，反而特登試吓啲生果製嘅米酒，芒果味非常濃郁，配合酒精，令到唔鍾意飲生果汁的我都會變得好鍾意飲🙂‍↕️🔸主食🔸🔹海鮮蔥餅 🔹$148海鮮煎餅係朋友最想點的，結果水準超出預期，賣相精美得來仲有唔少蝦粒同魷魚粒和韭菜，最驚喜係食上去唔算太油膩，就算很多人都喜歡的青椒絲同洋蔥絲，食上去都冇將海鮮的味道掩蓋，反而令到口感更加清爽，如果想點啲魚露都可以調下味🔹蜂蜜黃油炸雞（半份）🔹$130炸得香脆，唔會厚粉，食上去啖啖肉，薄身，雞肉嫩滑多汁，呢啲都係一直都想韓國食炸雞嘅理由，好彩呢度實現到。🔹Bingo特製紫菜包飯 🔹$80呢個Kimbap有埋芝士同牛肉，同埋黃蘿蔔，甘筍，青瓜，十雞蛋，菜，再加上韓式飯卷特有的醬汁，非常好食。🔹泡菜豬肉鍋 🔹$275認真地講，呢個豬肉鍋比想像中更加出色，當初因為食咗海鮮煎餅先放棄咗打卡嘅50 cm海鮮鍋豆腐滑嫩 ， 豬肉醬汁非常惹味，濃得來又唔會太油膩，而且切得好薄，易入口，食得出豬肉質素係高質。🔸後感🔸Bingo & Cook 呢幾年非常出名，好多人都話食過會印象難忘，今日所試， 價錢合理，食物高質，環境韓國feel濃厚，呢間會成為我以後帶人去食韓國菜嘅餐廳選擇。你認為呢間會係你心目中嘅選擇嗎？…Read More

🔹引言🔹位於長沙灣招牌Cafe Contrast一帶，一直都有不少新餐廳進駐，而其中位於Contrast隔離有一間橙色小店，叫 La Barra Spanish Tapas Restaurant La barra” 在西班牙語中意為 “吧台” 或 “酒吧”。加埋Spanish tapas restaurant” 指的以吧台或酒吧風格為特色，提供各種傳統的西班牙小吃和飲品的西班牙小吃餐館。餐牌非常豐富，主菜前菜小食都有最少三到五款選擇，再加上酒類有紅白酒到雞尾酒都有五至六款，以小店嚟講算係非常好。🔹內文🔹首先都係介紹酒先:🍷 #laya 紅酒來自西班牙Almansa地區的紅酒 ， 風味和結構多樣，果香重，層次感強。呢款Laya 則口感偏柔和順口，比較乾身，風味比較濃郁，朋友非常喜歡。🧊🍷 #sangaria 西班牙傳統餐前酒，一般以紅酒/白酒 +冰 +水果為主(都有啲會溝汽水），襯晒喺歐洲嚟講比較熱嘅西班牙。通常都會用啲單寧 (Tannin)比較少，果香濃郁嘅紅酒，配合各種水果，飲出嚟非常鮮甜，勁開胃。🔹🇪🇸 🍴🔹Fife is de pescado這道以西班牙短麵為主的魚塊料理，價位為 $168。麵條吸收了濃郁的魚湯精華，每一口都帶來了濃濃的海鮮味。魚塊則鮮嫩多汁，與麵條的口感完美結合。Churros w. ice cream & hot chocolate sauce價格為 $78，外酥內軟，搭配香濃的熱朱古力醬和雲呢拿雪糕，更是讓人驚喜。每一口都充滿了甜蜜的味道，無論是自己享用或與朋友分享，都非常合適。Gambas al ajillo (Garlic prawn)售價 $108。蝦肉鮮甜，搭配香脆的法國麵包，完美吸收了蒜油的精華。…Read More

