呢間小店係朋友介紹，話值得一試，抱住試下無妨既心態就入左去元朗。去到發現舖頭雖然細，但都有分Bar枱同普通枱，我地今次係坐bar枱望住師傅整壽司比我地。雖然唔係食Omakase，但師傅係逐件壽司上比我地，呢一點幾好，壽司飯放得耐會硬左，而師傅咁樣處理就可以避開呢點。同朋友叫左啲刺身同小食share，所有刺身都好新鮮，叫左粒貝，赤貝，新鮮鯖魚唔同坊間用醋處理過，一啲醋味都冇，將魚皮燒一燒，一啲都唔腥仲好好味！仲有原隻海膽，即開即食 新鮮好味😋小食大推脆炸川海老(炸白蝦)👍🏻👍🏻👍🏻👍🏻 呢個真係唔係周圍都有，白蝦連殼炸到好脆，送酒一流。牡丹蝦壽司 - 呢到會將蝦膏燒左再放係蝦面比客人食埋👍🏻👍🏻👍🏻燒過既蝦膏好香，令到成件牡丹蝦壽司口感更好更香。最後仲有燒吞拿魚魚鮫，魚鮫個調味好好，配埋烘過既麵包同日本蕃茄切成蓉一齊食簡直係絕配。日本蕃茄蓉好甜同埋麵包減輕左魚鮫既油膩感。雖然好邪惡，但下次都會再食😂整體用餐非常愉快，係一個同朋友聚會既好地方…Read More