位於太子帝京酒店 (Moko商場內) 的餐廳，當中3樓有一間可以望到獅子山風景的，糅合粵菜精髓及酸糅合粵菜精髓及川菜元素，由土生土長，紮根香港的區域中式廚藝總監江肇祺師傅率領酒店大師級中菜團隊坐鎮的”” 獅房菜”” 🦁🏠🥦除了餐廳名稱用上食字外，更大賣點是利用了中國經典文學<紅樓夢>為主題，此作品特色為豐富及多面，且細緻為主，切實地反映了每個角色在僵化的社會等級制度的掙扎。當然來到2025年，以紅樓夢為主題的晚餐並沒有這麼沉重，但不變的是每道菜非常細緻，口感甜酸苦辣皆有，就好像小說般，反映了角色的性格和不同的命運，而且餐牌佈滿紅樓夢小說中的詩句，侍應上菜的時候也會作詳細的餐食和基本文學講解，可以讓客人吃飯的時候更能了解當中的意義。🔸「大觀•十二釵」九道菜套餐（優惠價每位 HK$638（兩位起）🔸🔹席前道奉及陳皮雪梨茶🔹首先會嚟一些輕食和陳皮雪梨茶，作為暖 “腸” 之用，用上特選陳年果皮同雪梨，入口甘甜清潤，另配上無花果乾，士多啤梨等乾果，個人最喜歡是蜜桃乾，層次豐富 🔹前菜：史湘雲. 秦可卿. 賈惜春🔹史湘雲. 秦可卿. 賈惜春是紅樓夢中的重要人物，3人均為貴族，情格分別豪爽，多情感性，及善良。👩🏻‍🦰冷豔芍藥（史湘雲）：深啡色的為洛神花啫喱，入口酸甜，清爽的口感如史湘雲般豪爽的性格。👩🏻‍🦳棗泥山藥糕（秦可卿）：白色的山藥糕，外層煙靭，內餡充滿棗香，細膩的口感如泰可卿多愁善感的性格。👱🏻‍♀️洛花金酥（賈惜春）：酥炸玫瑰花的外皮包裹着蝦、豬肉、雜菌炒成的餡料，像雞批的口感，櫻花外形如角色 “獨卧青燈古佛旁”的結局。🔹金湯・菊花・刺參（探春）🔹以菊花點題，湯頭先以豬肉、豬筒骨及老雞熬煮，之後放入紫菜及原條刺參再煲煮至軟腍後，灑上鮮菊花奉客。千里東風一夢遙，飲上去，或者會聯想到，小說中賈 探 春遠嫁出門的感覺。🔹煎封•海鹽•白鱈魚（薛寶釵）🔹餐廳介紹: 鱈魚外皮煎至微脆，魚肉細膩嫩滑，配以迷迭香和海鹽提鮮，簡單卻鮮美。個人很喜歡這道菜。🔹茄鯗•鵪鶉蛋•黑毛豬（王熙鳳）🔹麻辣魚香調味，慢煮後煎香的黑毛豬腩切片，搭配鵪鶉蛋和茄子，辛香惹味，完美呼應王熙鳳的潑辣個性🔹松茸•獨子蒜•元貝（李紈）🔹鮮甜大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🔹玉簪・鮑魚・金錢雞（元春）🔹南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一🔹花膠・銀杏・苦瓜・蘿蔔（林黛玉）🔹大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🔹玉簪•鮑魚•金錢雞（賈元春）🔹南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一）🔹花膠•銀杏•苦瓜•蘿蔔（林黛玉）🔹蘿蔔雕成小盒，內藏苦瓜、銀杏、豆腐、花膠等，甘香與軟滑兼備🔹鹹魚•星斑•泡飯（巧姐）🔹濃郁鹹魚湯底裡混入香炸星斑、爆炒鹹魚、燒肉、蝦米和香芹，鹹香撲鼻。紅脆米混入白飯增添口感，湯飯暖胃又滿足！本人本身唔係太喜歡食泡飯，但食上去，混合彗星班，感覺每一啖都非常滋味。🔹珍珠•紫薯慕斯（賈迎春）🔹白朱古力外殼包裹細膩的紫薯慕斯，內藏紅豆爆爆珠，旁邊更有白酒啫喱，配搭可口創新另加餐酒配對每位 HK$368另正價加一服務費Lion Rock at Royal Plaza Hotel presents紅樓夢其實是一種象徵主義及語言，相信餐廳希望以紅樓夢為名，令每個顧客都好像進入了夢境一樣，並且像紅樓夢一樣，成為中國文學最偉大作品之一。…Read More

茶記 ，冰室，不起眼，但卻可能佔據不少人生活餐單的日常。因此，一間好的茶記，其實有佢的存在價值，今次要介紹的，位於油塘地鐵站 (A出口)的大本營商場，好方便住係東九龍的大家，地鐵一出5分鐘到，有自動電梯，落雨都唔怕。而且，佢有專業咖啡師同咖啡機，加上環境用上了港式淡綠色的裝修設計，設計開揚，採光度十足，牆上還掛着特色菜式的插畫。令大家感受到與平常截然不同的「茶記」體驗。可以又食得飽又可有 cafe 的 relax 感。午晚市有主打的鐵板餐，羅宋湯，炸麒麟髀拼薯條，卡邦尼餐肉炒一丁 ，黑松露蝦仁炒蛋飯，選擇又大份又豐富又中西合璧。不過今次就體驗反工前食的早餐，叫足2份，保障到一陣體力勞動工作的氣力。🔸鬥士鯪魚炒蛋三文治🔸($54)店舖的三文治選擇又大份又特別，好似有勁蔥鹹牛肉炒蛋三文治，芫荽三文治，但今次點咗一個喺出面茶記自己冇見過的 “鬥士鯪魚炒蛋三文治•烘底•芝士加「港式奶茶•茶走.茶走好貼心，甚至可以俾你選擇少奶少甜，茶你感覺都出色，你會飲到佢哋喺水溫調校同拉的力度時間都恰到好處喺最近茶餐廳咖啡水準慢慢下跌嘅時候，呢間我覺得會係幾可貴。豆豉鯪魚三文治，用上好多雞蛋去包圍，令食上去時一啖豆豉鯪魚一啖雞蛋都幾特別🔸香煎雞扒🔸香煎雞扒|火腿•配太陽蛋 | 茄汁豆 | 方包＄81•牛油方包|加配薯餅|配桂花蜜糖鮮奶咖啡•熱•×1就咁睇雞扒套餐配麵包好平凡，但呢間餐廳最好嘅就係多選擇，例如除火腿可以揀腸仔或午餐肉，蛋多變就正常，之後麵包都有方包同多士可以揀，仲可以不停加嘢，我就加咗薯餅啦而覺得最特別嘅係可以加不同嘅咖啡或者特飲，好似檸檬蜜糖梳打，立刻啡，蜂巢鮮奶咖啡，草中莓你不行，大檸樂，抹茶鮮奶紅豆等等，選擇非常多，包括一個星期坐七日都唔會悶。整體我都好滿意環境同埋佢哋多食物選擇，飲品真係有啲似去咗Cafe咁樣，有基本拉花，用手機QR code落單除咗方便，個Menu都好清晰，包保唔會落錯。理論上坐全日都唔會悶，當然佢哋生意咁好好難坐成日。雖然食一個早餐係正常$54再加$27換咗杯咖啡，但如果以Cafe價錢嚟講，又反而係平咗…Read More

香港的日本餐廳其實已經多得好像身處日本一樣，因此除地點之外，需要有特別賣點，焱丸水產主張磯燒，即是將最新鮮、從世界各地海洋捕捉到的魚貝類，空運直送，餐廳會仿效傳統磯燒，即時從店內自設的魚缸”捉魚”，然後有專人即時用烤爐燒烤，就好像古人會即捕即時即煮般。單論這點，已很吸引。環境上，有點令我回憶起當日在沖繩的居酒屋，以木系裝修及多張傳統日本風情畫，充滿異國風味。無論如何，先看今次食咗乜:🔹焱丸活貝大盛🔹$398餐廳招牌作，必點之選，有生蠔(牡蠣)2隻，鮑2隻，白蜆(珍珠蜆) 4隻，及日本扇貝2隻，會食到真有海水味，而且每款都味道鮮甜，而且一如磯燒優點，能夠均勻加熱，不使用過多油脂，保持更多營養成分，基本上會比較健康。而且專人幫你燒，基本上不用害怕自己燒得唔好。🔹蟹味贈甲羅燒 🔹$78另一款餐廳必點的海鮮料理，用🦀甲殼作為容器，然後將蟹肉，鵪鶉蛋，蟹膏，魚子，蔥花等配料放入去，十分吸引眼球，再由職員幫你放上爐上面燒，個人非常喜歡，超好食，味道非常濃烈得黎又唔會過鹹，🔹日式甜醬牛肉鍋 🔹$158黎到居酒屋，食鍋係一個最好選擇，因為乜都有，賣相又靚，今次點嘅日式甜醬牛肉鍋入面有牛肉，雞蛋，金菇，冬菇，豆腐，娃娃菜等，日本好多特色都係甜甜的，好似咖喱咁都係偏甜，所以呢個牛肉鍋甜甜的，的確會令你有身處日本的感覺。🔹三文魚中卷🔹$88三文魚🍣壽司大大份，可以點Mayo ，個人覺得幾好食，起碼餡料豐富。🔹吉列帆立具🔹 $78點呢個為咗當煲前/烤前小食用，外層都炸得算香脆，入面食上去都鮮甜，保留到自然的鮮味。…Read More

啟德是個好地方，除咗有啟德體育園之外，附近嘅的3個零售館，以及airside ,加上交通方便，位於新蒲崗同九龍灣之間，加上地方大，空間感強，因此最近約人都會選擇喺啟德，如今次就會介紹位於啟德Airside 6樓的浪谷。🔹環境🔹環境很優雅，有室內外，室外為梳化坐位及寵物友善區，晚上會放一盞藍色夜光燈，保持黑夜情調之餘，也有一定燈光。室內樓底高，採用了藍色海浪包圍的感覺，往2樓的洗手間時，可以將整個現場環境一覽無遺。餐廳內部都分為幾部份，有酒吧區外，用餐居有分2區，地面高一級的用餐區可以近距離欣賞滑浪區，感覺好好玩 。 火坐位基本上都是卡位為主，感覺每個座位都很舒服很享受，不會有擁擠感覺。🔹飲品🔹我當然盡量每餐都會點酒飲，呢間雞尾酒本來不大期望，但出到嚟幾有驚喜，自己點咗Aloha Surfside（神植團原黑蘭姆酒！種植園菠蘿酒|皮爾-費蘭干型柑橘酒|新鲜百香果）外型首先好吸睛，你會見到菠蘿外型嘅杯好有美感而質素上，認真地講，調酒師嘅水準有專業手吧的水平，利用咗泰國不同的新鮮水果，做出一杯平衡感適中的雞尾酒，水果的鮮味同烈酒層次感分明。而餐牌上同時都有其他泰國風雞尾酒，好似似冬陰功Mary，對此個人非常推介佢哋嘅雞尾酒係去餐廳必點。朋友點龍眼冰賣相都吸引，而且龍眼都好大粒，朋友都話龍眼算鮮甜
🔹食物🍽️🔹🔸三文魚刺身，配泰式辣汁🔸新鮮三文魚配辣椒酸橙醬，泰國香草及脆葱呢碟菜係我最喜歡食的一道菜，三文魚很新鮮切得很薄，配上香草等香料，吸引度大增。🔸泰式海南雞海南雞配”浪谷”招牌🔸份量半份嚟講算幾大, 有薑蓉、黑醬油同醒辣汁。黑醬油偏濃甜，以及偏酸帶辣嘅辣醬。🔸冬蔭公湯 🔸用泰國香草，檸檬草及虎蝦製成的香辣海鮮湯同一般泰國的冬陰功有少少唔同，呢個食上去係幾清嘅感覺，味道冇咁辣，但材料都豐富，撈白飯一流。🔸印度薄餅🔸 奶油烤餅兩件，非常適合單獨沾食或品嚐起初以為餐廳係泰國餐廳，但諗唔到有印度奶油烤餅賣，個人非常喜歡印度奶烤餅。🔸泰式妙通菜🔸脆空心菜，用咗大蒜辣椒及醬油炒一齊炒，感覺幾通脆。🔸經典芒果糯米飯 🔸甜熟芒果配椰奶，糯米飯及烤芝麻甜品個設計幾有心思，好似一朵花咁樣，而且個士多啤梨係有心形形狀芒果食上去都鮮味，略嫌飯嘅份量可以再多啲。價錢唔算貴平均每碟$70起配呢個環境值…Read More